عيدك حزين
***********************
عيدك حزين
ووشك مش زي الوشوش
سيبك من اللى عدى وعبر
خليكي في اللى مش قادر ع العبور
الليل طويل ، والسكة ضلمة،
والرمل ع العيون مرشوش
والناس مش ناس
زي ما تكون خارجه م القبور
تايهه ف الصحاري
لا ميَّه ف سكتي
ولا شمس طالعه، تصحي العيون
والريح اللى برّانا
زي البرد جوّانا
إديني لحظة مش خطر
واديني سكة للعبور
يعني إيه: نبلي الحزين،
يعني إيه حزني النبيل
ولاَّ إيه عيد العبور ؟
للشاعر المصري والقاص والناقد
وأستاذ اللغة العربية
عبد الجواد خفاجي
رد مع اقتباس
