عشرة ندم ... زين المواسي
أعض أيدي بندم لو مرني طاريك
وأشهك بالنفس وأتنفس الحسرة
ألف ندمان أعلى كل لحضه العشته وياك
لاملح غزر يفاهي ولاغزرت عشرة
ولا ضحكت فادت لا موقف اثر بيك
لاهمسة مسامر , لا ليلة السهرة
بعدهن عالـنجم مكـتوبـة أحلى أيام
عشناهه مثل ليل أبحضن كمرة
يل عايش بوشلة خلك كل يوم الك زعلان
أنة كل خلكي عشته اعلى المرة والمرة
ويل ناكر سنين احلى سنين انكظت وياي
أنة ما شايف سمج ينكر فضل نهرة
مو صوج الهوة لو مات البشر مخنوك
بس صوج الاهموم ال عل كلب كثرة
الطير اذا تفتحلة القفص قطعا يطير بساع
عرف معنى السجن واستوعب الفكرة
وامر من الطير انة حالي بلا قفص مسجون
اشوف الضوة بعيوني وما ضكت قطرة
اقنع بالجذب روحي, واكله لاموقفص ياروح
متن اهواج هذا بهيئة الشجرة
او وصل بية الامر كمت احسد المسجون
وبارك للمات بحرب والكطعو نحرة
وانة يوم جفاك جن رمضان صمتاه
عـليل ولا مــل الــــدلال صمتاه
صم ضاع العمر بالراح صمتاه
بزماني الكظة بس اذية
رد مع اقتباس
