واهس دنيه بيه امفرفح اعليك
اواهس بيك دمعه ابعين عاشور
يعني الفرق بيني وبينك ابعيد
مثل فرق الحدايق عن الكبور
عشرتي اوياك عشرة ليل واحساس
مثل عشرة غصن لجفوف عصفور
على افراكك شوصف الحال بجفاك
جكاره وحطني ليلي براس ناطور
ادور اعليك شهكه بروح غركان
وتجر اخر نفس بروحيتي ايدور
انطيتك عمري خاف امعوز ايام
حد ما كتبو بوجهي انسان مهجور
مامكسور خاطر جنت الاكيك
بس هسه العمر بجفاك مكسور
مثل الضاع دمه ابين غمان
نضرات الشماته ابخاطري اتثور
انه مظيع حلم بي شاهد الليل
وبانيله خلك وعيون ونذور
ماخذ غيبتك يالعازم الشيب
عله راسي ومحبتك شاهده بزور
ابرد من هوه أجوريد ملكاك
وانه ملكاي سعفة براس تنور
رد مع اقتباس
