هنا

[ارجع يازمان]

إهداء للغالين
حسين الساعدي

مره سئلت الورد محتاج أشمنك
واستغرب ابحاجتي وكال الورد يمك
وكالالي عنك حلو لمن حجه عنك
وكالالي هذا العطر هو الخذاه منك.
ااالساعدي








--

راح أسب حته الخليفه!!
حسين الساعدي
؛؛؛؛؛؛؛
ما أضيفه
هالمضيف الماقره الصفنات بوجوه اليضيفه
ما أضيفه
إولا أجر خطوه االمضيفه!

وستحت حتى السوالف
وأنه أكولن مايخالف!
وعمت عينه الظم رغيفه
وصَفن ادموع الشريفه!

الدمعه من تصفن عجيبه
يعني موجوده مصيبه!
ويامصيبه الصفنت حته الدموع!
وياعجيبه الحره من إيضكهه جوع!
وهيه شعره ابهل مضيف ابين متوكحه وعفيفه!!
ما أضيفه

لا تباهي
يلي بيهم ما تبالي!!
ابقصرك وضي الليالي
وأنته مهما اتكون عالي
وأنته مهما اتكون غالي
ما تجي ابسعر الصريفه!
البيها ضحكات الموده ابلا دغش ضحكه نظيفه!
ما أضيفه


لا تجامل
وياغراب اليوصل الرقة بلابل
الصفكه للشبعان عالفقره قنابل
لا تجامل
أحنه جوعانين بس نعرف نغازل!
وماتلوكنه السياسي وما نجامل
ابلا وضيفه
الجوع كون اسمه خليفه
راح أسب حته الخليفه
وما أضيفه
ااالساعدي

------------------------


-
ياعراق
السوه جيرانه تمام!
وصاير الشعبه ملام!!
صبغ اسمه
ابفيض دمه!
بلأسم دار السلام
وهو دار الانتقام!!
رغم خيراته ويعاني
اشكد يعاني!
وخيره شح اعله الصواني
والفخر للبرلماني
ابسرعه عباهه ابكواني!
ياعراق وما نعاتب
والعتب يرجع علينه
وانت طيب ما تحاسب!
طيب ونفسك حنينه!
والذنب جبناه بدينه!
وجاملينه
وصفكينه
لمن ما طاحت ادينه!!
هاكثر وشكد نجامل
وهسه نسمع خبر عاجل
فرغو كل الخزينه!
فرغوا كل الخزينه
ااالساعدي



-----

يفلان السوالف خلها بعدين
وسولفلك عليهن وحده وحده

ويردك زمانك تعرف امنين!!
وأسمعنك حجي الحيلك يهده!

ضلت دمعتك مضمومه بالعين
والوياك دمعاته اعله خده!

وأنه امساهر ابليل المحبين
وانته النايم ابذيج المخده!

كل احلامك ابنص البساتين
وأنه الحلم جاوزني وتعده!

طايح وَنحسب ويه المساكين
وانته إبخيرك الزاد إوتبده!

وياهو الطايح و يتغده بالدين
وياهو البينه بأشكال ايتغده!!!

ويسئلون عني وين ماوين!
وتكلهم عفت ضحكاته عنده

تكلبها الحقايق والموازين!
لََسويها عليك اليوم شده!!

وَبدي امعاتبك بلشينه والزين
وأريدك كل دمع عيني ترده

وَنطيك الدرس لتكلي بعدين
وهذا الدرس ماريدك تصده!

خيرتك تعال ابهاي الاثنين
وشتختار خلينه انتحده!

بليستقبل أحبابه ابهلاوين
وبين البلوجه بابه ويسده!

لتحط الورد ويه السجاجين
ولتساوي الحقد ويه الموده!

الفخر مو لليجمع بلملايين
والكاطع اِخوته إوما تَهَده!

والفنجان يخجل بالدواوين
لوما هزته الأيد الترده!
لوما هزته الأيد الترده!
اااالساعدي
-
-

خدعني ابكلمه موزونه
اجه ورتبها بظنونه!

ما يدريني هالظالم
أقرء القصه بعيونه

والقاهرني هالعالم
يلوموني ويعوفونه!
ااالساعدي
-


جاي وجكاره وجذب!!!
حسين الساعدي
//////////////

شاي ؤجكاره وكذب
جلسه ابهوى الغيبه

ماسلم منها نسب
كل واحد انعيبه

لو خلصينه العرب
بالأفك والريبه

للعجم نسلك درب
ونعيب كل هيبه

وننبش الميت غصب
ونجر شراشيبه

لازم نحمله ذنب
بالطاري ونجيبه

للنفس صورة محب
بس بالأصل ذيبه

نعتقد احنه الذهب
باقي البشر خيبه

ونعتلك نار وغضب
للجابنه ابعيبه

وَعد المنيه كِرَب
لتكول مَدريبه

عطاب راسك عطب
وتغطه بالشيبه

للقبر هسه تطب
وتشوف تعذيبه

للنار تصبح سَبب
يل ما إلك طيبه

وهناك والد لَهب
شاركك بالخيبه

يستقبلك بلحطب
هوَ إومعازيبه

ااالساعدي
=


بطلنه الهوى وسدينه الكلوب
من مات العشك عد اليحبون

وبطلنه نفووت ابهاي الدروب
وقبل المغربيه إنوم العيون!

صعبه ابهلزمن وتلاكي محبوب
يوافي اوياك ميخليك مطعون!!

والمسكين لازم يبقى متعوب
صاير هالزمن بس لليدفعون!!

إوصارت للمصالح يلبس ثوب
ولهذا تشوف اشكد يلبسون!!

وشفنه ايامنه غطت بالذنوب
ومشاعرنا صفت بيد اليلعبون!

والخوان جان ابعقله ملعوب!
هسه ابهذا عقله ولازم ايخون!

حسافه واليوافي امترس اعيوب
يشوهون ابسمعته الما يوافون!!!

احنه الشجعيناهم فرد نوب
ونتباهه ابخيانتنه إويصفكون!!

وقيس الخالفانه ابدمعته ايذوب
دكيناله طبله وصار مجنون!!
االساعدي
7


أرد اقطعك يا كلب دخت ابهواك
دَ وَختني ابشوكك المحبوبك

تشتري الباعاك ما أدري شجاك
إوتَعبتني اهواي هاي ادروبك
االساعدي

-----
إذا طَبن الجادر!!
حسين الساعدي

××

إدموعي امهدلات وصوتهن صوت
بس يتأجرن يوم النوايح!!

إذا طَبن الجادر يشرد الموت
مثل زلزال ويخَلف ذبايح!!
ااالساعدي
2


تنومني اعله ايدك
وتصحيني اعله ايدك

وتحلفني كل يوم
حتى احلف أريدك
ضاع العمر بجنونك-مثل الطفل بعيونك
أريدك والله اريدك
أريدك والله اريد----------------









-----------------

كلشي ما طايح بدينه
الدنيه مَرسومه رَسم

تنفرض كوه علينه
وينفرض حتى الألم

اشكد تمنينه وحجينه
ما تحقق كل حِلم!

ابواقع الدنيا مشينه
نمشي ونَفذ حُكم

ابلا جَريمه اتعاقبينه
يعني لازم ننسِكُم!

ابسبب تفاحه لِفينه
الدنيا مليانه عَدم

احنه من يوم الإجينه
همه سمونه إبأسم

والأقدار اتسير بينه
ابكلشي ما عدنه عِلم

ابهل ادوار إومثلينه
والزمان أكبر فِلم

الشاعر
حسين الساعدي

---------------------



وبصفناتي طول اليوم وياي
ما عندك شغل باقي ابصفنتي!

ولخاطر دمعتي اتريح ابهاي
وبلخدين خل تلعب دمعتي

أنه دموعي جهال إوعيدهن جاي
ومشتاكات اسمعهن صرختي

وألاعبهن عله الخدين بهداي
والمرجوحه يلكنهه ابوجنتي!

محرومات حيل وفرحن اهواي
وِنهَدن فرد هده إبفرحتي!

لازم كون للدمعات وَفاي
أصيرلهن الما عافن صحبتي

تمثال إوصرت للرايح إوجاي
ما أدري اشحجو وانه ابوكفتي!

وما أدري شيصير ابهايه دنياي
لأنك ما تَسولفلي اعله وَكتي!

مره وبلسنه وعلمني يهواي
وشنازل جديد ابهايه قصتي!!

وأعرفك زين باللوعات عناي
ما تحجيلي اليطلع ضحكتي!

أنه الضيعيت الشور والراي!
وصدكت الوهم والحد حفرتي

وأنتَ الما تهمك هايه بلواي
تتونس عله اجروحي إبلجمتي
تتونس عله اجروحي اِبلجمتي
ااالساعدي
5

خليني اعله بالك والدموع اتهون
بأسمك حيرت حته اليلوموني

تذكر وبوداعك ضيعيت اعيون!
والشمات اجو كامو يدلوني!

دَلوني الشماته وأفهم المضمون
جابوني وبحلك الموت ذَبوني

وكالولي نساك وكامو ايضحكون!
ولمن جابو اسمك وانخطف لوني!

كتلهم يحبني ابكثر هذا الكون
وباجر يرجع إوما يصبر إبدوني

أحلفنك ابربك وأنه الك ممنون
أذا سئلوك شماتي اليكرهوني

كلهم حيل احبه اشعجب ماتدرون!
وهجرك هذا جان الخاطر اعيوني!

ااالساعدي


-----------------
------

أنه متعجب عليك ابهل أمر
اشلون عيد وعيديت اويانه!

والورود اتداينت منك عطر
والليالي ابشوفتك فرحانه

بالله ياشاعر يوصفك بلشعر!
وياجمالك مايصح عنوانه

البارحه اتعاركو روحي والنظر
وكلبي هد ابونته التعبانه

والسبب كله ابجمالك واشكثر
رادوا ايوصفونك ابملكانه

صممت روحي ابوصفها وتعتذر
انته جنك مشمشه وريانه

والنظر خالفها ما عدها عذر
وكال عنك بالظبط رمانه!

والكلب هد ابونينه ويعتصر
وخالفاهم واشتعل بركانه

وصفاك ابلوحه راسمها القدر
تختلف عن البشر والوانه

وصفاك اطيور وعيونك بحر
والعيون الشوفتك عطشانه

وَصفاك الكمر يا ضي الكمر
والدليل ابوجهك الضوانه

انته نازل بلغلط ويه البشر
ياكمر وشنزلاك اهنانه!!
ياكمر وشنزلاك اهنانه!!
االساعدي
6


لتساوم ابصوتك وبسعر صوبه!!
حسين الساعدي
؛؛؛؛
لتساوم ابصوتك وبسعر صوبه!!
وبيوم القيامه الصوبه تبرالك!
ويلعبون بيك اويه الشعب طوبه
با مطره التغركك أنته وأطفالك!
ميفيدك حرامي انكشفت ادروبه
وباجر هو راح ايصير جتالك!
عاين عل يتيم الما يذب ثوبه
يستنظر ابصوتك توصل أفضالك
ليش اتزيده وبمأساته وانوبه
تمشي وترتشي وتجيب دَجالك!
شتفيد الرشاوي ابدنيه مكلوبه!
ساعه وترتحل وتودع اعيالك!
لو رايد تتوب إوتعلن التوبه!
اطلع وانتخب والنيه تصفالك!
وبالك تنتخب من فاحت اذنوبه
صَوت للوفي وتتحقق أمالك
صَوت للوفي وتتحقق أمالك
ااالساعدي









0

شوفتك زفة عرس!!
حسين الساعدي
؛؛؛؛؛؛؛؛؛؛؛؛
حيره محتار ابزماني---كَلي وين الكاك اني
أنته يل وجهك شمس
وشوفتك زفة عرس
كاعد ابدربك وأتاني
و حيره محتار ابزماني
///////////////////////////////
ياغزال البلجزيره
هَيم إاصكور الجَبل
أيست والحيره حيره
و ما بقه عندي أمل
ضيعت حته العشيره
لأجلك وعفت الأهل
عايف الناس اعله شانك -وأنته شَحيت ابحنانك
شووف يعني اشكَد أعاني!
حيره محتار ابزماني
/////////////////////////////////
ياأمل روحي العليله
يادوه الكل الجروح
والعمر وياك ليله
يركض وخدك يفوح
ليش والرادك دَليله
عفته بلحيره وتروح!
ليش عايفني ابملامه - وشامت ايغثني ابكلامه
ايكووول محبوبي نساني!
وحيره محتار ابزماني
////////////////////////////////////
حيره محتار ابزماني---كَلي وين الكاك اني
أنته يل وجهك شمس
وشوفتك زفة عرس
كاعد ابدربك وأتاني
حيره محتار ابزماني
ااالساعدي










8
ولا تستاهل الومضه!!
حسين الساعدي
؛؛؛؛؛؛
ما ضلالي واهس بيك
وبغيرك صرت أرضه
ماأسئل حبيبي اشبيك!
تزعل ترضه ما ترضه
وما ترجع ركضتي اعليك
أسابك كلبي بلركضه
إذا تزعل صحت لبيك
وبلِيزعلونك أتشضه!
شاعر والهوه ايناغيك
ومضاتي لك تفضه
ما أدري الغدر تاليك
ما تستاهل الومضه!
وبذاك الغله وشاريك
حسبالي ابربح احضه
لكن والخساره البيك
خلت عمري يتكضه!
يغارن لو جبت طاريك
إشكد حلوات معترضه
جنت متوهم امسميك
من دون البشر فضه!
وجان المستحه ايوافيك
وأنه ابمايك اتوضه!!!
هسه وما أعرف اشبيك
كلبك دايخ ابنبضه!
مجبور أبتعد ما جيك
لا هجرانك اتفرضه!
وبعد ما أقبل اتماشيك
عيني وبيدك امغمضه
وأدري احجايتي اتبجيك
البيني وبينك إنفضه
حضي الما تعدل بيك
يخايب كلمن وحضه
يخايب كلمن وحضه
ااالساعدي
-









4
هداء الى امي الغاليه والى كل الامهات
امي خبزة عافيه ابيوم الحصار!
حسين الساعدي
،،،،،،،،،،،،،،،،،،،، امي خبزة عافيه ابيوم الحصار
امي ياجنة المشت فوك الأرض
امي رحمه وما تمل الأنتظار
وصبرت ابمأساتنه إبطول وعرض
امي يوم الظلمه نلكاهه منار
و تطرد الخوف وتخليه ينقرض
وهاكثر نتمرض واحنه الزغار
وتاخذ إمن اجسامنه كل المرض
والبشر عنده غرض وبكل قرار
لكن امنه من تحبنه ابلا غرض!
وأيد ما منت عليه ابكل مسار
وجَني أمر والطلب ما ينرفض!
امي أيه وما تعرف الأعتذار
وسورة الرحمن لازم تنحفظ!
امي تستاهل أعوضها الدمار
فوك هذا والله فارضها فرض!
و بلمجازه والله فارضها فرض!
ااالساعدي
8

من ابعيد وابعث لك تحيات مساجلتي مع العملاق حسين الساعدي
///////////////////////////////////
مريم
الك ديوان بأشعارك
ودله وما طفت نارك
نحب يالساعدي أخبارك
وجينه اليوم خطارك
سلامات
من ابعيد وأبعثلك تحيات
-----------------------
الشاعر حسين الساعدي
سواعد والبخت بينه
زامل وبدواوينه
ازغار اكبار تلكينه
ما خاب الكصد لينه
--سلامات
من ابعيد نبعثلك تحيات
---------------------
مريم
الك بيرغ والك شاره
ابخت زامل وخطاره
والك هوسه إمن العماره
كتبها حسين بأشعاره
سلامات
من ابعيد نبعثلك تحيات
---------------------
الشاعر حسين الساعدي
يمريم بالجرح لمي
كلبج ما دره ابهمي
جتلني وما وصل يمي
سواعد واخسرو دمي
سلامات
من ابعيد وابعثلك تحيات
------------------------
مريم
الك عيني وضوه عيني
الك كل عمري وسنيني
فدوه ابروحي دليني
اذوبن من تلاكيني
سلامات
من ابعيد وابعثلك تحيات
------------------------
الشاعر حسين الساعدي
الك صوره والك ومضه
والك نظرات تتشطه
احبك ترضه ما ترضه
روحك ليش متمرضه؟
سلامات
من ابعيد وابعثلك تحيات
-------------------------
مريم
الك كل يوم نتعنه
جبير ابكلبك اتلمنه
وأبد ما نكطع الظنه
شنهي الصار فهمنه
سلامات
من ابعيد وابعثلك تحيات
-----------------------
الشاعر حسين الساعدي
الك لو ما الك جيه
يل حبك لعب بيه
تعال وشوفني اشبيه
ولك سهران ليليه
سلامات
من ابعيد وابعثلك تحياات
-----------------------
مريم
ولك سين ابوسط اسمك
ولك بعيوني ضل رسمك
أحبك أكثر إمن امك
لا تحزن ولا ايهمك
سلامات
من ابعيد وابعثلك تحيات
-------------------------
الشاعر حسين الساعدي
ولك واسمك يعذبني
وحرف الميم دوخني
ذبني إمن الكلب ذبني
غريب إولا تتعبني
سلامات
من ابعيد وابعثلك تحيات
-------------------------
مريم
ولك ضم دمعة اعيونك
شماتك يشوفونك
ياهو الخيب اظنونك؟
اشلونك كلي ما لونك
سلامات
من ابعيد نبعثلك تحيات
------------------------
الشاعر حسين الساعدي
يمريم دمعتي ابذاتي
اتفقت ويه صفناتي
اذا مرولي شماتي
يصبن حيل دمعاتي
سلامات
من ابعيد وابعثلك تحيات
-------------------------
مريم
ولك شامتك ياذيني
ودمعاتك تبجيني
الشامت لو يلاكيني
اكله حسين ضي عيني
سلامات
من ابعيد نبعثلك تحيات
------------------------
الشاعر حسين الساعدي
يريم وحالتي حاله
غربتي اوياي جتاله
خلت عيني هماله
اليحب ميعوف مواله!سلامات
من ابعيد وابعثلك تحيات
-----------------------
مريم
ولك صورتك مرسومه
ويه الكلب وهمومه
ولك هالروح محرومه
وحرام العاشك انلومه
سلامات
من ابعيد نبعثلك تحيات
------------------------
الشاعر حسين الساعدي
ولج بالصوره خليني
أشوفن دمعتي ابعيني
يمريم حيل سابيني
زماني وضيع اسنين
سلامات
من ابعيد وابعثلك تحيات


—





من ايراووس!!
حسين الساعدي
؛؛؛؛؛؛؛؛؛؛؛؛؛؛؛؛؛؛؛؛؛؛ ياهو اليراوس كلب حضنه اشكثر دافي
متعَود اعله التَعب ويه الجرح غافي!!
ويسامح ابكل وكت ما فَكر ايجافي!
بس الطبع من يون ما يعرف الكافي!
؛؛
//// المطلوب/////
؛؛؛؛؛؛؛؛؛؛؛؛؛
رايد كلب من صخر
ما يعرف الأحساس
متعود اعله الغدر
يجرح اكلوب الناس
يترك حبيبه ابقهر
وبغيره ما تنقاس
ويشيبه بأول شهر
من الجدم للراس!
؛؛؛؛
/////اعلان/////
؛؛؛؛؛؛؛؛؛؛؛؛؛؛
ولعنده هيجي كلب
خل يتصل هسه
هذا الرقم منكتب
سته ادعش خمسه
وزواده ويه الكلب
روحي الفلا تنسه
يوصل ابهذا الدرب
ياخذهن ابنفسه
ااالساعدي








7

وين الكاك؟؟
أروع المساجلات
من مساجلاتي القديمه مع الشاعر العملاق حسين الساعدي
ايام المنتديات سنة 2009
///////////////////////////////
مريم حسين
وين الكاك؟
اذا وقتي سمح وتعنه لهنانه
اشوف الناس بس ما شوفك اويانه
ترضاني وأرد ابروح حزنانه!!!
يبو ملكه الحلو متعطشه الملكاك
وين الكاك؟
؛؛؛؛؛؛؛؛؛؛
حسين الساعدي
أظن حضي التقي وياك ما يرضه
تجي لهناه وروحن قبلك ابلحضه
مو كالوا ابنادم كلمن إوحضه!!
شسوي الهذا حضي الما جمعني وياك
وين الكاك!
///////////////////////////////
مريم حسين
يسمونك ابعامر وانته مو عامر!
مكسور ابغربتك تكسر الخاطر
أنه اتحدى مثلك لو يجي شاعر
وبكل منتدى اشعارك تضوي اهناك
وين الكاك؟
؛؛؛؛؛؛؛؛؛؛؛؛؛؛؛؛؛
حسين الساعدي
طيفك جان سلوه ابغربتي وياي
شحجيلك بعد يل ما دريت ابهاي!
راح الطيف مني وظلمت دنياي
وحتى اطيوفك انكطعت على اليهواك!
وين الكاك!
///////////////////////////////////
مريم حسين
جبت طيفي واجيتك والهوه اتبسم
ولكيتك ويه غيري وجنت تتحلم!
وردينه ابحزن بس الله بيه يعلم!!
أنه وطيف عمري انسولف ابطروك!
وين الكاك!
؛؛؛؛؛؛؛؛؛؛؛؛؛؛؛؛
حسين الساعدي
قسم بطيوفك أنت اوياي متوهم
صحيح أنه ابحلم والليل جان أظلم
بس بعيونك الحلوات جنت أرسم
ما شفت الاصباغ امطشرات اهناك!!
وبن الكاك!
///////////////////////////////////
الى اللقاء في مساجلات قادمه
مع اجمل التحايا

