شيغزر حبيبي إبعينـك إوشتريد
صغتلـك روحي جـنجـل وإلسنيــــــن إدروب
إوساورتـك كلب بـضلوعي من إلناس
إوحتى إضلوعي صارن يالحبيب إكلـــــــوب
كابحت إلعرف وإلناس والعادات
إوحبيتـك رغم مابيك من إعيــــــــــــــــــوب
أعد إنجوم عمرك ساهر إوية الليل
وأسلهم وأنسه ماعديت أفز وأرجع وأعد إنوب
إودمعتي إعليك تنزل بالفـرح وأتراح
ولك والله إمن أعدهن تـرس ست إحبــــــــوب
توافيني إبجـفـه إوهجران يبن إلناس
إوهذا إبكلبي سهمك بالهجر مصيــــــــــــــوب
لاأريد إلجـــزه إولاأريد كل شكران
حاجيني إبهده وإهجـرني بس باسلـــــــــــــوب
علمني إشبـده مني إشجـنيت إوياك
حال إلناس كلمني حبيبي إحسبني مو محبوب
نسيت إشكتلي وشكتلك نسيت إمعاهدك وياي
نسيت إشكتلي يم إلماي إعوفـك كون هذا إيروب
تخون إوتغدر إبلا راي غـم هالراي
إوتتركني ذبيح إبشوكــك إومتعــــــــــــــــــــ وب
ظنيت إلقيامه إتكوم بالهجران
إوشمس إلكون تشرق من يـحل إغــــــــــــروب
أثاري إنته ضميرك مو مثل هالناس
كـلمتـك وحده يمي إوميه ذاك إلصـــــــــــــوب
ولـك مكسور خاطر يالعفتني إعليك
تـعال إمسامحك للدوم بس أشرط عليك إتـــوب
رد مع اقتباس