هنا

[اسرار بلا عنوان]

يالعاشرتني عمر
ايام حلو ه وجمر
ابتدت من الصغر
من زمن دور ودار
لريتي جنت الهوه
وليلي جنت الضوه
جدمي على دربك فكه
من يوم جنا صغار
يمك اذب التعب
ياماي دجله العذب
وجنامن نكعد سوه
حتى الطيور تغار
يالخذت روحي ورحت
بيك شكثر فكرت
اعليك مادورت
بكل ذره الك تذكار
سافرت وبلا سبب
روحتك اكبر ذنب
يالعفت روحي خشب
ايد الوكت منشار
وجهك كبالي كمر
يشرب ايام العمر
ومتاني جيتك برد
بعروكي تطفى النار
يالعفت روحي بوجع
علخد كصيبة دمع
ضليت اكتب حزن
هلبت يهزك سطر
وترجعك الاشعار
يالذاب شخصك ملح
ماشفت بعدك فرح
كلش جبير الجرح
واحلامي حيل صغار
يالبيك حادي حدى
مر بوركتي ندى
مر بيه حتى لو صدى
الحيطان وحشه تظل
لومايمر البسمار
الحيطان وحشه تظل
لوما صددى البسمار



عادل العيساوي

[مغلق]

الله على ذوقج الرارنج

[سجايا]

من فتره واني ماقاريه شعبي ..

جذبني عنوانها ...اختيار رائع اسرار

عشتِ

[النقيب]

اختيار جميل ومميز
شكراااااااااااااا