88





لك أجمل تحيه أمن السواعد!
حسين الساعدي
××××××××××
ممكن تلكه بين الناس صاحب
وتلكه الفين ما يسوون واحد
وممكن توكع ابنص الكرايب!
والغربه التشيلك وانته كاعد
والمن خلصت عمرك تعاتب!
دَسمعها النصيحه إولا تعاند
غربك منخلك وبهل تجارب
شوف الما يطيح ويبقه صامد
شوف اللي وكفلك بلنوايب
وشوف اللي يضل ابيته لابد!
هذا الما يعوفك بلمصايب
يسوه الناس كلها والله شاهد
واليحفظ حضورك وانته غايب
بالك لا تبيعه إولا تزاود!
تاج الراس مثلك والعجايب
بأسمك ينقرن كل القصايد
يا بيرغ دفع كل الضرايب
بيك الفزعه وبيوم الشدايد
وبيك الزود والمعروف واجب
ولك أجمل تحيه أمن السواعد
الك أجمل تحيه أمن السواعد
الساعدي
77







اروع مساجلاتي مع الاسطوره حسين الساعدي
حسين الساعدي
أنه اتمناك
أحب ملكاك
وأحب كل الاجو وياك
وأجيلك ركض من الكوت
واحب الفيس من اتفوت
-----------------
مريم حسين
أذا مريت
اطش جكليت
وأنور بيك كل البيت
وأضمك بلكلب بسكوت
احب الفيس من اتفوت
--------------------
حسين الساعدي
وأرسمنك
وأضمنك
يخايب وين اكو منك
لا بامريكا لا بيروت
احب الفيس من اتفوت
--------------------
مريم حسين
واحب رسمك
واحب اسمك
واغار اعليك من امك
وكمرنه وما يبلعه الحوت
احب الفيس من اتفوت
----------------------
حسين الساعدي
لتتكرب
يلمجرب
جمال العندك ايكهرب
واخافن طبت التابوت
وأحب الفيس من اتفوت
----------------------
مريم حسين
ضغط عالي
وشفت حالي
بس ما اكهرب الغالي
تعال ولا تخاف الموت
احب الفيس من اتفوت
-----------------------
حسين الساعدي
صحت وينك
سحر عينك
ذبني ابنص درابينك
وانه اللي جنت مبخوت
أحب الفيس من اتفوت
-------------------
مريم حسين
عفت كلشي
واجيت امشي
وضميتك وسط رمشي
يخايب لا تصيح ابصوت
احب الفيس من اتفوت
-------------
الى اللقاء مع اجمل المساجلات المباشره
مع اجمل التحايا
حسين ومريم
















--
من يشتري!!
عندي كلب توه انجرح
حسباله يفرح ما فرح!
ما يغدر العالم أبد
بس حضي وياه ما كعد!
ايعاندني يكسر خاطري
وخلص دموعي ابناضري
من يشتري





-------------









مساجلتي مع العملاق حسين الساعدي
////////////////////////
الشاعر حسين الساعدي
أحبك على حبك توني مفطوم
واغار اعليك من همسة دلالك!
وإذا ويه خيالك شفتك ابيوم!
اشك الكاع حتى امسح خيالك
السااااعدي
-----------------------
مريم حسين
خيالي المايشوفه غيرك أحد
تعال ابداعتي ورافك خيالي
من اتغيب اصيح الله ولحد
وشكد متتصور هذا حالي!
-----------------------
الشاعر حسين الساعدي
عذبني الخيال اليمشي وياك
ها بالك تجي وجايب خيالك!
أريدنك تجيني ابذاكَ ملكاك
وحدك وبضحكتك وبدلالك
-----------------------
مريم حسين
ياخيالي والوكت ذكرني بيك
صورتك متعلكه بس ابالي
راح اقرر انسه لكن اعتنيك
وهاي تبقه اطلابتي للتالي
-----------------------
الشاعر حسين الساعدي
ولك لو تنساني من أول نسيت
لكن اتحداك لو تنساني!!
أنه أول طيف لعيونك اجيت
ولهذا من صدك تهواني!
-----------------------
مريم حسين
روحي صارت بيدك وصعبه أروح
عنك وروحي تضل ابيدك!
وانه ما متعوده أمشي ابلايا روح
راح اجيلك لان روحي اتريدك
-----------------------
الشاعر حسين الساعدي
روحك الوكحه تفززلي الجروح
وبتوالي الليل تسئلني عليك
كل دقيقه اتكول خلينه نروح
وأمس نص الليل فَكرنه نجيك!

55555555


اجمل مساجلاتي مع الاستاذ حسين الساعدي
///////////////////////////////////////////
حسين الساعدي
روحي اشتهت ملكاك تسئلني وينه
صحتني من النوم روحي الحزينه
تسئلني وينه
روحي الحزينه
-----------------
مريم
يمعود ابهل ليل صبرهه روحك
يوصل السابع جار دوخنه نوحك
دوخنه نوحك
صبرهه روحك
------------------
حسين الساعدي
لوما تجينيه اليوم وبهل مسيه
تسمع خبر مو زين عن المنيه
وبهل مسيه
عن االمنيه
-------------
مريم
صدكني وبهل ليل ما مني جيه
لو متت راح انكول عنك خطيه
ما مني جيه
وعنك خطيه
--------------
حسين الساعدي
تدري ابطلب هالروح من تذكر الشوك
مثل اليتيم ايفوت يتشهه بالسوك
يتشها بالسوك
من يذكر الشوك
=========
مريم
تتشهه وانت َاشبيك للما تنوله
سر التطمه ابير بالك تكوله!!
للما تنوله
بالك تكوله
-------------
حسين الساعدي
مر بالحلم خطار خليني أشوفك
لو صعبه جيتك عاد مابيه أعوفك!
مابيه أعوفك
خليني أشوفك
=========
مريم
اوصَل واجيك ابطيف حاير بعدني
لو جيتك ابهل ليل ياهو اليردني!
حاير بعدني
وياهو اليردني
--------------------------------
حسين الساعدي
ماظن تفض وياك قصتي الطويله
وتأكدت من قيس جتاله ليله
قصتي الطويله
جتاله ليله
=========
مريم
لو بيدي يلمجنون هسه اعتنيلك
بس بالدرب شمات ومنين أجيلك
ومنين أجيلك
هسه أعتنيلك
--------------------
حسين الساعدي
خلصت عمري اوياك بس بالتمني
تطعَني بالدلال وتريد أغني
بس بالتمني
وتريد اغني
=========
مريم
غني ابونين الروح حلوه الأغاني
حته الدموع اتروح ويه الأماني
ويه الأماني
حلوه الأغاني
-------------
حسين الساعدي
خايف تجيني اشبيك حته الكلب صاح
حسبالي وكت الموت نتبادل أروح
حته الكلب صاح
نتبادل أرواح
---------------
مريم
تدري ابغلاة الروح! ماتدري عنها
لأجلك تون وتنوح وانته اغله منها
ما تدري عنها
وانته اغله منها

33333333


مساجله خاطفه
باقل من نصف ساعه
مع العملاق الساعدي
في كروب الابداع
كروب الشاعر حسين الساعدي
-----------------
مساجله روعه بداتها
مريم حسين
ورد عليها
العملاق الساعدي
فكانت من اروع المساجلات السريعه
------الجواب------
مريم حسين
ليش إمن أشوفك جاي تخطف عليه
كلبي يدك دكات كلش قويه
------الرد------
الشاعر حسين الساعدي
شفتج هذاك اليوم حته الكلب خاف
للكيه صحت ابصوت حسبالي أسعاف
------الجواب------
مريم حسين
بليلة شته وهالروح كالتلي أريده
وهاي المسافه وياك كلش بعيده
------الرد------
الشاعر حسين الساعدي
كون المسافه ابعيد باطيافك اتهون
بلحلم لو مريت ترتاح االظنون
------الجواب------
مريم حسين
حته الحلم ميصير خلولي حارس
صار البحر محروم من النوارس
------الرد------
الشاعر حسين الساعدي
لو كون الك عنوان عنوه أعتنيتك
وبجية الملهوف وكفه اعله بيتك
------الجواب------
مريم حسين
خلولك القناص لو بس تجيني
يلساعدي ابهل حال تعميها عيني
------الرد------
الشاعر حسين الساعدي
خل يضرب القناص وبهذا دربك
وبدمي أكتب غاد يالغالي أحبك
------الجواب------
مريم حسين
شوف الزمان اوياي صاير مصيبه
خله الكلب مجروح فاكد حبيبه
------الرد------
الشاعر حسين الساعدي
حتى الزمن وياي يفلانه بذات
طَيح دمعتي اليوم وكبالي شمات
------الجواب------
مريم حسين
ليش الزمن يحسين ما عنده صاحب
راواني وبفركاك كل المصايب
------الرد------
الشاعر حسين الساعدي
مثلج تره ابهل حال يا مريم أنه
والمثلي بلصفنات حار ابزمانه
------الجواب------
مريم حسين
من أني طفله أوياك شوكي ورسمته
وصدكني ما حبيت بس انته وانته
------الرد------
الشاعر حسين الساعدي
بس لكن ايكولون عشك الزغييره
ايخلي روحي اوياج حيرتهه حيره
------الجواب------
مريم حسين
لتصدك اليحجون وبهل دعايات
عشك الزغيره ايجيب كل السلامات
------الرد------
الشاعر حسين الساعدي
شيبي الكثر بلراس وانتي ابشبابج
عوفيني وتخلصين من كل عذابج
------الجواب------
مريم حسين
شيباتك إشما اتكون يضون بالعيون
بيدي أرد امشط الشيب يم اليلومون
------الرد------
الشاعر حسين الساعدي
لا باجر اتكولين شايب وأخذتك
ساحرني بلاشعار ذبت ابمحبتك
------الجواب------
مريم حسين
لا والله والعباس وبكل أمانه
يل ساعدي ابكل شاب ما ابدلك أنه
------الرد------
الشاعر حسين الساعدي
هم ليله كالت هيج من صادفت قيس
بس عافته ابيا حال شوفي المقاييس
------الجواب------
مريم حسين
مو ليله وانه اليوم مريم زماني
ولا انته قيس احسين حبيتك اني
-----------------
ترقبوا
كل يوم
مساجلات جديده
مع المبدع حسين الساعدي

2222222


شميت العطر صدفه وصرت شاعر !!
حسين الساعدي
؛؛؛؛؛؛؛؛؛؛؛؛؛؛؛؛؛؛؛
ما أكتب شعر لكن سحبني الشوك
وصرت احجي سوالف تكسر الخاطر
مثل محتاج يتحسر الطبت السوك
ويوميه ويأجلهه إوعله باجر!!
صلفه العين صَلفه وبالدموع اتسوك
وجنهه الدمعه جندي ابخدمة الأمر
ما أكتب شعر بس الكلب مخنوك
والنا ظر جمالك بلشعر شاطر!
فزيت وشفت كل العمر مَبيوك
لأن خَلصت عمري ابكلمة امسافر
وصَلت اخر محطه والكلب مَحروك
شفت ورده وبورده وكاعِده إتاجر
شراي وأشارط والشرط بلضوك
لو يعجبني عطره وسعري عالخاطر
شميت وشفت حته الورود اتبوك!
من خد الترافه اليسحر االناضر!
مو شاعر جنت بس الكلام ايلوك
شَميت العطر صدفه وصرت شاعر
االساعدي









22222

ابهل زمان الوكحه عينه !!!
حسين الساعدي
؛؛؛؛؛؛؛؛؛
فدوه لأيام الطفوله وبيها لعبة اتذَكرينه!!
ردي بينه
بالله شبسرعه كبرنه الشيب ما لايك علينه!
ردي بينه
الطيبة الناس وأهلنه
وخبزة الخير ابوطنه!
غفله وتموصخ ملحنه ابهل زمان الوكحه عينه!
ردي بينه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛
ردي بينه
للأيام الحلوه ضاعت من ادينه!
ردي بينه
الليله كَمره الصبح صار وما درينه!
للعيون الصافيه ابمي النهر
للوجوه الضاويه ابضي الكُمر
فدوه يا دنيه
انتهينه!
ردي بينه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛
ردي بينه
الطيبة الماضي وصدك ذيج السوالف
ردي بينه
الضحكه ما طلعت دغش من الشفايف
ردي بينه
والملح وبحوبته الجانت تعثر
ضاعت الحوبه بعد وشما نكثر!
ليش لو حفنه نحطله
ياكله ويحجي عَلينه!!!
ردي بينه
ااالساعدي
111

من جديد والحوار لن ينتهي انا والترف العملاق الشاعر حسين الساعدي
-
-
الساعدي
؛؛؛؛؛؛؛؛؛؛
احنه انذار من جيته دخلنه
وغير الخوف منه ما دخلنه
يجيب الموت
والتابوت
من ايفوت
نكطع صوت
وبسكوت
بس انعاين اشلونه
خطوته اشلون موزونه
شفاف وتشوفونه
دخلنه ابعيد عن دربه دخلنه
اشجابانه إنتحارش بلمنيه!!!
------------------------------
الغريري
؛؛؛؛؛؛؛
دخلكم مانبي الفركة دخلكم
واظن طارش بعشرتكم دخلكم
اظن شمات حسدونة
نيتهم يفركونة
خاطر مايفرحونة
حقد بكلوبهم كلهم
حية وتلدغ بسمهم
اظن بليس ناسبهم
واظن البيتكم مرة دخلكم
وراد يوسوس بكلبك علية
-----------------------------------
الساعدي
؛؛؛؛؛؛؛؛؛؛
إشدخل الناس بينه ما -دخلهم
حسد وهموم من حبنا دخلهم
هذوله الناس عذالي
يريدون أترك الغالي
وحجيهم عذب احوالي
حبيبي وتبقه للتالي
ولا غيرك عله بالي
ودخلهم بلقهر والهم دخلهم
الما رادو حبيبي ايصير اليه
------------------------------------
الغريري
؛؛؛؛؛؛؛؛
شحم كلبي بحلك خلي دخل ني
تعظني سنونة واصرخلة دخلني
ولك كطعتني سنونك
ولك مو جنت مجنونك
عشت مذلول من دونك
دباوع فدوة لعيونك
الشمات شافونك
امس شامت اجة البيتي دخلني
رسل مقطع سنون تلوج بية
-------------------------------------
الساعدي
؛؛؛؛؛؛؛؛؛؛
روحك بلسكم واالهم دخلها
لأن حب المشوا عنك دخلها
وحبهم ساكن ابروحك
يل ما يتنهي نوحك
ضحكتك ماظن اتلوحك
حير ابلجمة اجروحك
شجاهه اعله المحبه ما- دخلها
واليحب الغريب ايشوف أذيه
--------------------------------------
الغريري
؛؛؛؛؛؛؛؛
سهمك بية بجروحي دخل طب
ومثل طبت صدة المدفع دخل طب
جرحتونة هجرتونة
نوافي وماتوافونة
كل الناس شافونة
مو كافي فضحتونة
عساكم ماعرفتونة
كلبي من الصبر والله دخل طب
لان عندة الصبر مية بالمية
----------------------------------------
الساعدي
؛؛؛؛؛؛؛؛؛؛
يموتون اويه حسرتهم دخلهم
بكلوب الحقد عدهم دخل هَم
منهم دمعة اعيوني
وبحبك يلوموني
وأعوفنك يريدوني
وأنه المنخطف لوني
عليك وخابت إظنوني
وهمه ما يرحموني
ودخلهم قهر فوك الهم دخلهم
لأنهم ما وفوا كلهم أذيه
---------------------------------------
الغريري
؛؛؛؛؛؛؛؛
كلبي تحطم بحبك دخل صاح
وآنة الجنت متوقع دخل صح
طلع غلطان تفكيري
خربت كل مشاويري
طلعت تفكر بغيري
هاذي جزات تقديري
سمعت الناس يم غيري
كالو غيث الغريري دخ صاح
ياخوي الساعدي الحك علية










انذار!!!
حسين الساعدي
؛؛؛؛
احنه انذار من جيته دخلنه
وغير الخوف منه ما دخلنه
يجيب الموت
والتابوت
من ايفوت
نكطع صوت
وبسكوت
بس انعاين اشلونه
خطوته اشلون موزونه
شفاف وتشوفونه
دخلنه ابعيد عن دربه دخلنه
اشجابانه إنتحارش بلمنيه!!!


ويابويه انكسر ظهري ابلياك!!
حسين الساعدي
؛؛؛؛؛؛؛؛؛؛؛؛
يتيم وتَوني شبيت اعله طرواك
وكالولي شهم هيبة عمامه!
يبويه المن عفتني وصعبه دنياك
دَعوف الكبر وارجع بلسلامه
عمري 13 يابويه وأنخاك
وأنه أكبر إخوتي ابهل علامه
جنت ألبس أشكال االوان وياك
هسه الشته وخلصته ابجامه!
لوما أشتغل يابويه وهناك
نبقه ابلا عشه وصعبه الملامه
ويابويه انكسر ظهري ابلياك
وعفتلي ازغار كومه امن اليتامه
ااالساعدي









1




مو بأول قصيده اتهد عليه!!
حسين الساعدي
جنت ما تعرف إبتصفيط -جمله
وعلمتك إعلوم الكون ---جمله
كون الجَملك بالمثل ----جمله
مو باأول قصيده اتهد عليه!
ااالساعدي





5






ح



وتعوفك تاليها!!!
حسين الساعدي
؛؛؛؛؛
طاير عقلك بيها
واشكد امداريها
عافت غيري إوجتني=وحبتني إوعافتني
وتعوفك تاليها
وتعوفك تاليها
/////////////////////
لتصدك دمعتها لو صبتها اوياك
ولتصدك كلمتها بلحب ما تهواك
جذابه ابدمعتها
وجذابه ابكلمتها
ومتحلفه ابماضيها
وتعوفك تاليها
وتعوفك تاليها
////////////////////
عاين هاي اجروحي وتحفظ لجروحك
واسمع ونة روحي حته اتلاحك روحك
ما صدكت الكلي
راح اتجرحك مثلي
وانته الرايح ليها
وتعوفك تاليها
وتعوفك تاليها
.
.
؛؛؛؛؛؛
طاير عقلك بيها
واشكد امداريها
عافت غيري إوجتني=وحبتني إوعافتني
وتعوفك تاليها
وتعوفك تاليها
االساعدي
ح

كوكب فاطمة وبلعتره يتشضه!!
حسين الساعدي
؛؛؛؛؛؛؛؛؛؛؛؛؛؛؛؛؛؛؛؛؛؛؛؛
وَأجسر واكولن فاطمه الزهراء
وقَبل لاأكول اسمها لازم اتوضه
هاي الطاهره ويا غاية الأسراء
كوكب فاطمة وبلعتره يتشضه
يافرقد رساله ومصدر الأضواء
يانور الأمامه الما طفه ابلحظه!
هيه السيده إوثمَ تجي الحوراء!!
غصبن عالعقول المارضت ترضه
غصبن عالعقول المارضت ترضه
وَنتباهه
ابرسول الله انتفاخر ونتباهه
وعدنه ابحبه فطنه ونتباهه
الزهره اشلون توكع وانت إباهه
شلت هالناس من وكعت سويه!
ااالساعدي













=



الشاعر حسين الساعدي
تعالو نتساجل
اليوم وكل يوم مع حسين الساعدي

يمكن طاحت ويه الدمعه!!

؛؛؛؛
يا عالم ياهو ايدليني!!
ودعته وحاير بلرجعه

صارت ظلمه وضاعت عيني
يمكن طاحت ويه الدمعه!!
ااالساعدي
--------------------
مريم حسين
محتاره الناس ابموضوعك
والفرحه المن عندك راحت

ودعته وصبيت ادموعك
وبيا دمعه العينك طاحت!


الشاعر حسين الساعدي
مدري بيا دمعه الحزنانه
جرت عيني ابسرعه اوياهه!

