جبتلكم قصة من سوالف اهلنه انشالله تعجبكم
جبتلكم قصة من سوالف اهلنه انشالله تعجبكم
جانت بعشايرنه شاب اسمه (شال)
يحب بنية من طبقة اعله منه ﻻنو جانت هي بنت شيوخ وهو شاب عله كد حاله يادوب محصل لكمته من كده المهم مجان يكدر يروح يخطبهه ﻻنو الرفض واضح واثنينهم جانوا يحبون بعضهم الى ابعد الحدود
فأجه ابن عمهه وجان شاب ماينقصه اي شي من جاه ووجه فأتزوجهه من سمع شال خله وشال من القرية كلهه
فيوم من الايام بعد زواجهه زوجهه طلب منهه تجيبله ماي فعثرت ووكع الماي منهه فمن طاح الماي كالت (يااا شال) ) وهاي حجاية حته عند امهاتنه تندب بأسم شخص عزيز
فمن سمع سألهه فمجاوبت لحد ماانطاهه الامان
سولفتله من سمع بالقصة كاللهه راح انطيه شطرين من ابوذية اذا كمله انتي بعد تحرمين عليه ومتصيرين اله الشال
واذا ماعرفهه اكتلج انتي وياه
فظل يدور عله شال لكاه كاعد يم النهر وحزين فكاله انت شال كاله اي منو انت
كاله الشطرين
سره ضعن الاحبه بالليل ياشال
وسحن روحي سحن بجفاك ياشال
وكال لشال كمل
فكال شال
شوكع منه العزيز وصاح ياشال
يظل دومه وفي وذاته وفية
فزوجهه صدق بوعده واتبارك لشال وصارت زوجته
رد مع اقتباس
المشاركة الأصلية كتبت بواسطة ali ibrahim
ومنها خلصت القصه شكرا