هنا

[المدرس1980]

السلام عليكم يسعدني المشاركة في هذا القسم سوف اطرح بعض الاسئلة لطلبتنا الاعزاء للمناقشة واتمنى الفائدة للجميع....

سؤال الاول/

رجل طوله 1.8 م يسير على شارع مستقيم مبتعداً عن مصدر ضوء معلق على ارتفاع 5.4 م فاذا كانت سرعة الرجل 4 كم/س.
أ.أوجد معدل تغير طول ظل الرجل.
ب.أوجد سرعة ظل رأس الرجل.

سؤال الثاني/

توفي رجل له 9 اولاد وترك مزرعة مقدارها 81 نخلة تنتج النخلة الاولى كيلو من التمر والثانية 2كيلو والثالثة 3 كيلو وهكذاحتى الواحده والثمانون تنتج 81 كيلومن التمر ،،، المطلوب توزيع النخل بين ال9 الورثة بحيث يتساؤون في عدد النخل والكيلوات؟

[Samer]

السلام عليكم .. راح أحاول اجاوب عن السؤال الاول ... و اخللي الثاني إذا محد حله احاول احله كذلك

رجل طوله 1.8 م يسير على شارع مستقيم مبتعداً عن مصدر ضوء معلق على ارتفاع 5.4 م فاذا كانت سرعة الرجل 4 كم/س.
أ.أوجد معدل تغير طول ظل الرجل.
ب.أوجد سرعة ظل رأس الرجل.


ج/أ

ما دام عدنا مصدر ضوء أعلى من الرجل .. إذن راح يصير عدنا 2 مثلثات (بواحد بواسطة المصباح .. و الأخر بواسطة الرجل) واحد منهم أكبر من اللاخ طبعا .. لذلك راح نستخدم قاعدة تشابه المثلثين القائمي الزاوية

نفرض بعد الرجل عن المصباح = س
و نفرض بعد نهاية الظل عن المصباح = ص

من تشابه المثلثين: راح نلكي أنه

(ص)/5.4 = (ص-س)/1.8

5.4ص = 1.8ص - 1.8س

3.6ص= 1.8س

ص= 0.5س


هسة نشتق الطرفين بالنسبة للزمن

مشتقة ص بالنسبة للزمن = 0.5 مشتقة س بالنسبة للزمن ( علمود نطلع سرعة س و ص

مشتقة ص = 0.5 * مشتقة س

مشتقة س (اللي هي سرعة الرجل) عدنا .. تساوي 4كم /ساعة

راح يكون عدنا مشتقة ص= 2 كم/ساعة .. و هي سرعة ظل رأس الرجل


طول ظل الرجل = (ص-س)

باشتقاق الطرفين

معدل التغير في طول ظل الرجل= مشتقة ص - مشتقة س

= 2 - 4

= -2 كم/ساعة

= - 0.55 م/ثانية

العلامة السالبة .. معناها أنه الظل دا يقصر (بابتعاد الرجل عن مصدر الضوء

و منتظر التصحيح إذا عندي خطأ

و هذا التقييم طبعا على المشاركة النوعية جدا .. .. مع أملي أنه تستمر ويانا

[EvAnEsCeNcE]

راح اجاوبك عالسؤال الثاني :

توفي رجل له 9 اولاد وترك مزرعة مقدارها 81 نخلة تنتج النخلة الاولى كيلو من التمر والثانية 2كيلو والثالثة 3 كيلو وهكذاحتى الواحده والثمانون تنتج 81 كيلومن التمر ،،، المطلوب توزيع النخل بين ال9 الورثة بحيث يتساؤون في عدد النخل والكيلوات؟

نكول 9/81=9 كل رجل ياخذ 9 نخلات

ووراها نجمع عدد الكيلوات من نخلة رقم واحد الى نخلة رقم 81 ونقسمة على 9 يطلع الناتج وهو عدد الكيلوات الي ياخذها كل فرد

واذا خطأ جوابي صححولي


شكرا الك المدرس

[Samer]

يمكن خطأ جوابج

أكيد كل واحد راح ياخذ 9 نخلات .. علمود يكونون متساوين بالعدد

بس .. يا نخلة و يا نخلة راح ياخذ .. هنا مربط الفرس

.. هسة خللي امخمخها

[Samer]

نعم .. هسة مخمختها ..

طبعا المجموع مال 1+2+3+4+5 + ...... + 81 = 3321 (سويتلها برنامج يالة حليتها)

لذلك لازم كل واحد بيهم ياخذ 369





عدد النخلات = 81
مجموع الكيلوات = 3321
مجموع ما يحصل عليه كل ابن من الكيلوات= 396
مجموع ما يحصل عليه كل ابن من النخلات = 9


بس .. يا نخلة و يا نخلة ياخذ كل ابن؟؟ صعبة اتوقع

[EvAnEsCeNcE]

لعد اني شكلت حلي صحيح عيني مو خطا يلا قيمني هع

[EvAnEsCeNcE]

راح تكول
3321 تقسيم 9 يطلع 369

[Samer]

ههههههه ..اوكي ..بس.. الحل الكامل أنه نعرف يا نخلة و يا نخلة لكل ابن.... اوكي اللي كاتبته صحيح ...بس الباقي شلون ؟؟

[EvAnEsCeNcE]

ههههههه ..اوكي ..بس.. الحل الكامل أنه نعرف يا نخلة و يا نخلة لكل ابن.. بينانتنه الحجي .. اوكي اللي كاتبته صحيح ...بس الباقي شلون ؟؟

باوع هو مكاتب بالسؤال يا نخلة ويا نخلة راح ياخذوها هو رايد عدد النخلات لكل فرد وعدد الكيلوات لكل فرد .. واني طلعتة الة ..بس تعاجزت اكتب اراقام رئسا كتبتها حجي
هو انو انت تجمع عدد الكيللوات من 1 لل81 وتقسمة على عددهم يطلع شكد ياخذون وفضت راحت خخخ

[Samer]

جمع الارقام ما يحتاج بالحقيقة برنامج .. رغم اني سويتها ببرنامج ..بس ممكن استخدام هذه المعادلة

[(س+ص)/2] × ص- س .... حيث س الحد الاول و ص الحد الأخير

(81 + 1)/ 2 * 81 = 3321

أما معرفة أي نخلة راح تكون لكل ابن .. تنحل بطريقة المربع السحري .. اللي يكون ذو حجم 9×9 .. و لازم الأرقام بيه يكون مجموعها متساوي أعمدة أو صفوف و يساوي 369 عل حد علمي البسيط