مدري اهناكَ ومدري اهنانه
طاحت عيني اوين الكاهه!
--------------------
مريم حسين -
تذكر ودعته ابيا شارع!
ياهو المثلك ضَيع نفسه

هاي الناس اويانه اتباوع
حته اندور عينك هسه



الشاعر حسين الساعدي
يمكن غاد ابذيج الساحه
ودعته وطاحت دمعاتي

طاحت عيني الما مرتاحه
من شافت جيت شماتي
--------------------
محسن فالح اللامي
محتار بعينك وبدمعك
كون الله يعين وتلگاهة
معذور ونقدر وضعك
تنسة عيونك ماتنساهة


الشاعر حسين الساعدي
أنه امفارك ضي اعيوني
وعيوني الطاحت بدموعي

يامحسن ليش اتلوموني
شوف الأهات ابموضوعي
--------------------
محسن فالح اللامي
يحسين عيونك ماطاحت
بس ضي عيونك طفنة
حر دموعك لمن راحت
لتئيس لاتگطع ضنة-


الشاعر حسين الساعدي
ياهو الما يعرف بعيونه!
ومتأكد ضيعت اعيوني

حبي الما تدرون اشلونه
وَدرعيني وخَطف لوني
--------------------
مريم حسين
لا بلشارع لا بلساحه
دورناهن ماكو اعيونك!

دمعاتك يمكن ذباحه
مذبوح وجرحك بجفونك


الشاعر حسين الساعدي
خافَنهن طاحن كدامه
من ودعته ابذيج الليله

مايدري ابروحي المحتامه
ياهو اليوصله ويحجيله!
--------------------
محسن فالح اللامي
خلي اندور يم دموعة
بلكت وگعن لمن صبن
حلوة عيونة وبيهن روعة
يجوز الگاهن خليني اصفن-


الشاعر حسين الساعدي
لتدور لَتعب روحك
يمكن راحت ويه الغالي

هاي الدمعه اتزيد نوحك
ويضل امصابك لتالي
--------------------
الشاعر محمد هاشم الحسناوي
يمكن انه الكيت اعيونك
بس اتاكد منهن زين
ماريد انه اتخيب ظنونك
لوطلعن موهن بعدين-


الشاعر حسين الساعدي
يمحمد معروفه اعيوني
جمرات وطاحن بلحسره

لوعالتوديع اتدلوني!
روحي اتدليكم بلجمره
--------------------
الشاعر محمد هاشم الحسناوي
آه يحسين عيونك ذني
موش أعيون احسبهن بلوه
يوم الشايلهن جوني
من دمعتهن جفي أتجوه


الشاعر حسين الساعدي
لو شايلهن قبل ابساعه
جفك جا طاح ابشيلتهن

بردن من لحظات اوداعه
وانته اتجويت ابجمرتهن!
--------------------
علي حسين
يحسين اعيونك من طاحن
طيحت عاشك لمن طاح
امشينه وخلينه اندور
مو وسفه الخاين لو راح


الشاعر حسين الساعدي
ما متأسف بس أحلامي
ضيعهن كلهن بأوهامه

موتهن كلهن كدامي!
وعيوني الطاحن كدامه
--------------------
Eng Salah
يحسين إعيونك ودعهن
ولتدور ما ظنك تلكه
وعالفركه ادموعك ضيعهن
ياجفنك بلدمعه اتشكه



الشاعر حسين الساعدي
ضيعت اعيوني ابدمعاتي
لو تدريني ابيوم الفركه

لكن وبجيت شماتي!
حسيت ابروحي المختنكه
--------------------
مريم حسين
دورنه اعيونك ما شفنه
هيج اعيون ابهاي الوسعه

وشكد ادموع اتصادفنه
وبكل شارع شامر دمعه!


الشاعر حسين الساعدي
هايم ما أدري ابخطواتي
عالودعته ومابي رَجعه

يا مريم صبن دمعاتي
وما أدري العين ابيا دمعه!
--------------------
الشاعر محمد هاشم الحسناوي
لميناهن كل دموعك
بس ماكفت هيه اسطول
يمكن عاصر حتى ضلوعك
فيضن كاع ابعرض وطول


الشاعر حسين الساعدي
بالك ليغركك شلالي
هاي ادموعي ابيوم اوداعه

يمحمد والرايح غالي
وماخذ روحي ابهاي الساعه
--------------------
الشاعر محمد هاشم الحسناوي
اعرف بالباب امودعهن
عايفهن يم المرجوحه
ما طب للبيت وشايلهن
ياهو اليقبل يحرك روحه


الشاعر حسين الساعدي
لتمرجحهن لتمرجحهن
لا بعدين اتكول اتوبه

ويظنن جاي اتفرحهن
ويتشظن بلنار انوبه
--------------------


جينه جوعانين ونعاين عليج!!!
حسين الساعدي
؛؛؛؛؛؛؛؛؛؛؛؛
-
عيد ميلادج الكبرج نعتنيج
احنه ولدج نعرف اتحبينه
يمه ضمينه سويه ابين اديج
جينه متطشرين وتلمينه
جينه جوعانيين ونعاين عليج
مارجعتي البيتنه اتوكلينه!
جينه بردانين وانتي الغيره بيج
كون هسه ابكبرج اتضمينه
مرت ابونه ابلا غطه اتخلينه هيج
وحيل يايمه البرد ياذينه!!
ورفضت ابهل عيد والكبرج نجيج
وحته ابونه اوياهه صار اعلينه
وحته ابونه اوياهه صار اعلينه
ااالساعدي
-


— مع ‏حسين ابراهيم‏.






-

الشاعر حسين الساعدي
مساجله
اليوم وكل يوم مع حسين الساعدي
والردود حصرياً بهذا الرابط

السؤال
طِحت ابوسط زاغور وبنصه عربيد
وبلباب أكو قناص ما يخطي البعيد
االساعدي

جوابك يكون فقط لمحاوله طريقة خلاص من االعربيد ومن القناص
ولا للقديم ولا للمنقول
والدعوه عامه
مع اجمل التحايا
حسين الساعدي
--------------------
مريم حسين
يطلع ابتالي الليل ميشوفه قناص
واللي يصير ايصير خليها تلاص

الشاعر حسين الساعدي
يصبر التالي الليل وبصفه عربيد!
ماظنته يبقه ابخير وبهل مواعيد
--------------------
الشاعر علي جعفر
بس اكتل العربيد تسهل قضيتك
وتفاجئ القناص وطكة بيدك

الشاعر حسين الساعدي
وشيكتل العربيد جا هيه لعبه
يا ضخمه مثل الفيل صدكني صعبه
--------------------
Malek Alasedye
خل يرمي القناص ويصيد العيون
وخل يلدغ العربيد يدري انة مجنون

الشاعر حسين الساعدي
بس النتيجه اشلون يعني المنيه؟
كونك تخلص الروح منهم سويه
--------------------

الشاعر محمد هاشم الحسناوي
خلصنه من اذياب جتنه العرابيد
اشناوي اه ياحسين من عدنه شتريد

الشاعر حسين الساعدي
قصة الذيب اتهون يبن الأجاويد
بلباب أكو قناص والجوه عربيد
--------------------
الشاعرمحمدهاشم الناصري
زاغور وبي عربيد يتلوه وياه
بلكي الله ساعة هناك قناصة ينساه


الشاعر حسين الساعدي
لا يكعد العربيد هستوه نايم
وهناك ابو االقناص وبطوله كايم
--------------------
الشاعرمصطفى الركابي
يونس ابطن الحوت وبنص بحر طاح
بس جاه ابو ااحسنين عند الله مفتاح

الشاعر حسين الساعدي
خلينا من كرار حامي الحميه
بلعقل بالله اشلون وبهل بليه!
--------------------
سلام الجبوري
الزلم تلوي الليل ميهمه عربيد .
خل يحمل القناص ميهمني تهديد ..


الشاعر حسين الساعدي
حجيك اتكوله ابعيد عن المصيبه
خلينه بلقناص رايح يصيبه
--------------------
الشاعر صلاح الركابي
من عمري عشت اسنين ويـه العرابيد
ميهمني القناص وسلاحـي بالايـيد

الشاعر حسين الساعدي
ما عندك انته اسلاح ومنين اجالك
لو عندك الرشاش ماهذا حالك!
--------------------
مريم حسين
لو نبقه عالعميان ويه الذيابه
اشجابانه للعربيد وبهل طلابه

الشاعر حسين الساعدي
لو نبقه ويه الذيب والاخرس اتهون
بس من ابو الققناص ماظن تسلمون
--------------------
الشاعرمصطفى الركابي
مااعتقد يحسين يبن الاجاويد
يمكن حلم لو طيف تفكه وعرابيد

الشاعر حسين الساعدي
ماظن حلم ونكول بيها ابتسامه
هالقصه قصة موت وين السلامه!
--------------------
علي حسين
ما حارش العربيد وابقه أنه ساكت
هلبت غفة القناص لن انه فايت

الشاعر حسين الساعدي
شيهَود القناص رايد منبتك
وبصفك العربيد خفف مشيتك
--------------------
الشاعر صلاح الركابي
شـفـتـه انـه للـعـربـيـد مـيـت لـكيته
و ساعه ومشه القناص رد اعلى بيته

الشاعر حسين الساعدي
ظلمه وشفت عربيد ميت لكيته
لو فلم هندي ايصير ما صدكيته
--------------------
الشاعرمصطفى الركابي
وضعك صعب يحسين ما منه مطلاع
بس ربك ينجيك من هاي الاوضاع

الشاعر حسين الساعدي
ربك صدك موجود بس رايك انته
علمني حلك وين يل ما كشفته
--------------------
علي حسين
البد واقره ايات وادعي واردد
والمح الفرصه ابخوف حتينه اشرد

الشاعر حسين الساعدي
لازم تفكر زين عندك دقيقه
والموته بلتأخير هاي الحقيقه
--------------------
الشاعر محمد هاشم الحسناوي
تدري انته بالقناص جيلاته ماتفيد
احول طلع ياحسين مايعرف يصيد

الشاعر حسين الساعدي
لا خويه بلقناص ما تعرف انته
بلنظر كلش زين سته اعله سته
--------------------
الشاعر علي الشويلي
عشت العمر خبرات وبذني تحديد
بمراوغ القناص وبنص عرابيد

الشاعر حسين الساعدي
من كلمة العربيد هسه انت خايف
شوف الطريقه اوياك مو بلسوالف
--------------------
أبو حسين الغزي السماوي
طحت بوسط زاغور عمي منيتك..
لو نايم القناص تنحل قضيتك..

الشاعر حسين الساعدي
شينوم القناص شتسولف انته؟
حط ملح وسط العين كمل سهرته
--------------------
الشاعر صلاح الركابي
ضد داعش اني اليوم وسلاحي بالايد
وتـذبـنـي عـالـقـناص وجـمالـه عـربـيد

الشاعر حسين الساعدي
داعش ابهذا الحل كلش بسيطه
بس لدغة العربيد رسمت خريطه
--------------------
أسامه الحمداني
زلمه واخوف الخوف ميهمني عربيد
الله الحارس فوك وميهمني تهديد

الشاعر حسين الساعدي
والنعم بلايمان ربك حقيقه
بس رايد ابهل حال منك طريقه؟
--------------------
أسامه الحمداني
عربيدك بزاغور ومكسر اسنون
مثل اليهد بليل بيه تفكَته تخون

الشاعر حسين الساعدي
وشعرفك عربيد ومشلع اسنون
خايف عليك اتطيح ويه اليطيحون
--------------------
الشاعر محمد هاشم الحسناوي
احرك حطب وبساع لاعلية تلاص
هم يشرد العربيد وعميلي قناص


الشاعر حسين الساعدي
انت ابوسط زاغور قصتك عجيبه
وين الحطب وانكول خاطر تجيبه؟
--------------------
حسن الشاعر
ولحل شنو يحسين وبهل مصيبه
يوميه عندك ظيم قصتك عجيبه

الشاعر حسين الساعدي
تطلع تشوف الموت تبقه الأذيه
بس يكعد العربيد تلكه المنيه
--------------------
الشاعر محمد هاشم الحسناوي
خوبن علي يحسين كلش لصتهه
موتي تريد ابهاي انه اعرفتهه

الشاعر حسين الساعدي
ما ردت مووتك ليش هاي التهايم
رتك تدبر راي لا تبقه نايم
--------------------
الشاعر صلاح الركابي
صدكني عندي سلاح وسلاحي معروف
بغرب الرمادي اليوم تكدر تجي تشوف

الشاعر حسين الساعدي
خلينه بلموضوع رحمه الامامك
وبقصة العربيد وضح كلامك
--------------------
ابوحسين الغزي السماوي
إتنازل العربيد ما تكدر أنته..
لو ماغفه القناص الموته سكته..

الشاعر حسين الساعدي
لو يكعد العربيد حضر منيتك
ولو تطلع القناص تكتب وصيتك
--------------------
أسامه الحمداني
ما بيه فخر عربيد ساكن زواغير
ما ترهم بزاغور تختل نواطير

الشاعر حسين الساعدي
انت الختلت اوياه وانته التلومه؟
هم باجر اتكولون صوج الحكومه
--------------------
Malek Alasedye
يحسين احنة زغار مانعرف الحل
علمنة حلة شلون مو انتة فطحل

الشاعر حسين الساعدي
انتم فخر لناس واهل الدواووين
والافعه بلزاغور مو بلبساتين
--------------------
الشاعر محمد هاشم الحسناوي
لادكلي هم ابهاي احجاره ماكو
وانه ادري بالزاغور ابجبل باكو

الشاعر حسين الساعدي
بالك تلم احجار ونوبه تلاص
لا يكعد العربيد وهناكه قناص
--------------------
أسامه الحمداني
عوف الحكومه ارجوك لا بينه تلاص
خلينه بل عربيد والبيده قناص

الشاعر حسين الساعدي
حقك حجيت ابهاي وسمك أسامه
من هالبليه اليوم وين السلامه
--------------------
Malek Alasedye
ادريبه بل زاغور عربيد الكشر
بس اطلع القناص بلكصة سنتر

الشاعر حسين الساعدي
خل نشغل التفكير وبهل مصيبه
درب السلامه ابهاي لازم نجيبه
--------------------
الشاعر محمد هاشم الحسناوي
ماهمني بالقناص والوكفه بالباب
همي صفه ابعربيد بالنومه جذاب

الشاعر حسين الساعدي
همك صبح هميين وبهل طلابه
عربيدك وقناص من الكرابه
--------------------
أسامه الحمداني
وين السلامه حسين من هل عرابيد
طاحت لدغ بل ناس هاي المكَاريد

الشاعر حسين الساعدي
لا والله يبن الناس صارت قيامه
وبجيت القناص ماكو سلامه
--------------------
Malek Alasedye
كلي السلامه شلون موراح اموتن-
قناصه وي عربيد و شلون افوتن!

الشاعر حسين الساعدي
لازم تفكر زين وبهل بليه
أي غلطه راح اتكون بيها المنيه
--------------------
تحسين العكيلي
يفيلح بهل ليل من عدنه شتريد
صكَرك يلم ويجيب بس العرابيد؟؟؟

الشاعر حسين الساعدي
وفليح اشجاباه ابهاي القضيه
طحت ابوسط زاغور وبنصه حيه
--------------------
الشاعر محمد هاشم الحسناوي
رايح صدك يحسين شنهي الاذية
وعايفني وي عربيد اكعد سويه

الشاعر حسين الساعدي
ما عفتك ابهل حال حضك نصيبك
طايح وابو القناص رايد يصيبك
--------------------
تحسين العكيلي
حل ماكو اضن يحسين من هل مصيبه
نتلافه بل عربيد وترد تجيبه

الشاعر حسين الساعدي
تستسلم انتتَ اشلون حالك عجيبه
دور عله المطلوب لازم تجيبه
--------------------
الشاعر صلاح الركابي
شمدريك اكو عربيد وشوكت شفته
وبالباب اكـو قـنـاص شايـل تـفـكـتـه

الشاعر حسين الساعدي
وكت الشمس تنشاف كل العرابيد
وبلباب أكو قناص وبهايه توكيد
--------------------
Malek Alasedye
يحسين اجه القناص يابو العرابيد
وبدونك احنة انضبيع والدمعه متفيد

الشاعر حسين الساعدي
لو فكرت وياي تلكه الطريقه
واليستشير الراي واضح طريقه
--------------------
ابو فراس الدفاعي
اجفت على العربيد ومن ذيله اسحله
واشمره على القناص بلكن يكتله

الشاعر حسين الساعدي
تجفت عله العربيد جا هوه فاره؟
وبلفه ويخليك مثل الجكاره
--------------------
عطر الياسمين
بلكي البخت يندار ويخلص الروح.
ويتلهه بالعربيد قناص الي ايلوح

الشاعر حسين الساعدي
قناصه والعربيد صارو سويه
واتفقوا ايجيبون طاري المنيه
--------------------
الشاعر غيث الغريري
ماعندي حل يحسين ماعندي شحجي
الا الزم العربيد واتوسله ابجي

الشاعر حسين الساعدي
ما يفهم العربيد دمعات العيون
عوف البواجي ابهاي وتفكر اشلون
--------------------
الشاعر منذر الدراجي
احفر لحد بالكاع جسمي بيه يفوت
ونثر عليه تراب حي ابقه ماموت

الشاعر حسين الساعدي
بيدك تطم الروح قصتك عجيبه
مستعجل اعله الموت وبهل مصيبه
--------------------
العراقي ابواحمد العراقي
ما ارتعد لاخاف لاظمن الحيل
اتلاوة وي عربيد واتسلل بليل

الشاعر حسين الساعدي
تتلاوه وي عربيد صعبه القضيه
واللدغه لدغة موت يعني المنيه
--------------------
الشاعر محمد هاشم الحسناوي
جربت كل شي اوياك ودكَلي ميفيد
ولا رحمة بالقناص وبصفي عربيد

الشاعر حسين الساعدي
كل التكوله اليوم وبهل علامه
ما وضحتلي ابهاي درب السلامه
--------------------
الشاعر محمد هاشم الحسناوي
أشما عضني هل عربيد أرضه بلدغته
ولا خلي هل قناص يصرخ كَتلته

الشاعر حسين الساعدي
جتك جبتها ابهاي وبكلبي حساس
لدغة الف عربيد لا لدغة الناس
--------------------
فائق الحركاني
صح اني بالزاغور وبصفي عربيد
اهون ولا مد راس للرايد أيصيد

الشاعر حسين الساعدي
بس خوفك العربيد كَمل منامه
استعجل ابفد راي لاجل السلامه
--------------------
الشاعر محمد هاشم الحسناوي
كل ظني هل قناص متعاون آوياه
كلما لكَيت أحلول كَدامي الكَاه

الشاعر حسين الساعدي
صدكني متفقيين وبهل قضيه
المن تدير االعين تلكه المنيه
--------------------
الشاعر محمد هاشم الحسناوي
خلاني وي عربيد ضعت ابملهه
وبابي حط قناص ويكَلي حلهه

الشاعر حسين الساعدي
روحك عزيزه اشلون تطكع وصلها
وهلمشكله ابهل يوم لازم تحلها
--------------------
الشاعر محمد هاشم الحسناوي
يامن دعاك أبحوت ونطيته شيريد
تنجيني من قناص والشفته عربيد

الشاعر حسين الساعدي
دَور طريقه اتفيد عوف الدعاوي
وبكعدت العربيد كل البلاوي
--------------------

الشاعر محمد هاشم الحسناوي
تفكه أبمتن ظلام خلاهه شاعر
وحابسني يم عربيد وين المشاعر

الشاعر حسين الساعدي
ما جبتك الهلحال وانته الردتهه
حته النصيحه ابهاي ما حسبتها!
--------------------
فائق الحركاني
ميت واظل مدفون يم خلق الاجنان
وماانكتل عالكاع وتمرني غربان

الشاعر حسين الساعدي
بس لو متت عالكاع فارض حضورك
لو تبقه بلزاغور ياهو اليزورك!
--------------------
الشاعر محمد هاشم الحسناوي
صدكَني لا يحسين لا هيجي ميصير
ساعة أبحلك زاغور ساعة بحلك بير

الشاعر حسين الساعدي
يمحمد انته اتلوم واني ابمكاني
والدنيا هيج اتريد شعليه اني!
--------------------
الشاعر محمد هاشم الحسناوي
هم حيه هم تمساح هم الذيابه
والنوبة هم عربيد اللحكَلي يأبه

الشاعر حسين الساعدي
صدكني راح اتكول كلهن بسيطات
باجر سؤال الموت مابيه سلامات
--------------------
علي حسين
اصفرله للعربيد وانتظره يركص
ابغفله الفجر بعدين بلكت اخلص

الشاعر حسين الساعدي
منهو انته باباجان جده الأميتاب
من ركص العربيد بس سوه دولاب
--------------------
علي حسين
اخلص امن العربيد بالسكنه ابالغ
واخلص امن القناص ركضة واراوغ

الشاعر حسين الساعدي
تتراوغ انت اشلون وبهل تشوفه
بلباب اكو قناص مابيها لوفه
--------------------
تحسين العكيلي
هذه المثل معروف بفيلح انكَال
ما ينقفل زاغور عربيده جتال

الشاعر حسين الساعدي
هلبت افليح هاذ وتجيبه اليه
وتخلص المسكين من هالبليه
--------------------
تحسين العكيلي
دورت شرطك هاذ رب الزواغير
قناصي والعربيد من شرطك تحير

الشاعر حسين الساعدي
يبقه القلق وياك دامك عراقي
وقناصك امتنانيك ولهسه باقي
--------------------
تحسين العكيلي
من كَلت هذه البيت لازم كَلت حل
ثق يستمر مفتوح ماضنه يقفل


شتضن تقفله وياي بيت الحجيته
بقناص اطكَـ عربيد وادخل خطيته


الشاعر حسين الساعدي
لا والله يا تحسين ماظن لكيته
ويابلوة العربيد لو فززيته



القناصه مو وياك بيد اليريدك
ويستنظر العربيد هلبت يصيدك
--------------------
الشاعرمصطفى الركابي
يتروض بماصول عربيدك السام
هده اعله ابو القناص ويلدغه ببهام


الشاعر حسين الساعدي
شلك ابهذا الراي يبن الأجاويد
ومتكلي يا ماصول رَوض عرابيد
--------------------
تحسين العكيلي
طبع البشر ميفوت من الزواغير
اكبر امن الموصوف زاغورك زغير


والي يناطر كون رايدله صيده
ما ينطر الزاغور قناصه بيده


الشاعر حسين الساعدي
زاغوري مو زاغور مثل السراديب
لو شفته راح اتشوف كل الاعاجيب

صيده انته والقناص رايد يصيدك
صدكني والدمعات ماظن تفيدك
--------------------
تحسين العكيلي
مو وصف مو زاغور مثل الزواغر
اتخيلت يوسف بيه شبهته بل بير

انه ادري بل زاغور ما يرهم اجبير
وصفلي طاست ماي بيها النواعير !!!


