بطـــــــــــــــــــلنه
بطلنه نحب واقفلنه الكلوب
لأن مات العشك عند اليحبون
بعد بطلنه نمشي ابهاي الدروب
ومن وقت العصر نومنه العيون
صعبه بهالزمان اتشوف محبوب
يوافي اوياك ميخليك مطعون!!
الفقير المثلي لازم يبقى متعوب
لأن صار الزمن بس لليدفعون!!
ولأن بس للمصالح يلبس ثوب!!
ولهذا تشوف اشكد يلبسون!!
ولأن ما شفنه بس امكاثر اذنوب
ومشاعرنا صفت بيد اليلعبون
قبل جان اليخون ابعقله ملعوب!
أشو هسه ترضعه اموافه ويخون!
الوفي هسه تشوفه امترس اعيوب
يشوهون ابسمعته الما يوافون!!!
وصرنه ويه الزمن ضد الوفه انوب
ونتباهه ابخيانتنه ويصفكون!!
ولمن شفنه قيس أويه الوفه ايذوب
دكيناله طبله وصار مجنون!!
رد مع اقتباس
