حاير شـــرد اكـــلك لو حجيت ويــاك
ومن توكـــــف كـبالي شلون أمثــــلك
إذا حالة جروحي الصخر منهه يصيح
ولو مرت عشــــــرهه بكلبك تســـلك
وتعــاتبني وتكـــلي شبيك شــو مليت!!
بعد ما مرمرتني شــــلون مـــااملك؟؟
اشتريد أبقه جكارة تحطني بين حشاك
ومن تخلص جمرتي تدوسني برجلك؟؟
إذا تــــزرع ورد وبصفة تشــــعل نار
يا فـــلاح يرضــــه انوب يشــــــتـلك ؟
لا تجرح الغــــيمة ومن يجيك الصيف
تتوســـل تريـــــــد المـــــطر ينزلـــك
ولا تنتظر روحي ترف عليك انــــوب
بيـــــــدك تيهتهه شـــــــلون تنـــدلك؟؟
غشـــــيم آنه بـمحبتي جنت حيل وياك
جنت ماخافـــــك وما جنت احســـبلك
بكـــت مني حياتي وما وفــــيت وياي
بعــــــد لتــــظن ترد الروح تـــآمنلك
لغز جنت بحياتي وجنت دايخ بيـــــك
لكـــــن بالنهايــــة آنه عرفـــت حلك
انته بكل بســـــاطة ابد مو انســـــان
وبعد هذا الحجيته كلشـــــي ما اكلك
رد مع اقتباس