الشاعر حسين الساعدي
خلينا بلقناص عوف القياسات
شوف الطريقه اشلون وبهل مسافات

ماظنها طاسة ماي بيت العرابيد
بمجادل الزاغور ما ظنتي اتفيد
--------------------
أسامه الحمداني
وين السلامه حسين من هل عرابيد
طاحت لدغ بل ناس هاي المكَاريد

الشاعر حسين الساعدي
لدغة ابنادم موت ماكو سلامه
ويا لدغة العربيد تترك علامه
--------------------
تحسين العكيلي
ماتقبل الناعور يرهم بطاسه
وتكلي بل زاغور اترك قياسه!

الشاعر حسين الساعدي
اشجلبت بلزاغور الخاطر محمد
شوفنه حل عربيد ومنقط أسود
--------------------
تحسين العكيلي
اني اختلف وياك بل كلته يحسين
بل وصف شو شحيت ما وصفت زين

الشاعر حسين الساعدي
اختلف بس ياريت تلكه الطريقه
قناص أكو وعربيد هاي الحقيقه
--------------------
أسامه الحمداني
حل ماكو اضن يحسين من هل مصيبه
نتلافه بل عربيد وترد تجيبه

الشاعر حسين الساعدي
لازم تفكر زين روحك خطيه
وكبالك القناص يعني المنيه
--------------------
تحسين العكيلي
خل نثبت الموجود ويه العرابيد
يالله اثبت القناص ينكش بل بعيد

الشاعر حسين الساعدي
طايح ابحفره انكول وبنصها عربيد
ومجرب القناص و بهل مكاريد
--------------------
تحسين العكيلي
اثبتلي اصل السيف من التجاعيد
وانه اثبت الموجود ويه العرابيد

الشاعر حسين الساعدي
تسألني وبيا حال لو تدري حالي
قبل السؤال ارجوك جاوب سؤالي
--------------------
تحسين العكيلي
انه السالتك شوف ياهو ابو المكتوب
شو جنه حجيي وياك سويته مكلوب؟

الشاعر حسين الساعدي
أنه الأساجل جاي وانته التجاوب
لتغير الموضوع شوف التجارب
--------------------
الشاعرمصطفى الركابي
ادري انه بالعربيد صارتله ورطه
يتمنه يرب اصكور ولا نفر شرطه

الشاعر حسين الساعدي
ياورطة العربيد شمسويه بيه
وانوب أكو قناص سدد عليه
--------------------
العراقي ابواحمد العراقي
بالحالتين الموت يبن السواعد
اتلاوه وي عربيد ما ابقه كاعد

الشاعر حسين الساعدي
هذا الحجي المريود وبهل قضيه
لازم نلاوي الموت وكت المنيه
--------------------
الشاعرمحمود العبيدي
روحي بحبل مديت وهمومي تزداد_
داخل على الفناص مايظغط ازناد_

الشاعر حسين الساعدي
بالله الحبل شيفيد وبهيجي حاله
رايد تجر عربيد هاي استحاله
--------------------
الشاعرمصطفى الركابي
شتتصور الزاغور يكفيله لثنين
قصة خيال أفكار ما الهه تدوين

الشاعر حسين الساعدي
وكت المخاوف صار يكفيله ميه
لا تنظر الزاغور شوف المنيه!
--------------------

أحنه اكلوب يم كبرك نسينه!
قصيده اهداء لوالدي المرحوم الحاج علي الساعدي رحمه الله
؛؛؛؛؛؛؛؛؛؛؛؛؛؛؛؛؛؛
شسولفلك يبوية وأبتدي امنين
ومن يوم الرحت والحركه بينه
ياخيمة التلمنه و غَربت وين!
ومن بعدك يبويه اتشتتينه
ويا فزعة النار اعله البساتين
هيج اخلافك احنه اتفرهدينه
وظَلم بيتنه وصرنه المساكين
ونصير أكثر بعد لوما تجينه!
كون الموت يرضه انبادل الزين
و روح ابروح جان اتبادلينه!!
ونِموت وتضل يا شمعة العين
هيبة بيتنه ابكل المدينه
يل كبرك يلم كل المحبيين
وأحنه اكلوب يم كبرك نسينه!
وتصاويرك يبويه اعله الحياطين
عجب ما هودن روحي الحزينه!
ومودع إبالله ابجاه ابو حسين
وبجنة الباري ابهل ضعينه
وبجنة الباري ابهل ضعينه
حسين ااالساعدي
رحم الله لمن قراء سورة الفاتحه المباركه لروح أبي ولامواتكم واموات المسلمين

77


إهداء للزهراء عليها السلام
حسين الساعدي

هاكثر وعيونهم شالت وكاحه!!
حسين الساعدي
؛؛؛؛؛؛؛؛؛؛؛؛؛؛؛؛؛؛؛
أه يروحي امشينه عنهم
ما يريدونا وحجوها ابكل صراحه
وأه يروحي اشننسه منهم
خلصو هذا العمر بس بالنياحه
هاكثر سامحنه بيهم
وهاكثر وعيونهم شالت وكاحه!
سامحيناهم وإديهم!!
حيل سدت باب بوجوه السماحه!
فشله يا روحي نجيهم
نعرك اعله الباب وبماي الكباحه!
وهنه مترين وعليهم
أخ وشطول الزمان ابهل مساحه!
لو عتاب ايفيد بيهم
جاء نعاتب ليلهم والحد صُباحه!
لكن امطافر حجيهم!
واالمطافر بلحَجي ما منه راحه!
واالمطافر بلحَجي ما منه راحه!
ااالساعدي
0


اتموصخت حتى الزغار!!
حسين الساعدي
؛؛؛؛؛؛؛
يل تكول إشصار بينه
والبخت من عدنه طار!
وينه ذاك البخت وينه
جانت الحوبه شرار
جانت النظره أمينه
والملح ياخذ قرار
وجانت النيه رَصينه
وما عليها كل غُبار!!
بلدُعاء نهتك مَدينه
ابرمشة العين الدمار
هسه لو نرفع إدينه
إوندعي ابليل إونهار
هالدُعاء يرجع علينه
والذنوب أقوى جدار
احنه بالدنيا التهينه
وبلمظاهر والعقار!
وبلقبر ما فَكرينه
جنه ما ندريها نار!
وما نفيد اليعتنينه
بالعكس صرنه مرار!
إوبليتامه ما دَرينه
اونعتقد واحدنه بار!
راحت الروح الحنينه
واجت روح الاحتقار!
بلحقد عشنه ابضغينه
حتى لو يجمعنه دار!
صحنه قدوتنه نبينه
إوللصنم عدنه إعتبار!
إونحب حيدر صَيحينه
إوعل يتامه صرنه عار!
هيجي بالدنيا انتهينه
ابغفله ضَيعنه المسار
وما تندمنه وبجينه
الأ وَقت الاحتضار!!
حيل حيل اتطورينه
وصرنه للفتنه مَنار
وبلزمان الوكحه عينه
اتموصخت حتى الزغار
اتموصخت حتى الزغار
الساعدي



ن



أملنه الجان عايش مات أملنه
وبغيابك راح ننصب مأتم النه
كون البشر ياخذ ما تمنه
جا خذتك كبل جيت المنيه
االساعدي

---

المن تنتظر وتضيع الحيل
صَدكني انتظارك ما يفيدك

منك صيحيت الويل ياويل
وحته الروح صاحت ما تريدك

ااالساعدي

ومضه رائعه يامريم عاشت الايادي

-
صدكني انتظاري ايعذب الحال
حياتي ابدونهم ما بيها معنه

اموت اولا يروح ابشوك عذال
عليك الله تكله برجع النه
الاروع مرورك شاعرنا الساعدي
تحياتي


أنه الوديت روحي أويه المراسيل
يروح الروح تلكاهه إبريدك

وأجيتك كوه أمشي امسابك الليل
تعبان اشكثر كلب اليريدك

وصلتك من وصلتك حيل ما حيل
وطحت يمك حبيبي انطيني ايدك
ااالساعدي

ومضه رائعه كروعتك يا مريم شكرا لكِ مع اجمل تحياتي

-
يحسين التمني اوياي مريود
أنه إمن الزغر عشت ابوعوده

أحبك كالها وما شفته موجود
اهواي إمن البشر ينكث عهوده
مريم
شكرا لروعتك شاعرنا الساعدي--

-------
--

-------
يامريم الراح ابكيفه ميعود
احبك كالها بس ما وفاهه

اهواي العاهدت ما وفت اعهود
صدكيني ولا اعرف شجاهه
ااالساعدي

رائعه ولروعتكِ اجمل التحايا

------


لا تسئل بعد وتدوخ الراس
سؤالك هاذه ماتلكه جوابه

جبناهم اطيور وتنبض احساس
ومن إاتمكنوا ! طلعوا ذِيابه

للحراس محتاجين حراس
خلولك عراقك جنه غابه!

صار اسنين ومكشرين الأرجاس
لأن ضمنوها الهم والكرابه!

هسه اتوازو ايخافون الافلاس
محد ينتخب هاي الطلابه

مبتسمين اجو وتذكرو الناس
وصارو يواسون ابكل رتابه

ياناخب ابصوتك صير كناس
وتكنسهم كنس من النيابه

ليش اتصير للربوك علاس!
تاخذ رشوه وتثبت عصابه!!

دجاله ودجلهم عيب ينقاس
والمسكين محتار ابمصابه!

شفطولك نفطنه ابغير مقياس
عراق الخلفوهم صار يابه!

مَدري العيب بيهم مَدري بلناس
نرجع للخطأ ودكينه بابه!

والشربنه سم ما بدل الكاس
وهَم نرجع انوقع لإنتخابه!
وهم نطلع انطبل لأنتخابه!

ااالساعدي

-----------------


تعال وكول كلا
أهداء الى الشهيد الصدر قدس

جِنت أسمع شجاعة حيدر النبراس
وجفوف النفاق اشلون لاواهه!

وأسمع بالحسن ولاخر الانفاس
كريم وبلكرامه روحه وفاهه!

وأسمع بلحسين وزوده ما ينقاس
وسيوف العده ابروحه تلكاهه!

وجنت أسمع الغيره إمرافكه العباس
ذَب اجفوفه بس الغيره خَلاهه

بطولات وصفات البيهه رفعة راس
ما شفناهه بس لكن سمعناهه

تسمع بيهه تتحسر عليهه الناس
وهَالطيبات بمحمد لكيناهه!!!

عَجيبه الهسه نايم والوضع حساس
يمخوف الخوف اكعد تعناهه

هاي الناس رادت غيرة العباس
وإحنه الغيره بس وياك شفناهه

عِراقك وبعراقك ظلم ما ينقاس
والأيتام ما واحد تعَناهه!!!

تعبان العراق إمن الهرم للساس
تعال وكول كلا اوردد اوياهه

كلا للظلم ولكتل هاي الناس
كلا للصوص وخاب مسراهه!

كلا لليخون الوطن والنوماس!
كلا للغِدر بغداد! باعاهه!!!

ياصدر الكرامه وتاج فوك الراس
ياكوفة علي والصدر حياهه

ياروح النجف والمرجعيه احساس
تحس بلناس كلهه وجَنك اوياهه

وبغداد الأسيره امطوقه ابحراس
تعال وشوف جَم ظالم تحداهه!

كل صفقه التصير ابلمة الأرجاس
ولد الخايبة ايدفعون معناهه!

محسوبين نحكم والنتيجه افلاس!
عود احنه ابطلاع الروح جبناهه!

والمَسؤل بفلوس النفط كَناس
هاي الرادهه وهاي التمناهه
هاي الرادهه وهاي التمناهه

؛؛؛؛

الكوفه اتهدلت تلطم صدرها
لمن سمعت امخضب صدرها
هاي الطلقه يا ظالم صدرها
البجت عين كل االجعفريه

حسين الساعدي


-------------



ابوذيه
مهما الموت عن شَخصك بعدنه
عله خَطك يبو اُمؤمل بعدنه
نِعد بسنين فقدانك بَعدنه
كل جمعه سنه اعله المرجعيه
-------------------------------

القصيده

سنه وشيعه يمحمد خسرناك
ياصدر االعراق ابكبره ديوان

عوجيتك صدك جانت ابيمناك
بس شالت جبل وبهيئة انسان

تِنَخاك العراق إومن تنَِخاك
مالت هالسفينه اتريد سَفان!

وياعصاة موسى اتجيب وياك
والواقع عراقك حيل تعبان!!

مذبوحين صرنه اهنانه وهناك!
وماظن بالسهوله انجيب دَفان!

وصارت غابه يمحمد بَلياك
وما ضلت حبيبي وكلها عِدوان!

هِتفوا كلا للشيطان بحماك
وبيوم الطحت تبعوا الشيطان!

كلهه اتغربلت مناه إومناك
ومَيزنه البقه والراح ! خَوان!

همه العاهدوك ابهذا مَسراك
لكنهم مشوا والغير عنوان!

لكن والبقوا ضد التحداك
يمحمد وفولك خوش شبان

ما صارو اذيول الهذا ولذاك
يا منبر علي وبالكوفه نيشان

وهنياله اليموت ابهذا ممشاك
والعافك وحق الزهره خسران
والعافك وحق الزهره خَسران

حسين الساعدي


-

---

صدك والغيري تنزفين!!
حسين الساعدي
؛؛؛؛؛؛؛؛؛؛؛؛؛؛؛؛؛؛؛؛؛

صدك والغيري تنزفين
وأنه القهر سابيني

صدك بلزفه تتكحلين
وأنه دمعتي ابعيني

وصدك بلحنه تتحنين
مو من دم شراييني!

عاد الليله لتضحكين
هالضحكات تاذيني!

ضمي ضحكتج بعدين
لمن ما تضيعيني !

وعاد ابنظره لتبخلين
بالنظرات واسيني

انتي ابين المهنيين
وأنه انختمت اسنيني

جنه اثنين متصافين
اشفرق بينج إوبيني!

أصيحلج يضي العين
ومحبوبي تسميني

وقبل لا للأبد تمشين
باخر نظره ودعيني

وهلبت بيها تندلين
عافت كل عناويني

ماشفتيها راحت وين؟
بالله ابروحي دليني
فدوه ابروحي دليني
ااالساعدي


---------------
مثلي ومثلك يا مجنونه ويا مجنون
نتحده اثنين ايحبون ابهذا الكون
مجنونيين ابعالم ثاني
ويه الحب بس انتَ وأني
أحنه الأصلي وباقي العشاك ايقلدون
مثلي ومثلك يا مجنونه ويا مجنون

////////


أقرء احساسك لمن تسكت واحجي اوياك
ومن اعيونك أفهم كلشي وأتمناك
مجنونك ذايب مجنونك
مجنون ابنظرات اعيونك
وأنته الروح التنبض بيه وما يدرون
مثلي ومثلك يا مجنونه ويا مجنون

//////////////

بعض الناس اتشوف الجنه إوبعد الموت
وأنه الجنه اكبال اعيوني ابيوم اتفوت

كَثر جياتك خليني
أرسم هاي الجنه ابعيني

-

ابو فاضل والنعم زين الزلم
بلزلازل هزهه وتعناهه

ما سلم منه التحزم ونهزم
والمنيه ابوجهه يتراواهه

هو واحد لكن اهواي انثلم
ولهذا اجموعهم لاكاهه

وأسأل العدوان ينطونك عِلم
كلمن ايظن ضربته اتلكاهه

وين ميشردون يلكوله رسم
وضربه للعباس ما ثناهه

وبوقت واحد تشوف إجم عَلم
لبو فاضل وافتهم معناهه!

نسئل العلام لازم نفتهم
الكعبه ولطف كربله اشجاباهه!

راية العباس رفة من هجم
لو أبابيل الترف وياهه!!
لو أبابيل الترف وياهه!!
ااالساعدي


--


ماعدهم علي وبهذا مقهورين
كل الشيعه لازم ما يخلوهه

واليذكر علي ينذبح بالسجين
والكعبه ام علي باجر يفجروهه

وابن العاص قدوتهم وفرحانيين
وقدوتنه علي وهالفكره رفضوهه

وابن العاص كون ايمثلنه الدين
غمه اعله الديانه اللي تظنوهه

كثرو بلذبح وشما تمر اسنين
هاي الشيعه تتكاثر تشوفوهه

مجنونيين والجننه حُب احسين
عوفونه اشعليكم عاد افهموهه

أحنه وبلمهد والينه ابو الحسنين
يعني ابكل نبض ياعلي تلكوهه

لتكولون بال البيت مهتمين
هاي احجايه فشله ولا تكولوهه

هيه الزهره روح الكعبه وام الدين
وحق الكعبه واعرفكم تكرهوهه



-
لا ولك مو هيج العشك!!
حسين الساعدي

وبكثر ما عندك برود أنه احترك
تلجم اجروحي ابصفنتك وجروحي بلصفنه تطك
ومتهزك الأشواك لمن نفترك!
والفرق بيني وبينك احجاية صدك!
والكَطع اسنين العمر مو مثل اليكطع نبك!
لا ولك مو هيج العشك
انته صباحك توه بلظلمه يشك
وانه الاجاني الليل بهمومه انفتك
للعشك لو كلبك يدك
جا بدليت العيد سويته طَبك
وسجين رمشك جا بقت ترشك رشك
وبخدودك الترفات دمعاتك تشك
وتختنك لازم من صدك
لوما تشوف اهواك لازم تختنك
ااالساعدي

-

وينك يل تكول الشعب فوك الراس
يامسئولنه الدجال جا وينك!

لو جامك امضلل ما تشوفك ناس
اخذت اصواتهم عنهم درت عينك
االساعدي
-

والمثلك أبد مايوم ينلام
لأنك ما عشت معنه السلامه

ضيعت الفرح ضيعت الأحلام
ويا ليل اليمرك ما تنامه!

