*كومني المعلم كلي أعرب (دار )
كتله الدار وحشه بغير الأحباب
*جذع نخلة بغيابك لا رطب لا ماي
أجيب منين مريم خاطر تهزني
*قوطيت حبر جرحي بغايبك صار
وأجو شمات ينتخبون فركتنه
*مو كلمن وصخ كلبه وصخ وياه
راس الخس وصخ بس كلبه أبيض
*بطلاع الروح أدبره لشفاي
وتجي حضرة جنابك تخطر أبالي
*سمي بأسم ربك يل نويت تروح
شرعا تدري عدنه اليذبح يسمي
*أبو الجامع يكلي شوكت راح تموت
شكثر مشتاق أذيعك أسمك يخبل
*أجه شامت يهوس جا حبيبك وين
كتله بكلبي نايم ما أكعده
*جنت تحجي شكثر علما يسئلون
هسة أسكت بعد صاير مثلهم
*من كد ما مقدس حبي وياك
كمت أني من أذكرك أكولن دام ظله
* لــتغرك ضحكتي تكول مرتاح
ركز عالضحك تسمع بواجي
* أذا رمضان مر وأنت ما مريت !!!
لتفكر بعد بالعيد نتلاكه
منقول
رد مع اقتباس
