هنا

[ارجع يازمان]

لتكولون ميت!!!
حسين الساعدي


لتكولون ميت ولفي وياي
هذا وباجر انسوي عراضه

ولتكولون صار امزاعله اهواي
راح ابطيفي يحضر ونتراضه

حبيبي وأدري بي للموت وَفاي
وإذا ما يحضر اكلبها انتفاضه


ااالساعدي
===



0

اخر مساجلات حسين الساعدي مع كوكبه من الشعراء
بتاريخ 21-1-2014

بعنوان== وتنادسو شمات!!

اليوم وكل يوم مع حسين الساعدي

والدعوه عامه للجميع

لا للقديم لا للمنقول

فقط بلجديد المباشر

مساجلتنا لهذا اليوم بلدارميات واجوبتي ستكون حصرياً على مشاركتكم بصفحتي فقط!!


؛؛؛؛؛؛؛؛؛؛؛؛؛؛؛؛؛؛


عَنك كلت وَفاي واهواي أهمك

وتنادسو شمات والمعنه يمك!

االساعدي


؛؛؛؛؛؛؛؛؛؛؛؛؛؛؛؛

لا نقبل اي ردود قديمه او منقوله او غير موزونه والدعوه عامه

تحيات

حسين الساعدي

---------------------




علي مراد


فرق السمه اعله الكاع شوف شكثر عد

فاهي الهوه بلياك وانتظرك ترد

---------------------

الشاعر حسين الساعدي


حته الهوه ابفركاك رايد مَهفه

هيج اختنك وياي من انته تجفه


---------------------

مريم حسين


ظلمه الهذاك الصوت وبسرعه اجيتك

وأتعثر ابهل ليل عنوه اعتنيتك!!


---------------------

الشاعر حسين الساعدي


مية هلا ابهل جاي يمشي ابرهاته

زامطت بيك اليوم كل الشماته


---------------------

مصطفى الهاشمي


وحدة انعمت بجفاك هاك اخذ ا?خرى

ميت وبالتربان بس حبة يبرى


---------------------

الشاعر حسين الساعدي


زين انت عندك عين ضلتلك ابساع

انه انعمن عينين من يوم الوداع


---------------------

Eng Salah

دوم انه اوافي وياك لو عالركب سيف

ولتهم حجي الشمات جن مطر بالصيف


---------------------

الشاعر حسين الساعدي


حجي الشماته اشلون متريد أهمه

ضاع الوفه ابلياك واشلون الزمه

---------------------

مريم حسين


وبلمة الشمات تلكاني حاضر

وأحبس دمعتك هاي جوه النواضر


---------------------

الشاعر حسين الساعدي


متأكد إمن ابعيد واصلني نوحك

خافن يجيني الموت جايبلي روحك

---------------------


رضا العوامي


يل بلكلب يحسين ما لحظه غايب

خلي اليكول يكول ماهمنه شامت


---------------------


الشاعر حسين الساعدي


والنعم كلك طيب متقصر انته

هذا الوفه والزود منك عرفته

---------------------

مصطفى الهاشمي


نصبو عزة اعلى البير يبجون اخوتي

ماقبل رب الكون..اجلو موتي


---------------------

الشاعر حسين الساعدي


قبلك ابيوسف هاي سووهه اخوته

لو صيح ابكل صوت مالتلكه صوته


---------------------


ألشاعر متعب الخالدي


وين الوعد يهواي يلكلت اوافيك

بلصفنه صار تراب كد ما اتانيك


---------------------


الشاعر حسين الساعدي

يمعود الوفاي ما يحجي ويروح

لو صارت الكلفات يتعنه بلروح


---------------------

مصطفى الهاشمي


نخلة ولواني جفاك لو تدري بالحال

بهذلني حجي الناس ركبني الخبال


---------------------


الشاعر حسين الساعدي


صدكني ما ترتاح لو تبقى عالناس

بالك يضل مشغول وتدوخ الراس

---------------------

الشاعر علي الدراجي


خنجر طعن مكفاي طلعته بيدي

ثاري الطعن شمات كاصد عضيدي


---------------------

الشاعر حسين الساعدي


جرحك يأذي الحال واشلون أوصفك

ما يجرح الدلال بس اليعرفك!

---------------------


Moahsen Falah


الخوة هية افعال مو چلمة السان

وللخوة انتة حسين صرتلهة عنوان


---------------------

الشاعر حسين الساعدي


والنعم محسن بيك يا رفعة الراس

وبخوتك كل يوم متباهي للناس

---------------------


الشاعر علي الدراجي


وليعرف بهل الحال يبجي الدمه دموم

ولعدة ذره حساس تمطرله الغيوم


---------------------

الشاعر حسين الساعدي


واليعرف ابهل حال ما عاتباني

وليه ابوسط شمات وكتي ولاني


---------------------

مريم حسين -


جا شلي بيها الروح من تجفي عنهه

أشمرها خَلها اتروح واتبره منهه


---------------------


الشاعر حسين الساعدي


جَربتك إوكفيت تسلملي هالروح

واشكثر جازت طيب وتلم الجروح!

---------------------


رضا العوامي


منك ثلث تنعام يبن السواعد

انته الوكفت اوياي هذا الله شاهد


---------------------

الشاعر حسين الساعدي


لو كلها مثلك هيج وبهل شهامه

بس جنه راح اتصير يوم القيامه


---------------------

الشاعر مهند الجبوري


شنهي شتريد اتكول شماتي خلهم

جيف انه اهمك حيل الغيظ اكلهم


---------------------

الشاعر حسين الساعدي


بس شافو الهل حال هيج انه طايح

وانته ابضحكتك غاد من يمي رايح!


---------------------

Moahsen Falah


لاتهم خوية حسين مكسورة ايدك

خليني ليدك ايد موبس عضيدك


---------------------

الشاعر حسين الساعدي


ضميتك الكلفات متهمني ايدي

انته الدمه البروح يجري ابوريدي

---------------------


الشاعر مهند الجبوري


مو ظحكه هاي شبيك شهكه الوكعتك

خل تعرف الشمات وشكد معزتك


---------------------

الشاعر حسين الساعدي


ضحكاتك ودمعات وياهه تنهد

هاكثر بلطيبات عديتك اشكد

---------------------


الشاعر منهل


مكسوره إيدك كون المكسور آني

ويفداك عمري الراح وأليمر ثاني


---------------------

الشاعر حسين الساعدي


سالم وانه افديك بثنين اديه

يل جبت بيدك روح وكت المنيه

---------------------


مريم حسين


لا تشكر الوفاي لو ضحه روحه

واليعتني الطيبات هانت جروحه


---------------------

الشاعر حسين الساعدي


غالي ابغلاة العين والبيها اشوفك

بلكلفه اشوفك جاي قاهر ضروفك


---------------------


الشاعر مهند الجبوري


عد وبعد يحسين بالطيبه عدني

اجبوري وعله الطيبات وكتي يعتني


---------------------

الشاعر حسين الساعدي


والنعم كلك زود متأكد ابهاي

لو مر عليه الموت تتشارك اوياي


---------------------


الشاعر علي الدراجي


دنيه المسه ويتام تمشي بدرب موت

جاوينه حامي الجار مايسمع الصوت


---------------------

الشاعر حسين الساعدي


ويانه حامي الجار وبهاي الدروب

بس احنه مختلفين كل واحد ابصوب!

---------------------


رضا العوامي


شفت الشهامه بيك يابعد روحي

بالمحنه آنه الكاك بلسم اجروحي


---------------------

الشاعر حسين الساعدي

وبكل موالي اتكون هاي الشهامه

ماخذها من عباس ويه الكرامه

---------------------

Moahsen Falah


شاعر يفيض احساس يرسم قصيدة

انوبة زاد ابداع من كسرت ايدة


---------------------

الشاعر حسين الساعدي


وتسكن الالام هاي القصايد

لوما الكتابه اشلون تلكاني كاعد

---------------------


ابو الطيب البصري


شـنّه ابحچـي الـشمات خـلي شـيگولــون

عـندي المـهم مـوجـود حـبك بالـعيــــون


---------------------

الشاعر حسين الساعدي


جا شلي بلخوان وكت النفاهه

مختلفه بيك الروح مدري شجاهه

---------------------


الشاعر مهند الجبوري


جربني مره وشوف عالموت اخذني

كبلك افوت بزود ومحظر ركبتي-


---------------------

الشاعر حسين الساعدي


جربتك اني اهواي كدها ولكيتك

تتسابك اويه الموت لمن نخيتك


---------------------


أبوطيبه السعيدي


غصبن عله الشمات كل ساعه أجيلك

عل هامه يابو الطيب شايل جميلك


---------------------

الشاعر حسين الساعدي


يل بلوفه وبلطيب ينبض دليلك

روحي وبيوم الضيج صاحت دخيلك


---------------------


وسام ألساعدي


خوتنه انا اوياك تسواهه كلهه

يحسين ابو الكلفات يلمن اهلهه


---------------------

الشاعر حسين الساعدي


والنعم هالطيبات منك شفتهه

واتباهه بين الناس من طبقتهه

---------------------


ابو طلال


عم الفرح هاليوم عيد من الاعياد.

من طلتك يحسين كل الفرح عاد .


---------------------

الشاعر حسين الساعدي


بيكم اشوف اليوم فرحه جبيره

والتمو الطيبيين والعنده غيره

---------------------


الشاعر ليث الساعدي

لو تضل علشمات يالساعدي تهون

وشما حجوا شمات خلهم يولــون


---------------------

الشاعر حسين الساعدي


بس جلمة الشمات تكسر خواطر

رتك تجيني اليوم لتكلي باجر


---------------------


الشاعر مهند الجبوري


صح كلنه مجموعين وملتم شملنه

لاكن جليل اليوم مابين النه


----------------


الشاعر حسين الساعدي


يشتغل طول الليل وبرزقه هايم

بس بلنهار ايطيح تلكونه نايم


---------------------


أبوطيبه السعيدي


طبع الصديج الزين ناذر حياته

للما تزيحه الريح صوب الشماته


---------------------

الشاعر حسين الساعدي


طبع الصديج الزين تلكه ابصفاته

ماهدك ابفد يوم بين الشماته

---------------------


مريم حسين


عذر الضروف ايصير للماله جيه

بس العذر شيفيد وَكت المنيه!


---------------------

الشاعر حسين الساعدي


اي والله والوفاي يقهر ضروفه

ويتعنى للمجروح لازم يشوفه

---------------------


الشاعر ليث الساعدي


لوصادفت شمات لاتحجي همك

صدكني من اليوم يالـغالي يمك


---------------------

الشاعر حسين الساعدي


تفضحني هالدمعات كلش وكيحه

روحي ابجفاك اليوم ما مستريحه

---------------------


أبوطيبه السعيدي


لاعذر للخوان وكت الرزيه

يموت العذل بلغيض من تصح جيه


---------------------

الشاعر حسين الساعدي


حتى العذر مطعون للعاف اخيه

عافه اشكثر خجلان وكت المنيه

---------------------


الشاعر مهند الجبوري


سويها مره وكول جاي انه الكم

ايساعدنه رب الكون لوعنه حبكم


---------------------

الشاعر حسين الساعدي


ذبني القطار وراح ما رد عليه

وتاكدت هاليوم مامنه جيه

---------------------


ابو طلال


كالوها بالامثال. جدي وجدك .

اللي يحب يحسين يندله خدك .


الشاعر حسين الساعدي


اللي يحب ميكول طيفي اجالك

اللي يحب تلكاه يمشي ابخيالك

---------------------


الشاعر ليث الساعدي .


لاتبـــچي اترجاك وتبجيـــــني وياك

ماتسوه هل الدمعات صدگني دنياك


---------------------

الشاعر حسين الساعدي


صدكني هالدمعات ماهن بديه

من صادفن شمات هدن عليه

---------------------


ألشاعر متعب الخالدي


بل شده ماكو خوان ياهو الحجاهه

ابكلبي احس والله يجرح صداهه


---------------------

الشاعر حسين الساعدي


موجوده اكو خوان تنحط عله الراس

واولهم ابهل كون هيبتنه عباس

---------------------

Moahsen Falah


شاعر وراقي وذوق وبالقمة تنقاس

تسمح اگول حسين شاعر الاحساس


---------------------


الشاعر حسين الساعدي


هذا الشعر ياناس متعلمه منكم

تلميذ انه ابهل يوم وبمدرستكم

---------------------


أبوطيبه السعيدي


واتعنه للطيبين لو بالدرب نار

دين ويجيك إركاض لو وكتك إندار


---------------------

الشاعر حسين الساعدي


والنعم كبل اعداي صوتك اجاني

لو ما اجيت الموت كبلك خذاني

---------------------


منتظر الساعدي


وفاي اكول عليك بس اني محتار

بمنادس الشمات يمكن على الجار


---------------------

الشاعر حسين الساعدي


وتنادسو شمات من ذكرو اسمك

كالو خويك وين منشوفه يمك!