عينك للدموع ابسرعه تحتام
وشفتك ضيعت كل ابتسامه!
ااالساعدي

-
امرايتنه خَطيه اتشوف الهموم
لأن ثوب الحزن لازك عَلينه
بأحزان الكَلب مصبوغه الهدوم
خَطيه و حَتى المرايه! حَزينه
تحياتي

ايداعكون التمني ايصير هسه تمنيت
اني وحبيب الروح يجمعنه فد بيت

كون العراق ايشيل يمي واحبه
ياربي مشتاقين والغربه صعبه
كون يمك!!
كون اطب لأرض العراق واشتم اترابه وأشمك
كووون يمك
وانظر اعيونك حبيبي واكعد اكبالك وأرسمك
كووون يمك
ما اَعوفنك يغالي وداعتك بعيوني اضمك
كوووووووووووووون يمك

--------

كون أعرف شنو سرك والله شمخلي عليك
بيك سر للجاذبيه ايعوفني كَلبي إويجيك
اعتقد جي على نيتك والدعاء ينقبل بيك
يا حبيبي امروتك اني ادعيلي وارفعلي اديك

------------

كون الكَلب ينباع جا هسه بعته
ايون ابتوالي الليل مسموعه وَنته

-------------

كون المنام اشريه من الينامون
من سافرت لليوم سهرانه العيون

-------------

كون الهوى ايفر بيك لامريكا وداك
وافتح الباب اليوم وبابي الكاك

-------------

كون الكَه هسه الروح من عندي طاحت
بس لا خذاها الشوك للبصره راحت

----------

كون الطلبته اليوم يتحَقق اوياي
إمن امريكا للعباس هسه امشي عَناي

كون اعرف الاسباب ليش إمن اجي اتروح
مثلك اصير انوب يمعذب الروح

-------

----------

كون اني شاعر كون واكتب قصيده
كلها غزل باوصاف ذاك الأريده

----------كون العسل ينباع هسه اشتريته
واسهر واسهره اوياي لو صاحبيته

---------

كون التريده الروح هسه واشوفه
ياعيني لو للموت لا ما نعوفه

-------------

كون اشد عيني ابطير للغالي طاير
واشبع نظر ما انام كل ليله اساهر

-----------

كون التريده الروح يتعاهد اااااوياي
يسكيني ماي العين لو خَلص الماي

-------------كون الليالي اتعود تجمعنه بيكم
وبكل وكت نشتاك نكدر نجيكم

-----------


كون اني تلفزيون شاهد رَسمكم
لاصرخ ابعالي الصوت يفلانه احبكم

------
كون يمي!!
جا ضحكت ابعلو صوتي وراح همي
كون يمي
جان كَبلي ابشوفتك هلهلت امي
كون يمي
وجان اكلك اعد من اتصيح باسمي
كووووون يمي

-----------

كون اشوفك
اعيوني سهرانه ابغربتي اتنام لو فرشت اجفوفك
كون اشوفك
الله ليخلي الضروف الصممت لازم اعوفك
كون اشوفك
وأرد اناغيك إوضروفي اتناغي وتغازل ضروفك
كووووون اشوفك

----\
كون هسه
ترجع البغداد حتى اتصير ونسه
كون هسه
بيك تشرق شمس عمري وانتَ شمسه
كون هسه
احضنك ابكلبي اضمك وبالضلوع اكَليبي احبسه
كوووون هسه

-----------

كون هسه
والكَلب تلميذ عد كَلبج يدرسه
كون هسه
حتى يتعاقب بديج الينسه درسه
كون هسه
وايدج الترفه ابعقوبتها تلمسه
كووووون هسه

------------

كون هسه العلى بالي اويانه كاعد
اشتهيت اكتب اوياه احله القصائد

------------

كون اعله باب اهواي اشتغل حارس
عاد اطمئن وارتاح من هالهواجس

----------
كون تدري أنتَ عمري
ابكثر حُبك للعراق
هيج الك عندي اشتياق
وخلص صَبري
كوووووون تدررررري
--

كون تدري الغربة صعبه
واصعب ابعادك عليه
ابكثر شوكك يا حبيبي
تلكَه هذا الشوك بيه
كووووون تدرررري

-----------

كون اشوف اعيونكم هاليلة هاي
بلكي تغفه اعيوني وتعوف السهر
لا عشك يشبه محبتي اولا هَواي
سهر عيني ابتدء ابساعات الهجر
كوووووووووون كووووووووووووووون
كون اشووووووووووووف اعيونكم

-----------

كون ابحال
الروح الصاحت هسه اشكيله
كون اعيوني
اتشوف اعيونه ابهاي الليله

----------\\

كون تعرف جَن محبتك كمر ضاوي اويانه
لوما انته اهنانه حاضر ما اجينه اهنانه!!
الخاطرك جاملنه ناس اهوايه
صاحبينه اشكثر وانته الغايه
هاك روحي
البيك هامت
بالبعد حزنانه
لوما انته اهنانه حاضر وما وصلنه اهنانه
كووووووون تعرف!!!!!!





كون تدري اشكَد غلاتك بالكَلب
يا حبيبي جان كَفيت ااااااالعتب
ابعيني كلها اتراب بس انت الذهب
يانظر عيني ابهواك
عافني كَلبي واجاك
وأه لو تدري بعيوني الشوفتك عطشانه
لوما انته اهنانه حاضر ما وصلنه اهنانه!

كووووووووون تدرررررررررري

كون هسه الصدفه تجمعنه سوى
انطير اني اوياك بجناح الهوى

-----------

كون هسه
اعيوني تشوف اعيونك!
كون هسه
اعرف حبيبي اشلونك!
ليش ما تتصل بيه
ضاعت اخبارك عليه
كوووووون هسه
يمك وايدك بديه

-----------

كون ما سلمته كَلبي وكون ما حبيته
وعيني ما شافته ابدربي ساعة اللاكيته
حبي يا عالم مصيبه
يامحب سَوه ابحبيبه
اخذ كَلبه ابحاله صَعبه وعينه تربي البيته
كون ما سلمته كَلبي وكون ما حبيته

---------------
كون تدري اشكثر مشتاق الحنانك
المنتدى اظلم لأن خالي مكانك


------------

كون هسه اعرف حبيبي اشلونك
كون هسه ابعيني اظم اعيونك

-----------

كون هسه الليل انامه وبيك احلم ما اعوفك
وطول عمري ابقه نايم خاف أفز وما اشوفك

------------

صديقي
هذا طَبعي وبالمختصر!
أستقبلك برحابة صَدر
وأفديك بسنين العمر
ولكن
لو ابتعدت عني شبر
ابتعد عنك كيلو متر

بقلم
حسين الساعدي




نتحالف أنه اوياك هسه سويه
عينك تصد للغير لو بس اليه

مرسومه بيك العين هيه وجفنهه
ولو بس تصد للغير اتبره منهه


لهفتك لاجل اهواك صَدكني سهله
اكبالي وارمش اعليه وينك أكله


دمعك بسيطه ابهاي بس طفه الشموع
جسر السريع اليوم من دمعي مَكطوع!!

* **
ويه الكمر سهران وسئلته وينك
رادت تكضي الليل عيني اويه عينك


أرد اسأل المشتاك والفارك احباب
هَم مثلي روحه اتروح ويه الهوى الهاب


يحله السهر لو جان بس انته وانه
حتى الكمر لو غاب تاخذ مكانه
**

*
* *
**

مرسومه بيك العين هيه وجفنهه
ولو بس تصد للغير اتبره منهه*
*
*

خليهم ايسمون مجنونك أنه

ليله اويه قيس اتصير قصة هوانه





دمعك بسيطه ابهاي بس طفه الشموع
جسر السريع اليوم من دمعي مَكطوع!!

-------

شيلت سابع جار من كَد ونيني
وللثامن انطي انذار لو ما تجيني

---------


يا طفلتي المجنونه
ساعطيك درساً يعلمكِ كيف تتجاهلي همسات الحُب
ولن تنبتهي لنبضات القلب
حتى تنسي من انا
ولن اثير اهتمامك ِ لو تصادفنا في الدرب
فقط راجعي ذكرياتك
لوقت ما كنا نلتقي
ورتبي حياتي بعيد عن واقعي
وابعدي عنك ومضات الجنون
وامسحي التخيلات من الظنون
حتى لا يبقى اي رسماً في العيون

----------------

ومحتار ابطفله ومجنونه
ما تعرف بالحب اشلونه
يجرح بس ميداوي اجروح
وما يرحم لوعات الروح
وبعدج عالحب ازغيرونه
محتار ابطفله ومجنونه


------------------------



قبل لا تبتلش ويانه وتطيح
وتشوف الاثنين ابجمع واحد!

أنصحك تعتبر وتراقب الريح
تجيها أوقات مَتحرك كِواغد!

وبوكت الغضب بالعاصفه اتصيح
تهز اجبال وعيونك تشاهد

و إحنه انلاعِبَك لعبة مَراجيح
ندوخك بس نفرك لا تعاند !

عدنه الكل قفل تلكه مَفاتيح
روح اسأل الملعب هوَ شاهد

احنه البل لعب ننطي تصاريح
وإذا مو كدهه أبد خليك كاعد

نصحتك يل تصب دمع التماسيح
غَشيم اشورطك ويهَ السواعد

-----------




نعم بس اني الوحيد وأنه بالدنيا المثالي

لو شفت نفسي طبيعي ابلا غرور اولا تعالي

اشكثر كالوا يمه نوصل ما يوَصلون الخيالي

لو نزل سوك المواقف أنه ذاك أنه أبقى غالي!

وماا شكيت الحال مره وصابر ابجور الليالي

والوفي اني اعتنيله حتى لو شَح ابوصالي!

طبعي بالدنيا أوافي حتى ويه الما وفالي!

والصديق الغاب اعذره الما عرف باللي جرالي

واكتفي ابدعوة يتيمه حتى لو محد بقالي!

وأبد ما غرتني دنيه وبس على الطيب سؤالي


ومنبع الاحرار أحبه لأن بيهم راسي عالي

للأصيل اابروحي أضحي لا أخاف إولا اُبالي

والذليل ابأيدي اشطبه حتى ميمر ابخيالي

وما أطخ راسي ابحياتي وبس على الباري اتكالي

---------


بس دمعة البقت واثنين ماشين
يادمعة التطفيلي جَمرتي!!

يا وجدان محتار ابمصابين
حبيبي عافني وناكر عشرتي!

شفته امحمره والكحله بالعين!
ما مجبور يعني إوناسي قصتي!

وبزفته ركص ويه الشياطين
عواذل هلهلوا باكوا فَرحتي!

وبنفس الوقت بجنازه ماشين!
صَديقي المات هسه ويا حسرتي!

بالزفوه حرت ! والماخِذَه البين!
حرت وحتارت ابعيني دمعتي!

خَيرت النفس بين الأمَريين!
مَدري اليا أمُر تسكب عَبرتي!

صِحت إوقررت مابين الاثنين
واحد يستحقها ابهذا وَكتي!!

وَصيت الدمعتي لا تطيحين!
أزعل لو على الزفه وكعتي!

عَله الدفنوه أريدنج تصبين
وهَم أزعل ! إذا عالخد وكفتي!!

يستاهل الصاحب دمعة العين
لأن للموت ما ناكر! صحبتي!!

------------


ما صارت أبد بس صارت اوياي
ويه زفة حبيبي صاحبي ايموت

هم شفتي وسمعتي ابقِصِتي هاي!
أنه اللاكتني زفه اوياهه تابوت!

ما اصب الدمع كون الدمع ماي
بس لليستحقه إواجان مبخوت

حبيبي العافني وتعنه عَناي
راح اويه العواذل يسمع الصوت

خساره دمعتي بالضيع الراي
أغمض عيني لمن زفته اتفوت!

لجنازة صديقي ابدمعي وَفاي
لوما الموت ما فاركني للموت!!

--------


يحله بالزين التواضع لو يميل
ويعذر السان التعجل بالزلل

هاك اخذ مقياس لأطباع الأصيل
ايصير للصحبان بالشده أمل!

لأن يسهل عنده حتى المستحيل
والمواقف يمه ما خذها الخَجل

وبعد بيه طبع الكرم بابه دليل
ايرحب ابكلمن لفاه ابلا مَلل

إوكون يغتاظ العدو عنه يشيل
بس يشوف ابعينه وَمضات الزعل!

لأن ما يقبل ابعيله إوما يعيل
وقتدى ابحيدر علي خير العََمل

ينطي روحه وأبد ما ينطي الدخيل
وأبد متغره المَضاهر لو سئل!

والفخر مو بالكصير اوبلطويل
النحله هالكدوتهه و تنطي عسل!

-------




شفت بعيونك سوالف
جَنك امبدل الطباع !

دَحجي يالله اشبيك خايف
يالله غَير هالقناع!!

دَمعتك مو من عواطف
يعني هالدمعه خداع

فِضحِتَك ضحكة شفايف
بالغدر كلش شجاع!

اويه الزمن عاقد تَحالُف
ضدي جهد المُستطاع

يالله إبدي ابجرح نازف
ذكره منك للضياع!

بالظهر طَعنات شايف!
زيدهن طَعنة وداع

تعبت ايدي وأنه اشاكف
وِليه وبنص الضباع

جنت أظنك من توالف
تصمد الحد النخاع

إوجنت أظننك مُضايف
تِشبع ابطون الجياع

العار ما طب للصرايف
والوفه البيهه شعاع

العار للباع المواقف
للأسف وبسرعه باع!

عوفني ولتكول أسف
روح صير الهُم دفاع

المَركَب ابوجه العواصف
مااِله غير الشراع

وأنه وحدي الهسه واكف
والشراع اوياك ضاع!
للأسف وياك ضاع!!

-----------


فنهه توصلنه المحن!

احنه لحن الحزن عدنه ابكل وقت ضل ينعزف

لأن بس شفنه المأسي وغيره ما عدنه لحن!

واحنه عدنه اعزاز عدنه نامواا ابأرض النجف

الناس عدهه اوطان واحنه بالنجف عدنه وَطن

واحنه احنه امن المحنه ابساع بالحب نعترف

لأن عدنه اكلوب ترفه انجرحت إوضلت تحن!

واحنه من دون البرايا الكاعنه ما تنخسف!

لأن جَف عباس بيهه وِفنهه توصلنه المحن!

الشاعر حسين الساعدي

-----------

الذنب مو ذنب العراق ابهل يصير
هو مسكين إوتحمل هالدمار!
الذنب ذنب الناس ما عدهه ضمير
خلوا ابكل شبر من كاعه انفجار!
يا عراق وداعتك تبقى الجبيرر
إوكلهم اقزام اليعادونك صِغااار
راح ينذلون وبأسوء مَصير!!!
وبدولهم راح يتشضه الشرار
حوبتك قرأن يل مالَك نَضير!!
لأن كاعك طاهره وحضره ومزار

--------



فتح عدنه الحزن بابه
ومدري يمته ينطبك!

والطبك ندري ابمحرم
واحنه يوميه ابطبك!

بالعراق اتشوف كلشي
وحتى الاخضر يحترك

احنه واقعنه عجيبه
والهوى البيه مختنك

تنفجر حتى العواطف
بالنواسف لو تطك!

وتنتحر كل السوالف
ويه همسات العشك

--------


اشلون أطوي الحياة ابكل معانيهه!
وبس لليستحق دمعاتي اراويهه
الغايب على اعيوني وما يمر بيهه
اروح اني اعله كبره ودمعتي ابجيهه
بس العافني اولو زفته الاكيهه
اديرن ضهري الهه وما أصد ليهه
-----




أنه اشتاكيت الك يابو المنارات
كثر هَمي ابغربتي اودمعة احزاني

والينكر فراتك ناكر الذات!!
وَلِهذا رِسمتك ويه وجداني

ما ناسيك والينساك بذات
بالغربه وكتبتك انته عنواني

بيك امي العزيزه امِ التحيات
وبيك اخواني واهلي وبيك صحباني

وأهل البيت بيك أهل الكرامات
مثلك ما اظن الكه وطن ثاني!

لكن يا عراق ابكلبي حَصرات
ويوميه ابخبر تتخطف ألواني!

من دون الدول بيك انفجارات
ومن دون الاطفال اطفالك اتعاني!

وبعمر الورود إوصاروا اموات!
وتسكت يا حسافه وتعرف الجاني!

حَق الموت!بس كلمة حرامات
تغافلني وتحط كوه على الساني

الشعب لوما يقدملك سلامات
اترك هالشعب دَور شعب ثاني

كالوا كتل ولده إوكلت هيهات
معقوله العراق ايصير شَراني!

وإذا اجيتك رغم بعد المسافات
ابنواسف لو ابطلقات اتلكاني!!


----------

عمر واسنينه تتبخر!
بعيوني
الطفوله
اتنام
بس الشيب صار أكثر!

تَعدانه قطار الشوك
صرخاته ابكلب محروك
أظن حتى العمر مبيوك!
ولك ياريل بس فَتر
دشوف الشيب صار أكثر!

ولك ياريل
ماضل حيل!
نتبعك وبسواد الليل
والخطوات تتعثر!!
دشوف الشيب صار أكثر!

ولك وحشه ابمضايفنه!
دَرد بينه السوالفنه
عسى وتضحك شفايفنه
عسانه وعالضحك نكدر!
دشوف الشيب صار أكثر!

يريل الروح خلصانه
تحن للجانوا اهنانه
إذا ما عادوا اويانه
اخذنا الذاك المكَدر
دشوف الشيب صار أكثر!

يريل الماضي رَجعنه
على الناسي يودعنه!
ضعنه ابهل زمن ضعنه
وحتى الملح ما غزر!
دشوف الشيب صار أكثر!

رد بينه الطفولتنه
دخل تنعاد ضحكتنه
يريل اشمحله لمتنه
خبزنه ابعافيه ايخَضر
دشوف الشيب صار أكثر!

عمر واسنينه تتبخر!
بعيوني الطفوله اتنام
بس الشيب صار أكثر!

الشاعر
حسين الساعدي

-----
سامحهُم تكلي وإترك الأسباب
وأنه طحت ابزمن ما عاش اليِسامح!

الاسد ما يبتسم لو كَشر الانياب
وضحكتهم دغش منها الصدك طايح!

وِاليغدرك اتركه إولو حلف جَذاب!
ايغدرك بأخس منها وتسمع الصايح!!

بعد شنهي اليعثر والبخت لو غاب
حتى الملح ماصخ صار مو! مالِح!

تباوعهم بَشر بس بالاطباع إذياب
واحدهم بَطل بس بالغدر ناحج!

بعد بيمن تثق وتحسب الها احساب
انخبطت ما تعَرف الصالح اوطالح

تالي الليل يتلثم يجي سَلاب!
نفسه البِلصُبح وَياك يتصابح!

خليها عله الله والأمل ماخاب
الله ايعظم اجرك لو كنت ناصح!!
-----



يا حَرام ياحرام
دَمروا دار السلام!

بيها بس الحوم يفتر هاجرت كل الحَمام
والعراق الجان كلبه منترس شوك وغرام
هسه بالدم صبغ دربه من ضحايا الانتقام
بعد ما ضلت محبه والغدر صار ازدحام!
العيد جان ايلم شملنه بالمحبه اوبلوئام!
هسه يا عيد اليمرنه ايزيدنه فرقه وخصام!
وجان واحدنه يشور حوبته حوبة إمام
وِاِليخون الملح يعثر جانت النيه تمام!!!
هسه مختلفه النوايا والملح بس با لكلام!
هسه خيرنه ايتعثر! والبطن شبعت حرام!
ما نقدر نعمة الله نمشي وندوس الطعام!
من ادينه اشصار بينه وبعد شيفيد الملام!
ضاعت الرحمه علينه اوبينه بس الاتهام!
والايتام العدنه ضاعوا مالكوا منه اهتمام
ياعراق اشبيهه ناسك! طاحت إبحر الظَلام!
ليش يا دار السلامه مابقى ابدارك سلام!!

---------



بعيونك سوالف بيهن اسرار
باسرارك حجن كشفنك اعيونك

بعد ما بيك تنكر هاي الاخبار
عاجل عالجزيره الكل يعرفونك

شافوك ابمشيتك وانته محتار
ضاعت خطوتك من كتلك اشلونك!

--------
احسبني غريب وجاي يمك ضيف
دليني اعله روحي ابكلمة اشلونك

ضيفك لو ترده وبنهار الصيف
تصبح سالفه وكلهم يعَيرونك!

ما رايد عزيمه وما ردت تكليف
بس رايد دقيقه النظرة اعيونك!

---------



هَي البداية والملتقى!
هَي الهداية والتُقى
هَي الغاية والمنتهى!
هي الزهراء وكفى!
ياموالي!
عندما تكتب لسيد الشهداء
فانكَ تواسي الزهراء
يا موالي!!!
فمن تواسي
بالزهراء!!
وهي ام ابيها
وأبيها سيد الأنبياء!!
اكتب لها لتواسي الشهداء
اكتب لتواسي الأوصياء
لتواسي كَبد السماء
فهنيئاً لك بهذا الوفاء
مصابنا بالزهراء سَيطول
فواسي بها عَلي والرسول
وزينب الطهر بامها البتول


------


من يراوسني ابكلب ويه الجرح غافي!
متعَود اعله الوفه وما فكر ايجافي!
بس بيه طبع من يون ما يعرف الكافي

-------

سَمني بأي اسم ملجوم سَمني
أنه المغدور والربيته سَمني
مو من عافيه امن اتشوف سِمني
ترى سم الغدر زادوه اليه
------




-------


لا تسمع عذرهم واترك الأسباب!
لأطباع الغدر ما انصحك اتسامح!

لو شفت الاسد و مكَشر الأنياب
اجاك ابغايته اوما رايد ايمازح!!

وِعتذرولك ابضحكة جذب بالباب!
وِمنِ اعيونهم كل الصدك طايح!

ياجرح البضهرك للوكت ماطاب
وِاليوم اعتنوك ابعذر المواكح!

مَنظرهم بَشر بس بالحقيقه إذياب
واتحداك كون اتفرزن الناصح!

ياحوبه البقت وأهل البخت غياب!
بيش ايغزر إمن اتمَصَخ المالِح!

دنيه الفرتك لعبت لعب دولاب
وتلبس الطالح مَلبس الصالح!

والغَدار اتركه إولو حِلف جَذاب!
ميعوف الخيانه إوتسمع الصايح!!

تالي الليل يتلثم يجي سَلاب!
نفسه البلصبح وياك الِيصابح!

--------

شكراً للحقيقة الكشفت المظموم
زين اتلاحكت ما زادت أوهامي

أنه الجزيتهن بيدي إوبديت اليوم
عمري وما ردت ذَنيجه ايامي!

