يصاح شبيك صاير ماتردني
وشحيحة اخبار شخصك ماتردني
جنت دوم من اطلبك ماتردني
شجاك وقفلت بابك علية
............................................
دروس الدنيا مو سهلة عبرها
وسعيد الي امتحن بيها وعبرها
الشماتة تكول ها يرسب عبر ها
واخذت بكل درس اخلاق مية
.................................................. .................
المصايب للمصايب سلمني
وعزيز الدمع لكن سال مني
جفوف الضيم كوة سالمني
ولون ذرعاني الجانت قوية
.................
اخوكم يوسف
ابوذية جميلة
بس ماعرف اذا مضبوطة بالوزن
شكرا الك
الاخ الغالي بما انك
طلبت راي
في راي المتواضع الابيات من ناحية الوزن موزونة
لكن من ناحية انتقائك للجناس فهنا جناساتك مطروقة لاكثر من مرة
اتمنى ان تتانى في اختيار الجناس
وانتظر جديدك بشوق
اخي العزيز يوسف
انا اتفق مع الاخ صائغ الحروف بالرأي
لكن هي كبداية بداية جيدة نتمنالك التوفيق والابداع اكثر
اكو شخص راح يفيدك هواية عندة المام بالشعر الشعبي
الاخ كونت افضل تاخذ راية لان مراح يجامل وراح يفيدك كلش
بالنسبى الي انصحك تقرا هذا الموضوع ربما يفيدك بشيئ
http://www.dorar-aliraq.net/showthread.php?t=433
مع ودي وتقديري لك ولكل المارين بموضوعك
رد مع اقتباس