---------------------


ابو طلال


مو جنت اظنك دوم رمز الخويه

تاليها للشمات تضحك عليـــه


---------------------

الشاعر حسين الساعدي


من اضحكت مقصود اضحك عليهم

رادوني اعوفك عود واسمع حجيهم

---------------------


ألشاعر متعب الخالدي


والنعــم مــن عبـاس نحجيهه وبــزود

ابخـوتـه ويـه حسين مــاهمته حدود


---------------------

الشاعر حسين الساعدي


اي والنعم والله بس هو هوه

فمهنا ولهل يوم معنه الاخوه

---------------------


أبوطيبه السعيدي


حسن النوايا إلبيك ثبتن علي دين

لكل الشماته تصير سلايه بالعين


---------------------

الشاعر حسين الساعدي


اي والنعم وياك وامشي ابرهاتي

شنهي الشماته اتصير خيط ابعباتي

---------------------


الحاج زاهر المعموري


يالساعدي اشتاكيت كون اني يمك

عندك اخو ابكلفات وايشيل همك


---------------------

الشاعر حسين الساعدي


منك ثلث تنعام متقصر ابهاي

صدكني ما احتار كون انته وياي

---------------------


ألشاعر متعب الخالدي


مــا تلكه من عباس بل دنيه صدك

بلنخوه يفزع ليك وبروحه يحرگ


---------------------

الشاعر حسين الساعدي


كل النعم والزود شبل الصميده

يتعنى للكلفات والرايه بيده

---------------------


الشاعر مهند الجبوري


ننطر نظل للدوم الشوفتكم احنه

هالبت قطار بيوم ايجيبك لعدنه


---------------------

الشاعر حسين الساعدي


شالو السجه اشلون يرجع قطاري

ايست وتكفيت من انتظاري

---------------------


أبوطيبه السعيدي


ويه الشماته نصيح هل من منازل

خوتنه بادت حيل كل العواذل


---------------------

الشاعر حسين الساعدي


والخاوه مثلك دوم يمشي ابرهاته

بالعالي يضحك صار بين الشماته


---------------------


أبوطيبه السعيدي


والسحب روحه وراح يم الشماته

تلكاني حنظل موت صرت بلهاته

---------------------


الشاعر حسين الساعدي


ما تفرح الشمات بلخاوه مثلك

طيب وابو الطيبات لازم نكلك

---------------------


أبوطيبه السعيدي


لاتهم فكرك دوم يم العواذل

خوتنه خوة روج ويه السواحل


---------------------


الشاعر حسين الساعدي


بلخوه اعرفك دوم تفتح مدارس

خوتنه سبع ابحور ويه النوارس

---------------------


ابو طلال


صاحب صحيب الزين تنفع صحبته

لابد يجي لك يوم تطلب . فزعتــه


---------------------

الشاعر حسين الساعدي


والصاحب الوفاي يمك تضمه

مثل الهوه الوياك لازم تشمه

---------------------


ألشاعر متعب الخالدي


بـل حـومه روجه اتصير لو طبهه عباس

حتى الشــرد ملحوگ وبرجله ينـداس


---------------------

الشاعر حسين الساعدي


خلاهم العباس مثل الذبايح

حته الوكف عالكاع حسباله طايح

---------------------


أبوطيبه السعيدي


مامش شماته هناك يم عملت البير

وشذبه الأعمه هناك محتاجه تفسير


---------------------

الشاعر حسين الساعدي


أعمه ويوصف الناس دوخة زنابير

ذبهه اويه الاخرس عود ذبه ابوسط بير


---------------------


أبوطيبه السعيدي


إشرب دواك ونام نوم العوافي

أدعيلك بكل يوم ربي المشافي


---------------------

الشاعر حسين الساعدي


مشكور ابو الطيبات دوم ابسلامه

ويشفعلك الكرار يوم القيامه

---------------------


رضا العوامي

كلبك يلم الناس يغلا الحبايب

كاعد تواسي اشلون رغم المصايب

ربي يحفظك ياحسين و الله يعينك

شفت العجب هاليوم بطل ونينك

انته الأخو الوفاي يا أغلا ناسي

شفت الشهامه اليوم وانته التواسي


---------------------

الشاعر حسين الساعدي


الله يحفضك دوم واصل دعائك

جنك اخو ومحبوب بين اصدقائك

---------------------


جليل الغريب


وتنادسو بسكوت شماتك اهواي

غايتهم ايخربون هالخوه وياي


---------------------

الشاعر حسين الساعدي


وتنادسو لتكول غايتهم ابهاي

جي ما لكوك اليوم بلكلفه وياي

---------------------


جليل الغريب


واتمنه اوافي اوياك وبطبعي وفاي

بس الضروف اهواي تتعاكس اوياي


---------------------

الشاعر حسين الساعدي


طبع الوفي ميكول اسف نسيتك

توصل زحف للصاح بسمك نخيتك

---------------------


الشاعر مهند الجبوري


روحي قطار اصير وضلوعي سجه

هذا انه اخوك اليوم لتأيس انته


---------------------

الشاعر حسين الساعدي


روحك قطار اتصير والسجه الجروح

وتعنت الطيبين تسلملي هالروح

---------------------


الشاعر منصور المشرفاوي


كلكم بﻻ استثناء روعه وفخر دوم

اتفاخر بﻻ خوف لو هدت الكوم

---------------------

الشاعر حسين الساعدي


لو نسحب الطيبيين اولهم انته

معنه الفخر والزود منك عرفته

---------------------


الحاج زاهر المعموري


العنده هيچ اخوان يتعنه ليهم

مكفولة بالشدات الفزعة بيهم


---------------------

الشاعر حسين الساعدي


والنعده هيج اخوان ما دنك الراس

مثل العلم مرفوع ويرف عله الناس

---------------------


أبوطيبه السعيدي


والله وثلثتنعام منكم يلحباب

بوجه الشماته اليوم سديتو كل باب


---------------------

الشاعر حسين الساعدي


كلكم شهامه وجود كلكم محنه

والطيبه تندل وين ذولاك اهلنه

---------------------


أسامه الحمداني


ثق واعتقد وفاي ماخونك بيوم

بس الوكت يحسين خلاني ملجوم


---------------------

الشاعر حسين الساعدي


وتحمل اللجمات أه يا اسامه

هالوكت بلدلال تارك علامه

---------------------


أسامه الحمداني


الوكت اعوج دوم ذله بمذله

حتى الصديق الزين ربالي عله


---------------------

الشاعر حسين الساعدي


الوكت مابي صوج صوج اصدقائك

همه ابصدى المأسات زادو بلائك

---------------------


أسامه الحمداني


الوكت مابي صوج صح والله يحسين

بس عاشرت صحبان ماتسوه فلسين


---------------------


الشاعر حسين الساعدي


مو كل صديق اوياك ما يسوه فلسين

بيهم الرفعة راس يسوه الملايين

---------------------


أسامه الحمداني


وين الكه مثلك وين بالدنيا يحسين

والشعر وبلياك مايسوه فلسين


---------------------


الشاعر حسين الساعدي


انتم قلم لحسين وانتم كتابه

وياكم ابكل يوم تحله الكتابه

---------------------


مريم حسين -


جابتني ليك الروح من دك الانذار

رادت تموت اوياك ما تبقى بلدار


---------------------

الشاعر حسين الساعدي


روحي اويه روحك روح صارن سويه

وتقاسمن نصين وكت المنيه

---------------------


أسامه الحمداني


من عندك الابداع نتعلم احنه

ياسيد الاحساس يابو المحنه


---------------------


الشاعر حسين الساعدي


بيكم كتبت اهواي باحله المعاني

ولوما وصلكم هاذ ما اكتب اني

---------------------


مريم حسين


روحي التعز اعليك جا شلي بيهه

تتبره منها الروح وتصد عليهه


---------------------

الشاعر حسين الساعدي


روحي اويه روحك روح ماتقبل اتروح

وصرت انته روح الروح ياسلوة الروح

---------------------


مريم حسين -

يل صاير اويه الروح واتنفسك روح

انه وخيالي انروح لو عطرك ايفوح


---------------------

الشاعر حسين الساعدي


روحين الك بلروح هَودلي نوحك

لو انطي هاي الروح ما انطي روحك

---------------------


Rami Abbasi


بالشعر جن صاروخ والهدف واضح

تعصفنة بالافكار لو حتى سارح

يابو السواعد كوم جيناك اخوتك

لي نينوى الحدباء وصلنة صوتك

جابانة ليك احساس ياحساس اهلنا

عطر ويفوح اخلاق بيكم املنا


---------------------

الشاعر حسين الساعدي


مية هلا ابملكاك و بمنتدانه

واخذ تحيه اليوم للموصل أنه


للموصل ابهل يوم كل السواعد

نكتب بعد ونزيد من القصائد

---------------------


جليل الغريب


والخوه وكت الضيج وكفتهه حلوه

لوما تهد وياك ما جنها خوه!!!


---------------------

الشاعر حسين الساعدي


بس بلنفاها اوياك بلهم يروحون

ماتنحسب خوان خليهم يولون

---------------------


أسامه الحمداني


صح الاستاذ اليوم مكسوره ايده

لكنها بس وياه تحله القصيده


---------------------

الشاعر حسين الساعدي


كل القصايد هاي انتم سببها

والساعدي ابلياك جا ما كتبها


---------------------


أبوطيبه السعيدي


طخ للأخوه الشوف تعله إلهه عنوان

مثل الأخو بهلكون شيفيد الأنسان..؟


---------------------

الشاعر حسين الساعدي

كون الاخو موجود كدام العيون

مو بس يجي جناز ويه اليعزون


---------------------


أبوطيبه السعيدي


الخوه عنوه تريد مو بس حجي إلسان

حته إبرد دنياك تلكاهه بركان


---------------------

الشاعر حسين الساعدي


ولخوه موش احروف تنطقها وتروح

الخوه كون اتفوت وتضحي بالروح

---------------------


أبوطيبه السعيدي


بدون الأخو ياصاح دنيانه كلفه

مسند أمان يطيح بالمايعرفه

---------------------

الشاعر حسين الساعدي


والما لكه الخِوان يمه وتضمه

كصه ابدب وتصير تشبع مغمه

---------------------


أبوطيبه السعيدي

لاتغتر بدنياك من يعله صوتك

لابد يجيلك يوم تحتاج اخوتك


---------------------

الشاعر حسين الساعدي


تحتاج اخوتك يوم لا تنسه ذاتك

حطهم اعكال الراس وامشي ابرهاتك


------------------

ترقبوا بكل يوم مساجله جديده مع حسين الساعدي

---------------------

كلمة حق حجيت وأنه ممنون
الك يمحمد ابهاي القضيه

والخطار أضمه ابذني العيون
وأنثرله القوافي اعله الوطيه

وأتباهه صدك باللي يكتبون
واليبوكون اغمنهم بديه!!

دايخ بلأمر واتعجب اشلون
مواويلي إويسمعهن اليه!

أنه الساعدي وبشعاري مجنون
وأجنن كلمن ايزاود عليه!

لو تتعنه بدروب اليحبون
أسمعنك قصائد ساعديه
أسمعنك قصائد ساعديه
االساعدي



99



كتله فلمك؟ هههه
حسين الساعدي
////

كتله وينك؟=كال يمك

كتله لونك؟=كال دمك

كتله هَمك؟=كال منك

كتله الزمك؟=كال فنك

كتله أعلمك؟=كال أفهمك

كتله أشمك؟= كال أهيمك

كتله أطشرك؟=كال ألمك

كتله أرسمك؟=كال أهمك

كتله شسمك؟=كال حلمك

كتله طبعك؟=كال أضلمك

كتله أضمك؟=كال أطمك

كتله حكمك؟=كال اعدمك

كتله فلمك؟=كال هندي ههههههههههه
ااالساعدي
00

اهداء طلبات خاصه
أنه اعنزي


اهل راية وبخت والدله والضيف
معناهه اعنزي والزود اليه

وأهل نخوه وكرامه وجود والسيف
العرب كل العرب تشهد عليه

ومتميز تراني ابهل تعاريف
ولا متخطي لدروب الرديه

روحي اشما تعز ابغير تكليف
للطيبين اقدمها هديه

أنه اعنزي المهون التكاليف
والصعبات سلهن بين اديه
والصعبات سهلن بين اديه

حسين الساعدي

--

كلنا ننتمي الهاي القبيله!
اهداء الى كل محافظات العراق
حسين الساعدي

هله ابكل العراق وكل الاحرار
هله ابغدادنه الحلوه الجميله

هله بلنجف وبحيدر الكرار
هله وبكربله الحره الجليله

هله باهل السماوه واهل ذيقار
هله ابميسان والبصره الكحيله

هله بلقادسيه واهل الانبار
هله بديالى والنسمه العليله

هلا بالموصل وياهيبة الدار
هلا بلكوت والحله الأصيله

هلا بدهوك والطيبيين الأبرار
وصلاح الدين والكفه الثجيله

هلا باربيل وتعناهه مشوار
سِلَيمانيه واجبال الطويله

هلا ابكركوك والسكان الاخيار
عدنه الطائفيه مستحيله

قبيلتنه العراق ازغار وكبار
وكلنا ننتمي الهاي القبيله
كلنا ننتمي الهاي القبيله
ااالساعدي

----------

يحره وبلمزامط راسِليهم
إرهاب ابذبح أهلنه راسليهم
نكص راسه ونودي راسه ليهم
ويصفيها العراقي ابهل قضيه
ااالساعدي

--

---

ياجيش العراق وانتَ أبو الغيره!
للمبدع حسين الساعدي
‘‘‘‘‘‘‘‘‘‘‘‘‘
إإإإإإ

فوت ابزودك ابراية علي الكرار
والخاين تطمه ابكل تعاذيره!


ملتمه النواصب طابين الدار
ياجيش العراق وأنتَ أبو الغيره


ياجيش النصر والحيره بالأنبار
من أهل الرمادي وتبعد الحيره


متأسرين أهلنه ابولية الأشرار
وأجرام الدواعش فاق تصويره!


نيرانك عليهم لا تخف النار
من ذولَ الجرب وتِطَهر الديره


ذوله الما رضو بالساده والأطهار
وإحتضنوا ابليس ابكل مشاويره


خليهم جثث فوك الأرض طشار
ذوله الهددونه ابدرع خنزيره!!


يسمونه روافض نعبد الأحجار
وحبينا علي ومنطَبل الغيره
حبينا علي ومنطَبل الغيره
االساعدي

--------------

ردت فزعت عشاير والسواعد!!
حسين الساعدي

دمعي اشكد عنيد وحيل زعلان
وأنه اعرف أطباعه ومن يعاند!

ابلا رداد ينهد جنه سكران!
لا ينطيني عطوه إولا يماهد!

دمعي امشرشب ايوزونه عدوان
ما يستوعب الدعوة مساجد!

حَشمت العرب وبصوتي تعبان
عذبني الدمع هذا الله شاهد!

ولفوك الجبل بخدودي نيشان
أحشم بلكراد اهناكَه صاعد

عرب واكراد أحشم والتركمان
مسيح وصائبه وكلنا نعاهد!

صوت الما وصل ويفزع انسان!
باجر فزعه وأكتب بالجرايد

وأهل الغيره للأحساس وجدان
ما يحتاج أدونهه ابكواغد!

وإذا ما فزعو وضليت حزنان!
أزعل وأرد اعاتب بالقصايد!!

وين الساده وين الرفعو الشان
والشارتكم أنه اليوم رايد!!

وين اهل الرمادي وين ميسان
وين ادليم اهلنه الي تساعد!

نخيت الشمري البلزود عنوان
وبيوم الوغى كلهم أماجد

تعبني الدمع خلاني خلصان
نخيت اجبور وبصرخات أناشد

وينه الأسدي البلفزعه حَنان
وانه اعرف أسد بلزود زايد!

الك يلطرفي والوياك شجعان
هاي ادموع بس فتحت روافد!

وين الأسلمي الميهاب الأكوان
بلمسعودي أحشم والمحامد

للنعماني أفزع أه ينعمان
هذا الدمع ماخلاني صامد

والحمداني بلحملات رُبان
ويخلي الدمع بلعين جامد

دريعي وذهبي ومنصوري خلان
واحدهم ابيوم الزود قائد

والدراجي افزعه وجفه بستان
يجي ويه البهادل والمواجد

أنخه اسويعدي ولابو سلطان
والفزعتهم الهل دمعه حامد

يا مياح وال إركاب عربان!
دمعي ايجوي ما منه فوائد!!

حشمت الِعبادي وال عجمان
وبال ابدير تتكفه المكاصد

والزيداوي وينه وأل خيكان
وال ازوين للفزعه مناجد

واحشم ال فتله وزود حمران
ويه العامري بسيل النجايد

بلفريجات أحشم وال غضبان
وللسعدون انادي وللخوالد

وينك يلكناني الغيره ميزان!
وإذا رجحت الكفه اويه المجاهد

خزاعل وال ازيرج عز الاوطان
وب أل الشبل للدوم أزاود

وينك يلقريشي ولصبح حان
وتلبس الشمس أجمل كلايد

تسكت دمعتي يمكم يكرعان
والابراهيمي كدهه ابزوده واجد

بني مالك بني لام إويه سودان
افزعوا عالدمع ناصب مصايد!

وينه الحلفي وكت الضيج بيان
والدلفي نخيته وما يحايد

وأحشم بالمطيري وأل شيبان
والعبودي قناص الطرايد!

وين أهل البخت هبو يشحمان
هذا الدمع بالصفنات راكد!

وأل اسعيد لو كبوا النيران
يخلون الأرض كلها مواكد!

وينه العايدي وين ال صبحان
وين العابدي البلزود واجد

يل فرطوسي يل بلفزعه رنان
تلاحك للدمع خلاني بايد!

جا وين العتابي الأبد ما جان
يترك من نخاه ابيته لابِد!!

والحميداوي بلكلفات دَيان
والسراي بالشده سنايد

والعلياوي أفزعه الدمعي خَوان
خاناني ابكثر ماضل يعاهد!!

طحت وحشمت بيكم يبيضان
وَصيح ادخيل من الدمعه شارد

يلعب عله همومي وحيل بطران
ياناس الدمع عنده مَكاصد!

ماشايف دمع يترسله فنجان
جا وين العكيلي والرواشد!

وينك يل تميمي وبيك فرحان
لتخلي الدمع بدروبي شاهد!

ياطي بلمضارب لافي حيران
وين اليترس الساحه مَوائد!

ما رايد طعام وأنه شبعان
واتمنه الدمع عني يباعد!

الك يمحمداوي الزود ما هان
وكلمن يعتدي وخليته ساجد

الحكوا ياربيعه الدمع فتان
سوه الفتنه مابين المِشاهد!

واتعنه العقابي وأل حسان
والغزه دوه الكل المضامد

يا عزاوي يل بلزود سفان
وبنخوتك ما واحد يزاود!

دمرني الدمع خلاني خسران
وأنه ابدمعتي لحجيم كاصد

ياغيض الجوابر جنه بركان
بلفزعه اشكثر الهم شواهد!

وينك يالنعيمي واحنه خوان
وينه الزوبعي البلنخوه رائد!

وين اعبيد وين الكال ابو افلان!
يخلصني الدمع بكليبي مارد

والكعبي المدارس لأل عدنان
وخفاجه اللي يوزعون الشهايد

صعبه دمعتي ومحتاجه فرسان
وتنحل بلشويلي لو يساند!

وأحشم بعنزه وبأل هوزان
أدريهم كفو وكت الشدايد

ومن شفت الدمع حضرلي دفان!
رحت لزبيد وبحسرات أناشد

يا كل العشاير وانتو تيجان
فوك الراس خلونه انتعاضد!

وين اهل البخت والغيره ديوان
أودي الناس ما خليت واحد!!

ما نَفذ طلب ويزيد الأحزان
ولاني ابجيشه وليه وأنه أجاهد

ماظنيت دمعي ايصير شيطان!
وكلشي ابهل زمان ايصير وارد!

دمعي اشكد وكيح وجنه سجان!
خلاني ابمأسي البيت كاعد

ياناس الدمع ما يرحم انسان
ردت فزعت عشاير والسواعد
ردت فزعت عشاير والسواعد
حسين الساعدي
-___________

وتحيه لكل قبائلنا العراقيه والعربيه وعذرا إن لم أذكر قبيله ليس للتجاهل وانما هذا ما سمحت بهِ القصيده وحتى لا تكون تكرار بلقافيه وكل العشائر تاج الراس واهلنا ونفتخر بيهم
خادمكم الساعدي

ااا


نكتب عالسريع ابكل الاطوار
نسينه وبلنشر ناخذله خيره!

والماعنده غيره ايبوك الأشعار
ولاتعتب عله الماعنده غيره

هذا مو بشر صَدكني غدار
باك الناس ومعطل ضميره
االساعدي

==

مرامي اتراهم وحاضن مرامك
وكلامك ينطبق ويه كلامي

وجمعت انسجامي وانسجامك
لكيتك بلعمر وحدك مرامي
ااالساعدي

5555

لأنك يا حبيبي أحله منهم
حسين الساعدي
÷÷÷÷÷÷÷÷


كلهم منك ايغارون كلهم÷لأنك يا حبيبي أحله منهم
خليهم يغارون
ونتمشه ويشوفون
ايدي بأيدك ونحرك كلبهم
لأنك يا حبيبي أحله منهم


÷÷÷÷÷÷÷÷÷÷÷÷÷÷÷÷÷÷


لا تتأثر ابكلمة عواذل
خلي اعيوني لعيونك تغازل
تعال الروحي خطار
تعال ونكتب أشعار
بسمي وأسمك ومنجيب اسمهم
لأنك يا حبيبي أحله منهم


÷÷÷÷÷÷÷÷÷÷÷÷÷÷÷÷÷÷


سولف ياحبيبي احله السوالف
وِرسملي ابتسامه اعله الشفايف
نطير احنه ابهوانه
سوه وبس انتَ وانه
هاي الناس كلها ابعدني عنهم
لأنك يا حبيبي أحله منهم


÷÷÷÷÷÷÷÷÷÷÷÷÷÷÷÷÷÷


كلهم منك ايغارون كلهم÷لأنك يا حبيبي أحله منهم
خليهم يغارون
ونتمشه ويشوفون
ايدي بأيدك ونحرك كلبهم
لأنك يا حبيبي أحله منهم

ااالساعدي

-



طلعت الخاطرك والثلج علكاع
نص الليل ما اخلف وَعيدي

بس اتمزلكت وبطيحتي ابساع
لجلك ياصديقي انكسرت ايدي
االساعدي

=

الشاعر حسين الساعدي
يحيي الجيش العراقي البطل
؛؛؛؛؛؛؛
؛؛؛
؛
حياك حياك ياجيش النصر
حياك حياك وانتَ المنتصر

صار النصر عنوانك
يل حيرت عدوانك
وياك وياك ضحينه العمر
حياك حياك ياجيش النصر

//////////////////////



راية نصر بزنودك
يخسه اليمس احدودك

يبن العراق الغالي
نصرك يضل للتالي
بحماك بحماك كاعك يافخر
حياك حياك ياجيش النصر



///////////////////////


جيش العراق ابروحنه
وجرحك نزف بجروحنه

وانته الترد العيله
والحاربك ياويله
ينخاك ينخاك شعبك يفتخر
حياك حياك ياجيش النصر

ااالساعدي

0000




داعش انتَ وداعس اني!!
حسين الساعدي

؛؛؛؛؛؛؛
؛؛
؛

داعش انته وداعس اني
وخط أحمر صارت كيعاني

ليوين اتغاضه بأجرامك!
وليوين إتذَبح خواني!

