هنا

[LOOOOOLE]

في ماليزيا: ترقيات وهدايا لمن يقلع عن التدخين

كوالالمبور - د ب أ :
سيتمتع موظفي الحكومة في ماليزيا الذين ينجحون في الإقلاع عن التدخين بمكافآت تتراوح بين الترقيات و الهدايا القيمة مثل الأجهزة الكهربائية والعطلات، حسبما ذكرت صحيفة "ستار" الماليزية.
وقال رئيس وزراء ولاية "ملقا"الماليزية، محمد علي رستم، إن موظفي الحكومة فقط الذين يتمكنوا من الإقلاع عن التدخين وفق إطار زمني سيكونون مؤهلين للحصول على المكافآت، وأشار إلى أن الحكومة ستشكل لجنة خاصة لإدارة حملة الإقلاع عن التدخين.
وشرعت الحكومة المركزية في ماليزيا خلال السنوات الأخيرة في تنظيم حملات لمكافحة التدخين، بما في ذلك رفع أسعار التبغ وتوجيه تحذيرات صحية إلى حوالي 3 ملايين مدخن.

[Ammar]

مشكور لول على الخبر بس لو مطبقي بالعراق قبل 5 سنين كان اني استفاديت هههههههههههههه تحياتي

[جاسم الزركاني]

فكره حلوه بس ماأعتقد تنفع مع المدمنين

لاني جربت بعد نصيحة احد الاطباء عندما قال لي ان كنت تريد حياتك اقلع عن التدخين حاولت ولكني عدت لها بشوق وحنين وفضلتها على حياتي

نحترق من اجل كل شئ الا السجارة تحترق من اجلنا

لك تحياتي وودي

[Daleen]

معقولة ابو علي تختار السكَارة على حياتك ليش اكو اغلى من الروح ؟؟؟ وشنو هذا الموت البطيئ والسم
تفضلة على صحتك وعافيتك ... الموضوع حلو والمبادرة مشجعة وهذه ماليزيا اني واثقة راح يلتزمون ويطلعون بنتائج مبهرة
بس لو بالعراق لا ابد والله يستخدمون غسول فم ويقشمرون الدولة ههههههه شكرا لوووول

[Ammar]

فكره حلوه بس ماأعتقد تنفع مع المدمنين

لاني جربت بعد نصيحة احد الاطباء عندما قال لي ان كنت تريد حياتك اقلع عن التدخين حاولت ولكني عدت لها بشوق وحنين وفضلتها على حياتي

نحترق من اجل كل شئ الا السجارة تحترق من اجلنا

لك تحياتي وودي

والله اخوية جاسم اني صارلي حوالي اكثر من 5 سنسين من تركت التدخين والله شاهد اليوم كنت جالس مع بعض الاقارب وكلتلهم اتمنى اني هسة مدخن لان الجكارة مثل ماهية مكروهة وكلها مضرة بس اللي يتعود عليها صعب يتركها ودالين انتي حقج الحمد لله ما تدخنين بس مثل ما تفضلتي مضرتها تعم على كل اللي حولك مو بس انت وخصوصا اذا بالبيت اكو اطفال واني بطلت خوفا على صحة اول طفلة من اطفالي من شرفت للدنيا ههههه

[Daleen]

لا هي بعد عايزة بس ادخن يمعود بابا مسوي نظام بالبيت حتى الخطار من يجينة يمشي علية
طبعا ما عدنة احد يدخن بس اخوي من يطلع وي جماعتة يزغلط مرات ... بس بالبيت لو يبقى سنة ميشربها ابد
طبعا الاصدقاء تدفع وتسوي واهس ... واحييك على اصرارك بترك التدخين علمود طفلتك الله يخليها الك
ابو علي يرادلة فد طفل بلكت علمودة يترك التدخين ... اتمنالكم الصحة وطولة العمر ان شا ءالله

[مازن]

فكرة جدا جميلة ومفيدة لو تطبق في العراق لاقلعت عن التدخين
مشكورة لولي
تحياتي

[fairy touch]

هاي شنو كلها طلعت تدخن ....الله يساعد اللي وياكم ......واحييك عمار ...طلعت بطل الابطال وفضلت بنتك على رغباتك ...

حلو الموضوع ..تحيا المبادرات الراقية.