ليش هاي الدنيا تحسب للبعيد
وليش ماترحم ابد اهل العشك
ليش لو نزلت الدمعة بلاضمير
تحرك الوجنات من تنزل حرك
ليش بس الليش صارت للعتاب
اتخيط المجروح وتعيد الفتك
ليش احنا انعيش في هذا الزمان
ونعرف من الدنيا اصلا نفترك
ليش ماكو اصحاب في هذا الزمان
دور انته وشوف صاحب من صدك
تدري لوتسكت ترة ماتلكة أكيد
ولاتضن يتعنى والبابك يدك
أنته نص صحراء وأدور امان
يصير بالصبار وادور عثك
سوي قرعة الصحبتك وكت الشداد
حتى تلكة ابهاالوكت كبلك يطك
ومن تهد انته يهد كبلك اكيد
يصير الك بارود ومعبه ابفشك
دورت آنة ابصحبتي وهم لكيت
صحبه فعل وقول بمزامط تفك
مو مثل صحبه فقط بس بالكلام
من الخجل كصته ماتنكط عرك
من تصاحب صدك مو صحبة كلام
ماتميز شنهو جذبة من الصدك
أكو صاحب يصدك جذبة من يحجيه
وأكو عكسة يشوفك بشدة شهك
#بقلمي_علي_البدري
16/9/2013
رد مع اقتباس