ياداعش خلصانه أيامك
وتخَلص وياك أحزاني

بالأنبار انهد اخيامك
واللفاك المثلك جاني!

ما تتحقق كل أحلامك
والغيره الصارت عنواني

جتالك صاير كدامك
وبنص الحومه وتلكاني

متضيعني ابهاي أوهامك
وأنه الما عايف قراني

ماتقنعني ابهذا اسلامك
فِكرَك تكفيري وشيطاني!

داعش انته وداعس اني
وخط أحمر صارت كيعاني

ااالساعدي

--------------------


إتهددني ابدرع الخنزيره!!
حسين الساعدي


إتهددني ابدرع الخنزيره!
ياخنزير احسب هالحسبه

لو تتحرش بِبن الغيره
ما تشفعلك حته الكعبه

جيشك وتعاين تدميره
وبنص الأموات انذبه

مامونه بحيدر هالديره
إولاتتوقع حيدر لعبه

بيكم ويواصل تكسيره
أصنام وضلتكم صعبه

واتعجب تاخذني الحيره
والمثلك ما يعرف ربه

امكبسل لو شارب بيره!
ومخلي الأصنام ابعبه!

ياذيل وضاع ابتدبيره
والظالم مشاك ابدربه

وإسلامك واضح تزويره
ياروح الشيطان وحزبه

االساعدي

7777

بياض ابكلبك العاكس عله الهام
عبن تتصبح ابيومك عله الهام
بعد لا تفزع وتركض عله الهام
المهم والمو مهم صارن سويه!
االساعدي

----------

-------------
حالك زين ريتك تعلم ابحالي
بعيونك عتب وياي يالغالي
/////
همت واترقب أخبارك
رايح جاي من دارك
وشك ابجيتي جارك

وسِمع ونات دلالي
وحالك زين
ريتك تعلم ابحالي

///////

يخايب اهلي عرفونه
نحب وبيك مجنونه
صرت بلغرفه مسجونه

عليك وخابت أمالي
وحالك زين
ريتك تعلم ابحالي

//////////////

اشكد دزيت مشايه
وهلج رفضوهم اهوايه
فقير وما الي غايه

وبس الدمعه تبرالي
وحالك زين
ريتك تعلم ابحالي

///////////////

حديقه وعرفو احوالك
وحال الضيم يا حالك
ماكو شغل موالك!!

إوهَلي ايضربون بالعالي
وحالك زين
ريتك تعلم ابحالي

//////////////////

أدور شغل يوميه
واخوانك درو بيه
حدايق ميه بلميه

وكلهم نفس مَوالي
وحالك زين
ريتك تعلم ابحالي

////////////////


مهري إولازم اتجيبه
وتطلعه من حلك ذيبه
واستعجل يبو الطيبه

سياره وقصر عالي
وحالك زين
ريتك تعلم ابحالي

//////////////////////

أهلج بلمهر بلوه
وأنه الَميتهن كووه
الشغلي انطيتهن رشوه

وعَلي قفصو من تالي
وحالك زين
ريتك تعلم ابحالي

///////////////

000000000000

احنه انريد حاكم يملك احساس
ويتذكر علي ابحال اليتامه

يامسئول كافي اتبوك بلناس
وكلها اتطلبك ابيوم القيامه
ااالساعدي

--

عمرك ضيعيته وضاعت الافراح
وبدمعة اعيونك ما تفرحني

انته السلمت ركبتك للذباح
ومتعجب تكول اشلون يذبحني!!
االساعدي


--
اي يحسين خليهم يلومون
وبحبك أزيده وأدعي ربي

عابس بلزمان وبيك مفتون
وأحسَنك نبض مابين كلبي

وأحبنك بعد لو تعرف اشلون!
كثر مابيك اشوفن هذا دربي
االساعدي

00\\\

تبديها ابصلاتك بسم الاطهار
يامحله الكلام اللي تكتبه

وارسم عين يمحمد يمعمار
بس لا ترسم الدَمع التصبه

خلي الزامطك وياك محتار
تراهي دمعة الطيبيين صعبه!

وإضحك بلجذب كدام الأخطار
والشامت يضل محروك كلبه

إوبالك لا تصير ابيوم غدار
تخسر أعز ناسك والتحبه

واعرف هالزمن عالناس دوار
والشالك ابعازه لا تذبه

واصل خطوتك وتحده الأعصار
وحجاية متكدر هايه جذبه
ااالساعدي

----------


اجيت الشاعر امضيعهه الأعذار
ولا يعتذر مره لل يطلبه

يمحمد وَكلك عندي الاشعار
مثل شربة الماي اللي تشربه

ومزدحمه القوافي ابهاي الأفكار
ويتوسلني بيتك حته أكتبه

وأنه ابراحتي وشتمنه وأختار
كدامي البحر وبكيفي أصبه

أكتب للوطن ولكل الأطهار
وللوجداني أكتب والمحبه

أنه الساعدي والقلم بتار
مثل السيف ريتك لا تجربه
/////

الصحيح ابصف الأجرب لا تجربه
لأن يجرب ابسرعه لا تجربه
وبعد سيف المجرب لا تجربه
بس يزعل تكول اشهل بليه
ااالساعدي

--

الشاعر لو كتب ما يدخل النار
اذا ويه الكتابه امراضي ربه

ونظر للفرزدق وبهل أشعار
نترحم عله روحه إونحبه

مامات الشعر للموت تذكار
لومات البشر وتطمه تربه

وأنطيك الحقيقه ابهاي الأسرار
والشاعر مقدس ماهو لعبه!

كون احجايته امكدرهه تكدار
ويخلي ضميره اويه اليكتبه

///////

كلبي اشجم قصيده هيمنه
وكل روعه التشاهد هيَ منه
وإذا أدري ابعطيه هيه منه
أردها على اليتمنن عليه
ااالساعدي

======

اِكتب ومضتك وِطربها الأنضار
اِكتب وافتخر باللي تكتبه

فارض هيبتك وبكل الأقطار
كلامك ينسمع وتصير عجبه

والصفط اتصفط من الأشعار
هالوادم ترى باجر تسبه!

وكون الشاعر ابصولاته مغوار
ويخط الحماس ابهذا دربه

كون اويه المنصه امكدر اكدار
وبهيبة أسد ما رِجف كلبه

لا تطلب الصفكه وتنطي الأعذار
تراهي الصفكه للماصار صعبه!

كون الصفكه تسمع بيها معيار
من الزعلك قبل التحبه!!

الشاعر والسياسي ابكل الأخبار
لكن ياهو منهم حَبه شعبه!

وأضربك مثل وتذكر الصار
وانته ابراحتك بعدين حَسبه

تمثال الرَيس باعوه الدوار
وتمثال الرصافي الهسه صَبه

/////////

خلينه انتساجل ونتَشاعَر
والساعدي شاعر وانته شاعر
وأنه أشعر ابروحك وانته شاعر
ابحزني وما اجيت اتواسي بيه
ااالساعدي

-------------

• تمت المساجله الشعريه هذا اليوم
  مع الشاعر القدير حسين الساعدي
  واخوكم محمد المعمار
  
  تمت بحب محمد وال محمد
  واليكم احداثها
  
  ملاحضه ؛ المساجله كانت مباشره وارتجاليه ما عدا القصيدة الاولى
  للامانه
  
  دعوه الى الشاعر حسين السعيدي
  للمبارزة
  //////////////////////////////
  الى معلمي وأخي اللشاعر حسين الساعدي
  من محمد المعمار ادعوه مرة اخرى للمساجله
  والمبارزه المباشره ولك حق اختيار المكان
  والزمان
  
  شوكت يافارس الومضه والاشعار
  نرد نتساجل بود ومحبه
  
  أخيك صابر وكاعد على نار
  يريد يجاري ضرباتك الصعبه
  
  ما ريدني اسمع منك اعذار
  مريض منعس اتسويلي لعبه
  
  طلبتك يلشهم يلكلك افكار
  ماضنك ترد الراد طلبه
  
  تراني محضر الميتين منشار
  منهن واحد اتمنيت اجربه
  
  اضربت علصخر شعري وارتجالي
  بدمع ضل ايتِوسل وارتجالي
  الشعر عندي مباشر وارتجالي
  وينك يبو عليوي ترد عليه
  
  اخوك محمد المعمار
  ////////////////////
  
  ااالساعدي
  
  إبشر وانته بلموضوع تختار
  يامَسهل طلبتك ماهي صعبه
  
  تلكاني مثل بيدر للأشعار
  وأشبعنك شعر. باللي تطلبه
  
  بحر من القوافي. وروجه طشار
  ضل اعله الجرف بالك تطبه!
  
  وتاخذلك ابهل موال تذكار
  وتتباهه ابحياتك بلتحبه
  
  وصلت دعوتك ولعتبة الدار
  حسين الساعدي ولدعوه لَبه
  
  لو 200 وتزيدون منشار!
  أكسركم. إتكسر بالأكتبه
  
  نِدَور عا. ليساجل ونتمنه
  ويون كلبي ابقصيده ونته منه
  تره احنه انصير منك وانته منه
  وأجيلك ركض بس تومي عليه
  ااالساعدي
  ///////////////////////////
  
  محمد المعمار
  
  ابديها ابصلاتي لطه المختار
  وهله ويا كلمن ماشي بدربه
  
  يلساعدي انطينه الشارع واخذ الدار
  انته النجم فوگ الكواكب تِربه
  
  ماساجلتكم بالشعر والاشعار
  ناخذ نصيحه مو غرضنه امسبه
  
  ماجيتك تحدي لا والكرار
  لو منته گدها للطلب ماتلبه
  
  انته الثريه بالشعر وانته الجار
  يعني بعيد انته الشعر وبكُربه
  
  والله لا اريد التفخار وإنما فخري
  اني اساجلك اما في المستوى
  فاين من الثريه الثرى
  
  محمد المعمار
  ////////////////////////
  
  الشاعر حسين الساعدي
  
  احسنت يا رائع وان شاء الله تكون هذه المساجله روعة بروعتة المتابعين
  
  تبديها ابصلاتك بسم الاطهار
  يامحله الكلام اللي تكتبه
  
  وارسم عين يمحمد. يمعمار
  بس لا ترسم الدَمع التصبه
  
  خلي الزامطك وياك محتار
  تراهي دمعة الطيبيين. صعبه!
  
  وإضحك بلجذب كدام الأخطار
  والشامت يضل محروك. كلبه
  
  إوبالك لا تصير ابيوم غدار
  تخسر أعز ناسك والتحبه
  
  واعرف هالزمن عالناس دوار
  والشالك ابعازه لا. تذبه
  
  واصل خطوتك وتحده الأعصار
  وحجاية متكدر هايه جذبه
  ااالساعدي
  
  وشكرا لروعتك اخي محمد ولوما انت ما اكتب هالكلام ولكل المتابعين نقول مية هلا بيكم وراح نستمر بلمساجله بهذا الوقت وانتم اجمل ما فيها
  مع اجمل تحياتي
  ///////////////////////
  
  محمد المعمار
  
  يحسين ابشرك وادمك نصها تغار
  چيفن وصلت لبابك او للعتبه
  
  دكينه بابك ناخذ منك افكار
  يلساعدي امچلبين بيكم چِلبه
  
  الساعدي فخر. الشعر والشُعار
  جنه الشعر جاهل وبيده يلعبه
  
  خويه الشعر مو كثره لو بالاكثار
  ربك يجيب الدعوه باول ذبه
  
  اتمنى ان أكون عند حسن ضنك وعند حسن ضن الجميع
  انا يزيدني شرف ان اكتب على قافيتك ياشاعر وارد عليك مباشر وسريع
  
  محمد المعمار
  
  ////////////////////////////
  
  الشاعر حسين الساعدي
  
  وِصَلت الشاعر امضيعهه الأعذار
  ولا يعتذر مره لل يطلبه
  
  يمحمد وَكلك عندي الاشعار
  مثل شربة الماي اللي تشربه
  
  ومزدحمه القوافي ابهاي الأفكار
  ويتوسلني بيتك حته أكتبه
  
  وأنه ابراحتي. وشتمنه وأختار
  كدامي البحر وبكيفي أصبه
  
  أكتب للوطن. ولكل الأطهار
  وللوجداني أكتب والمحبه
  
  أنه الساعدي والقلم بتار
  مثل السيف ريتك لا تجربه
  
  الصحيح ابصف الأجرب لا تجربه
  لأن يجرب ابسرعه لا تجربه
  وبعد سيف المجرب لا تجربه
  بس يزعل تكول اشهل بليه
  ااالساعدي
  
  وبخدمتك يا رائع وبخدمة كل الطيبين
  
  //////////////////////////////
  
  محمد المعمار
  
  تسلملي يلطيب كلام رائع يستحق الرد اللهم أسالك الاعانه
  
  محمد المعمار
  
  انه ابن نوري واللقب بي معمار
  جاب الشعر للشاعر المتربه
  
  لتضن اجيتك مو كدها لو محتار
  جيتك واعرفك جيت الك مو صعبه
  
  عند النوايب حطني بيدك بتار
  سيف انه بيدك كوم وجربه
  
  يثبتلك الخوه الاصيله لكل مار
  انا المجرب بالمثل وبضربه
  
  العب لعب بالشعر لعب الشطار
  واضرب ضرب بي بالسلام وحربه
  
  كفيت والله يلساعدي وأشكرك جزيل الشكر لقبولك الدعوه فضلك على راسي
  /////////////////////////////
  
  الشاعر حسين الساعدي
  
  وانت ماقصرت يارائع شكرا لروعتك
  
  الشاعر لو كتب ما يدخل النار
  اذا ويه الكتابه امراضي ربه
  
  ونظر للفرزدق وبهل أشعار
  نترحم عله روحه إونحبه
  
  ما مات الشعر. للموت تذكار
  لومات البشر وتطمه تربه
  
  وأنطيك الحقيقه ابهاي الأسرار
  والشاعر مقدس ماهو لعبه!
  
  كون احجايته امكدرهه تكدار
  ويخلي ضميره اويه اليكتبه
  
  كلبي اشجم قصيده هيمنه
  وكل روعه التشاهد هيَ منه
  وإذا أدري ابعطيه هيه منه
  أردها على اليتمنن عليه
  ااالساعدي
  /////////////////////////////
  
  محمد المعمار
  
  حطني بيمينك سيف ودركه ومنشار
  واتساجل وياك ابشعر للركبه
  
  والنخوه عندي ماتضل نص انهار
  تلكاهه يمك وانطي حتى الرگبه
  
  عندي الفرزدق كتبه كلهن تذكار
  ناخذ. ونقره ينعجب وانعجبه
  
  من الضماير تلكه بس بيها العار
  وتلكه ابضمايره الشرف والرتبه
  
  هاك اخذ منهم حيدر الذولفقار
  وقيس انته يمه ضده يوكف عُتبه
  
  طك الخراطم سيفه اصغار اكبار
  يضحك بسيفه والبچي وي ربه
  
  ابعث. سلامي واندعي ياكرار
  تفرج علينه وعلعراق الكُربه
  
  والساعدي ربي يحفضا الستار
  من كل مصيبه توكف او لو تِحبه
  
  واختم صلاتي اعلى ال الاطهار
  وعلى النبي دز السلام ابكتبه
  
  محمد المعمار
  
  هذه كانت ختمتي وعذرا للتقصير
  والساعدي هو حلم من الصعب ان أصل اليه
  
  ///////////////////////
  
  الشاعر حسين الساعدي
  
  اشكر اخي الرائع محمد المعمار على هذه الدعوه للمساجله بثلاث مرات متكرره كما اشكر من تابعنا بهذه المساجله الرائعه بروعتكم
  واعتذر لو بدر مني اي تقصير فيها وكنتم انتم اروع ما فيها
  
  اِكتب ومضتك وِطربها الأنضار
  اِكتب وافتخر باللي تكتبه
  
  فارض هيبتك وبكل الأقطار
  كلامك ينسمع وتصير عجبه
  
  والصفط اتصفط من الأشعار
  هالوادم ترى باجر تسبه!
  
  وكون الشاعر ابصولاته مغوار
  ويخط الحماس ابهذا دربه
  
  كون اويه المنصه امكدر اكدار
  وبهيبة أسد ما رِجف كلبه
  
  لا تطلب الصفكه وتنطي الأعذار
  تراهي الصفكه للماصار صعبه!
  
  كون الصفكه تسمع بيها معيار
  من الزعلك قبل التحبه!!
  
  الشاعر والسياسي ابكل الأخبار
  لكن ياهو منهم حَبه شعبه!
  
  وأضربك مثل وتذكر الصار
  وانته ابراحتك بعدين حَسبه
  
  تمثال الرَيس باعوه الدوار
  وتمثال الرصافي الهسه صَبه
  
  /////////
  
  خلينه انتساجل ونتَشاعَر
  والساعدي شاعر وانته شاعر
  وأنه أشعر ابروحك وانته شاعر
  ابحزني وما اجيت اتواسي بيه
  ااالساعدي
  
  اتمنى ان اكون استحق متابعتكم مع اجمل التحايا
  حسين الساعدي
  
  وآخر دعوانا ان الحمد لله رب العالمين
  
  اللهم صلي على محمد وال محمد

33333333

أنه افتخر وبكل اليكتبون
واليتساجل ارسله رياحين

ماردنه تحيه إمن اليصفكون
ردنه إمن الضماير كلمة الزين

لو صار الشعر بيد اليلعبون
اكتب لا تخلي الشور بعدين

عطشانه المنصه وفاكده اللون
رادت مثل كاظم تصنع اثنين

وشجم شاعر الباقين بالكون
والباقين مثلي اهواي ميتين

االساعدي

222

الكاغد لو لعب بالنار مجنون
وانته العاقل اربات الدواوين

يمك نعتني والموزمه اتهون
والدله فقيره ابلا فناجين!

سلفنه ينثلم ويصير مطعون
كون اويه المنيه اتغمض العين

يابيرغ يلوك اويه اليهوسون
ياهيبه وجمع كل المضامين

حسين الساعدي للزين ممنون
وانته الزين تربات الميامين

يصح واحد لجن يسواله مليون
ويصح مليون مايسوون فلسين
االساعدي

00



تاج العافيه ومقتنعه العيون
أفضل من ثمر كل البساتين

والطماع ميهمه اشيكولون!
ما يقتنع لو كض الملايين

وأنه اشرحلك ولو تعرف اشلون
بشوية تراب وتمتلي العين

الفقير اويه الغني باجر يروحون
أول تالي كلنه انصير ميتين

لكن والحساب ايفرزن اللون!
كلمن يستحق ماسوه بعدين

والباك الايتام اهناك مديون
ويعرف بلمصير ايصير لاوين!

