هنا

[حيدر الناصري]

ابوذيات الشاعر الكبير

نائل المظفر


صكر كلبي على كاعك لو نصح تك

كبل انتة الصحتني لون صحتك

ونصحتك ليش تزعل لو نصحتك


واذا تزعل ترة متائثر علية




,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,



احس بسنين هجرج عندي ميات

العني يروح مثل عندي ميات


وانة هواي مثل عندي ميات


وشرط كل وحدة منهن تسوة مية






,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,




كبل ماعندي غيرك لاابدلا


وبرموش الحور رمشك لاابدلا


ولااضن يوم اعوفك لاابدلا


عشر الف عنك لويمضة بية




,,,,,,,,,,,,,,,,,,,,,,,,,,,,,,,,,,,,,


جرحك هذا عندي من ندستة


وانت الجمت كلبي من ندستة


المكان البي محبتك من ندستة


احس جروحة صبت كلهة بية



,,,,,,,,,,,,,,,,,,,,,,,,,,,,,,,,,,,,,,,,,,,,,




جروحي الدنيا كلهة ماشفتهة


وتفتهة تريد ترجع ماشي فتهة


انة الراحة بمحبتك ماشفتهة


لو مرتاح جان بين علية

,,,,,,,,,,,,,,,,,,,,,,,,,,,,,,,,,,,,,,,,,,,,,

كتلك لا تجيني لاتمرلا


شتضن البصرة تحلى لاتمرلا


شبيهة البصرة ضلت لاتمرلا


جذع واكف ومابي شظية


,,,,,,,,,,,,,,,,,,,,,,,,,,,,,,,,,,,,,,,,,,,,,,



امر تامر كيف من تمرنة


العسل بشفاك اطعم من تمرنة


كلهة البصرة تطلع من تمرنة


وتتلاكاك من الناصرية

[pretty osa]

حلوات

[ملكة المهندسات]

حلو وشاعر راقي