الحبيب والحبيبه
الحبيب
*****
حبيتج لأن ايه بصفات انسان
بيج انبنه الحب باجمل احروفه
يا اجمل عشك يا تاج عالنسوان
راح اعزف بحبج احلى معزوفه
بعيونج سهم وكليبي بيه نيشان
بأول نظره منج سلم اجفوفه
ابد ما نام كلبي وباقي بس سهران
من شافج لهسه مفارك اطيوفه
الحبيبه
*****
من يوم العشكتك وبتدت دنياي
تشعلي شمع وتطش علي اورود
يا محلى الحياه البيهه انته وياي
يا ريت السحابه السوده ابد متعود
بالفطره احبك ونته تدري بهاي
اتيه بحر حبك وافلت الموجود
حبيبي انته وحياتي وعشكي وهواي
وبعد الباري يمكن انته بس معبود
الحبيب
*****
ماعوفج جذب والكالج جذاب
شلون انساج ونتي الساكنه عيوني
احبج واعترف انتي اول الاحباب
وذا اكتب حياتي تصير مضموني
ماعوفج ابد لا تضن مني اغياب
وكون من ارد اعوفج يعمن عيوني
ولأن اسمج كتبته بحبر فوك الباب
كاموا بسمج العالم يسمووني
الحبيبه
*****
اذا بسمي تصيحك كامت الناس
انه الناس ملت من ذكر اسمك
بكثر مايطلع اسمك ويه الانفاس
احس من اشوفك اجمل احساس
تشوفك كل صبح هنيالهه امك
احطك بين عيني وتاج عالراس
لو كلمه حبيبي اسمعهه منك
أهــــــــ خـاص ـــــــــــــداءءء
رد مع اقتباس