جم واحد ابواحد هسه مدفون
ويتمنه ويرد للدنيا بالزين

ويتمنه ابحياته جان مجنون
لو ما حاسبو يمه المجانين

ااالساعدي

----

امعزب والنعم منك يمفتون
مفتون ابفنونك للمحبين

خل نكتب شعر وانفرح الكون
خل نكتب على كل الميادين

عطشانه تراها اليوم العيون
شبعها شعر بأجمل عناويين

خلي الذوق كلتهم يصفكون
انته محمد وسجالك حسين

كدامك بحر تلكاني ممنون
ما تعطش واقدملك دواووين
ااالساعدي

------

والشاعر يكون ابشعره مدفون
إذا ما فكر ويكتب للحسين

لازم بلكلام اتبجي العيون
ولطف كربله تكتب دواوين

وتخايل ابو السجاد مطعون
وعباس الشهم ماعنده جفين

وتخايل ابزينب تنسبي اشلون
وبأيد ال اميه ودمعت العين

وتخايل علي السجاد مسجون
ومجتف يجروه بلدرابين!!

وتخايل يتامه المايسكتون
عطشانين والوليان ميتين

ياشاعر يغلس هذا مديون
وبيوم القيامه ايفرزن الدين

االساعدي

والشاعر يكون ابشعره مدفون
إذا ما فكر ويكتب للحسين

لازم بلكلام اتبجي العيون
ولطف كربله تكتب دواوين

وتخايل ابو السجاد مطعون
وعباس الشهم ماعنده جفين

وتخايل ابزينب تنسبي اشلون
وبأيد ال اميه ودمعت العين

وتخايل علي السجاد مسجون
ومجتف يجروه بلدرابين!!

وتخايل يتامه المايسكتون
عطشانين والوليان ميتين

ياشاعر يغلس هذا مديون
وبيوم القيامه ايفرزن الدين

االساعدي

77

ااالساعدي
إبشر وانته بلموضوع تختار
يامَسهل طلبتك ماهي صعبه

تلكاني مثل بيدر للأشعار
وأشبعنك شعر باللي تطلبه

بحر من القوافي وروجه طشار
ضل اعله الجرف بالك تطبه!

وتاخذلك ابهل موال تذكار
وتتباهه ابحياتك بلتحبه

وصلت دعوتك ولعتبة الدار
حسين الساعدي ولدعوه لَبه

لو 200 وتزيدون منشار!
أكسركم إتكسر بالأكتبه

نِدَور عاليساجل ونتمنه
ويون كلبي ابقصيده ونته منه
تره احنه انصير منك وانته منه
وأجيلك ركض بس تومي عليه
ااالساعدي

88


ياجيش الشعب وياك شد احزام
داعش كفرونه وهمه مو اسلام
وانته الداعس الما يرحم الأقزام
انطيهم درس خل يبقه للأيام
ياجيش العراق الما تطخ الهام
تاج الراس يل منك ثلث تنعام
ياحارس وطنه وهازم اااالظِلام
منصورين وبراية علي الضرغام
االساعدي
7

ياهو اليكدر ايزاود عليكم
مبخوتين يا خدام الحسين

بيكم غيرة العباس بيكم
والعاداكم إمضيع المشيتين!
ااالساعدي

00

وأشبع من أذكرك جني متعشي!
حسين الساعدي


يا كرار واليتك وأحب ملكاك
وأتكشخ بأسمك وين ما أمشي

يكفروني ابمحبتك رايدين أنساك
وأنتَ ياعلي ابهذا العمر كلشي!

يتيم وجوعتي ماترحم ابلياك
وأشبع من أذكرك جني متعشي

اعذرني إمن أصيحن ياعلي أهواك
وبلعينين أضمك والغطه رمشي

وعذرني إذا ما أكدر أتعناك!!
راح اتشوف يمك جَدمو نعشي
راح اتشوف يمك جَدمو نعشي

والله
لا
يحبني
إذا
ما أحبك ياعلي!!

ااالساعدي

55

صداقتنا أصيله وترفع الراس
وأنه أتباهه بسمك ياصديقي

وَكت الموزمه نتبادل أنفاس
وأشوفك شمعه وتضوي طريقي

يامَعنه الأخوه اوياك تنقاس
ولا تتغير وطبعك حقيقي

ما ريد الفريق وكثرة الساس
وحدك انته خليتك فريقي

طايح محترك وتعاين الناس
بشهكة موت ما همهم شهيقي

ودمعاتك اجت وبكل الأحساس
وصلتلي وتطفيلي حريقي

حسين الساعدي

66


جرح ويفرخ جرح بالعافيه!
حسين الساعدي


الله لا ينطيك هَستوهن غفن
ليس فززت الجروح الغافيه

كامن ابنص الكلب يَطافِرَن
جرح ويفرخ جرح بالعافيه

جرح ويحشم جرح وتحَلفن
شعلن النيران جانت طافيه

اجروحي بلثورات حيل اتأثرن
والخبر عاجل عله المتعافيه!!

كتبن ارحل والدموم اتناثرن
هالجروح الأبد ما متصافيه!

وأنه ماصدكت تَوهن هَودن
وحَرضَتهن كلمه منك دافيه!

هاي سنتين ابغيابك ما نسن
جَرَبت ماكو الطريقه الشافيه

والجروح ابيومي كله اتحزمن
لو يهيدن ساعه كلش كافيه

حاضرات ابكل وقت يتدربن
مايغيبن عالوقت متوافيه!!

ليش خليت الجروح اتسودنن
وخَبطت دنياي جانت صافيه!

هاكثر خطواتك الغيري مشن
وهاكثر وجروح الك ما خافيه

وهاكثر وعيونك الشوكي! نفن
وأنتَ بعيوني الأبد مانافيه

خايب اجروحي عليك اتعودن
ليش عينك بلمواكح لافيه
ليش عينك بلمواكح لافيه

ااالساعدي

--

تمت هذه المساجله
في يوم
1-9-2014
مع نخبه من الشعراء
_____________________
ومضات للمفاخره
مساجلة للشاعر حسين الساعدي

_____________________

المساجله
_____________________
الشاعر حسين الساعدي
==============
تعالو نتساجل تعالوا نتفاخر
اليوم وكل يوم مع حسين الساعدي
والدعوه عامه للجميع
مساجلتنا لهذا اليوم ومضات للمفاخره
وكل واحد يكتب يتفاخر
واحنه نشجعه ونكله وثلث تنعام
ولكن!!
لا نقبل القديم ولا المنقول
فقط بلجديد المباشر

//////

أنه الساعدي وبالشعر وَفاي
وبعيوني القوافي مو بعيده

واللي يعتني ويتساجل اوياي
أسمعه ابكل ربع ساعه قصيده
ااالساعدي

//////

==============
===ملاحظه===
لا أرد على اي ومضه قديمه او منقوله
او خارج محور الموضوع او غير موزونه
وكل الهلا بيكم
والدعوه عامه لجميع الشعراء
==============


محمد المعمار

كفو مِن السِواعد فاتحه الذرعان
تهلي ترحب ابكل وكت خطار
سمعت الصوت ينده للشعر حيو
كلت ابشر اجاك محمد المعمار
==============
الشاعر حسين الساعدي

ثلث تنعام من أصلك يَمعمار
محمد والاسم هيبه وزعامه
وأكتبلك شعر وتلوك الاشعار
الك ولكل بشر عاش ابكرامه
==============
Fhria Msre

سواعد والله فوك االعين والراس
وكلامك روعه يتقدر بااالماس
موزون وحروفك تنبض أحساس
وباشعارك تساجل تنفع الناس
==============
الشاعر حسين الساعدي

تجمعنه الكتابه واحنه خوان
وبجمتنه يامحله الكتابه

واللي ما يجينه وعنه زعلان
لازم يرجع ونسمع عتابه

==============
محمد المعمار
انه ابن اليهل دمعاته لحسين
وانه ابن اليدك راسه علا عباس
ابن نوري وتعرفه الناس من وين
ولا تهون الجماعه وكلها نوماس
==============
الشاعر حسين الساعدي

ثلث تنعام من اصلك يمعمار
والنصرة احسين اتصير قائد

والخدمة احسين ازغار وكبار
تلكه ابخدمته كل السواعد

==============
الشاعر منصور المشرفاوي

ه? بلمت زلمنه الما نستنه بيوم
اصحاب الكرم والطيبه رايتهم
يفرحون الكلب لو مرهم الظيف
ويطيبون المريض بنور شوفتهم

==============
الشاعر حسين الساعدي

سيف ودله تلكه ابزود الاحرار
عشايرنه فخر وبهل المواقف

غيره وبلكرم ما خمدت النار
ننبض مرجله ابكل المضايف
==============
Moahsen Falah

تحية للشعر ولليكتب اشعار
الشعر تنفيس لگلوب الحزينة
جينة نزوركم نتعلم اسرار
نعرف مانگيش بس اجينة
==============
الشاعر حسين الساعدي

من أتساجل اويه الناس يفلان
بسم الخوه مو بسم التحدي

حته انصير للأبداع عنوان
وبكلماتنه انجيب إونودي
==============
ملتقى الابداع

من ارض القطيف اجيتكم عاني
واحس نفس الاصل دام العشق لحسين
احطكم بالقلب اهلي وخلاني
تاج الراس وتحرسكم رموش العين

==============
الشاعر حسين الساعدي

هلا باهل القطيف ورفعة الراس
شفناكم اويانه ابدرب الحسين

هله بلكالوا ونادوا يعباس
احنه ابغيرتك وياك ماشين
==============
محمد المعمار

انه ابن الشعر بالشعر معروف
تعال وشوف محلاهه القصايد
طب وأقره خلي عيونك اتشوف
اكتب الف بيت وانه جاعد

==============
الشاعر حسين الساعدي

ما احتاج ورقه وأكتب اهواي
من الحاسبه وأرسل مباشر

أنه الساعدي ولو تعرف ابهاي!
جا ساويتني بمليون شاعر

==============
محمد المعمار

عندي بالشعر يوميه عنوان
اكتب على حسين وزينب اكتب
تلگه بموقعي بالالف برهان
تفضل يمي يازاير اعزب

==============
الشاعر حسين الساعدي

خدمتكم شرف خدام الحسين
وتميزتوا ابهاي الكرامه
صرتو شمعه بعيون المحبين
بالدارين بلدنيا وقيامه
==============
قاسم الساعدي

انه من اكتب اصفن نجمه الليل
وعلى اسروج القوافي ابداعي تلكاه
اعلك صور شعري بحايط البال
شكثر دخلو ابالي وصاحوا الللللللللله

==============
الشاعر حسين الساعدي

هو الشعر يتعنالي عناي
يصير اكبال عيني والله شاهد

لمن ما أكتبه ايعاتب اوياي
ويكلي تأخرت يبن السواعد!
==============
محمد المعمار

انه ألما تخط اقلامي بالشين
وانه الما كسرت بيوم خاطر
كتبت انه الشعر وبحس الحسين
انفتح كلبي وصرت هليوم شاعر
==============
الشاعر حسين الساعدي

لمن جان مدح احسين ممنوع
والناصب على الطعنات كاعد

لطمناله لطم كسرنه الضلوع
وبطول الدرب نكتب قصائد

==============
محمد المعمار
الك يلساعدي واكتب بالابيات
يا سرعة السرعه البيك تطبع
ماخذهه علينه بالمجارات
ولا واحد اكو وياك يفزع

==============
الشاعر حسين الساعدي

فزعتكم تجيني من تكتبون
ويا كلماتكم حلوه و أصيله

أحييكم وأضمنكم بالعيون
تحياتي الكتابتكم جميله
==============
محمد المعمار

اخذهه من ذراع التلوي الايام
وأخذها من شخص يعرف المكنون
يبن آدم تضل اتعيش باحلام
لحد ما يترسنها تراب العيون

==============
الشاعر حسين الساعدي

معروفه يمحمد هايه دنياك
روح اسئل عليها انسان شايب

وشما غرتك ما تصفه وياك
وبغفله إوتذبك للنوايب
==============
حسام الوحداني الوحداني

اذا ارد اكتب انه الشعر بحساس
وبكل كلمه اخلي اوياه دمعه
ماخلي القوافي اتعاتب اوياي
تظل تضوي القصيدة بدربي شمعه

==============
الشاعر حسين الساعدي

الشعر غيره ومحنه وشوك ياناس
واليكتب شعر يجبر خواطر

تصح ومضه قصيره و تنبض احساس
إوتصح أشعار ماتت بلدفاتر
==============
محمد المعمار

من اكتب شعر اعرف المقصود
واعرفه شكد سهل وشكثر واضح
سهل واتفاخر من اكتب الي زود
اهم شي بالشعر ميكون جارح

==============
الشاعر حسين الساعدي

الشعر كون ايتطرز عالمنصات
مو ياهو الكتب كال أنه شاعر

جان الشعر ينبض بالسلامات
هسه وداعتك يكسر خواطر
==============
محمد المعمار

ادريبك وكدها بالمجارات
والله والنعم يبن السواعد
لجن حبيت أشارك بالاجابات
طلبتك يلشهم خلين اساعد

==============
الشاعر حسين الساعدي

واليكتب رصيده ابهل كتابات
تبقه امسجله بأسمه الروائع

وأنه اليوم أوديلك تحيات
يمحمد حقيقه انت رائع

==============
محمد المعمار

الله وياك ومودع بالحسين
ماقصرت يل كلك وفه وطيب
معروفه الزلم يلكلك الزين
امك طلگت وعرفت شنو جيب

==============
الشاعر حسين الساعدي

واليتساجل ابهل معنه ياريت
لمن ينسئل يرسل جوابه!

لوما انته ما أكتب ولا بيت
يعني انته سبب كل الكتابه

==============
محمد المعمار

يا اهلن ومرحب مين ماجيت
الك وحشه صفت كلش كئيبه
خير انشالله من كون غطيت
جبت الذيل عاد وجبت ذيبه؟؟

==============
الشاعر حسين الساعدي

ياذيب التشوفه ابهاي الدروب
مليانه ثلج ماكو علامه!

أنه اتورطت وبسرعتي انوب
ولا صدكت أرجع بالسلامه

==============
الشاعر وسام العزاوي

انا ابن ديالى اظل للدوم عنوان
بية تفاخرو كل الاجاويد
عزاوي واهد خشوم عدوان
وي كل نشمي احط الايد بالايد

==============
الشاعر حسين الساعدي

والنعم بديالى وبكل العراق
والعراقيين رفعة راسنه

ياعراقيين فاض الاشتياق
الكم وانتم اهلنه وناسنه

==============
محمد المعمار

سولف يبو عليوي وسمع الناس
خل يشوف الاعمى ويسمع اخرس
سولف خل جمال الشعر ينقاس
مو مكياج لاكن عبرة الحس

==============
الشاعر حسين الساعدي

أاغرد بلشعر ويه اليكتبون
ولأول محب حب القصايد

لوما بالشعر تتضوه العيون
ما أكتب شعر خليني كاعد

==============
محمد المعمار
جبوري أنا وبالشعر أخو هدله
ومثل بركان أصيرن بالقوافي
ديوان وشعر وألهيل والدله
وأعذب كلام أنكول بصدق ونوافي

==============
الشاعر حسين الساعدي

حيا الله العشاير كلهم اخيار
نحييهم ولا نترك عشيره

عراقيين كلهم هيبة الدار
ومابيهم الما ينصف ضميره

==============
محمد المعمار

انه من الصغر اكتب بالاشعار
انامن واكعد وباليل افازز
هلگد ما احبه لعلي الكرار
صرت اصرخ بشعري من يبارز

==============
الشاعر حسين الساعدي

يوميه تعال ونَور الدار
كون أندلك ابجدمي اعتنيتك

اجيت وجابك الله ابهاي الأشعار
أدورك بالسمه ويمي لكيتك
==============
محمد المعمار

انه بالشعر منشاري محدود
وانه البل شعر صرت انه نجار
اصعد اكل انزل اكل ردود
هم سامع شبع فد يوم منشار؟

==============
الشاعر حسين الساعدي

أشبعك لو جنت ميتين منشار
مناشيرك نشبعها مجاميع

ومضات وأبوذيات وأشعار
وأنه الساعدي الكل المواضيع
==============
محمد المعمار

شما نكتب شعر وشما تسمون
تحفر بالقلم رجليك والايد
هم سامع ابيت الشعر مسكون
يتامه لو شعر لملم مگاريد؟؟


==============
الشاعر حسين الساعدي

أريدك بلمزامط توكف ابهاي
ماصَدكنه وندلينه بابك

ابقه اكتب شعر يمحمد اوياي
استوك جيت شبسرعه انسحابك
==============
البهلول البهلول

ارد انشد العشاك واهل الشعر هم
(ليش)اليجرحه الشوك مايطلع الدم

==============
الشاعر حسين الساعدي
هذا الجرح نيشان كسر الخواطر
ماينجبر للموت لتكلي باجر
==============
محمد المعمار
أعلن انسحابي بالرد على اخوي الساعدي----------؟؟؟؟؟؟؟؟؟؟؟ ليش ؟؟
احلفك بالله تبقى لانك رائع وتسوي واهس لكتابة الجديد المباشر واحنه اخوه ومساجلتنه اخويه مو للتحدي واني اتشرف بوجودك معنا
==============
محمد المعمار

جيفنك رحت صارت غريبه
راحت روحي ويه الچان يصگع
ايست وكلت وين اليجيبه
اجلت انسحابي عرفت ترجع

==============
الشاعر حسين الساعدي

من الحاسبه ومتعود ابهاي
توصلك مباشر هالكتابات

القلم والورقه ما تلكاهن اوياي
ما أحتاجهن صارن قديمات

==============
محمد المعمار

عرفتك بالشعر متمكن ورح
اكتب بالتحبه والتريده
بس خلليه عندك بالك تنوح
لان عندي حمت خويه الحديده

==============
الشاعر حسين الساعدي

تعجبني الكتابه اويه اليكتبون
وأنه اليوم شاكرلك جميلك

وأكتبلك شعر لو تعرف اشلون!
قبل لا ترمش اعيونك يجيلك

==============
محمد المعمار

اجيبلك شعر من كل شكل لون
واراويك الشعر بالوزن واصله
واكشفلك شعر ما شافته عيون
لان عندي الشعر اصله او فصله

==============
الشاعر حسين الساعدي

ابقافيتين اخلي الشعر ينكال
لأن متوفره كدامي القوافي

والسمعني منهن خوش موال
أصفكله وأكلله عوافي

==============
محمد المعمار

انه المعروف بشعار ودواوين
وانه بلشعر اصلي ارتجالي
ولدتني القصيده وزلموازين
سهله وداعتك تشهد اقوالي

==============
الشاعر حسين الساعدي

عالمثلك تراني امدور اهواي
وانته روعتك أثرت بيه

وإذا تصمد شهر يمحمد اوياي
ألم الفيس واخذلك تحيه
==============
الشاعر حسين الساعدي

وحك الله وحك اسمه وكتبه
ألعبنك مثل طره وكتبه
الشعر لمن أريد اكعد وأكتبه
ابلا صفنه ولا كعده أريحيه
==============
محمد المعمار

اصيرن طبة الجيش العراقي
على داعش يطب طبات الاعصار
يسويهم وذر والباقي باقي
تتبخر عگب متصير طشار

==============
الشاعر حسين الساعدي

أريدك بلشعر للدوم راقي
لأنك راقي تعجبني ابكلامك

وأنه اخوك يمعود عراقي
مو داعشي وتذبحني ابحسامك
==============
ابو فراس الدفاعي
من اكتب آنه اوياك صدكني بحساس
ماأكدر اتحداك يارفعة الراس
==============
الشاعر حسين الساعدي

يبن الأصل وفيت من تكتب اوياي
ولصحبة الطيبيين هذا أنه وفاي
==============
محمد المعمار

خلصت ونهيت وختمتي اصير
الف الحمد لله بهل صداقه
اخوي الساعدي كلك معايير
واتمنىاهه تكبر هلعلاقه

==============
الشاعر حسين الساعدي

يا ثوب الشعر متفصل افصال
يمحمد تعال وشوف ثوبه

اعجبك والامثال ابهاي تنكال
مثل لاعب لَعب بلكول طوبه

أنه الساعدي وبواقع الحال
أعرف بلشعر واعرف دِروبه

وإهواي الذنوب ودمعي همال
ونوبات الشعر يعتبر توبه!

