هذه الصورة في بغداد عام 2013!.. ويمكن أكثركم ملحگتوا على هاي الأيام بس أكيد أهلكم سولفولكم عليها.. كانت تصير تفجير ات بالشوارع .. سيا رات مفخخة وأنتحاريين! كانو الناس كلش تعبانين ..خدمات ماكو وكهرباء ماكو ..بالصيف توصل الحرارة أكثر من 45 درجة والكهرباء تجي ساعتين وتطفة ! وهالوضع تعب الناس كلش وخلاهم دائماً أعصاب بحيث تخيلوا جانو حتى بالفيس بوك ودرر العراق يتعاركون بالكومنتات ! والعراقي يحجي على أخوه العراقي وطلعت بيناتهم تسميات (س ، ش) يمكن أنتوا متعرفوهن ولا تعرفون معانيهن.. وبعد هذا كله بدو العراقيين شوية شوية يعرفون أنه هم أخوة ويجمعهم وطن واحد وحطو مصلحة الوطن فوگ كل أعتبار وحطو إيد بيد وبنو العراق وسووه جنة مثل مدتشوفوه هسه وكل الخير إلي أنتوا هسه عايشين بي جان بفضل حكمة أجدادكم !
پروفــة هذا البوست سوف يتم نشره في عام 2040 !
رد مع اقتباس
المشاركة الأصلية كتبت بواسطة أبن ذي قار
