هنا

[الأشتری]

ديرة الفقره

بدیرة الفقره سوالف بایته بحلگ الرصیف..

بديرة الفقره جرح شايل قصايد..

جرح لابسله قميص من النزيف..

ديرة الفقره انعدم بيها الربيع..

وكلشي اصبح لونه اصفر..

حتی سالوفت عشگنه اثیابها اتبدل خریف...

ما لگینه الکحل لعیون القصیده..

الهسه رمده ومایفارگها الرفیف..

آه یا دیرة فقرنا اشگد نحن لعجودچ الملیانه شوگ..

آه من عثرات شارعنه الدفنه ابطینه کل الذکریاة...

آه من حوبة ملح خبزات اُمنا ..

چنه من انبوگ چلمه انخاف نحلف بالرغیف..

آه من ذیچ اللیالی السامرتنه وساهرتنه..

چنه نلبد بلعجود ونشرد بگاع الطفوله.. ،

چنه اکبر من عمرنه.. اهوای اکبر..

بینه لون من الرجوله..

آه یا اُمنا الخجوله..

اُمنا یاشیخة نساء الکبریاء. .

اُمنا ماعدها ریاء..

شمعه ضوّاها الصبر دین وحیاء...

من یمر طاري الضحک بشافنه اتشوف السوالف تنکسر مثل الشجر..

واُمنا فوگ اخدوها ایسیل النهر...

.چانت اتغطي المصایب و الجروح ..

ای یبستان الطفوله اشگد تفوح ..

بحایط الأفکار ذکری وما تروح .

باقیه اتسولف جرح ینزف حنین ..

باقیه اتسولف عشگ ذیچ السنین..

آه من ذیچ السنین . آه من ذيچ السنین...

ومرّت الأیام رمشه ..اشگد سریع العمر عده ..

رد یعمری .. رد يعمري

احلامی مزروعه ابحضن ذیچ المخده .

رد علی ساعه واخذ منی صفنتی..

خنجر الصفنه ذبح طفلة ضحکتی..

مر على اتراب الشفايف غيمه سوده..

اعیونی ترفه وحیل ذبّلها السهر..

انا محتاجك مطر...

انا محتاجك گبل لا انتهی ابدرب السفر..

الشاعر سيد حسن الشريفي-الأهواز

[النقيب]

اختيار جميل ومميز
شكراااااااااااااا

[الأشتری]

اختيار جميل ومميز
شكراااااااااااااا

شکراً

[طيبه]

حللللللوووووووووووو

[الأشتری]

حللللللوووووووووووو

شکراً طیبه

[ملكة السعادة]

روووووووووووووووعة شكرا جزيلا

[تشيللو]

رووووووووووووووعه يارائع...

[فاينمن]

قصیده رائعه و جمیله شکرا شاعرنا

[الأشتری]

قصیده رائعه و جمیله شکرا شاعرنا

الشکر موصول الی سید حسن