واليكتب الأل البيت موال
يمحيهن ولا يبقن ذنوبه
بأول بيت ينمسحن ذنوبه
==============

الشاعر مروان الكتفاء الشمري

أنا شمري
أنا أبن الكتافه وبيه عالي الشان
من حايل أجت مختومه جنسيتي

أبن شيوخ شمر وابن راعي شديف
اتفاوح بالكرم للضيف صينيتي

أتفاخر بأسمي والفخر لله
عبر شط العراق بكل فخر صيتي

==============
الشاعر حسين الساعدي

هله ببن العراق ابن الأجاويد
هلا ابريحة اهلنه والعشاير

معروفين يل كلكم صناديد
ياغيرة وتضل ويه الضماير
==============
جليل الغريب

واليكتب شعر ما يجرح الناس
لأن ياناس حساسه القصيده

كون الشاعر ابكلماته حَساس
حتى ايوصلنه اللي يريده

==============
الشاعر حسين الساعدي

ياناس الشعر كتلة مشاعر
ينبض بلوفه الكلمن يوافي

ولازم بالشعر تجبر خواطر
حته انكول هذا انسان صافي

99\\\\




------------


ولبكه ابراسك حبيبي
لا تواسي ابطعنتك

بالجرح أيس طبيبي
وشتفيد احجايتك!

أنه خليني ابنحيبي
وانته تبقه ابضحكتك

يالله وتحمه ابلهيبي
بهلِبرُوده الصابتك!

ما أطول للمفيبي
وراح أودع صحبتك

والوصيه ابهذا جيبي
بيها روحي الحبتك

البكه ابراسك حبيبي
ااالساعدي



-----------------------






-----------------------------

البكه ابراسك عفتني
وأنه طايح منكسر

طايح ابدربك شفتني
وجنك اتغض النظر!

البكه ابراسك حبيبي
االساعدي

--------------




---------------------

البكه ابراسك بعتني
للشماته ابهل سعر!

للعواذل سَلمتني
وأنه طايح منكسر!

البكه ابراسك حبيبي
االساعدي



---------------------



--------------------

البكه ابراسك ومنك
بقت بس الذكريات

والكلب يسئلني عنك
والجروح امصفطات!

البكه ابراسك حبيبي
االساعدي


00

مساجلتي الجديده المباشره مع الاستاذ الشاعر حسين الساعدي

البكه ابراسك حبيبي
-----------------




البكه ابراسك حبيبي
جرحك ابكلبي عجيب

اليوم شافاني طبيبي
كلي جرحك ما يطيب

البكه ابراسك حبيبي

حسين الساعدي


//////////////////////


ياحبيبي مو بديه
ويلي من هذا الزمان

لو نموت احنه سويه
لو نعيش ابكل مكان

البكه براسك حبيبي

مريم حسين


//////////////////



أنته جارحني بدينك
ليش تعتب عالزمان

لا تصب ادموع عينك
ضايع اوياك الأمان

البكه ابراسك حبيبي

حسين الساعدي


////////////////////



البكه ابراسك زماني
قَدر اوياك المصير

ونته يلناكر حناني
قسمتي الغيري تصير

البكه ابراسك حبيبي

مريم حسين

////////////////////


البكه ابراسك زمانك
وانته اقسه إمن الزمان

جاي تحجيلي ابحنانك
بالله هذا يا حنان!

البكه ابراسك حبيبي

حسين الساعدي


/////////////////////



البكه ابراسك عفتني
للشماته وللعواذل

وبكلامك موتتني
ما بعد وياك اغازل

البكه ابراسك حبيبي

مريم حسين


//////////////////


البكه ابراسك طعنتك
وصلت الحد الضلوع

بالله لتبين ضحكتك
لو شفت مني الدموع

البكه ابراسك حبيبي

حسين الساعدي


///////////////////

يل عفتني ابلايا صوت
طبلوا كل الشماته

كالو المثلك يموت
جا بعد شله ابحياته

البكه ابراسك حبيبي

مريم حسين



/////////////////////////



أنه ما عفتك عفتني
وهايه دمعاتي شهود

بالهجر من صارحتني
ذَبلت حتى الورود

البكه ابراسك حبيبي

حسين الساعدي



///////////////////




والبكه ابراس السواعد
بالدرب أكعد وأصيح

وَلعونه ابهل قصائد
والكلب ما مستريح

البكه ابراسك حبيبي

مريم حسين


///////////////////////



انته جارجني إوتصَيح
عالسواعد يا غريب!

بلفصل لا ما نِطَيح
يالله بالفصاله جيب

البكه ابراسك حبيبي

حسين الساعدي

_______________________

ترقبوا جديدنا في كل يوم مع اجمل التحايا
مريم



--


وي وي!!
حسين الساعدي

وي ونعمت عيني إعليك -------وي وي
واجه الشامت وكلبي ابنار -----وي وي
وهز ايده اعله جرحي وصاح ---وي وي
جرحك لو يطيب اعتب عليه
االساعدي


أيا جاني لما هذا التجني!
أما تعلم بقلبكَ قد تجنى!!

فقد هَيمت قلبي في التمني
وقد أيقنت ان القلب يهوى

وفي بحرَ عيونكَ ضاع مني
ألا يا ليتكَ تهُدي لمَرسى
االساعدي
--


لبكه براسك حبيبي!!
تعالو نتساجل بلمباشر فقط
والدعوه عامه للجميع
اليوم وكل يوم مع حسين الساعدي
///////////

البكه ابراسك حبيبي
جرحك ابكلبي عجيب

اليوم شافاني طبيبي
كلي جرحك ما يطيب
االساعدي

----------------

الشاعر زاهد المسعودي
البكَه براسك يغالــــي
أطلع وشوف الجنـــازة

أمنيه وظلت البالــــي
نظره منك وكت عـازه
زاهد:

------------
الشاعر حسين الساعدي
البكه ابراسك تراني
ما أطول للمغيب

مابقت بس هالثواني
يالله ودع يالحبيب
------------
مريم حسين

ياحبيبي مو بديه
ويلي من هذا الزمان

لو نموت احنه سويه
لو نعيش ابكل مكان

البكه براسك حبيبي

----------------
الشاعر حسين الساعدي
أنته جارحني بدينك
ليش تعتب عالزمان

لا تصب ادموع عينك
ضايع اوياك الأمان

البكه ابراسك حبيبي
----------------
الشاعر زاهد المسعودي

البكَه براسك وعلتـــــي
الهه ما ترهم الجــــــاره

من رحت ضلت سلوتي
بعدك الهم والجكَــــاره
زاهد:

----------
الشاعر حسين الساعدي
البكه ابراسك يقاسي
سلمتني للعذاب

شيبت وياك راسي
شيبتني وانه شاب

البكه ابراسك حبيبي
----------------

الشاعر زاهد المسعودي

البكه براسك وشحجــي
وهاي ساعاتي الاخيــره

وسفه اموت وآني ابجي
وحيد وبحسره مريـــــره

.... البكه ابراسك حبيبي

----------------
الشاعر حسين الساعدي

البكه ابراسك سوالف
راح تبقى الذكريات

بسمتك فوك الشفايف
وأنه بدموعي أبات

البكه ابراسك حبيبي
----------------
ابو طلال

البكا ابراسك حبيبي
اقرا ليه الفاتحه
ليش اشو توك تجيني
انه مت البارحه

----------------
الشاعر حسين الساعدي
جادري المنصوب هسه
ليش جنك ما دريت

هو ذاك الجرح نفسه
وانته من يمه مشيت

البكه ابراسك حبببي

----------------
مريم حسين -

البكه ابراسك زماني
قَدر اوياك المصير

ونته يلناكر حناني
قسمتي الغيري تصير

البكه ابراسك حبيبي

----------
الشاعر حسين الساعدي
البكه ابراسك زمانك
وانته اقسه إمن الزمان

جاي تحجيلي ابحنانك
بالله هذا يا حنان!

البكه ابراسك حبيبي
----------------
عبدالله الجبيلي
البكه ابراس إليحبك
شنهي صارت حالته؟

كل مناته يكون قربك
وهسه جرحك موتته

البكه ابراسك حبيبي

-------------------
الشاعر حسين الساعدي
هو جارحني وتأسف
سابكاني ابدمعته

ماتصدك كون تعرف
ما تصدك كذبته!

البكه ابراسك حبيبي
----------------
رضا العوامي
عمري كله مانسيتك
وانته عن كلبي بعيد

صحت باسمك ما لكيتك
ليش عن عيني فقيد

البكه ابراسك حبيبي

-------------
الشاعر حسين الساعدي
ما نسيته وهو يمشي
عني ويعوف الجروح

لو يجيني ايجيب نعشي
مايخلي ابجسمي روح

البكه اببراسك حبيبي
----------------
الشاعر زاهد المسعودي

البكَه ابراســـك واكَلّـــــك
يالخنكَت الحـــب بديـــك

فاسي بس كَلبي يجلّك
وابد ما يقبــل عليــــــك

البكَه براسك حبيبــــي
---------------------
الشاعر حسين الساعدي
البكه ابراسك عليمن
جاي وتصب الملام

شوف هاي الطعنه بيمن!
بعد ما ينفع كلام

البكه ابراسك حبيبي

----------------
الشاعر ألأرتجالي عباس الساعدي

البگة أبراسك عليمن
خلي بالدنية تفاؤل
.
بيك جرحين أويطيبن
بعد ألمن هالتساؤل

البگة أبراسك حبيبي

-----------------
الشاعر حسين الساعدي
البكه ابراسك تكلي
واشتكي وأصرخ عليمن!

وانه والجارحني خلي
وياجروح االما يطيبن

البكه ابراسك حبيبي

----------------
الشاعر مهند الجبوري

البكه ابراسك يالعفتني
بوكت جنت بعازتك

هسه جاي اتريد ارجع
شوفلك جاره الغلطتك

البكه ابراسك حبيبي

--------------------
الشاعر حسين الساعدي

مابعد هيهات اجامل
ما أثق ابكل كلام

والأحبنهم عواذل
طلعو ومات السلام

البكه ابراسك حبيبي

----------------
عبدالله الجبيلي

راد يخليلك محبته
سلوة صابك هالجرح

بله يسأل ليش عفته؟
وبيك قلبه اشقد فرح!

البكه ابراسك حبيبي

---------------------
الشاعر حسين الساعدي

هو رابطني الزمانه
وَهم للحب احتياط

من وصل حصل امانه
عافني وفك الرباط

البكه ابراسك حبيبي

----------------
الشاعر زاهد المسعودي

البكَه براســــك وهسّـــــه
شأمتلــك غيــــر الـــــوداع

كَلت تمضي سنين وأنسه
ما كَدرت وعمـــري ضـــاع

البكَه براسك حبيبي
زاهد:

----------------------
الشاعر حسين الساعدي

البكه ابراسك حياتي
خلصت ابهذا الوداع

يالله ولع ذكرياتي
يالله خل نبدي لضياع

البكه ابراسك حبيبي

----------------


مريم حسين

البكه ابراسك عفتني
للشماته وللعواذل

وبكلامك موتتني
ما بعد وياك اغازل

البكه ابراسك حبيبي

_______________
الشاعر حسين الساعدي

البكه ابراسك طعنتك
وصلت الحد الضلوع

بالله لتبين ضحكتك
لو شفت مني الدموع

البكه ابراسك حبيبي

----------------
الشاعر ألأرتجالي عباس الساعدي

البگة أبراسك أگلك
منة لو ثارك تجيبة
.
أتسوي مثل السوة خلك
حتة لا غيرك يصيبة
.
البگة أبراسك حبيبي

-----------------
الشاعر حسين الساعدي

البكه ابراسك شسولف
انه وافي وهو قاسي

فكر ابغيري ويوالف
للأسف محبوبي ناسي

البكه ابراسك حبيبي

----------------
الشاعر محمد السيد علي

البكه براسك يكلي
الجرح ?مايطيب

يدري بيه هو الجرحني
ماكو حاجه للطبيب

البكه ابراسك حبيبي

_____________
الشاعر حسين الساعدي

البكه ابراسك نصحني
ما اراجع كل طبيب

بلسلامه وخاب ظني
مابقه اشويه وأغيب

البكه ابراسك حبيبي

----------------
مصطفى الهاشمي

البكة براسك حبيبي
مادريت بحالي

راحل وتاركني وحدي
وانة غيرك مالي

البكه ابراسك حبيبي

_______________
الشاعر حسين الساعدي

البكه ابراسك دمعتك
ما تطيب كل جرح

ارجع اواصل ضحكتك
بلدمع لا تنفضح

البكه ابراسك حبيبي

----------------
مصطفى الهاشمي

البكة براسك حبيبي
وانسى كل اح?منا
راحت الفرحة من ادينا
وياهه كل ايامنا

------
الشاعر حسين الساعدي
مابعد نرجع سويه
عوفني ابهاي الجروح

أنه بدروب المنيه
وانته لاحلامك تروح

البكه ابراسك حبيبي

----------------
Fhria Msre
انتوا اصحاب العزيمه
لا تقولوا مجاريح
صامدين ابهل قضيه
ابدآ ما تهزكم الريح
انتم يا أل السواعد
فيكم القول المديح

----------------------
الشاعر حسين الساعدي

احنه دَرَسنه المحبه
للعرب والعاشكين

أحنه مانعشك الغربه
للوطن عدنه حنين

لكن الايام صعبه
جرحت قلبي الحزين

البكه ابراسك حبيبي


----------------
الشاعر زاهد المسعودي

البكَه ابراســـــك عنــــادك
نار جوه اضلوعي يلهــــب

أنتــــــه تمــــوز ابعـــــــادك
علي كيض وشرجي لو هب
البكَه براسك حبيبي


-----------------
الشاعر حسين الساعدي

البكه ابراسك عذابك
فايض ابكلبي الحزين

انته متهني ابشبابك
أنه وين وانتَ وين

البكه ابراسك حبيبي

----------------
الشاعر ألأرتجالي عباس الساعدي .

البگة أبراسك واتركة
كافي لا ترجع عليه
.
ما أجتك من صحبتة
عين بس محسود بيه
.
البگة أبراسك حبيبي

--------------------
الشاعر حسين الساعدي

البكه ابراسك تكَضه
ايكلي حبك منتهي

بالله ياعباس ترضه
بلجروح انه ابتلي

البكه ابراسك حبيبي

----------------
شيماء الهاشمي

البكة براسك حبيبي
منتظر جيتك تعال...
ابد ?تهتم حبيبي
وادعي بلكي نصير عال
تعبنا من حجي الشماته
دمرتنا القيل قال
البكة براسك حبيبي

----------------
الشاعر حسين الساعدي

البكه ابراسك وأعاني
أنه من حجي الشماته

كالو الغالي نساني
رخصو دمعي ابغلاته

البكه ابراسك حبيبي
----------------
Fhria Msre

البكه براسك نسيت
احبابك يلي وياهم اتربيت
والي وياهم فطرت على ملحه وزيت
رحت وعفتهم بس الذكرا لهم خليت
----------------

الشاعر حسين الساعدي

البكه ابراسك نساني
ومهد ايهاجر بعيد

حيره محتار ابزماني
وروحي غيره ما تريد

البكه ابراسك حبيبي

----------------
ابو طلال
البكا براسك حبيبي .
انته دون اهلي رضيتك

انته هل ترابي بيدك
لو متت هذي وصيتك

--------------
الشاعر حسين الساعدي

البكه ابراسك سلامي
والجرح يسأل عليك

روح يل ناكر غرامي
لا تجيني إولا أجيك

البكه ابراسك حبيبي

----------------
الشاعر زاهد المسعودي

البكَه براسك يعمــري
نظره بس كَبل اللمات

حته لو أفرح ابكَبـــري
لو ترجعلي الحيـــــاة
البكَه براسك حبيبي

----------------
الشاعر حسين الساعدي

البكه ابراسك سلامك
خله يوصل من تروح

سلم وعوف انتقامك
هلبت اتهيد الجروح

البكه ابراسك حبيبي

----------------
شيماء الهاشمي

البكة براسك حبيبيي
من تغيب انت علية

بغيبتك تدري حبيبي
الموت ياخذني من ادية

البكة براسك حبيبي

----------------
الشاعر حسين الساعدي

البكه ابراسك كلامك
عذباني اويه الضروف

اخ لوتدري ابغرامك
ثابت ابكلبي وتشوف

البكه ابراسك حبيبي

----------------
شاعرة الخيال البصري

البكة براسك حبيبي
انت كلشي بالحياة

بس عذابك من نصبي
يكعد وياية ويبات

------------------
الشاعر حسين الساعدي

البكه ابراسك وطبعك
حيراني اشكد عليك

ساعه اشوفن هذا دمعك
ساعه أشوف الضحكه بيك!

