كون تشوف...!!!!!!
كون تشوف
عفت كلشي وجبت كلشي
ومدري شلون اجيت امشي
اجيتك ردت اكلك شوف
ردنه نعوف كلشي وماكدرنة نعوف
كون تشوف حالي شكد الك ملهوف
جبت كلشي اليسولف بيك
خيالي وصحوتي وطيوف
جبت دكات كلبي الكطعن كلبي بجفاك سيوف
جبت صفنات روحي الجننت روحي
مثل جني بمسية وعاليتيمة يحوف
كون تشوف
بشفافي الحزن ما خلة بسمة تعيش
كلمن كمت ابوسة بخده اطبع اوووووف
كون تشوف
دموع الجدم ما تدري وين يروح
والخطوات عمية وتايه بلا شوف
كون تشوف
خلصت الوجوه وشفت كل الناس
كلها وجوه غربة ولا وجه مألوف
وين الكاك
وين الكاك يالموصوف الية وانه الك موصوف
يالفركاتك غربه وكلشي ما مألوف
انه بلياك مدري شبية ما بيه
زلف وبلاي ترجيه
درب ما بيه كل جيه
نهر فاض
نهر فاض وتبع ميه ورجع بس ما لكاله جروف
كون تشوف
روحي شخله بيها الخوف
مطلوبة نذر وتخاف
ما توصل حظرتك من بعيد اتطوف
كون تشوف
مثل حلة مدارس
روحي احسها اطفال حلت واتركتني
وباقي بس اصفوف
ويا وحشة اصفوفي من يجيني الليل
ويا لون الوجه البعدك اتظل مخطوف
ويااااااااااااااااااااااا اااااا
ويا قسوة اظنوني الما تريد ارتاح
وانه الصاير اسير وبيدهن مجتوف
كون الكاك
كون الكاك واشكيلك
كون الكاك واحجيلك
بكتاب السنين انحذف كلشي الجان
بس اسمك لكيته و الباقي ما محذوف
واذكرك
واذكرك بــ اخر يوم
اذكرك من مسحت دموعي باخر يوم
على خدودي لهسة طبع اجفوف
وكون اتشوف
عيوني مضيف اتصير وكت النوم وهلبت بالحلم
تجينه ضيوف
كون تشوف حالي شكد الك ملهوف
للمبدع جبار رشيد
رد مع اقتباس
المشاركة الأصلية كتبت بواسطة Daleen