كلبي الجان واحه ومايعَرف اللوم
شجاني ورحبت بأعصار سونامي!

مَجروح وأفزلك وبجرح مَلجوم
جنت أنسه الجروح وانته كدامي


لطيوفك أتاني وما اعوف النوم!
هسه النوم عفته وكاره احلامي

وابهامي البصملك بايعك للدوم!
كَصيته إمن اديه إوناكر ابهامي

فِلمَك محترك وبدورك المَظلوم
ذبيته قبل لا يحرك أفلامي!

عفتك يا صنم والجاهليه اهموم
مُسلم صاير وما أعبد اصنامي

-----


ياكلبي كافي تحن صدكني ميرجعون
لو يحبوك ابصدك ماجانوا ايبعدون
خلوك وحدك تون بس راحوا ايضحكون
انسه الليالي المضن بس لا تكلي اشلون!
كل الحلول انتهن ما ضل بعد كل لون
عرفوا ادروب الغدر ما عرفوا ايحبون!
ياكلبي هذا الوكت بيه قله اليوافون
بس الغدر منتشر يل بالغدر مَطعون
وبهلزمان الوفي ايوصفونه بالمجنون!

-------
عيد الام!
أحن لأمي الحنينه وجَني مَجنون
يَعيد المن تجي اتخليني مقهور!

ابعيد الأم نعايدمن يلعيون!!!
وأنه امي ابكبر ما بين الكبور

------


فقدت الذاكره عن ماضي كل الناس
بس وَياك صرت أتذكر ايامي

صرت شاعر مشاعر والشعر حَساس
إذا ما مر خيالك يبعد الهامي!

كون أدري المشاعر بالحجم تنقاس!
جان اترك غروري واعلن اعدامي

من اتكول أحبك لأخر الأنفاس!
هَم خليت حَد وتزيد أوهامي!

حُبك عَقد ويه الروح ما ينقاس
إذا غاب اللحم تحجيلك اعضامي
-----


يامن جعلتني ارى فيها كل الفتيات
رائعه بصفائها وجاذبيتها
همساتها تجاري هَمساتي
ليتفقا على قضاء اجمل الامسيات
فلا تلوموني لو اختصر وقتي معكم!
لانهها اخذت مني كل الاوقات
احيانا اراها طفله ساذجه
لا تعرف خبايا الحياة!
واحيانا اراها متمرده ناضجه
تسلبني كُل اللذات

---------رسم بغداد!


تمر اطيوف شوكَك لو غفت عيني
تجيني الغربتي وتكعد تسليني
هاك اخذ العمر وشباقي بسنيني
يا أجمل حلم وياااااااااااك خَليني
تعال وجيب روحي من تلاكيني
إوبعيونك رَسم بغداد راويني!!!
إوحط كل العراق ابينك اوبيني
أريد أسأل عَليه خاف ناسيني!
وأريد أحجيله بهمومي التأذيني
وأريده ابضحكتي الضاعت يدَليني
عراق الحُب رسمته ابكل عَناويني
ما ناسيه اويا غُربه التنَسيني!!!
صرت شاعر عراقي وحُبه سابيني
وتلكه اسم العراق ابكل دَواويني!
نَفس ذاك السمار البيه تلاكيني
ثِلوج الغُربه ما كِدرَت تِخَفييني!
عراقي أنه وتعال انظر نياشيني


الشاعر حسين الساعدي

راق لي

عالوهَم لتبيع دينك كَسر أصنامك بديك

لا تفكر باليبيعك روح ويه المشتريك

دنيا بالمكلوب تفتر والتناقض يعتنيك

ما رحت للراد جيتك والتريده ما يجيك!

يامه رادوا كلمه منك وانته بس السكته بيك

والردت من عنده كلمه ساكت وما رد عليك

هايه دنيانه الغريبه لا بديه إولا بديك!!

تلكه بيهه الما يطيقك تلكه بيها اليشتهيك!

لا تلوم اللي يعوفك وانته عفت اليرتبيك!

ظالم إومظلوم انته والملامه اترد عليك!

--------------------------------



مَسرحك لا لا تعوفه اشهل كلام اللي تكوله

اني ما شايف ممثل يطلع ايعوف البطوله!!

جانت ادوارك رهيبه إوللغدر عندك ميوله!!

لكن الحُب ما تدبره لأن ما تعرف اصوله!!

ابقه اجرح ما اعاتب والغدر وياك سوله!

تجرح ابروحي التحبك واخ يا روحي الخجوله!

لا شِكَت يوم ابعذابك لا وفه المنك تنوله!

اخذ مني هالنصيحه واعتمد باللي أكوله

لا تمثل دور للحُب لأن ما تكدر تطوله!

---------


شوكك للتحبهم دوم وداك
لان همه دواك اصبحوا والداك
امك ويه ابوك ومنو وَداك
يحفضهم الك رب البريه

--------


مَشاعرنا رَهيبه إبرقه ماتنقاس
من عدنا الورد يتعلم الرقه!

تتلون اوراقه ابخجل لو ينباس
منسجمين ورقه اتحاضن ابورقه!

أنهَ وأنتَ عَلمنه الهوه للناس
والقلد هِوانه إهواي يترَقه

يا أحله قصيده وِبقَلم حَساس
يزعل كون ما سويتك الأرقه

أحبك كلمة حلوه كون ما تنجاس
هالكلمه الجميله بس الك تبقه

أول مره أحس بمبادل الأنفاس
لَمن روحي صارت بيك مِلتصقه

سَكرته ابغرامك يل محبتك كاس
لتلوم الكلب من يشتهي حَقه!

أريد اختار الك كلمه فلا تنقاس
لأن كلمة أحبك حيل منطرقه!

--------
اتسابكن روحي ودمعتي
يوم ما كال الوداع

مَدري وشصار ابصفنتي!
كلشي اشوفنه خداع

طحت مَدري الكاع اجتني
مَدري دنيا ابلايا كاع!

دورت مالاكي نفسي!
والعجيبه الدرب ضاع!

مَدري مني مَدري شَمسي
جانت امضيعه الشعاع!

يعني بس هالكلمةيعني
وهدمت كل القلاع!

لو يروح اشلون حالي
وياسفينه أبلا شراع

ريته مستنظر وَفاتي
كبل ليكول الوداع!

---------









بعد كافي!
ضاعت ضحكتي وياك
ما مرت على اشفافي!
بعد كافي
عرفتك تغدر اليهواك
وسهمك لسه بجتافي!
بعد كافي
ولا جَنك حبيبي ذاك!
خابط صرت مو صافي
بعد كافي
كدرت اتصبر ابلياك
إذا تبتعد وتجافي

جنت اتساهر ابطرواك
وَكَعد جفني الغافي

طير وتعباني ارباك!
تغفه ابحضني الدافي

جنت اتلهف الملكاك
يظالم جنت متعافي

ما ضاع العمر لولاك
وأنه انتضرك اتوافي!

عفتني ورافكت ذولاك!
وجيت امضيع اوصافي!

شسوي بيك رد لهناك!
ضواك ابعيني ضل طافي!

ما يسوى العتب وياك
بس جلمة بعد كافي
بعد كافي

-------



كون أدري
أمسح ادموعك بديه
هذا شِعري
اخذه من عندي هديه
خلص صبري
اوغربتي كلها أذيه
وحرت بأامري
والدمع محتار بيه
باقي يجري
وفَطن الوادم عليه!
وضاع عمري
والحلم مارد اليه!!
شنهي عذري
والطَلب للحُب هَويه!!
ريته يدري
كلشي ما طايح بديه!
أه يقَهري
والملامه ابهل قَضيه!!
ذاكَ بَصري
وهاي من الواسطيه!
وهذا شَطري!
وذيج بغداد الأبيه!!
وحُبي عذري
وكلبي واحد ماهو ميه!
اشلون بأمري!!
وكلها كلها اتلوم بيه!

-----





سولفوا شنهو ابكلبكم
هل وصل قاضي الغرام

والاستاذ الدخل صَفكم
يالله كوموله قيام

يالله حضروا أسئلتكم
من بعد رَد السلام

عندي كل أسرار حُبكم
من محبة ومن هيام!

اعرف السهران بيكم
واعرف المنكم ينام

واعرف ابهلت دمعكم
من فَرح لو من خصام!

واعرف الفرحان عدكم
واعرف العاش ابملام

واعرف الفرق شملكم
ما عرف معنى الحرام!

عندي اضبارة سجلكم
بيدي كاتبها تمام!

الإسم بيها إوأصلكم
والعمر ويه العمام!

والسئلني هسه منكم!
يسأل ايريد الوئام!

راح اكلله وأكلكم
ماكو بالحُب انتقام!

الوَفي اشما بعد عنكم
لو يحب جابه الهيام

لان ما ينسه دربكم
بيه إله ذكره وغرام!

والطيور المن قصصكم!
عرفت اتحب بانسجام

ويرجع العشه مثلكم
إشما بعد طير الحمام
اشماء بعد طير الحمام


--------

أنه حضي ابكلشي أسود مره وحده اوياي رَيض

اشريت رَكيه جبيره طلع حتى الأحمر أبيض!!!!
!!!!!!!!!!!!!!!

ليش احنه انلوم حضنه
والقدر قسمه ونصيب

ليش من يعكس وَضعنه
ابسرعه ياخذنه النحيب

وننطي لبنادم أمرنه
إوما ندك باب المجيب!!!

ليش ما نرضه ابقدرنه
والزمن هذا العجيب!!

ياخذ الأفراح منه
بس قهر يمنه يجيب!!

ليش شو حتى ابوطنه
نِحِس واحدنه غَريب!

لأن ما ضلت مَحنه
والحقد عدنه قَريب!

ولهذا ابساع طحنه
من أخذنه أطباع ذيب

يل زمانك هذا فتنه
وِالوفه يعتبره عيب!

ليش مستغرب واحنه
بالأسائه انجازي طيب!

والحقد هو الجرحنه
والحقد ماله طَبيب!!

عادي لو نكرونه أهلنه
أوعاملونه اويه الغريب!

ابهل زمان اشكال شفنه
والخطأ سموه مصيب!

وانته جَنك تتهمنه!!!
لا تزيد الشيب شيب!

بالزمن يجمعنه هَمنه
إومثلك ابنفس اللهيب!!

لكن ابالله أملنه!!
والأمل ماظن يخيب

وانته لاتكطع الظنه
لو غدر بيك الحبيب!!

أبد لا تكطع الظنه لو غدر بيك الحبيب

----------


دَلوني اعله قَبره وروحوا مني
اريد احجيله بهمومي هَذني!!

حبيب الروح هذا وروحي وياه
أشعجب ما صاحني القبره ويظمني!

أريد اغسل له قبره ابدمعة العين
وأسئله اهناك هَم بعده يحبني!

دَلوني وأريد اتعاتب اوياه
عندي اعتاب خاف ايخيب ظَني!

عجيبه وجان كل ممشاه وياي
اشعجب هالمرة ماشي وما أخذني!

دَلوني اعله قبره وأسئل اشلون
نايم بالقبر وتخله عني!

---------

فَرغ ذكرياتك من الأحزان
حط بيها فرح لو من الاوهام

لو تكضي العمر بالليل سَهران
إتخايل اعيونك كاعده اتنام!

جيب الضحكه كوه اشلون ماجان
وامسح دمعتك بجفوف الالام!

اخذ مني النصيحه هاي يفلان
ابوجهك لا تِبيين جور الايام!

كُونك تشتكي للناس خَسران
بعد ماتت الرحمه ابقطع الأرحام!

زمانك لا تأمنه وتدري خَوان!!
ترى بيدك تحط روحك بإلاعدام!

بعد ضاع العدل بس عدنه ميزان
علمناه يغش واهوايه الافلام!!

ولتعاتب وَطن لَتلوم الأوطان
مِثلك هالوطن سابينه ظِلام

تلكه انسان بس ما عنده وِجدان!
وبحال اليتامه ابيوم ما هاام!

ولا تستغرب إمن اتشوف جوعان
يبيع اهدومه حتى ايوَكل اأيتام

وإذا بالمسلمين اتشوف شيطان
صوج الناس أبد مو صوج الاسلام



--------



صدك لو كالوا أهَلنه
ماكو أغله إمن الوَطن

راح تحتاج المحنه
لو تمر بيك المحن!

وماكو أجمل من وَطنه
اشما قسه اوياه الزمن!

ضاع بالغربه عُمرنه
بين أهات إوشَجَن!

ضاع واتفرق شَملنه
والسنين إتفرهدن!

مانريد الغربه صحنه
حتى لو جنة عَدن

أخ يا عيد اليمرنه
ايجيب وياه الحزن

وأخ يا جمرة دَمعنه
اتكول بركان إوجَرن

بالمنافي اعيون عِدنه
إو بالِدموع إتمَحِنن!!

كون نِتذَكر وَضعنه
ما يسكتن لو بِجَن!

صعبه لو سائل سَئلنه!
عل ليالي اللي مضن

بيهن اويه أحباب عشنه
للأسف لكن كِضن!

ليش تلجمنه ابجرحنه!
توهن اجروحي غفن

فَزن إوسَولَي فِتنَه
اجروحي بيه اتحالفن!

جَرح يطلب للمَحَنه
وجرح من عدهن صِفَن

عَله اثنين اجروح اِجَنه
وبالمِصاب اتطابكن!

يالله رد بينه الوطنه
أسمَع اجروحي حِجن!

والجِبير الصاح أظنه
هالجرح خلاني أون!

كال كون الغربه جَنه
إولوا شَريت اشما تظن

اشتري كلشي اتمنه
والبحر وَيه السُفن

والرصيد البيك فَنه
يشتري اثنين انتهن!

ما ترد ريحة أهلنه
وصعبه تشريلك وَطن


-----------
يكول الساعدي والزمن دَوار
يراويك الصحيحه والقَبيحه

إذا صارت غَدر لتصير غَدار
وَلو كلمة وَفي صارت شَحيحه!

إسمعهه ابقصيده من الاشعار
نصيحه وتستَفاد إبهل النصيحه

أبد لَتبيع سِرك ويه الاسرار
وِالَودَعك سِره لا تبيحه

ولا تخذل دخيل اتعنه مشوار
ذَب روحه عَلى بابَك جَريحه!

تراه البيت بخته ابعتبت الدار
وإذا جاك البخت بالك تزيحه!

وإذا أيام ما جِهبوك خطار
تِعاين عِتبِتَك ما مستريحه!!

عَزيز النفس تبقى اشلون ماصار
تاج الراس وَأفعالك مُريحه

وإذا دنياك صارت كلهه دولار!
أنته اتباهه بالغيره الصَحيحه

جَم تافه ابتافه عنده مليار!
ساركهن ويضحَك للفِضيحه!

---------




تَرى بَس الرَخيص اتغره الفلوس
لأن مهزوز أصلاً من أساسه!

لوما جان بس بالطمع مَهووس
أبد ماصار هيجي ايبيع ناسه

فَهيم إوبالفراسه ايفوت وِيحوس
إوللمحتاج عَطلهه الفَراسه!

مِتعلم سياسة غَلس إودوس
من نَعله عَله هيجي سياسه

وِيلاكي اليِتيم إبحاله مَئيوس
يتراءه كِدام الناس باسه!

تِكَفه إبوسته وبكلشي مَدروس
بَخيل وصار سيد بِاِلغَلاسه!!

يا جوعان هذا ابحاجة البوس!
دَنطيه خبزه خل يلفظ أنفاسه

نذكر ماضي اهلنه ونرفع الروس
بس بأيامنه عدنه إنتكاسه!

تَعَلمنه الحياة أمثال وِدروس
بس كلنه فشلنه ابهل دَراسه

فَقير اينام وبعين الله مَحروس
بَس الفايخ إيكثر حِراسه

وإذا جان الفُكر من زغره مَنحوس
إذنً وين الكَرم من هالنحاسه!!

شايفلك بَشر بالخير مَتروس
وِيعوف ابن اخوه لازم الطاسه!

حتى الطير ما هَد طير مَهلوس
يبقه ايتاني جنحه الحَد قياسه

----------

ثلث تنعام من عند العراقيه
أصيله وبالمواقف مية بالميه

إذا كانت حبيبه اتكول حوريه
مثل وَرده وعطرها ايفوح يوميه

وإذا تلكاهه أم مليانه حِنيه
تضحي ابروحهه ومتكول شَعليه

وإذا كانت إخت تلكاهه نَشميه
اخت إرجال لو ثارت فِدائيه

وإذا كانت بنت جَنهه لَعابيه
تفرحك كل وكت بالروحه والجيه

عراقيه وأصيله وصافيه النيه
وإذا شَح الوفه اتشوفه ابهل البنيه

غَزاله ولو مشت تتمايل اشويه
وتكَهرب الشارع مو طبيعيه

لو سَوو سباق اتفوز بس هيه
عله كل الدول حتى الفرنسيه

ولو تبحث تِفُر الكُرة الأرضيه
ما تلكه أبد مثل العراقيه
ما تلكه أبد مثل العراقيه


------

إيريد أجيبه!

اَخِر اطيوفه الاجتني ادموعه جمرات ابنحيبه
كمت من فزيت اعاين ايدي محتركه ابلهيبه!

إشلون أجيبه!!

ضايع ابعنوان غربه مثل دنيانه الغريبه!

ابهل زمان الصلفه عينه الحارمه جية نَصيبه!

ما بكت توصلني منه غير همساته القريبه

توصل ابجنح الملامه اتكول تنساني عَجيبه!

اشلون أجيبه !
إشلون أجيبه!

لا يدَليني ابمكانه إولا يجيني اشهلمصيبه!

وصرت مثل العنده عله وحار بالعله طَبيبه!

يازماني ويا زمانه النهبوا الضحكه نهيبه

أدري متعذب وعنده اعتاب مَضموم الحبيبه

حتى همساته التجيني صرت اشوفن بيها شيبه!

ليش اليوافي ابحياته يدفع ايامه ضَريبه!!


----




ياعذاب الحُب شَوصفه تعجز ابوصفه السوالف

ويلي وشمحله عذابه من يدغدغ بالعواطف!

وأحنه نتعنى العذابه لو نشوفه اهناك واكف!

ساعة يلعب بالمشاعر من يشوف الجرح نازف!

ساعه يترك عدنه دمعه ساعه بسمه اويه الشفايف

هيجي والحُب ابمزاجه يبتدي ابهمسة تعارف!

يل تسولف بالمحبه ليش تحجي وانته خايف!!

وكلمة الحُب ضاع سرها بالمدارس والمَضايف

كلمة من حرفين لكن !أقوى من كل النواسف!

بَس الكلوب التوافي الهه وَيه الحُب مواقف!

-----


روح اسأل الكرنه وبعد سيبه
على روحي السابت فَرد سِيبه
صديق الما يجيك ابعسر سيبه
واحسبه هو والماكو سويه

--------


أنه ابثوب الحزن متكمط اكماط
رَضيع وبالمهد شفت الأذيه

فطموني ابلهيب العود شَخاط
حتى تستمر نيراني بيه!

جيراني الدفو بأذار وشباط
وتحموا على ناري السِريه

وبذاك الشته ابنص البحر غاط
أطفي النار شيطفيهه اليه!

زماني اويه الهموم ايصير مَطاط
بس بالفَرح يتقلص اشويه

ياما بالحزن كلبي اشكثر شاط
إمعلم عَلحزن صبح إومسيه

أشوف الناس تلبس قاط ورباط
وأنه ثوب الحزن لايك عَليه

وإذا واحدهم ابئيده الفرح حاط
أنه سيل الدمع واكع بديه

رغم كل الألم وأتزامط ازماط
وألاوي الزمن والدنيه سِويه




-----

ومضه

أغطي الجرح بيدي وأبتسملك
ولا اكول اجرحتني يا حَبيبي

أخاف اتصب دَمعتك لو أكلك
من شاف الجرح أيس طَبيبي

------

لَونَ اااااااااالزاد أبد مازار ماعوني
لَون محتاج أضل كلكم تطلبوني!
لَون أدري البواجي اتودر اعيوني
يا هالناس أرضه ابكلشي صَدوكني
وَلا يحكمني بعثي اللبس زَيتوني


----
ابوذيه



الشعر راقي ابرقات الورد وأرقه
مو بس بالقلم وتجيب ورقه
الشعر أحساس ينبض وفه ورقه
وِإله ابكل المشاعر جاذبيه

------

مأسات يل كَطعت كلبي وغده نصين

كون الحزن ينسي إنساه لأن مو زين

يِلجم ابجرح الكلب ويصب دِموع العين!

سنك يريد الضحك لتأجل البعدين!!!!

من يدري هذا العمر حده اشبقه اوليوين!

اشما كان هَمك كبر الله اكبر ابكل حين

مايبقى حزنك أبد مهما تمر اسنين!

لا تسأل اعله الفرح وتكول ألاكيه وين!

ربك يرتب الوضع يعرف يجيبه امنين

هوَ اليطيب الجرح يكدر ابرمشة عين

ويكدر يخلي الكعد يتلاكه بالماشين

ما ينسه كل البشر سبحانه بالتكوين!