البكه ابراسك حبيبي

----------------
لا احتاج سواك

البكه ابراسي حبيبي
مو مهم انته الوجود

ويادمع ليطيب نزفك
انزف انزف عالخدود

البكه ابراسك حبيبي

-----------------
الشاعر حسين الساعدي

البكه ابراسك ادموعي
صبت ابليل ونهار

لوعي يا دمعاتي لوعي
بالغدر صار الدمار

البكه ابراسك حبيبي

----------------
الشاعر علي البدري ألكيتاوي

البكة براسك حبيبي
قررت ارحل بعيد
ابقى وحدك وي عنادك
يمكن اعنادك يفيد
هاي اذا حسيت بية
ويوصلك بيت القصيد

------------------
الشاعر حسين الساعدي

البكه ابراسك حبيبي
والأمل كلش ضعيف
ياورود الصيف تذبل
من يمر بيها الخريف
وانته ذبلت المحبه
وبعد ما أكدر أضيف

البكه ابراسك حبيبي

----------------
رضا العوامي

البكه براسك حبيبي
يالي ابحجيك اضيع

وانته سببت المآسي
ليش اليه انته تبيع

---------------
الشاعر حسين الساعدي

البكه ابراسك بعتني
للشماته ابهل سعر!

للعواذل سَلمتني
وأنه طايح منكسر!

البكه ابراسك حبيبي
االساعدي
---------------
زهير ألاسدي

البكه براسك حبيبي
انست ذيج السنين /

ونمحت ايام شوكي
ونس ذاك الانين /

البكه براسك حبيبي

----------------
الشاعر حسين الساعدي

البكه ابراسك ومنك
بقت بس الذكريات

والكلب يسئلني عنك
والجروح امصفطات!

البكه ابراسك حبيبي
االساعدي

----------------
الشاعرعدنان البديري

البكَه ابراسك يرايح
ماتردّ انّه محال..
روح الله وياك امشي
والله ما اكلك تعال...

البكه ابراسك حبيبي

---------------
الشاعر حسين الساعدي

البكه ابراسك عفتني
وأنه طايح منكسر

طايح ابدربك شفتني
وجنك اتغض النظر!

البكه ابراسك حبيبي
االساعدي

----------------
الشاعر علي البدري ألكيتاوي

البكة براسك حبيبي
بعد ماضل كل امل
وردة جنت انة بوجودك
سيطر اعليها الخجل
كتلك اسكيني بحنانك
حبنة يمعود ذبل
وانته تتحجج علية
تخترع منك زعل
البكة براسك حبيبي


------------
الشاعر حسين الساعدي

ولبكه ابراسك حبيبي
لا تواسي ابطعنتك

بالجرح أيس طبيبي
وشتفيد احجايتك!

أنه خليني ابنحيبي
وانته تبقه ابضحكتك

يالله وتحمه ابلهيبي
بهلِبرُوده الصابتك!

ما أطول للمَغيبي
وراح أودع صحبتك

والوصيه ابهذا جيبي
بيها روحي الحبتك

والبكه ابراسك حبيبي

----------------

مريم حسين

يل عفتني ابلايا صوت
طبلوا كل الشماته

كالو المثلك يموت
جا بعد شله ابحياته

البكه ابراسك حبيبي

--------------
الشاعر حسين الساعدي

أنه ما عفتك عفتني
وهايه دمعاتي شهود

بالهجر من صارحتني
ذَبلت حتى الورود

البكه ابراسك حبيبي

----------------

مريم حسين

والبكه ابراس السواعد
بالدرب أكعد وأصيح

وَلعونه ابهل قصائد
والكلب ما مستريح

البكه ابراسك حبيبي

--------------
الشاعر حسين الساعدي

انته جارجني إوتصَيح
عالسواعد يا غريب!

بلفصل لا ما نِطَيح
يالله بالفصاله جيب

البكه ابراسك حبيبي
----------------
جليل الغريب

البكه ابراسك وانته
اشبيك ضيعت العرف

بالسلف عايفني نكته
وسالفه ابحلك السلف

البكه ابراسك حبيبي

----------------
الشاعر حسين الساعدي

بالسلف سالوفه انته
وأنه ما خلولي ديره

ياعذابي ابعيني شفته
خبر عاجل عالجزيره

والبكه ابراسك حبيبي
----------------
جليل الغريب

البكه ابراسك سهرته
وأه من ليل الشته

طَول اوياي ابصفنته
والأفكار إمشتته

والبكه ابراسك حبيبي
جليل الغريب

لكم تحياتي يامبدعين
مساجلة تستحق الاعجاب

-------------
الشاعر حسين الساعدي

ساهرت ليلي ابنهاري
ماوكف سيل الدمع

ناطر وطال انتظاري
والجرح حدر الضلع

والبكه اببراسك حبيبي
----------------
شاعرة الخيال البصري

البكة براسك يغالي
راح اموت من الابعاد

اخ ماتعرف بحالي
نار تحرك بالافاد

البكة براسك حبيبي

------------
الشاعر حسين الساعدي

أنه باعدني زماني
ما ردت هذا البعد

ياقطار الما إجاني
وعافني ابنص البرد

والبكه ابراسك حبيبي
----------------
شاعرة الخيال البصري

البكة براسك ليالي
والبعد يالغالي طال

كمت اشوفك و بخيالي
لخاطر عيوني تعال

البكة براسك حبيبي

--------------
الشاعر حسين الساعدي

وشيِرَجعني عليكم
ماكو سجه ابهل درب

ما أظن اوصل واجيكم
ضايع ابديرة غُرب

والبكه ابراسك حبيبي
----------------

شاعرة الخيال البصري

انة بس ردتك تجيني
عايش لوحدي بجحيم

يل خذت مني سنيني
خبال طكني وراح اهيم

البكة براسك حبيبي

----------------
الشاعر حسين الساعدي

انته ضليت ابظنونك
وأنه ما اكدر أعود

عوفني ابلحظة جنونك
لا تخليلي وجود

والبكه ابراسك حبيبي
----------------

الشاعر علي البدري ألكيتاوي
البكة براسك حبيبي
رايح أنة وما عود
اتأكدت هسة آنة منك
ماألي بكلبك وجود
صدكت من كتلي احبك
الكلبي كلت انته التقود

تالي فلشته ابطريقك
وانصدم بااقرب عمود
آنة سلمتك امانة
ويمي موجودة الشهود
أذن حبك بس سوالف
بالأصل كلة قيود
البكة براسك حبيبي

-----------------
الشاعر حسين الساعدي

البكه ابراسك يغالي
أنه صدكني انتهيت

شمعة ذابت بالليالي
وانته هستوك بديت

لكن ابكلبي سؤالي
وبجوابك ماحجيت

خبك الشاغلي بالي
تيهاني وضيعيت

والدرب ضاع ابخيالي
وأنه ذايب ما دريت

دمرت وياك حالي
تالي والغيري صفيت

غير همك ما صفالي
غلطه بيك اتعرفيت

روح واضحك لا تبالي
لو تناظرني بجيت

روح لا توكف اكبالي
روح ريتك ما اجيت
----------------

ترقبو كل يوم مساجله جديده مع حسين الساعدي

---------


ابوذيات ساعديه
جديده لهذا اليوم
حسين ااااالساعدي

----------------------------------------------

هد الما يجي وياك هد هد
واخذ اللي عله العاداك هد هد
ترى الكاشف قصر بلقيس هد هد
الفخر مو بلضخامه ابهل قضيه
الساعدي
----------------------

عله اصرارك أريدك بعد ----صر صر
ابكلمن وَفي اتمسك حيل-- صر صر
بس اللي يخون اعتبره---- صرصر
ودوسه وانته ماشي ابهل ثنيه
ااالساعدي

-----------------------------------------

جاب الزاد كال ابساع سَم سم
خبز ومكسب وفوكاه سمسم
أنه اشمدريني حط وياه سم سم
ابكثر الثقه ماضلت بقيه!
االساعدي

----------------------------------------------------------------


كبرت وضهري علاهواه حب حب
وصوج الكلب من الزغر حب حب
اكله علج كام ايصيح حب حب
شايف كلبي من يلعب عليه!
ااالساعدي


-------------------


أجيب اطنون من اهموم طن طن
مثل طنت حديد ابيوم طن طن
عله البذنك ابهجرك هاذ طن طن
وعفتني وما دريت اشصار بيه
ااالساعدي


-----------------

طر الدرب للدلال طر طر
وعله كيفك ابسفك غاد طر طر
تدري اليوم من الفجر طر طر
طلعلي الشمس ويه المنيه
االساعدي

---------------------------------------

الليله الغيم فوك الكُمر غمغم
وكلبي ابهل كسوف اشكثر غم غم
بديك الما يجازي الطيب غم غم
وكل مصباح غمه وكل مسيه
االساعدي

---------------------------------------------------------



سر ابهل طريق ابساع سر سر
وشكد ما تسر الناس سر سر
بس بالك تبيع ابيوم سر سر
سرك ينفضح بالبير حيه
االساعدي

---------------------




الزمن ما خله للألام حد حد
ولاني وسيفه فوك الراس حد حد
وأويلي ابيوم شفت الظعن حد حد
كلتله استعجل ابجيت المنيه
ااالساعدي

---------------------

رد بابك ابوجه الضيم رد رد
ولترد لو يكلك يوم رد رد
سئلتك والجواب ابساع رد رد
اشتظنه ايعود لو ما منه جيه
االساعدي

-------------------


كالولي الشعر محسوب فن فن
وفنه اليكدر ايجاريك فن فن
انفن يا عيوني الدمع فنفن
وكولن ما بجينه ابكل مسيه
ااالساعدي

------------------------

بط الجبد هذا الجاي بط بط
وِتسله بدموع العين بط بط
هم ربيت مثل الناس بط بط
لفن شط الشماته وكصن بيه
االساعدي

---------------------

مالك ماعدت من كلت عد عد
هاك احسب اجروح الروح عد عد
إذا رايد تَعَرف الوفه عدعد
كلبي وما تهنه ابهل وطيه
ااالساعدي

--------------------


كلامك هسه ويه العقل طخ طخ
لأن علكت الدنيا رمي طخ طخ
لا توكف ابطولك بعد طخ طخ
واحفرلك كبر قبل المنيه
ااالساعدي

---------------------



كلبي من حنينه اعليك رف رف
ولك خانات للأشواك رف رف
شايل علم بيدي والك رفرف
يدليك اعله داري ابهل مسيه
ااالساعدي

-------------------


أحجي اوياك مو بلمزح جد جد
احبك لو صرت بالعمر جد جد
حبي وياك وبكل عام جدجد
لأن تتجدد انته ابكل مسيه
االساعدي

------------------




حشاش الزمان اوياي حَشحش
يحش بيه مثل مزروع حش حش
يل تغلط عله الطيبيين حش حش
حشى الطيبيين ما منهم رديه
ااالساعدي

------------------



صعب ماظن تلاكي الهاي حل حل
وحيلك من وره العافوك حلحل
التنتظره يحل هالساع حل حل
خبرته البيك كال أنه اشعليه!
ااالساعدي


---------------------


جروحي ازغار من اتشوف دك دك
يدِكَن حيل بالدلال دَك دَك
أبشرك شامتي بطبول دكدك
عرف يومين ما تسئل عليه
ااالساعدي



---------------------



أشر بهدومي من الدمع شر شر
عله البعيونه يجدح دوم شر شر
إشري الزين لو بلروح شرشر
ولا تشري الردي المابي حميه
ااالساعدي


----------------------



صحيح انته والك صيحت صح صح
وغافي الكلب وبجيتك صحصح
إذا طيفك يصح والوصل صحصح
احمد ربي كل صبح ومسيه
ااالساعدي

بقلم الشاعر حسين الساعدي

--


سؤال
ملح وشكر مخبوط واشلون أصفيه-واسئلت اهل الشور بلوه ابتلو بيه

جواب

طشرها فوك الكاع وبملحك اتعود--والشكر راح ايصير من حصة الدود



اهمومي اهواي ويامن يفرغن
أذا اذكر عذابي اجروحي فَزن
أويلي إمن الليالي

صدك عذبن حالي
وكحات الليالي اوياي مرن
اهمومي اهواي ويامن يفرغن


//////////////////////////


ياهو المثلي طعنه ابذكرياته
وأقرب ناسي صارولي شماته
وبعد شيصبر الروح
عله العافوني مجروح

صبن يا دموع العين صبن
اهمومي اهواي ويامن يفرغن


/////////////////////


كافي يا زمن تلعب عليه
أنه المجروح بجروح المنيه
وأعز ناسي اليجرحون
وأبد ما كالو اشلون
شيهودهن اجروحي الينزفن
اهمومي اهواي ويامن يفرغن

االساعدي


مريم حسين -
يل عفتني ابلايا صوت
طبلوا كل الشماته

كالو المثلك يموت
جا بعد شله ابحياته

البكه ابراسك حبيبي


-----------------------------


أنه ما عفتك عفتني
وهايه دمعاتي شهود

بالهجر من صارحتني
ذَبلت حتى الورود

البكه ابراسك حبيبي


---------------------------------


-
مريم حسين -

والبكه ابراس السواعد
بالدرب أكعد وأصيح

وَلعونه ابهل قصائد
والكلب ما مستريح

البكه ابراسسك حبيبي

--------------------------


انته جارجني إوتضَيح
عالسواعد يا غريب

بلفصل لا ما نِطَيح
يالله بالفصاله جيب

البكه ابراسك حبيبي


-----



يحس مطلوب وتِعَنه ويوفي الدين
وروحه إمن الأشواك اشكثر محروكه


بعيونه الطفوف إولوعة الطيبيين
زحف والعبره وسط الروح مخنوكه


يريد ايدور اسمه ابسجل المحِبين
اجه لحسين يزحف معتني ابشوكه


يوصل بين عباس واخوه احسين
ويخلي الروح بلنص غاد مشكوكه


ااالساعدي

-


يارسول الله قد حان الجفاء
وَفقدناك وقد حَل البلاء
يارسول الله خير الأنبياء
هل سنلقاك وقد عز اللقاء
يا حبيباً في قلوب الأوفياء
وَرَثيناكَ بحزنٍ وبكاء
االساعدي
--

خاف الخوف!!
حسين الساعدي

خاف الخوف!من شاف المنايا ازحوف
مدري ابيا كتر ضل يرتبي وملهوف!
شاف ارماح شاف اسهام شاف اسيوف
شاف الجيش إلوف امصفطات اصفوف
وبذاك الكتر سبعين عالمكشوف!
ودَقَق بلعيون وميز المعروف!
شاف الجيش كله إمن الكمر مخطوف!!

شاف الغيره لو صالت تهد الحيل
وسيوف إتكَسَر من تطخ اجفوف!

وشاف اطفال عطشانه وتصيح الويل
نزل مختاط ذاك البلكمر موصوف

جَن نازل عليهم وبحجر سجيل
وجاب النهر كله ابيمنته وملفوف

شاف اشكد مواقف ساعة التعجيل!
شاف الكمر طايح عل أرض مكسوف

شاف النور مذبوح وتدوسه الخيل
وبهل لحظه نزلو وبمصابه اضيوف

شاف السمه اتقبل بلوكع تقبيل
وشاف الكعبه وصلت علذبيح اطوف!

وشاف الشمس تتوسل يغطها الليل
حته العفه ما واحد شكلها ايشوف!

وشاف ااشكد سبايا مالهم تمثيل
وشاف الدين كله امقيد ومجتوف!
خاف الخوف!
ااالساعدي

--

خاف الخوف!!
حسين الساعدي

خاف الخوف!من شاف المنايا ازحوف
مدري ابيا كتر ضل يرتبي وملهوف!
شاف ارماح شاف اسهام شاف اسيوف
شاف الجيش إلوف امصفطات اصفوف
وبذاك الكتر سبعين عالمكشوف!
ودَقَق بلعيون وميز المعروف!
شاف الجيش كله إمن الكمر مخطوف!!

شاف الغيره لو صالت تهد الحيل
وسيوف إتكَسَر من تطخ اجفوف!

وشاف اطفال عطشانه وتصيح الويل
نزل مختاط ذاك البلكمر موصوف

جَن نازل عليهم وبحجر سجيل
وجاب النهر كله ابيمنته وملفوف

شاف اشكد مواقف ساعة التعجيل!
شاف الكمر طايح عل أرض مكسوف

شاف النور مذبوح وتدوسه الخيل
وبهل لحظه نزلو وبمصابه اضيوف

شاف السمه اتقبل بلوكع تقبيل
وشاف الكعبه وصلت علذبيح اطوف!

وشاف الشمس تتوسل يغطها الليل
حته العفه ما واحد شكلها ايشوف!

وشاف ااشكد سبايا مالهم تمثيل
وشاف الدين كله امقيد ومجتوف!
خاف الخوف!
ااالساعدي

------------------

هيه دمعاتك شراره
ما أظنها اتطفي نار!

اجت من عين السهاره
والدمع صاير شرار

يلي تفهم بالعباره!
بس ردت منك قرار

كون تنطيني اشاره
ينتهي كل هالدمار

ابتسمله وطفي ناره
كلبي مل الأنتظار
كلبي مل الانتظار
االساعدي

---------

ما يمر بيه قطاري
حته شالو سجته

ضايع وطال انتظاري
والكلب هَد وَنته

أنه لو بيدي قراري
أرجع ابليلة شته

للعراق أهناكَ داري
تدفه روحي ابتربته

بلمحطه لا تباري
والزمن دك دكته
والزمن دك دكته
االساعدي

--

شجالك ياعراق اشبيك تعبان
معقوله فلا ترتاح لحظات


ابهلاهل جوارينك هزوا الكون
ومنك ما سمعنه غير صرخات


يمر العيد بيك اَوجَنه مو عيد
وحته أيامه لو مرن كَئيبات


شجاك اشبيك يابهجة الايام

يل املاكي الاحزان اباحله بَسمات


مَدري اشبيها شَمسك فاكدَه النور
وصباحاتك صفن كلهن مظلمات


وحياطينك اختلفت عالحياطين
تترسها الاحزاب ابهل شعارات!


