قصيدة على الأم
عاشك بس عشك ما مر على إنسان
من دون ألخلك عشكي بسوادين
بكد الدنيا أحبه ومأخذه الروح
ولجل عين الاحبه أنظم دواوين
أكتب عن رمشه ألاف الإشعار
وعله نور الجبين اكتب ملايين
شفا يفه يناس دلال ديوان
ومن شفافي صغتلها الفناجين
خلاص الشعر ورد زمله الكاع
شعرها تغار من عنده البساتين
لو خدها من أوصفه يصفن الكون
حبيبه الكابلو خدج مجانين
أقسم مثل حبج ماضن يصير
وإذا صح مثل حبج وين ومنين
الاحبه ووصفته الكم تعرفون
مغمض وأوصل اله بلاعنواين
أمي ..و وصف أمي شرعا"يجوز
حدر رجليه حط الله البراهين
حط جنه أذا لتكول غاليت
ومدام الأمي حطني ويه المغالين
رضه الله يرضه أمك راجع وشوف
اله شويه صارت فرع للدين
أمي صوت ناي بأخر الليل
على أنغام حزنج يمه غافين
أمي سفره ممدودة بزمن عوز
بطرف بغداد مدت وصلت الصين
حزن عاشور أمي مطلكه الألوان
بعباتج لفلفتي شكد مساكين
ذكرت أسنين حضنج والدمع سال
ألج تبجي البلابل من تولولين
أعترف مطلوب عمري وجيت أوفيج
أجيتج محني راسي وجايب الدين
بلا معنه الحياة اخلافج أتصير
كبل يومج يبلسم ريت ميتين
يمه أسم الله عمري لعمرج أتهون
وأمانه مئمنج انه عند حسين
رد مع اقتباس
المشاركة الأصلية كتبت بواسطة تقوى القلوب
