درر العراق

محمد الهيتي · 27/September/2013

عادات قديمة انقرضت حاليا

*من تطفى الكهرباء نشغل لالة وفانوس ونسمع قصص من اهلنا عن شبابهم لو عن الحروب. ومرات نطلع بالشارع نلعب ختيلان

*واذا اجت الكهرباء الكل يصلي عالنبي لا اراديا وننفخ اللالات ونروح عالتلفزيون لو نحل الواجب مال باجر.

*من يجي الشتا نتجمع عالصوبة وطبعا فوكها قوري جاي ويمها شيشة الدبس والراشي ونخبط وناكل

*الصبح نروح للمدرسة واللفة بالجنطة (اذا امورنا زينة) ومرات بس خيارة لو اي شيء. ونقرا النشيد الوطني ومن نرجع للبيت فرحانين

*الخطار جان من يجي الكل يستقبلة بحرارة بدون ماينطي موعد. وهسة اذا اجة الخطار الكل يكلب وجهة

*جان التلفزيون بي 3 محطات وكلشي بتوقيتة الاخبار والكارتون والافلام والرياضة. ﻻنت ولا دش

*جان خبز الوالدة وكليجة العيد ميعوضهن صمون الفرن لان بي حنية تحس

*جانت العابنا دعبل و7سيفونات وركيضان يعني اللعب بجماعة وعايشين طفولتنا. هسة الطفل البينا يلعب بالايباد والبلي وغيرها

يعني جانت حياتنا بسيطة بس كلشي الة نكهة خاصة وطعم حلو. برغم الفقر والوضع المادي المتأزم