وبساتينك مشت عنهه العصافير
لأن ما بيك بس صوت انفجارات!


ودجله شحت ابميهه على الناس
وفراتك مو عذب ماينطي روجات!


شعبك ما فرح ومكابل الخوف
لوعة بأثر لوعه وشبع لوعات!


وياشعب المثل شعبك يل إعراك
شاف الظيم ضل يتحسد المات


راحوا ال امية وكلت ترتاح !
بني العباس اجو راووك وَيلات


غشوك ابسوالفهم وغدرووك
وتتمنه خلوك الظيمك ااالفات!


شعبك علنفط وعيون الابار
والتنكات بيده الوكفه ساعات!


ابو النهرين انتَ وشعبك اشلون
يستورد مياه أكبر حرامات!!


انت الحيد وتاَمن اليخافون
بس اتركت شعبك خايف ايبات!


اوكف عالكسر ها بالك اتطيح
بس اتطيح يتشمتون شمات


لتخليهم ايشوفوك مهموم
وبجف اليتامه امسح الدمعات

تخسه الطائفيه وكلمن ايكول
سنه وشيعه ونسلح عصابات!

ونعرفه اليصدر موت للناس!
وي حاول يسويها انقسامات!!

ولروحك نضحي ابكل الارواح
كَلها فدوه الك كونك سلامات


كالو طاح كت ميطيح عملاق
جذبت اليكول وصحت هيهات


كلهه اتطيح وانت اتلاوي الأيام
يعراك اااااالأمل يابو الحضارات


دوكف وانتفض وتزيح الغبار
ومن اجروحك انطينه ابتسامات


وارجع ياعراق ابذاكه ملكاك
يا بيرغ عشاير باحله هوسات


وال خائن تشمره بره الحدود
بس الصافي يبقه وطيب الذات


وكل دجال منهم لو يلاكيك
خل ولدك يقذفوه بالمداسات


وبالك ترد بينه الذيج الايام
نرجع للقشامر والتحيات!!


وها بالك تضيع وشعبك ايضيع
يمشي امغمض إمصدك الدعايات!


عسه الرادوك توكع ما يعيشون
عدهم كون ما ترتفع رايات


ابو الاحرار انتَ الهسه الاحرار
نزفوا دم الك والغيرة بالذات

ضلوا واكفين ابوجه الاخطار
ولأجلك تهون اهواي مأسات!


انت اللي كلت للذله هيهات
وبعده حسين عايش بيك ما مات
بعده حسين عايش بيك ما مات
االساعدي

---

--------------------

حسين الساعدي


أنه اتمناك
أحب ملكاك
وأحب كل الاجو وياك
وأجيلك ركض من الكوت
واحب الفيس من اتفوت

-----------------


مريم حسين

أذا مريت
اطش جكليت
وأنور بيك كل البيت
وأضمك بلكلب بسكوت
احب الفيس من اتفوت


--------------------


حسين الساعدي

وأرسمنك
وأضمنك
يخايب وين اكو منك
لا بامريكا لا بيروت
احب الفيس من اتفوت


--------------------


مريم حسين

واحب رسمك
واحب اسمك
واغار اعليك من امك
وكمرنه وما يبلعه الحوت
احب الفيس من اتفوت

----------------------


حسين الساعدي

لتتكرب
يلمجرب
جمال العندك ايكهرب
وخايف طبت التابوت
وأحب الفيس من اتفوت


----------------------


مريم حسين

ضغط عالي
وشفت حالي
بس ما اكهرب الغالي
تعال ولا تخاف الموت
احب الفيس من اتفوت


-----------------------



حسين الساعدي

صحت وينك
سحر عينك
ذبني ابنص درابينك
وانه اللي جنت مبخوت
أحب الفيس من اتفوت

-------------------

مريم حسين

عفت كلشي
واجيت امشي
وضميتك وسط رمشي
يخايب لا تصيح ابصوت
احب الفيس من اتفوت
-------------


الى اللقاء مع اجمل المساجلات المباشره
مع اجمل التحايا
حسين ومريم

00

يهل مكطوع عمرك مثل ياسه
راسك بي كطن لو شيب ياسه!
النظر حالك يخويه حيل يأسه
لان منك ولا ضلت بقيه-
ااالساعدي


اهداء للساده
الساده أهل البخت والغيره والنوماس
اطيب نسل بالارض يتخله فوك الراس
جدهم محمد بعد شتكول بلمقياس
قدوه وبكل العمر صارو الكل الناس
والشاره تكتل كتل وبغيرة العباس

--------

ليش؟؟؟؟

كلها شِياب اَصبحت مات الشباب
والطفل يطلع الشيب اَبروحه


اَترَضعه الأيام بأنواع العذاب
اتسوي اَكماطه العَليه مَرجوحه


ليش دنيانا اَمتلت بس بالذياب
وليش رايات الوفاء مطروحه


قبل ناخذ فِكرة من أسم الكتاب
هسه شو كل الفِكَر ممسوحه


الزاد كان ايغزر ابملح التراب
هسه حتى الملح راد املوحه


قبل كان الينجرح يلكَه الصحاب
عنده ويشيلون كل اَجروحه


هسه وحده ايحير بجراح المصاب
ايسَكن اجروحه ابدمعته اَونوحه


واليتيم الكان ميشوف الصعاب
هسه يا صعبه التمر اَتلوحه


والارحام اتقطعت ويه الانساب
للمصالح هسه جَيه وروحه


والصدق راح اويه اهلنه وعنه غاب
اندفن ويه اقبورهم طم روحه


شافنه انحب الكذب والأغتياب
أوعدنه كلمة صدق ما مسموحه


للأسف صار البعضنه بس عقاب
والمودة اَبينه مَذبوحه


من ادينه الارض حل بيها الخراب
والثمر تزوير صار اَبفوحه


ليش دنيانا الوفه فيها سراب
والغدر مبتهج تعلى اصروحه


وين كَف الرحمه وين أهل الثواب
التمسح اَدموع البقت مسفوحه


كافي مَلينه شعارات الخِطاب
اَنريد اَفعال الزلم للوحه


لا تعاتب ترى ميفيد العتاب
صارت الرحمة شُبه مفضوحه


وكافي تسأل ترى ما تلكَه جواب
كلمن اَبهَل زمن حار ابروحه
للأسف كلمن احتار ابروحه


ليش؟؟؟؟؟؟؟

--

---

واحت إعِيونك وَطن
خضره وجمال وبحر

بعيونك أنه امتحن
كل مره واخذ صفر

أنضر واكولن وَظن
أكدر أطول النظر

وبكل خساره أجن
راهنت بيك أشكثر

خليت روحي سَكن
إيجار طول العمر

بس ما عفتهن وأحن
مدري بعيونك سحر!

لو مره مني اشتكن
سامحني وبهل عذر

منذور كل الزمن
لعيونك أكتب شعر
بعيونك أكتب شعر

االساعدي

------

شَرد أسولفلك يخويه ابغربتي
خاف أسولفلك يمر بيك الحزن!

أنه ما أحجي و تسولف دمعتي
لأن كلماتي صعب من ينحجن!

أنه أصعب شي يصير ابشدتي!
من أشوف اجروحكم بالدم جرن

والدول تبني وأكول ابحيرتي
ليش بس ابيوتنه اليتهدمن!

مَدري هاي الناس سلبت راحتي
لو وطنه الغير صالح للسكن!

فدوه واترجاك خلني ابصفنتي
بلكي ولكالي حلول الهل فتن!

هالفتن والطائفيه وغربتي
ذني من بره علينه اتصدرن!

لأن ثقل أل الرسول ابديرتي
يعني ماكو وطن يشبه هالوطن!
يعني ماكو وطن يشبه هالوطن!

ااالساعدي

99

مساجله والدعوه عامه
حسين الساعدي
عظم الله لنا ولكم الاجر والثواب بهذا المصاب
نبتدء اول يوم بمساجلات محرم لأصحاب الحسين الشهداء الذين هم خير الأصحاب
رحمة الله عليهم اجمعين

////السؤال///
----------------
هَم صاحبيت ابيوم يل تسمع الصوت
مثل المشوا لحسين وتحدوا الموت!
----------------


لتكن الاجابات مباشره
ولا للمنقول
ولا للقديم
و لتكن اجاباتكم خاصه فقط باصحاب الحسين عليهم السلام اجمعين
وعظم الله أجوركم
تحيات
حسين الساعدي

----------------

اكرم المياحي
للغاضريه انروح نتعلم ادروس
وبالحشر عدنه اصحاب يا رفعة الروس
----------------
الشاعر حسين الساعدي
همه الأصل والزود همه المدارس
حار الزمان ايجب مثلك يعابس
----------------
علي جبر العتابي
اهوايه عندي اصحاب كَلت انه يوفونون
هدو عليه بسيف وي اليهدون
----------------
الشاعر حسين الساعدي
مو كل صديق اوياك يتسمه صاحب
بيهم صدك يوفون بيهم عكارب
----------------
المنشدحسين الربيعي
اسمع جوابي هاك يالتنشد جواب
مثل المشو لحسين ما نملك احباب
----------------
الشاعر حسين الساعدي
يعجبني كلش زين واضح جوابك
ما تلكه هيج اصحاب وانته ابمصابك
----------------
سيد حميد النوري
صاحبت كل ناس بس انته شي غير
عل ظهرلل كلفات متحزّمك سكر
----------------
الشاعر حسين الساعدي
صاحبني وتمناك تتعنه للزين
بس الفخر والزود لاصحاب الحسين

----------------
جليل الغريب
كثره الوفو لحسين حتى باهلهم
هم انا عندي اصحاب بس مو مثلهم
----------------
الشاعر حسين الساعدي
لا والله ماظن يوم تلكه ابمثلهم
عند الحسين أصحاب خالد ذكرهم
----------------
قاسم علي الوادي
ربك بعث جبريل هزاله مهده
شيبعثله من أصحاب ساعت الشده
----------------
الشاعر حسين الساعدي
يبعثله خوش اصحاب يفدونه بالروح
صاروا درع لحسين محسوبه الجروح
----------------
سيد حميد النوري
ساس اردادك للروح من طبع الانصار
حته اوفي ويه الزين لووكتي يندار
----------------
الشاعر حسين الساعدي
ساسك أصل للطيب بيك أنه اشهد
سيد ومهما اتكون جدك محمد
----------------
نخيل السماوة
شجاب الثرى يا صاح يم الثريه
الباري ضمهم زود لابن الزجيه
----------------
الشاعر حسين الساعدي
اي والله يبن الناس صادك كلامك
هذا الوصف ينكال لاصحاب امامك
----------------
Rem Ahmad
ما اعتقد موجود بالدنيا اصحاب
مثل المشو لحسين ضحو بلركاب
----------------
الشاعر حسين الساعدي
أصحاب ابو السجاد تاج اعله كل راس
ركضو ركض للموت والرايه عباس
----------------
نخيل السماوة
لا تظن تلكي جواب يالتنتظر رد
مثل المشوا لحسين ما تلكي احد
----------------
الشاعر حسين الساعدي
اعرف ابد ياصاح ما الكه واحد
بس للأجر سئليت هذا الله شاهد
----------------
عامر الشبلي
ماعندي بالصحبان يشبه طبع جون
خيرهم بهاليوم يالساعدي يخون
----------------
الشاعر حسين الساعدي
وحجايتك عن جون بيها عداله
ما تلكه بين الناس حته خياله
----------------
Rem Ahmad
صيحوا كل الناس وقت التفاخر
مثلك نجيب امنين يابن مظاهر
----------------
الشاعر حسين الساعدي
هذا الحبيب الراح وفه الحبيبه
وبهل زمان اشلون ياهو اليجيبه؟

----------------
محمد طاهر
مثل المشو لحسين ما نلكه منهم
طيبة كلب واخلاق خالص عملهم
----------------
الشاعر حسين الساعدي
بس واحد وسبعين هو الخذاهم
ونطشت الالاف من غربلاهم
----------------
سيد حميد النوري
يل ساعدي ابيمناي ساعدوفه اتكون
امنذكرمصاب احسين كل العزه ايهون

----------------
الشاعر حسين الساعدي
ساده ومنابع طيب واحجي بامانه
وبكل وكت مولاي خادمكم انه
----------------
قاسم علي الوادي
هاك اخذ هيج أصحاب عافوها الابيوت
صارو درع لحسين وتحدو الموت
----------------
الشاعر حسين الساعدي
وفوا الزهره ابهاي نعم الصحابه
كل واحد إمن احسين خاتم كتابه

----------------
Rem Ahmad
والنعم خوش اصحاب اصحاب الحسين
وكبال ابو السجاد نثروها السنين
----------------
الشاعر حسين الساعدي
ويستاهلون ابزود هاي الشهاده
ومنهم ثلث تنعام أهل القياده
----------------
أبو حسين الغزي السماوي
والله المشه للحسين صاحب مثالي
ما خاف من الموت ورخص الغالي
----------------
الشاعر حسين الساعدي
واصلوا در ب احسين ماهمهم الخوف
ريتك تجي ابعاشور وبكربله اتشوف

----------------
عامر الشبلي
نوط الشهادة وياه وبصدرة لابس
دورت بالصحبان ردت الكة عابس

----------------
الشاعر حسين الساعدي
والجنه ذاك اليوم عابس طلبهه
اتسلح ابحب احسين والحومه طبهه
----------------
Rem Ahmad
صاحبوا حتى الموت يوم الشدايد
مثل المشو لحسين ما تلكه واحد
----------------
الشاعر حسين الساعدي
وبالشده ما عافوه وطلبوا سلامه
جاهدوا بالارواح لاجل الامامه
----------------
عامر الشبلي
عندي شكثرصحبان بس للنفاهه
قصة اصحاب حسين محدقراهه
----------------
الشاعر حسين الساعدي
بصحاب ابو السجاد احنه اقتدينه
بس ابمثلهم يوم لا ما لكينه
----------------
الشاعر عبدالغني ابوسجاد
لوردت هيج اصحاب تفديلك الروح
لازم احسين اتصير والكربلا اتروح
----------------
الشاعر حسين الساعدي
ومنين اجيب احسين وبهل كرامه
واصحابه يلتمون يم الامامه
----------------
عامر الشبلي
عابس ذكرته وياه ذاك الاسد جون
وانت ابن اخت مولاي تعذرني ياعون
----------------
الشاعر حسين الساعدي
مر الزهير اوياك والمسلم اهناك
كله الحسين اشلون لمن تلكاك
----------------
عامر الشبلي
ماعندي بالصحبان لملم جراحي
واحد ردت يحسين مثل الرياحي
----------------
الشاعر حسين الساعدي
ما تلكه لا هيهات كبلك شفتها
ونصهرت الصحبان لمن ردتها
----------------
عامر الشبلي
صاحب ابدمااريد مايعرف الدين
وكل عمري انه افديه لخدام الحسين
----------------
الشاعر حسين الساعدي
ضاهو ملوك الكون خدمه ابكرامه
خدام ابو السجاد دنيه وقيامه
----------------
الشاعر عبدالغني ابوسجاد
لو ما لكيت احسين لتدور اصحاب
مادامه مو موجود تلكاهه غياب
----------------
الشاعر حسين الساعدي
متأكد اني ابهاي ما الكه منهم
من راح ابو السجاد بالجنه ضمهم

----------------
عامر الشبلي
واحد زغيرهواي والثاني عريس
مسلم وولدة هواي طاريهم يجيس

----------------
الشاعر حسين الساعدي
وبطف ابو السجاد تلكه الطفوله
ولو عاينيت اتشوف حتى الكهوله
----------------
عامر الشبلي
موشرط شيعي يصيرالينصرالدين
سني ومسيحي هناك اصحاب الحسين
----------------
الشاعر حسين الساعدي
كلمن اجه اويه احسين للذله رافض
واللي مشوو وياه مو بس روافض
----------------
عامر الشبلي
شفنه الزهيرهناك شفنه الرجولة
كال التحق بحسين رمزالبطولة
----------------
الشاعر حسين الساعدي
شفت الغيور اهناك جاباه ضميره
والما يجي اويه احسين ما عنده غيره
----------------
عامر الشبلي
نص واحد من اصحاب ابن الزجية
لو تلكة انت بيوم اعتب علية
----------------
الشاعر حسين الساعدي
نص واحد الكه امنين متفائل انته
كون الربع موجود جا ما تركته!!
----------------
الشاعر عبدالغني ابوسجاد
كتلك اتدور احسين كبل الصحابه
انه ادري للفردوس ياخذ احبابه

----------------
الشاعر حسين الساعدي
انطانه مثل احسين بس ما حفظناه
بارض النجف عدموه وحته اخته وياه
----------------
الشاعر عبد الكريم الحسون
اصحاب ابو السجاد ما الهم مثيل
بالطفوف الموت طب عدهم دخيل
----------------
الشاعر حسين الساعدي
يا صاحب الماصار واحد مثيله
واصحاب ابو السجاد ثله وقليله
----------------
الشاعر عبدالغني ابوسجاد
حسين الوكت موجود بس ما ننصره
المهدي اعني ابهاي وارث الزهره

