لانني احبكِ لن اقول لامي عن سبب احزاني لان دعاء الام مستجاب
علي سوي فضل مابيه حــــــيل الشوك
العشك للعنده واهس وانــــــه ما عندي
الغرور مفصل فصال عله عرض كفاج
صعبه عليج بس لــــــــخاطري تهدي
الفلح تحسبلي الف حساب انه العاكول
يجنـــــــــــــــــب مكاني المار متعدي
جريــمه النخله اذا مابيها تمره تحير
من تكـــــــصدها من المستحه تندي
الياكل مستحه يكضي العمر عطشان
ياســـــــــاعه التمرله تحسه متغدي
صرت شايب واخر عمري راد يتوب
ولكــــــــــــــفته المنيه كبل لا يبدي
حال المنتظر صاحبته عشر سنــين
ولكــــــاها بدله بيضه وهوه متعدي
حسرتي عليج حسرة شيخ ضكه العوز
وباب اليـــــــــــــــــخدمه كاعد يجدي
اليعيـــــــش بهور وتغرب لغير مجان
روحه تــــــــــشيط لمن يذكر البردي
جزى وكت الدلع عالفطره خل نعيش
موج الشــــــــيب ضل يتلاطم بخدي
انه عــمري جبير وكلش بيج زغير
بس عن حــــــلفة الله شعرج بكدي
عمر كبرني عشكج سهر شيب هموم
يمته انساج خــــــــــاطر ارجع بكدي
عساج بــحركه مشلل وعرضه نباك
يريد يغــــسل عرضه وحاله متردي
جرحه بطوله حــتى خياله ينزف دم
ويلم دمه ويــــــشوف الحيل متبدي
العاشك لو حجي بمحبوبه شعر عتاب
غزل يطلع بـــــــشعره منين ما يبدي
~~~~~~~~~~~~~~~~~~~~~~~
تقبلوا كل الود لكم سادتي
وهذا رابط القصيده
http://www.dorar-aliraq.net/mp3/%D8%...88%D8%B1%D9%8A
رد مع اقتباس
