حديــــث المنفى
الى بدر شاكر السياب
الشاعر : مرتضى زامل
انفتح النه البحر واحنه العبرناه
وغرك فرعون بالقدرة ونجينه
وعله الساحل وكفنه وماتت احلام
الف فــــرعــــون متحزم لكينه
وطن قاسي وطبع بيه التصاوير
شريد اذكر بدر ياصورة زينة
من احضانه طردنه وكعد الموت
وبقينه الليل نرجف ما غفينه
تحن المن ! جفونك تدمع اعليه
بدر ، هو رحمنة وحن علينه
شمسنه اقبح تضل من دون الشموس
خصوصآ من تجي وشامت يجينة
لان تكشف جررررررح ما سترته هدوم
قديمة مشككة وكلش حزينة
نسيت العيد ما بين اليلمعون
بطرك فشلة جديدة وعيدينه
وتغريد البلابل ما الفناه
فقط صوت الفشك نسمع ونينه
وبقه العاشك يتاني الفرصة للان
العرف ساخر من اشواكه وحنينه
وطن يمطر الم خظر جراحات
وطن مو حــر شعب تلطم سنينه
بدر ياخوي خلينه غريبين
ونموت بلا حبيبة بلا مدينة
ولو تتعب تقاليد الغرب حيل
جنوبـيين ما يمشن علينة
لجن هذا قدرنه ولازم نعيش
بلوة بهل وجود احنه ابتلينة
لو ندري الطبيعة وهيج تغتال
فرحنه ، تراب نبقه وما اجينة
رد مع اقتباس
المشاركة الأصلية كتبت بواسطة طائر الضلام