-------

خليها عله الله اشلون متصير

أكو رب اليدبرهه التدابير

لَتحَسب أبد ها بالك اتحير

قسمتك تبقه الك متصير للغير

عليمن حاير اوشاغل التفكير

ترى المكتوب ما حاجه المشاوير

هو اليعتنيك ابابك ايصير

ربك قدراهه الدنيا تقدير

كل واحد كتبله ابهل المقادير

صَورهه ابعلم كل التصاوير

----------


كلشي ما طايح بدينه
الدنيه مَرسومه رَسم

تنفرض كوه علينه
وينفرض حتى الألم

اشكد تمنينه وحجينه
ما تحقق كل حِلم!

ابواقع الدنيا مشينه
نمشي ونَفذ حُكم

ابلا جَريمه اتعاقبينه
يعني لازم ننسِكُم!

احنه من يوم الإجينه
همه سمونه إبأسم

والأقدار اتسير بينه
ابكلشي ما عدنه عِلم

انطتنه دور إومثلينه
والزمان أكبر فِلم


------




ماغبت عنك انه عندي الدليل..ابقلبك اني اتشوفني اكتب شعر

وانته وسط القلب دومك يا اصيل.هذا اشوفك يمي كل لحظه التمر

لا تظن ابيوم اعوفك مستحيل.....هاي ياعين التمل من النظر

يلعماري بلوفى مالك مثيل...الساعدي لو عافك ابعمره خسر

انت يل طبعك مثل طبع النخيل..ينطي ثمره لليضربونه ابحجر

لجن عندي اعتاب واعتابي طويل..مو اوياك اويه بعض من البشر

اوياي ياخويه اشوفنه يعيل..وانه اموت اولا احمل لحظة قهر

يجي يتقصد ويجرح بلدليل..بالله هذا امنين اجيبله الصبر

كلت اسافرمنه عن دربه اميل.الخاطر الطيبيين من عنده اشتمر

لجن من عاينت دمعاتك تسيل..ابسرعه اجيت وبطلت من السفر

ابسرعه اجيت وبطلت من السفر



----




الساعدي يشكر الشاعر العماري بعد عتاب قد صدر من الساعدي والعماري قام بالواجب

معذور يبن الاصل-هسه انطفت ناري
توه اعتذارك وصل-يمي واجه الداري
لا تعتذر يا بطل----انه ابدي باعذاري
كل كلمه منك عسل-فاقت على اشعاري
صفحتك خيمه تضل---جمعت خطاري
بلورد واحلى جمل-----نورت انظاري
لا تضن مرلي زعل-بس حارت افكاري
اشخله ميك عطل-انه ادري بيه جاري
ذكرتك امن الخجل--جي خوتك شاري
ورديت انته ابعجل-- وعلكت انواري
رجعت لم الشمل--يل تعرف اسراري
كل النعم والامل-------منك يالعماري
منك يلعماري



------


أصيل الما تهزه الريح وبكل حال
يِتلكَه المواقف ما يطخ راسه

حديث الناس يصبح مَضرب الامثال
للما يذل روحه الأخر أنفاسه

دنيه الَملمت من البشر أشكال
ومو كل البشر تلكاهه حَساسه!

قليلين الوفه ويا مَكثر الأنذال!
بَس ايطول جنحه ما عرف ناسه!

بيهم نام جايع لا شكه اولا كال
وبيهم زاد خيره وِعالن افلاسه!

وبيهم بس للمكابح صفه مَوال
وبيهم ساكت وما فضح عَلاسه

يل كلبك جبير وغرفة استقبال
لَتلفي السفيه الما عرف ساسه

رَحب بالأصيل البيه تشد أمال
والمو زين اكنسه إبأرده مكناسه


---------
ابوذيه
رغم ما جسمي ناحل وانته بارز
خلينه انتراهن ونتبارز
انه ابصينيه باجه وانته بلرز
ونبدي وفنك اتلحك عليه



--------


مو كلمن يعرفك ينصح اوياك
ولا كل عَدو عاديته يغدرك!

يِصج منك وبيك اشكثر اذاك!
إويصح شامت على الزله يعذرك

إيِدوخك هالزمان إولو تَحداك
يِخليك أبأديك إتحَفر كَبرك

أنته الما حَرامي ابليل يِدناك !
تنباك الضهر وتحير بأمرك!

خربت دِنيتك مو ذيجه دنياك
بعد ضحكة الصاحب لا تِغرك

وأبد لتبيع سِرك لِلترجاك
ترى هوَ اليدك طبله ويشهرك!

ياهو الكالك حطني اعله يمناك
يمكن هذا اولهم يغدرك!!

صارت بس مصالح جيبلي وهاك
عله الماكو ولا واحد يِعبرك

إذا متروس جيبك مَحله ملكاك
حتى الما تعرف اسمه يِمرك

وإذا فارغ يصير الدرب مناك
حتى اللي تعرفه ما ينظرك

أقرب ناس الك بالشده ينساك
وإذا ما ينفَعَك يمكن يِظرك!

صرت مكروه محد جاب طَرواك
لأن تحجي الصدك محد يقدرك!


-----

جنت تتحلم ابساعة شباكك
نايم بالبرد فاتح شباكك
نفسك هيه صادتهه شباكك
صدت نفسك بديك ابهل قَضيه

----
هلا بالكال هذا انه وجانه
وبنوره اليهل بينه وَجانه
كلبي الما عمل عمله وجانه!
وإذا حبهم جريمة الجرم بيه


-------

ضيمك عالليالي ابعيد شَمره
ومن شمر اشوفن بيك شَمره
يزيد الخاب لمن رسل شمره
ونجح كلمن ثبت وبكل قضيه

----






زينب اتنادي الكفيل ابكربله
اتكله ضل حسين ما ناصر اله

وأنته نايم ياكمر فوك الفله
كطعوا اجفوفك وابو اليمه انوله

ليش يا عباس يابو المرجله
عفت اخوك ادمومه ضلت سايله



وين اخوي الحيد ابن عقد الوله
يرجع ايزلزل عليهم زَلزله

أسرونه وصحت ليك امسائله
اشلون نايم والظعن ياهو الإله!

يابو فاضل وانته وحدك كافله
هذا ظعنك بيدك اترده الهله

صحنه يا عباس طحنه ابمشكله
بين ادين الشمر طحنه وحرمله

خويه بس دمعاتي ضلت هامله
وحرت باطفال وحرم والعائله

بس علي السجاد روحه امعلعله
وكل زلمنه ذبَحِوهه ابكربله


-----




اني ما أحملك إلك كل الذنوب
وما أريد احكملك ابحكم الظنون

لأن اعرف صاحبَك ما بيه عيوب
والصَديق الوَفي عمره ما يخون

روح دَور خِطوته ابكل الدروب
لا تخسره ابهايه لحظات الجنون


أبد لتخلي الوفه العندك يذوب
والصديق العَلمك هيجي تكون!


--------
تسئلني صدَيقك ليش عافاك
قبل كلمة عفواإمن العتب عَفاك
راجع نفسك الله كون عافاك
واِعرف سَبب هجره ابهل قَضيه


صَديقك لو جفاك وعاف ممشاك
قبل لا تحجي خاف الصوج منك!

واني اعرف صَديقك جان وياك
يوم الضيك ما يتخله عَنك

شجاك إوضيعيته وياهو وَزاك!
خسرته اشبيك هيجي وخاب ظَنك

ارجع للدروب الخطوته اهناك
شم اتراب جدمه إوزيل وَنك


لم اتراب جدمه لو تعدى
اله اهوايه محاسن لو تعده
وصعب كلبك ابحقه لو تعدى!
وتلكه الصوج منك ماهو منه
ترى اليغدر صَديقه ماهو منه
وصديقك خوش صاحب ماهو منه
عَسه ايعَديهه احفظه لو تعدى


سيفك جان ضد اللي تحداك
شجاك إوضعيت السيف منك

يل عينك حجتلك بالدمع هاك
فنك لو تصاحب مثله فَنك

عيرته ابفضل ما جَن تِفَداك
من ايشوف دمعاتك لفنك!

أذكر من صفيت ابولية اعداك
سِهام اعداك لاحنه إوخطنك



صَديقك لو تقدره لا تعيره
ثِكيل وإله وَزنه لا تعيره
وإذا ذيب استعاره لا تِعيره
تمسك بالوفي لو للمنيه



------


الذيب ما تكدر تلومه كونه عالعضه يحوم
عضته العنده سجيه لأن رزقه اعله اللحوم
بس أسئلك وانته جاوب قبل لا تحجي اوتلوم
هم سمعت ابذيب خاين شَرَب أصحابه سِموم
هَم شفت عَلاس بيهم راد بس هو اليدوم!
هَم شفت بين الذيابه ذيب فَجر نفسه يوم!
ما شفت متأكد أنه إولا سمعت ابهل هموم!
لأن طبع الذيب راقي وأبد ما نوصله دوم
ما عرف طبع الخيانه لا على الفتنه يكوم
منك وبيك ويعرفك لو تمر من يمه يوم
لو نسيت وما تِسلم سَجلك ويه الخصوم
أخ وبنادم مصيبه ايريد كلشي بأسمه دوم
وأخ يا عينه الوَكيحه الأبد ما شبعت رِسوم
لو تسجل الدنيا باسمه عالسمه يبقى يحوم
حتى بلكي الله و يحوسم الكمر ويه النجوم

----------


إبعد يا عشك متخاصم اوياك
لأن صار الهوى ما بيه مشاعر

أحبك باللسان وتنحجي اهناك
وأبد ماطالعه من الخَواطر

كون اللي يكول ابليله أهواك
نقراهه الصبح من النواظر

مظلومين مَدري احنه الظلمناك
وبدمع الجذب نترس تناكر!

ابعد يا عشك يل ما عرفناك
رَجع قيس حتى اتكون حاضر

كَبل بعيون اليحبون شفناك
هسه ايكولها ولابس مناضر

دَورنه عليك إومن لكيناك!!
صارت بالضهر طعنة خناجر

أريدك تبقى يمي ابذاكه معناك
وكتبلك شعر وأملي الدفاتر

ثابت بالكلب ويهزني ملكاك
ما اريدك مثل باقي المضاهر

أريدك بالكيان احساسي وياك
مو مثل القميص انذبه باجر!



--------------



لتمر للعواذل مر يمي انه
العسل طيب الغيري ومر يمي أنه
خَل تدري السواعد مريم انه
هِمت واتمنه أصيرن ساعديه


-------------

مو مريمهم انتي مَريمي انتي
وزماني المر يساري مَر يمنتي
كل النعم منج مَريم انتي
من شَح الوفه شفتج وَفيه



---------------



منتظره كومه اسنين بس انته وينك
بلكي ايتلاكن يوم عينه اويه عيني



موضوع رائع عاشت الايادي

أدري انتظارك طال بعيونك اعتاب
موبيدي والعذال وكفولي بالباب





أحبك على حبك توني مفطوم
واغار اعليك من همسة دلالك!

وإذا ويه خيالك شفتك ابيوم!
اشك الكاع حتى امسح خيالك

حسين الساعدي



تسلم اديك العاشت

لا ياهو لا مرسال لا مسج منك
محتامه هاي الروح طمنهه عنك


لا نَت نصح وياي لا مَسج الِيروح
يتكطع المرسال ويكطع الروح


كالولي تضحك حيل من فاركتني
حسبالي تبجي ادموم لمن عفتني


لَتصدك الشمات كون انته شايف
يتجارن الدمعات فوك الشفايف



خَبرني روحك ليش ما مستريحه
إسمعت ذاك اليوم كالوا جَريحه


شحجيلك إمن اتنوح حيرتهه حيره
كالوا يهد الروح عِشك الزغيره



كل الاهل والناس رادوني اعوفك
يل ساعدي وهالعين رادت تشوفك


واشكد يمريم ناس رادوني انسه
واخر مسج مَرسول واصلني هسه


متعجبه من هالناس شعليهه بينه
شو كلهه شدة راس لمن هوينه


بَطرانه هاي الناس يَردون أعوفج
مادروا متفقات روحي اويه روحج




كون الكلب ينساك أتبره منه
للغربه وأمشي اوياك وأترك أهلنه


كل الهلا ابملكاك بس مر عليه
أستقبلك وأنطيك روحي هديه


يل ساكن ابهل روح تسلملي روحك
بأمريكا كون اتصير اوصل وألوحك


توصل تجيب اوياك كلبي الأريده
واكتبلك الملكاك أجمل قَصيده


شاعر بعد عملاق والساعدي اسمك
ما حاجه أفكر بيك كدامي رَسمك


لو نكعد أنه أوياج عين ابطرف عين
من الشعر كل يوم اكتب دِواويين


اعيون الشماته اتشوف لا تكصي بيه
بالدرب لو مريت سَلم عليه


شماتك ابهل يوم خَلهم يشوفون
واحله سلام اوياك باسمك يسمعون


كون التمني ايصير هسه اني يمك
وأكعد اكبالك يوم كامل وأرسمك



احله رَسم جا صار بعيوني شفته
طول العمر تذكار من ايدك انته

رد: لا تدخل الا والدارمي بقلمك


سَويلي جاره العين ما تقبل اتنام
هَم التقي وياك يوم إمن الايام!




خلهه على الله ونام سَهرك يأذييك
لو قسمتي وَياك راح التقي بيك

اعيون الشماته اتشوف لا تكصي بيه
بالدرب لو مريت سَلم عليه


شماتك ابهل يوم خَلهم يشوفون
واحله سلام اوياك باسمك يسمعون


كون التمني ايصير هسه اني يمك
وأكعد اكبالك يوم كامل وأرسمك



احله رَسم جا صار بعيوني شفته
طول العمر تذكار من ايدك انته

رد: لا تدخل الا والدارمي بقلمك


سَويلي جاره العين ما تقبل اتنام
هَم التقي وياك يوم إمن الايام!




خلهه على الله ونام سَهرك يأذييك
لو قسمتي وَياك راح التقي بيك


وين الله وبرمضان وترد عليه
لو نسمع الاذان نفطر سويه


وين الله كون ايصير هذا التمني
وما تبتعد فد يوم يالغالي مني



كون العمر وياك يكضي سوالف
متفارك الضحكات من الشفايف



ريت التمني ايصير وتلمنه فد دار
نكعد توالي الليل بس نكتب أشعار


حلوه ابتوالي الليل نكتب قصائد
يا بعد هاي وهاي كل السواعد



هههههههههه
رائع يا مريم
يا بعد هاي وهاي ذني وهذني
كل ما اشوفج ليش يعجبني اغني



وين الله ترجع يوم وتداوي الجروح
انذر نذر لو جيت للكاظم انروح



أتمنى هذا اليوم وايدك بديه
وأمشي مَشي وَياك للكاظميه

اشكد ناطرت ماجيت جا يمته اشوفك
واتمنى يمك يوم واعرف ضروفك



لولحظه عني تغيب تظلم عيوني
والهوة يروح بساع يتراده لوني



يل ناطرت مجبور ابقه ابغربتي
صَدك ابيوم العيد تكثر دَمعتي


تيهت كل الناس ما تيهيتك
معروف الك عنوان بكليبي بيتك


رد: لا تدخل الا والدارمي بقلمك


من بالي عادي اتروح كل العناويين
بس انته دارك هاي مرسومه بالعين



رد: لا تدخل الا والدارمي بقلمك


هاي اخذ هاي الروح خليهه بيدك
اتكعدني من النوم وتصيح أريدك


رد: لا تدخل الا والدارمي بقلمك


نتبادل الاروح بس هَدي نوحك
هاك اخذ مني الروح وَديلي روحك


من أمس روحي اهناك ويه الهوى الهاب
بس تفك باب الدار تلكاهه بالباب

رد: لا تدخل الا والدارمي بقلمك


صاير رفيف الروح مثل الحمامه
يوميه ويه الروح يرسل سلامه


رد: لا تدخل الا والدارمي بقلمك


غًصبن عَلَي كل يوم ارسل سلامي
لازم تجيك الروح تشرح غَرامي


رد: لا تدخل الا والدارمي بقلمك


روحك يبعد الروح وياي أحسهه
ماغابت ابكل يوم عني شمسهه


روحي التحب ملكاك ما عافتك يوم
افكدهه والكه الروح يم بابك اتحوم



رد: لا تدخل الا والدارمي بقلمك


عذالي مقهورين من تكتب اوياي
ريتك يضي العين متشَمت اعداي


معقوله أشمت اعداك لتصَدك ابهاي
ابقه اطمئن للدوم من تكتب اوياي



رد: لا تدخل الا والدارمي بقلمك


واليوم اغمض العين وبهل مسيه
بلكت تجيني ابطيف تسأل عليه


جيتك هذاك الليل من عاينيتك
تضحك معَ الشمات ما عاتبيتك


رد: لا تدخل الا والدارمي بقلمك


مشتبه بالعنوان من البدايه
تشبهني يمكن هاي مو اني هايه


اشلون اشتبه لو جان رسمج رَسمها
واسمعت شامت كال مريم اسمها
هههههههههههه


رد: لا تدخل الا والدارمي بقلمك


حَيرني حلمك هاذ كلش عجيبه
نفس اسمي عدها انوب والله مصيبه


شفتج ابهاي العين والحيره عندي
صَدكيني من فزيت دَمعه اعله خدي


أذكر هذاك الليل ما نايم انته
وبحلمي اجيت اشلون يمكنها نكته
هههههههههههه

حجيك صدك والعين تتخايل اهواي
ظنت تمر بالطيف تتمشه وياي


رد: لا تدخل الا والدارمي بقلمك


علمني بس ابهاي فدوه يَحُبي
ليش اسمك إمن اقراه يضربني كلبي

زين انته بس ابهاي لو تدري بالروح
واسمك إذا شفناه تهتز الجروح


رد: لا تدخل الا والدارمي بقلمك


شوف اشكثر حلوات أسمي اويه أسمك
لايك عليه اهواي رسمي اويه رَسمك



رَسمك ابهاي العين يالغالي مَرسوم
واسمك حَفر بالروح ما ينمسح يوم


رد: لا تدخل الا والدارمي بقلمك


مجنونه هاي الروح ويه المجانيين
شعليهه بيه الناس من أكتب حسين



حَبيته حرف الميم لو للنهايه
بِسمج نزل مرتين قَفل إوبدايه


رد: لا تدخل الا والدارمي بقلمك


ابليل الشته وهالروح كلش عنيده
فزت توالي الليل وتصيح اريده

روحي ابهذاك الليل كالتلي جيبه
حشمت كلبي انوب هَد ابنحيبه

رد: لا تدخل الا والدارمي بقلمك


راحت عليك الروح وبليله ظلمه
مثل الطفل مشتاك من يحضن امه



روحي التلِكت روح منك عليه
اتشابكن روح ابروح وبهل مسيه


رد: لا تدخل الا والدارمي بقلمك


عينك عليهه أرجوك روحي التريدك
لو مَر عليك الشوك خليها بيدك


روحك وَسط هالروح صارن فرد روح
ما خذهن أنه اوياي والبيتك انروح

رد: لا تدخل الا والدارمي بقلمك


ميت هلا بالجاب روحه اويه روحي
ابجيت عديل الروح ما يبقه نوحي


ضيفك وكف بالباب والدنيه تمطر
من الصبح هالروح جرتني الك جر



رد: لا تدخل الا والدارمي بقلمك


يامحله ضيف الروح لو نَور الدار
انته ابو البيت اتصير والباقي خطار



بيتك يشع هالنور من صاحب البيت
يجمعنا أنه اوياك ياما تمنيت

رد: لا تدخل الا والدارمي بقلمك


عندك بقت هالروح مثل الأسيره
أصبر و اعيش اوياك لو عالحصيره


بس يا حصيره اتلوك لعيونك السود
صَدكني لو مريت أفرشلك إورود


رد: لا تدخل الا والدارمي بقلمك


عوف الورد ما اريد كل البساتين
رت العمر وياك عين ابوسط عين


يحله العمر لو صار ويه النحبهم
والجدم ما يندار يبقى ابدربهم

رد: لا تدخل الا والدارمي بقلمك


جدم ابجدم ماشين وبها دربك
مايرف كلبي ابيوم اله اعله كلبك


كلبي اليحب ملكاك ذاب ابغرامك
يوميه يتلكاك ناطر سلامك


رد: لا تدخل الا والدارمي بقلمك


لو مروا العذال يسكت كلامي
بعيوني أسلم اعليك وافهم سلامي


أفتهمك العذال لمن يمروون
لا يسمعون الصوت سَلم بالعيون



رد: لا تدخل الا والدارمي بقلمك


ليش العواذل ليش شو بس عَلينه
يترقبون اعيون لمن هوينه


هذا المرض موجود عند اليغارون
ما يتركون اثنين بالحب يِعِيشون



رد: لا تدخل الا والدارمي بقلمك


خليهم ايغارون طوب اليطبهم
ما عرف معنى الشوك حاقد كلبهم



-----------


وَأبو طلبه الحوائج كلها يكضيها
حسين الساعدي


لِموا كل حَوائجكم لأبو الطلبات
خل انزور هسه القاضي الحاجات
نمشي ابحضرته الدمعات نبجيها
وأبوطلبه الحوائج كلها يكضيها
أبو طلبه الحوائج كلها يكضيها

أول دمعة نسجبها ابجسر بغداد
نتخايل الجثه والحزن يزداد
صيح ابصوت يازهره الألم ينعاد
صيح ابصوت يازهره الألم ينعاد
من كَسر الضلع جرت مَأسيها
وأبوطلبه الحوائج كلها يكضيها
-------
ثاني ادموعنه انصبها على الحضره
ونعاتب علي ومحرابه والطبره
وينك ياعلي للكاظم اتحضره
وينك ياعلي للكاظم اتحضره

اشلون اتعوف موسى وانته حاميها
وأبوطلبه الحوائج كلها يكضيها
----

ثالث دمعه نسجبها عله المسموم
نهديها الحضرته إمن الرضا المعصوم
من مظلوم وانسجبت عله المظلوم
من مظلوم وانسجبت عله المظلوم

هاي االدمعه فوره ابكل معانيها
وأبوطلبه الحوائج كلها يكضيها

----------

واخر دمعة ويه الدمعه تجري العين
ونعاتب كَمر بس فاكد الجَفين
ماجه النصرة الكاظم عَضيد احسين
ماجه النصرة الكاظم عَضيد احسين

محتامه الجفوف اتريد راعيها
وأبوطلبه الحوائج كلها يكضيها

الخادم
حسين الساعدي

يالله ياسنة عليهم نذبح الشيعه ذبح
حسين الساعدي


يالله ياسنه عليهم
نذبح الشيعه ذَبح

ويالله ياشيعه نهاجم
عله السنه إمن الصبح

يالله كل الزود بينه
واحنه واحدنه وَكح

ياعراقي اذبح عراقي
والسلامه ما تصح!

