ما اشتهي بيوم احجي وي غيرك
وﻻ تشتهي عيوني الغيرك تشوف
وتدري شكد لهفتي اعليك يفﻼن
بكد ضيم العراق اعليك ملهوف
تسحك عالكلب صدكني ما اخاف
بس آني اعلة مودك عايش بخوف
ﻷن كلبي درب وجروحة عشرات
وخاف تطيح من تسحك بﻼ شوف
شكلك آني احبك والله غلطان
ﻷن حتة اﻻحبك ناقصة حروف
وصل حبي الك حد ماهو معقول
بحيث وياي انتة واني اشتاك
تشابكني وتشاقيني واشاقيك
واصيح الله واكبر بسك فراك
ملك آني اعلة طولي وانتة وياي
وأذا تبعد ادنك وآخذ الراي
ودكات الكلب تتعارك اعليك
واسمع صوت بيهن طاك ما طاك
وبس انتة عليك تشخص الناس
من كد ما حلو من بعيد تنضاك
وصاير بوك بالحب هاي اﻻيام
لذلك ما اعوفك خاف تنباك
رد مع اقتباس
روحي الك
