صب الدمع ياجفني * اوياقلبي هيج ابوني
الليلة وفاة الباقر **الليلة وفاة الباقر
ـــــــــــــــــــــــــ ـ
يماي احزاني المحبوس بالأجفان
أريدك تهمي الليله همي الغدران
وانـت يادليلي نــــــوح بالأشجان
هالليلة إمامي غاب بالتـــــــربان
يادمعي من دم إجري **اوياقلبي وقد جمري
اومايهني جمرك شاجر** الليلة وفاة الباقـر
ـــــــــــــــــــــــــ ـــــــ
يادمعي إلك مرخوص تجري ادموم
اوهاي أبسط مواساة اتعرضها اليوم
اوياقلـبي تمنيتك جــرعت اســموم
لجـل تتــألم آلام الكــضه مسموم
للباقر أرخص عمري ** واتمنه حفروا قبري
وآنه ابمماتي ظافر** الليلة وفاة الباقـر
ـــــــــــــــــــــــــ ــــــــــــ
يادمعي مــحال الليلة تعــصيني
على خدي دسيل وابجي خليني
ترى امصاب الحبيب اشكثر ماذيني
اومــاأرتاح إلا اودمـــعتي ابعــيني
كل راحتي بالدمعه ** اوعالباقر ابجي اوأنعه
وآنه ابمصابه حاير** الليلة وفاة الباقـر
ـــــــــــــــــــــــــ ـــــــــــــــــ
من زغره الإمام الباقر اتــــمرمر
حمل مهجة ابلهيب النايبة تسعر
ابفعل جيش آل اميه انسبه واتيسر
ا ومن طف كربله اوياه الحزن يكبر
واليسروه ابزغره **سمو جبدته ابكبره
اوياقلبي صيح اوجاهر **الليلة وفاة الباقـر
ـــــــــــــــــــــــــ ــــــــــــــــــــ
سكن أرض المدينه اوبيه مضت أزمة
هـالأزمه اهضمته اوزيدت همه
عاين والده ايلــوج ابألم ســمه
وبنفسه حفر كبره اودفن جسمه
عوده انفقد من عنده** وادموعه تجري الفقده
اوخان الزمان الجاير ** الليلة وفاة الباقر
ـــــــــــــــــــــــــ ـــــــــــــــ
أبو الصادق سمي المصطفى جده
بعد كل السنين المضت بالشده
هشام الطاغي سمه اوفطر الجبده
اودنيانا تغشـاها الحـزن بـــــعــده
نبجي ابحزن مولانا ** وبن الحسن ويانا
والمهدي لاشك حاضر** الليلة وفاة الباقر
رد مع اقتباس
