هنا

[راما]

الكل مجرب قهر الخطوط البالجامعه (الستاركس)
تاخير......
وانتظار الطلاب.......
واذا ما رادوا إروحوا كم واحد لازم ميطلع الخط النا ومو مشكله اظن احنا مخلينا مخفي غير مرئي
كلها بصفحه بس توصل المواصيل بالبشر انه البالسيارة مكبلين هذه الميحتمل وشو الحل ناس عديمة اخلاق وميراعون احد واليقهر اكثر انه البنت (أ) تقدم نصائح وتحذر من هالشغله ويوميا موعظه وتقرء قصص واعظه واحنا الحمد لله محترمين نفسنا وعاملين حساب للله وعباده لا والشاب (ي) لاعب دور الدوق جوان ويوميه ورده امام الملأ........
قراءة ومراجعه محاظره هذا شيء مستحيل مجرد ما نوصل البيت الشاب فتح الفلاش بالسياره و وبدات طلبات المستمعين واغانيه فكلمه من المحاضرة والباقي اغنيه اكمل التعريف والله صار بيه هذه الموقف بالامتحان ولازم نسمع اغاني حسب حالتهم المزاجيه اذا راضين مفرحه واذا مزاعلين كله هيثم يوسف وشو كدرتي
وبعض الايام فتحوا اغاني ما تنسمع وعيب والله زهكنا وهذا حال معظم الطلاب شنوووووووو الحل ارجوا مساعدتكم

[last samurai]

[Samer]

مرحبا ..

هذه المشاكل بسبب سكوت (اللي ما عاجبهم الوضع) .. يعني لو اني كنت بخط مال طلاب .. و صارت هذه الحالة ..اتكلم بهدوء (بدون عصبية) و اوجه كلامي للسائق بس الكل يسمعني كذلك

(اخوية ممكن تطفي الأغاني لأن ما أريد اسمع و اللي يريد يسمع أغاني كلها عدها موبايلات و هيدفونات ويكدرون يسمعون كل واحد حسب مزاجه لأن اني اريد اقرأ وراسي يوجعني من الصوت العالي)

ممكن تحصلين مناصرة من طالب او طالبين وياج بحيث تحققون مطلبكم .. وإذا ما صارت الإستجابة من السائق او الطلاب ممكن (تعدين العدة) لتغيير الخط . و إذا كان هذا الخيار غير متوفر فماكو أمامج خيار للاسف غير الاستمرار بالخط التعبان هذا

للاسف الناس ما تفهم شنو معنى الحرية .. الحرية مو انه تشغل الاغنية بعلو صوتها بالسيارة .. الحرية أنه ما تفرض (ما تريده انته) على الناس (اللي ممكن ما يردوه) .. السيارة مكان عام .. مثلها مثل اي مكان عام آخر مخصص لأكثر من شخص مختلفي الطباع، من حق الجميع أنه (يركب بس) بس انه يمارس نشاط يأثر بيه على الآخرين سلبا هذه هي الدكتاتورية والتخلف بعينها

أما قضية الطلاب يتأخرون .. فهذا هو خط الطلاب .. ممكن يصير اتفاق مع السائق انه اذا صار تأخير من اي طالب بعد ساعة كذا نترك اللي يتأخر .. و بالنسبة للي مكبلين بالسيارة .. فـ لله في خلقه شؤون

تحياتي

[راما]

شكر ا اخوي سمير والله كلامك واساني

[ياسين الجبوري]

ميستحون والحرية صار معناها قلت ذوق

[قمر الدجى]

يفضل ان انتي اتبادرين وتكلمين هؤلاء انهم يسببون ازعاج .. ليس لكي تحصلي على راحتك
بل لانه من واجبك توعيه هؤلاء وتثقيفهم بان ممارستهم للحريه بهذا الشكل هو تخلف بمعنى الكلمه
كل ماعليكِ فعله هو اعطاء رأيك بصراحه دون مخافه لومه لائم لانكِ سيده مجتمع وينبغي ان تمارسي دورك في بناء المجتمع ولو بلقدر البسيط
وكوني على ثقه ان اخبرتهم بانهم يشكلون مصدر ازعاج سيعطي ذلك لك ِ الثقه والاراده في مواجه اخريين في المجتمع ينبغي محاسبتهم

شكرا لك ِ

[راما]

فعلا كلامك درر........شكرا لك خلاص اني تركتهم وهسه الحمد لله مرتاحه اخر راحه من كافة النواحي