يگولون العتب يجرح بالاحساس
اعجبك من أعاتب أبد ما اجرح
انه من أحاجي الزين ما ذم بي
وجوب العتب وياه يكون امدح
معقولة كلماتي ما تمض بيه
وهو اترف من نسمة هوة مقدح
يتبختر بمشية شايل تواضع طير
طاير بالسمة لجن عالارض يتمرجح
يحاجيني بحنان ورقة ممزوجات
ويهامسني همس لو عصب و صيّح
يا طرة فجر وياه سوالف ليل
يا وردة صبح بشوفك اني افرح
يوم الما نشوفك ما نحسبه بيوم
نحسبه صاير ليل و أصل ما صبّح
شمات أجوني هواي رادو يفرقون
بقيت بروحي ساكن وبالعقل تسرح
يالطبعك وفه معقولة ما حسيت
خايف عليك الكلب وانت بي تجرح
تصد ليه بحنان وعني تبعد ليش ؟
وتدري انت النبض بلياك ما يفلح
بروحي وجت نار احساسك من بعيد
شعر بيك الـگلب قبل النار ما تجدح
دصالحني وتعال و خل نرد نشتاك
نهيم بشوك حبنه ونبقه بي نمرح
يا غيمة عشك تمطر عاطفة واحساس
واحساسك نده فوك الورد ينضح
أحبك حيل أحبك وگلبي ينبض بيك
لو انت افرح بيك لو اني بيك أفرح
تحياتي العطرة
بقلم كبريائي قاهرهم
21/9/2013
رد مع اقتباس
