ادك روحي نذر.. للجايب ابشارة..
واورجة اعلة الجروح..المالهن جارة..
جرح ينزف..جرح باني..اعلة بسمارة..
خجل..
والمايخاف اللوم..يرضة ابذ لتة وعارة..
يالمبشر...
متى المكصوص جنحة..ايطولن اكصارة؟؟
ومتى الوكت الترادة , ايبدل اطوارة؟؟
ومتى العايش غريب , ايأمن ابدارة؟؟
يالمبشر...ممحلة الروح..
غيمك..عزت امطارة..
او جثيرة المايهزها الضيم..
جن اكلوبها حجارة..
ولو.. لذة عشيج الموت..كلبة ايموت بسرارة..
لجن..شانت على المذبوح..
دمة..ايضيع فجارة..
دفك عينك..زمانك ليل..
ليل..ايريدلة انطارة..
ولا كلشي الجليتة ايطيح زنجارة
ولا كلمن يموت ايضيع تذكارة
هلبت..مات((جيفارة))؟؟
او هلبت..((هوشي منه)) انكطعت اخبارة؟؟
عمت عين الوجاغ الماتشب نارة
ولو..دنياك غدارة..
ولو..جرحك..جرف تعبان..
تغفة الآخ باكتارة..
لجن..بية العتب شارة..
امن اشوفن..دانك السفان..
صار الروج...حدارة
يهلتشبر , خيال الليل
وترد..كاصرة اشبارة..
اعلة هونك..بية الك حسبات..
كلها اغيوم مطارة..
ابدمع..يادمعة المهظوم..
ما تعتاز.. تسيارة
يناري..
الماجوت نارة..
يعاري..
المالجم عارة..
اعلة هونك..من يهاب السيل..
لو ينخاض... تيارة..
اعلة هونك..
من تربه اهلال..
غطت غيمتة انوارة..
دذر جرح الصبر بارود..
خل يتباهن اكتارة..
بيارغ..من تضيف الموت..
يخشى الموت..خطارة..
آنة الجرحك..عشت مجروح
وانتة...ابعشر معشارة..
ألم بية الوجع نيشان..
ثاير..ما يرد ثارة..
واهزك هزة المطعون..
من تتلايم اكتارة..
اعلة وكتك..والوكت مشوار..
غمة الباع مشوارة..
واداري العيب تتداررة..
اداري العين..انتة العين والدم..
او رفيف الدم...
اداري الآه..انتة الآه..
وانخة الروح..لا تهتم..
اداري الحيف..كل الحيف..
ظل بيك الحلم..يحلم..
اداري او كضت روحي انذور..
لا ود...لا شمل يلتم..
يهاوي الروح غم الروح..
كون ابشان ما تحلم..
يباجي العين..ذل العين..
بالدمعات تتوشم..
هظم..والشال هظم الناس..
لوجه الموت ما يندم..
لون..شحت دموع العين..
خل دمع العتب يلتم..
ندامة اعلة الشرغ ينداس..
والداس الشرف يسلم..
ندامة..او عزة المندوم..
وكت الثار يتحزم..
فشك..والما فهم معناك..
بزموم التفك يفهم..
اوجرعنة..اشجم شكل علكم..؟؟
ونت طيف المحبة..او شوك الولاية
أنت..زخات غيمة..ابكاع صبخاية..
يشاتل بالكلب دايات..داية اتلوب من داية..
يبو شط التعيش اوياك..
قصة طينتة.. وما ية..
اشتكل لمشذبات الروس...
لو جن ليك..شجاية..؟؟
اشتكل للطاح..بين ارماح..
كلها اوياه كصاية..؟؟
اشتكلي؟؟
او بيك روحي اتموت..
وترد بيك تتحاية
ابرجاها..ولو كسرها ايجيد..
تصرخ..وين جبارة..؟؟
او ثكلها..او عادة المضهود..
بالمعبار...يتبارة..
ولو ..جرحك جرف تعبان..
تغفة الآخ..
بأكتارة
لجن....شانت على المذبوح...
دمة يضيع فجارة
ملاحظة: القصيدة لاخوانا الرفاق بالعقيدة
رد مع اقتباس