يالله خلونه انتناطح
صارت الشغله نطح

تضحك العالم علينه
عادي لمن ننفضح

واليكول اتذكروا الله
انكله اسكت لا تلح

والينادي للإخوه
هذا سموه منبطح

يالله خل نفتح جهنم
بالعراق المنجرح!

حتى لو كعبتنه وحده
حتى لو ربنه سَمح

احنه هاليوم اجتهدنه
وكل فتاوينه ذبح!!

يالله يا اسلام يالله
كَبروا اليوم الفتح

يالله خل نقتل بعضنا
ما يلوك النه الصلح!

تفرح اسرائيل بينه
إولازم اتحس بالربح

يالله و ايران الحزينه
بينه لازم تنشرح

والسعوديه خطيه
عالجرح خلت ملح

يالله يأهل الطائفيه
يالله عُمال إوفلح

اليوم بغداد الأبيه
كون نمسحهه مَسح

حسين الساعدي



--------------------

يل تكول اشصار بينه
والبخت من عدنه طار

وينه ذاك البخت وينه
جانت الحوبه شرار

جانت النضره أمينه
والملح ياخذ قرار

وجانت النيه رَصينه
صافيه وهسه ابغبار!

بالدعاء نهتك مَدينه
ابرمشة العين الدمار

هسه لو نرفع ادينه
وندعي ابليل إونهار

هالدعاء يرجع علينه
والذنوب اقوى جدار

احنه بالدنيا التهينه
هيبه اولذه اوعقار

وما نفيد اليعتنينه
بالعكس صرنه مرار!

إوبليتامه ما دَرينه
اونعتقد واحدنه بار

راحت الروح الحنينه
واجت روح الاحتقار

نكره اوعشنه ابضغينه
حتى لو يجمعنه دار

صحنه قدوتنه نبينه
إوللصنم عدنه اعتبار

صحنه وَي حيدر مشينه
إوعل يتامه صرنه عار

صحنه حبينه ابو اسكينه
وبيزيد العمل صار!!

هيجي بالدنيا انتهينه
ابغفله ضَيعنه المسار

ما تندمنه وبجينه
الأا وقت الاحتضار

لا تكول اشصار بينه!
اسأل ابروحك اشصار

حيل حيل اتطورينه
وصرنه للفتنه مَنار

بلزمان الوكحه عينه
اتموصخت حتى الزغار
الساعدي
-

حيدر ايوصي ابو فاضل بلطفوف
ايكله ضميتك الهاي الموزمه

إبني ابني الما يمر ابكلبه خوف
وبيك تتباهه الزجيه فاطمه

أدري بيك ابزودك اتطش الصفوف
والمنايا ابصولتك متجدمه

وأدري هاي اجفوفك اتثلم السيوف
اتكول مو جفين جنهن راجمه!

وادري للمظلوم تهديها الجفوف
من تخلي اصفوفهم متثلمه

ولو طحت ياكمر ويصير الكسوف
والعده الجتلة احسين امحزمه

والسهم بعيونك وماظن تشوف
فوك اخوك اسيوف صارت ملحمه

أنتَ وفيت العليك ابهل ضروف
والنعم يل مثلت حامي الحمه

وغيرتك ما ماتت ابكبرك تطوف
وزينب ابزودك تضل امشيمه
زيبب ابزودك تضل امشيمه
ااالساعدي

-

واثنينهن يردن وطن!!
حسين الساعدي

والغصن للبلبل يحن
لوما سمع منه لحن
شيبات تطلع بلغصن!!

تسألني وشمعنه الشجن!
والمن أحن والمن أون!
لهموم كلبي المنسجن!
لو روحي ضلت تنسحن!

وياريل صوتك ما يرن!!
والأثر بلسجه وهَن
بس راحن أحلامي وأجن!!

واجدامي بلغربه مشن
وحفرات حافرلي الزمن
وما أدري بيمن اندفن!!

دمعاتي بيهن ممتحن!
دمعة فرح دمعة حزن
واثنينهن يردن وطن!
وثنينهن يردن وطن!
ااالساعدي

--











علي هو علي ابكل الحضارات
وبكل الأمم موجود ابو احسين

والأسلام كملها الديانات
والكعبه الشريفه الولدت الدين

باب العلم هو والروايات
سولفها محمد للمحبين

والكرار حققها انتصاراات
وتشهدله الوقائع ويه صفين

ما ينهزم بالصولات هيهات
بس اتهزمه دمعات المساكين!
ااالساعدي

-------------

بالك بالك لا تتكرب!!
حسين الساعدي
/////


أحنه السيف ابزوده امجرب
واحنه الملعب وأهل الملعب
بالك بالك لا تتكرب
تتورط بينه وتتكهرب

ولد الملحه انفوت واحنه الضغظ العالي
لو ثار البركان إدور روحك تالي
ولد الملحه انفوت واحنه الضغظ العالي

//////////////


يامجرم يالله اطلع بره
لا بيدك تحفرلك حفره
والدزك منك يتبره
وشجابك وَي ابن الثوره

وقائدنه محمد الكال الكلا ابزوده
والقائم منصور وكل الجيش اجنوده
وقائدنه محمد الكال الكلا ابزوده

//////////////


احنه الغيره وأهل الغيره
للموت وما ننطي الديره
ونخلي العدوان ابحيره
شنهي الداعش والخنزيره

اندعشكم تدعيش وذو الفقار اويانه
وكل مجرم ننفيه ومنخليه اهنانه
اندعشكم تدعيش وذو الفقار اويانه


////////
ااالساعدي

مقبرة النجف!!
حسين الساعدي
؛؛؛؛


إشكد إعزاز بيج اللهُ أكبر
أخذناهم دفناهم بدينه

مامره اعتذرتي إشما نكَثر
كل اللي نجيبه تاخِذينه

وَدعناج أهلنه ونتحسر
ماواحد المنهم رد علينه

متخلصين وبكاعج نِحفر
وتزحفين لديار المدينه!

مقبرة النجف والزار حيدر
ابجاه المرتضى لتعذبينه

والعاف الأهل عندج تأسر
وبطرك الجفن والله اليعينه

ضيفج هاذ لتراوينه منكر
تصيريله مثل أمه الحنينه

ما عفناج كل عيد انتحضر
نعايد ناس ميمرون لينه

ومتسمعين ضحكات التبشر
بس صرخاتنه الكلش حزينه

يابيت الصحيح اللي تَعَمر
لو نيران لو جنه تجينه!!

هاي اعمالنه وهيه التقرر
وهيه اعمالنه وبهاي ادينه

غلطانيين من الله إنتعذر
ابجاه المصطفى وبضعة نبينه

يرحمنه إوأهلنه ابيوم محشر
وكل مسلم غفت للموت عينه
كل مسلم غفت للموت عينه
ااالساعدي

الفاتحه لامواتنا واموات المسلمين ومن شاء الله ان يرحمه
-------

واني منك منهزم!!
حسين الساعدي
؛؛؛؛؛؛؛؛؛؛؛؛؛؛؛


حنيت وشحنيت يا أحله حِلم
والكلب سابكني الك كَبل الجدم!

تارك جروحي ابظِحكتك ضليت أهِم!
وشبلعجل كلمة فلا صارت نعم!!


وشأحله من كلمة أحب لوتنرسم
بشفافك إولون الورد من يبتسم!

تعبان اجيتك ضُمني نسيني الألم
والغربه صعبه والعمر بيها انعدم!

رَديتلك يا قَدر عُمري الما رحم
يابو الوهَم يل عيشتني أحله وَهَم!

توجع اجروح الناس لوما تلتئم
وجروحي شو ترتاح لمن تنلجم!

يالله ابجنون الكون خلينه نِلم
خل انتقاسم بالجنون ابلا ندم!

لا تسأل اشرجعني ما عندي عِلِم
ايدي اعله بابك وأنه منك منهزم!!
ايدي اعله بابك وأنه منك منهزم!!
ااالساعدي

-

خايب قررت فد مره انساك
ومرت بلقرار اشلون ليله!

لكيت الكلب وبنبضه ايتمناك
وروحي اتنوح يمه وتشتكيله

ولكيت الصبح صار اظلم بلياك
وصارت حسبتي كلش طويله

راجع وبقراري وين الكاك!
ولك فركاك يكتل مالي حيله
ااالساعدي



============

عيد الحُب
حسين الساعدي
؛؛؛؛؛؛؛؛؛


بعيد الحب حاير شهديلك وانته العيد
اطلب يامحبوبي اتمنه وشنهو اتريد

لو رايد من عمري اسنين
ابهاي العين وهاي العين
وكدام الشامت نتمشه وأيد ابأيد
بعيد الحب حاير شهديلك وانته العيد

//////////////

اطلب يالغالي إشتتمنه
بس أنه وأنتَ ابهل جَنه
وطير الحُب بأعيادك غنه
وطير الحُب بأعيادك غنه
والبلبل غنه بأسمك بأجمل تغريد

بعيد الحب حاير شهديلك وانته العيد


/////////////////

بس لا تنسه البسمه الروحي
هاي البسمه اتداوي إجروحي
يَمسَكن دمعاتي إونوحي
يَمسَكن دمعاتي إونوحي
وياك الليله وأفراحي الليله اتزيد
بعيد الحب حاير شهديلك وانته العيد

///////////////
بعيد الحب حاير شهديلك وانته العيد
اطلب يامحبوبي اتمنه وشنهو اتريد

لو رايد من عمري اسنين
ابهاي العين وهاي العين
وكدام الشامت نتمشه وأيد ابأيد
بعيد الحب حاير شهديلك وانته العيد

؛؛ااالساعدي

__
اهواي مشتاك ارد اشوفك
فدوه سلملي عليك!

_

والحسن لو وياي وصله وجبيره
جا ركعيت اعيوب وادم جثيره!
_

اعرف ما تجي
وعالكاعد امتانيك!

__

مدري الغدرني عرف
مدري الملح مغشوش!

_______
صافن صفنتها الكاع وياي
وصَفنت الزمن ويه البساتين

وتنبهك صفنتي ابهايه دنياي
اذا ما يوصلك عطر الرياحين

وبلا طين لا ورده ولا ماي
عجيبه وكلنا ما ندنه للطين!
االساعدي

----------------

كلمة حق حجيت وأنه ممنون
الك ياصاحبي ابهاي القضيه

والخطار أضمه ابذني العيون
وأنثرله القوافي اعله الوطيه

وأتباهه صدك باللي يكتبون
واليبوكون اغمنهم بديه!!

دايخ بلأمر واتعجب اشلون
مواويلي إويسمعهن اليه!

أنه الساعدي وبشعاري مجنون
وأجنن كلمن ايزاود عليه!

لو تتعنه بدروب اليحبون
أسمعنك قصائد ساعديه
أسمعنك قصائد ساعديه
االساعدي


------------

ادموعي امشرشبات ومالهن رداد!
اذا ماترجع انتَ محد ايردهن

صفن مثل اليتامه امعاندات اعناد
وشيسكت اليتامة بذجر والدهن !!

صرت مثل العراق الما لكه بغداد
يركض عله الضلن خاف يفكدهن !

سولفت بهواهه اتغامزوا ليغاد
كالوا جذبت !! كلماتك اثبتهن

شهدت العواذل والحجي مافاد
ياهو ايصدك ومتوفي شاهدهن !!

تعال الروح مثل السمجة والصياد
سدد فالته وذنيجه عايفهن !!

والماله عذر ينباع بالمازاد
لو يعجز عله اديونه إويسددهن !

بيه اثنينهن والحالة ماتراد
وحلوك الشماتة ابذني شيسدهن !!

يا عيدي القديم الحسدتة الحساد !!
جان ايمر عليه افراحه جايبهن

هسة يمر علية وبالمكاطع زاد
والعنده ضغاين بيه طلعهن !

وياصفنة غريب ابعيدي ماتنراد
اجاني العيد والدمعات فرهدهن
اجاني العيد والدمعات فرهدهن
ااالساعدي

-


ﻃﺮ ﻛَﺒﺮﻙ ﺣـﺒـﻴﺒـﻲ ﻭﺍﺭﺟﻊ ﺍﻭﻳﺎﻱ
ﺩﺯ ﺧَﻄﺎﺑﺘــﻚ ﻳﺎ ﺍَﺣـــﻠـﻪ ﻋـﺎﺷـﻖ

ﺃﻣﺲ ﻋﺎﺗﺒﺖ ﺍﺑﻮﻱ ﺍﺗﻨﺪﻡ ﺍﻫﻮﺍﻱ
ﻭﺣـﻠـﻒ ﺑﺎﻟﻠﻪ ﺇﺫﺍَ ﺗـﺮﺟـﻊ ﻳـﻮﺍﻓـــﻖ


حسين الساعدي
-

الله لا ينطيه الكلك عوفه!!
حسين الساعدي
؛؛؛؛؛



الله لا ينطيه الكلك عوفه
وحيراني ابفرحتي المخطوفه

صار ياهو ايشوفني ايكلي شجاك
اشبيك متعذب وياهو العذباك!
لأن حزنان الفرح ماشوفه
الله لا ينطيه الكلك عوفه




///////////




جنه محسودين بالحب والأمل
وجنه مانعرف شنو معنه الزعل

مادري اشلون افترق بينه الطريق
وانته بالجنه وأنه ابنص الحريق!!
ياحبيب الماثبت معروفه
الله لا ينطيه الكلك عوفه




/////////





جانت الأشعار بينه وتنكتب
وجنه بس اثنينه نعرف نحب

هسه ما اعرف شجاك انت ومشيت
صدكتهم لو صدك حبي نسيت!!
تارك الروح البقت ملهوفه
الله لا ينطيه الكلك عوفه


؛؛؛؛؛؛؛؛؛؛؛؛؛؛؛؛
الله لا ينطيه الكلك عوفه
عذباني وعيشاني ابخوفه

صار ياهو ايشوفني ايكلي شجاك
اشبيك متعذب وياهو العذباك!
لأن حزنان الفرح ماشوفه
الله لا ينطيه الكلك عوفه

االساعدي



=========================


هودرت من غُربتي وللديره اجيت
وشفت بعض الناس ماهم ناسي!!

صاحبي اتغير عليه وما دريت
بلفلوس القيمه مو بأنفاسي!!


لأن متواضع عليهم بينيت
مو ضغط عالي انحسب مقياسي!

عاينت بالناس الوياهم ربيت
راجعت كل ذكريات ابساسي!

والله هذا افلان ابد ما تيهيت
وذاكَ ابو افلان التروه ابكاسي!

وأقرب الأصحاب يمه اتقربيت
صار ما يعرفني يمكن ناسي!

كتله أنه افلان تذكر لو نسيت!
لا يتيهك هذا شيب ابراسي

تِذكر إبكل عازه مني اداينيت
وما تِقيد دينَك إبكِراسي!!

ولقصد مو عيريتك من حجيت
رِت أذكرك بالزمان القاسي!

تذكر ابيوم الطحت بيه انتخيت
لو نسيت الساعدي الحواسي!

كال اعرفك لكن أنه اتغيريت
هذا قصري وذاك يختي الراسي

والدعايه حوسمت وتوفقيت
وأنه مسئول اشكثر حراسي!

كتله محتاج وبعد ما كَمليت
كال ما تدري عِلَنت إفلاسي!!!

كتله ما محتاج لفلوسك وجيت
رِت أسئلك وين صاروا ناسي

كاللي ابنص المقابر لو مشيت
تلكه ناسك طيرت وِهواسي!

سايرت صوب المقابر وعتنيت
شفت بيها أحساس مثل احساسي

أنه عل عدلين هالمره بجيت
لأن ما عدهم مَحنه إتواسي
لان ماعدهم مَحنه إتواسي

------

ومضة متكبر


انصحك مثل هاي الناس خليك
متواضع اِشما كانت ضروفك

ترى تنمحي لو زدت ابتعاليك
نجم غايب ولا واحد يشوفك

حيرة

اغطي اعيوني بيدي من الاكيك!
حتى ما اناظرلك ابدربي

الكَه الكَلب تالي ينظر اعليك
بالله اشلون اغطي اعيون كَلبي


بقلم
حسين الساعدي

-
تلتم القوافي اكبالي وبكل يوم
وتزعل كون اعوفنها وتعاتبني

لو ساعه وعفتها ما تكف اللوم!
تصرخ هالقوافي اتصيح رَتبني!

ليش اتعطلت ينتظرك المهموم
بدموعك شعر يلساعدي اكتبني
ااالساعدي
-

اصبحت روحي اليوم تطالب اوياي-وتكلي هسه ابساع وديني لهواي

أصبحت روحي اليوم كلش كئيبه--مثل الوكع مكسور وبصفه ذيبه

االساعدي

حبك ياوطن مابين العيون- سميتك حبيبي وبيك مجنون
جميل ويا جمالك
لايكلك دلالك
اخاف اعليك من عين اليحسدون
حبك ياوطن مابين العيون

////////////

يل جازيتنه انجازيك الاحسان
يا أغله وطن مابين الاوطان
ياروح الكرامه
وتعيش ابسلامه
وكل أولادك ابحبك يموتون
حبك ياوطن مابين العيون

////////////////


حسين الساعدي

---------------------------------
هله ابكل العراق وكل الاحرار
هله ابغدادنه الحلوه الجميله

هله بلنجف وبحيدر الكرار
هله وبكربله الحره الجليله

هله باهل السماوه واهل ذيقار
هله ابميسان والبصره الكحيله

هله بلقادسيه واهل الانبار
هله بديالى والنسمه العليله

هلا بالموصل وياهيبة الدار
هلا بلكوت والحله الأصيله

هلا بدهوك والطيبيين الابرار
وصلاح الدين والكفه الثجيله

هلا باربيل وتعناهه مشوار
سِلَيمانيه واجبال الطويله

هلا ابكركوك والسكان الاخيار
عدنه الطائفيه مستحيله

قبيلتنه العراق ازغار وكبار
وكلنا ننتمي الهاي القبيله
كلنا ننتمي الهاي القبيله

-

======

ا
تالي وطلع
خنجرك!!
حسين الساعدي
××××
يل واعدتني اشكثر
بالشده أضمك ذخر
وضليت
بيك أفتخر!
ولمت خناجر صفت
ضدي وبأسمك صحت
طعنوني
طعنت غدر!
وشفتك وكلت أنتصر!
بس طَول امسامرك!
وياهم أشأخرك!
تالي وطلع
خنجرك
هو النبت بالظهر!
ااالساعدي

-----

-
لا تكول الليله رايح ونكطع حته النفس
نصبت الدمعه جوادر وأنه ناصبلك عرس
فدوه كول اتشاقه بيها
وكلمه ما أرجع عليها
ذبلت الورده حبيبي وظلمت حته الشمس!
‘
انتظر خليني أسولف وِستمع هاي الحقيقه
لو عفتني وفاركتني وكلمن ايروح ابطريقه
تدري بالروح التحبك ماتضل يمي دقيقه!!
يعني وبقه ابلايا روح
وأبتلي ابهاي الجروح!
وأزغر اجروحي ابغيابك يردس ابكلبي ردس
نصبت الدنيا جوادر وأنه ناصبلك عرس!
ااالساعدي

[المحاميه شهد المعموري]