----------------
الشاعر حسين الساعدي
وبكل زمان احسين بس ماكو اصحاب
بالشده يتبخرون ويه الهوى الهاب
----------------
الشاعر عبد الكريم الحسون
حسين اصحابه صدك همه قليل
لكن الواحد ترى جنه رعيل
----------------
الشاعر حسين الساعدي
قله وتحدوا جيش من ال اميه
وتحدو الكلفات لابن الزجيه
----------------
الشاعرعدنان البديري
مسلم زهير او جون وي عابس الحيد
ياصحبه كلي ارجوك تلحكهم اتريد
----------------
الشاعر حسين الساعدي
اصحاب ابو السجاد غيره وبساله
وتخلدوا ميزان ويه العداله
----------------
الشاعر وسام العزاوي
اي صاحبت ياحيف ماوفو وياي
ضيم وهضم وهموم كاضيهة دنياي
----------------
الشاعر حسين الساعدي
صحبتنه هالايام صحبة مصالح
حته الملح مغشوش ماظنه مالح
----------------
الشاعر علاء الموسوي
كلهم شجاعه او زود صحبان الحسين
واحدهم بطل يكتله عشرين
----------------
الشاعر حسين الساعدي
هو المشه اويه حسين معلومه نبراس
ضلوا مَثل للناس ولرفعة الراس
----------------
الشاعر علاء الموسوي
البقوه ويه حسين اكبر شجاعه
من الله وهل البيت صارت قناعه
----------------
الشاعر حسين الساعدي
شافو الجنه اهناك وتخيروهه
والغيره من عباس بالطف خذوهه
----------------
الشاعر صلاح
ماصــار ابد ويـصيـر ابــدآ مـثـلـهـم
اصحاب ابو السجاد من يوصل الهم
----------------
الشاعر حسين الساعدي
اصحاب ابو السجاد يا ندرة الكون
لوما يعود احسين ماظن يعودون
----------------
الشاعرمحمدالساعدي الساعدي
صاحت لخوهه ابصوت عباس اجوني
كوم عله حيلك كوم ذوله السبوني
----------------
الشاعر حسين الساعدي
اختك يبو الكلفات واندبتك ابهاي
ركب يمنتك كوم عدوانك اهواي
----------------
الشاعر صلاح
دافـعـو ربـع حسين عن هيبت الـديـن
ومافكرو بالـمـوت كـل همهم حسين
----------------
الشاعر حسين الساعدي
والنعم من اصحاب غيره وكرامه
صاروا درع يحمون نور الامامه
----------------
حسام الوحداني الوحداني
رمز الوفه ياناس باصحاب الحسين
رغم العطش والجوع ماباعو الدين
----------------
الشاعر حسين الساعدي
باعو الروح اهناك لعيون الحسين
ولاجل ابو السجاد ما نامت العين
----------------
الشاعرمحمدحنظل الساعدي
ماشفت لا والله ابدا" مثلهم
ضحوا لاجل هالدين وانطو عمرهم

----------------
الشاعر حسين الساعدي
وتأكدو ماشين لله ورسوله
يستاهلون الزود اهل البطوله
----------------
Tall Alward
بس لأبن حامي الجار هل صحبه هايه
للصحبه هم عنوان وللخوه ثايه
----------------
الشاعر حسين الساعدي
أصحابي خير أصحاب هو الحجاهه
بالطف ابو السجاد لمن لكاهه
----------------
الشاعر صلاح
القاتل وي حسين حصل مــراده
وظل ذكره بالتاريخ رمز الشهاده

----------------
الشاعر حسين الساعدي
وتخلدو للدوم هذا الله شاهد
وبحبهم أنه اليوم أكتب قصائد
----------------
الشاعر صلاح
اصحاب ابو السجاد حزمه من الابطال
سوؤ بجيش يزيد يـالساعدي افـعـال
----------------
الشاعر حسين الساعدي
بالحومه كون اتشوف كلهم قياده
وتسابقوا يردون عرس الشهاده
----------------
الشاعر اسعد الزويني
عجزت ترى النسوان ...تِنِجب مثلهم
واحدهم بألفين ...بالطف فعلهم
----------------
الشاعر اسعد الزويني
دين وثقة وايمان...بكَلوب الانصار
غروهم وما فاد...ترباة الاحرار
----------------
الشاعر اسعد الزويني
ما خافو من الموت...من مرو عليه
جن عرس عدهم جان ...واتسابقو بيه
----------------
الشاعر حسين الساعدي
لو رايد انت َ اقيس رقمك تزيده
والواحد بالفين كلش بعيده
----------------
الشاعر حسين الساعدي
غَروهم وما فاد والحاجه مره
بس اليحب احسين ياهو اليغره
----------------
الشاعر حسين الساعدي
وتسابقوا للموت عدهم وصيه
كون الاخير ايموت لابن الزجيه
----------------
سعد الموالي
ابتدي باول بيت عن الصحابه
ومن نكتب اعله حسين تحله الكتابه
----------------
الشاعر حسين الساعدي
انته ابتديت ابنور من هاي الانوار
باصحاب ابو السجاد تتغنه الاشعار
----------------
حسين كاظم الحسناوي
اصحاب خوش اصحاب عندك يالحسين
بالنفس والاموال ضحوله للدين
----------------
الشاعر حسين الساعدي
وتشاركو بالموت وتبسم الدين
هَم الزمان ايعود بأصحاب الحسين
----------------
سعد الموالي
هذا انه عد عيناك للصبح كاعد
واكتب شعر واهديه الكل السواعد
----------------
الشاعر حسين الساعدي
عندي الشعر شلال ما منه تالي
وأشعاري هذا اليوم بسم الموالي

ااالساعدي

-

هوسات أهداء للامام العباس عليه السلام
حسين الساعدي




حق الخوه ما ينعاف يا هالناس

الخوه بلافعال وبلمعاني أحساس

واخوك العنده غيره ابطيبه ما ينقاس

تتشيم ابزوده اتحطه فوك الراس

لأن دارس الغيره ابمدرسة عباس

ومعناهه عباس الغيره ومعناهه
عباس الغيره ومعناهه
عباس الغيره ومعناهه


/////////////////////////



حسين الطاف عالعباس وجفوفه

إذاً عباس كَعبه ولازم انطوفه

دعاين عالكمر وتخايله وشوفه

الغيرة اتكَطعت وياه ومتعوفه

وما عافت عباس الغيره اليوم المحشر
ما عافت عباس الغيره اليوم المحشر



////////////////////////////



أمس وتأكدت ياناس أبو فاضل يحاجيهه

يكلهه اشبيج يا زينب اشهل حيره ومعانيهه

تكله هَددو قَبري وعدوانك حجوا بيهه!!

حلف عباس بالعباس كل الشام يمحيهه

وياوليه اليوصل يم زينب
ياويله اليوصل يم زينب


ااالساعدي

عندما سألت الحسين


اَكتبت لحسين القصيده
والكَلب هاج ابنحيبه

وبالدمع اَسمه رسمته
وفاحت اَحروفه العجيبه

كتله مشتاق ارد اشوفك
لكن الغربه مصيبه

كال سلم من بعيد
وأنتَ بديار الغريبه

راح تسمع رد سلامك
والهوى صوتي يجيبه

وراح تنظرني واَنظرك
نظرة الحُب الحَبيبه




كتله عندي طلب يمك
كون لتخيب ظنوني!

كال اطلب وانه اعرفك
انتَ من اليخدِموني

كتله أسمي فدوه لأسمك
وانه بأسمك يسموني

وين الكه قبر امك!
ضايع وزادت شجوني

كال يا شاعر سؤالك
خله شَلال اَبعيوني

أمي مظلومه يشاعر
وبفَكَدهه حَزِنوني

اَمي شيعناهه سكته
ابليلة الظلمه السكوني

وبضلع مكسور ماتت!
بالزجيه انخطف لوني

وأرد اسألَنك يشاعر
اشكثر انتم تحبوني!

ليش شو محد حضرني
ابيوم موتي أيشيعوني!

عالأرض أيام جسمي
بالشمس بس ما اجوني

ترضى اَتغسل ابدمي!
ابدمع ظَنتي اتغَسلوني

واني ابن حيدر وليكم
ما اجيتوا ودفنتوني!

كتله فدوه اشهل سؤال
الأبد ما مر ابظنوني!

كال متقصد أسئلك
يل سؤالك خطف لوني!

وأدري مسجونين جنتوا
وادري هسه اتناصروني

ردت اَبجيك ابسؤالي
يل سؤالك هَد شجوني

َمن جبت ضلع الزجيه
ظَلمت الجنه بعيوني
ظَلمت الجنه بعيوني


ااااالساعدي -

-

والسواعد تفتخر بأصحابها!
حسين الساعدي


إي وداعَت عينك التسوه دول
هالوصيه أمحسب أنه أحسابها

يستحيل أبوره تل يختل جبل
ويستحيل العين تعله أحجابها!

أنه بس نوبات ياخذني الخجل
وروحي للطيبين تبدي أعتابها

ما أطخ راسي وحق سيد الرسل
اله يوم التنبري إمن أركابها

راسي مرفوعه بفخر خير العمل
بعد شينزلهه من مركابها!!

بيهم أوحياك من جبت المَثل
ما يهم الليث نبح اجلابها

والنزل مايبقه نازل لو نزل
هاي دنيا وما وكف دولابها

دنيا التصعدك عله راس الجبل
يجي يوم اتنزلك المحرابها

لو تصاحب صاحب ايدور زلل
روحك إمنيدك تجيب أتعابها!

ولو تظن الدنيا مليانه عسل
راح تتفاجئ وكت عطابها

يا صديقي وبيك مشدود الأمل
والمواقف تنتسب لأنسابها

اشكرك ياصاحبي وشورك وصل
والسواعد تفتخر بأصحابها
والسواعد تفتخر بأصحابها

االساعدي

-

مابين السهم والكاع مقياس!!
حسين الساعدي


وانقلك حقيقه اتشيب الراس
وتخايلها انته ابحلو الأطباع

جان السهم باقي ابعين عباس!
ونصاب ابعمود ابوجهه عالكاع!

والجفين مكطوعات ياناس!
ما غير السهم للكاع فزاع!!

والكاع اليصدهه ابعينه تنجاس
يعني السهم هو الجان ينصاع

مدري الكاع فهمت هذا الأحساس!
وِ رتفعت تودعه ابذاك الوداع!

مدري السهم هو الجان نداس!
بعيونه اندفن ماضمته الكاع!!

ما ندري الجواب اشلون ولساس
بس المهدي يشرح هاي الأوضاع

مابين السهم والكاع مقياس!!
بس اشلون ماندري الخبر ضاع!

االساعدي
--

شحدهم ايعيلون لكن شَوشره
خَططوها وصوتهم واصل اِلي

بالظهر طعنه بسيطه امدبره!
لأن شافوني كَبلهم أوَلي

وكلمن ابأصله عمل وبمعشره
واني ذاك الما عفت طيبة هَلي

ياكلامك كل أصيل ايقَدره
تاج فوك الراس يا سيد علي

والنعم منك وجدك حيدره
اني الك ممنون يا شبل الولي

--

---

طفله وهلي عافوني

طفله أ وهلي عافوني...ابديرة غرب خلوني
كالولي يوم اويومين..اشكد اصبرت ما جوني
!!!
.......
أني العليله فاطمه..من زغري صرت اميتمه
معروفه ابعمي الحسن.وجدي علي حامي الحمه
والدي سبط المصطفى ..وجدتي الزهره فاطمه
من راحوا اهلي الكربله..عالبجي صرت امعلمه
اشكد اصبرت ما جوني
طفله وهلي عافوني
....
يابويه افراكك َاذاني.واني ازغيره وشاب الراس
لو تدري ابحال العافوهه .من دون أهل بين الناس
يامصعب ليل المر بيه.اوياحيرة الماظن تنقاس
تانيت اوما جاني الأكبر. اِولا جَيت عمي العباس
لا كَالوا لا ذكروني!!
طفله وهلي عافوني
...
عود امتانيتك ترجعلي.من ترجع يرجعلي الحيل
اتفرحني ابجيتك يابويه.وانسى الأه وانسه الويل
لكن من وصلتني اخبارك.صار انهاري ابظلم الليل
كالوا ذبحوك ابهل غربه.وفوك اضلوعك رضت خيل
وبهل خبر ذبحوني
طفله وهلي عافوني
....
ميتة اتمنيت اولا اسمع.هيج اخبار اترد لينه
كالولي الأكبر وعلومه.اكبال احسين امطبرينه
والقاسم زفوه للحومه.ومن دم نحره امحنينه
وعمج عباس ايكلولي.يم الرايه امكطعينه
لو ميته يل عفتوني
طفله وهلي عافوني
...

حتى عبد الله ما سلم.ياكربله اشخليتي!!
جم كَمر من بيت النبي.بمصايبج طفيتي
عطشان ابو اليمه انذبح.من دمه اترويتي
جانت امنيتي شوفته. ماتت ابكَلبي امنيتي
متشوفه بعد اعيوني
طفله وهلي عافوني


خادم اهل البيت
حسين الساعدي

--------

بالدنيا تلكَه أصحاب اِي ممكن أثنين!
بس يستحيل اتزيد لأصحاب الحسين


يحسين اَصحابك وَفايه




يحسين اَصحابك وَفايه
يوم الطف سَووها ادمايه
يحسين اَصحابك وفَايه

----

بالروح إوبالدم يفدونك
صالوا وانتَ اتشوف اعيونك
بذلوا مهجتهم من دونك
للموت اتعنوا مشايه

يحسين اَصحابك وَفايه

----

عابس ثار ومات ابدربك
يهواك ومجنون إبحُبك
راد اوياك الجنة رَبك
راح اوياك الاشرف غاية

يحسين اصحابك وفاَيه

----

والحر حر وماطخ راسه
عاف الدنيا وثابت ساسه
عاهد والاخر انفاسه
للموت وما غير رايه

يحسين اَصحابك وفَايه

----

يا حبيب إوجون ومسلم
كتبولك بيعة ابخط الدم
دونك نتفانه ولا تهتم
اليوم انجازي الزهره ابهايه


يحسين اَصحابك وَفايه


خادم اهل البيت ع
حسين ااالساعدي


--

ماعدهم احسين وزود عباس!
حسين الساعدي
؛؛

سالم يا وطن يابو المنارات
تاج الراس تبقه وهيبة الناس

وشما كَثروا بلانفجارات
مينكسون بيتك ذوله الأرجاس

ويغارون ما عدهم حضارات
وما عدهم احسين وزود عباس
ماعدهم احسين وزود عباس!

االساعدي



----


ثار َالانفجار اليخطف الروح
وخلاني ابقلق ذيج المسيه

أنظر علدرب بلونه والنوح
وأتنطر اوليدي ايعود اليه

وتأخر عليه وكلبي مجروح
وتخطيت الدرب كوه عليه

أم إوصممت للمذبحه اتروح
ولاجل اوليدها اتلاكي المنيه

والشبان أشمهه امعطره اتفوح
وحلفت الاجو شنهي القضيه!

كالولي بوليدج طاح مذبوح
وجاب العطر لعيونج هديه

ومحد راح ما تلكينه مطروح
لتروحين ضلي ابهل ثنيه

ماعوفه صحت وبهاي الجروح
اوليدي وأرد ألمنه بديه

أنه الوالده وِشلون ما اروح!
دخلها اتصير موتنه سويه
أريد اتصير موتتنه سويه
ااالساعدي



--


ما رد السهم!!
حسين الساعدي
؛؛؛؛

ول يتعنه للعباس محتاز
ياخذ رادته ابروحه الحنينه

عاين لِسهم والعينه جناز
ما رد السهم قدمله عينه!
االساعدي


-
اتعِبن من صفكت الندمه يراحاك
وينزفن أبد ما طابن يراحاك
تفرها وتسحل ابروحك يراحاك
وكل فره وتراويك المنيه
ااالساعدي




هله ابهل يوم وشما كثر هليت
وبدر ولفاطمه ابهل يوم هايت
ومن دمع الفرح ياناس هليت
اليوم انولدت الزهره الزجيه
ااالساعدي







أسولف صرت وي روحي وهمهم
ولا ضلت بعد همه وَهم هَم
وَهم بلما يهم بيه وهم هم
بلراواني أنواع الأذيه
ااالساعدي







كل البخت عد فاطم واهلها
والهم بسمتي ودمعه واهلها
فرحة عمري والروحي واهلها
مثل هل الهلال ابهل وطيه
ااالساعدي




هسه لا تخيط الجرح خله
كلبك ينتظر ويريد خله
وصارت بي ابهذا الجرح خله
الغايب من يرد تنسه الاذيه
ااالساعدي





جم فجعه الدهر عاين فجعلك
واخر فجعه وبكلبك فجعلك
جعل منك شبه ماكو فجعلك
عليل وانته ولماكو سويه
ااالساعدي






عليل ويادواي الضاع طبه
وبلطبات طبه بأثر طبه
يمهم طحت كالو مرض طبه
أحبابي وشامتي صاحو سويه
ااالساعدي




-
ليش اجيت؟

وجرحك استوه غفه وما صدكيت
ليش اجيت ا
وتَوني سكَت الدمع وتعوديت
ليش اجيت!
ورجعت كلشي قديم!
وكلمة ال الله كريم
الله لا ينطيك حسبالي نسيت
ليش اجيت!!
ااالساعدي




-

من السجن للكبر!!
حسين الساعدي
××××××

ياشيعه فوك الجسر ياشيعه شوفوني
ياشيعه وأنه انتظر واجب تزوروني

من السجن للكبر!
مسموم فوك الجسر
واجب
واجب تزوروني
واااااجب
واجب تزوروني

××××××××××××


وبهلسجن والعمر كله انكضه
كالوا الكاظم رايه للمرتضه
هذا الامام الصار للرافضه
هذا الامام الصار للرافضه

لازم يودع العمر
مسموم فوك الجسر

واجب
واجب تزوروني
واااجب
واجب تزوروني


/////////////////////



مسموم صارت بلسجن طيحتي
وبس المنيه التعرف ابقصتي!
محد حضرني ابسجني يا شيعتي!
محد حضرني ابسجني ياشيعتي!

روحي ابألم تعتصر
مسموم فوك الجسر

واجب
واجب تزوروني
واجب
واجب تزوروني


//////////////////////



مظلوم عند اللارشيد إبسجن!
هالناصبي الراواني كل المحن!
ياشيعتي وعادوكم ابهل حزن
ياشيعتي وعادوكم ابهل حزن

عادوكم أهل الكفر
مسموم فوك الجسر

واجب
واجب تزوروني
واجب
واجب تزوروني


//////////////////////



وشكثر وصه المصطفى الإمته!
بينه الوصيه انكتبت ابدعوته
ليش النواصب غدروا ابشيعته!
ليش النواصب غدروا ابشيعته!

وموعدنه يوم الحشر
مسموم فوك الجسر

واجب
واجب تزوروني
واجب
واجب تزوروني


/////

ااالساعدي

[آلسےـآهـےـر]

حلووو