انا ابحضرة جمالك ازهد العشاك
متطرف ابحبك قافل البيبان
من تگبل علي سجادة اسوي الروح
واتوضه ابعطر لو شفت وكتك حان
اتعثر اگبالك بالجذب تمثيل
خاطر بالوجه تاخذني بالاحضان
ماجني حضنتك جني هذآ اليوم
حاضن جنس حوه امننخلق للآن
تعله انفاسنه اونعرفهه ماهي انفاس
حمم خلص صبرهه اوتنذر ابركان
اويهب عالي الهوى اوشعرك عليه يثور
شن ضدي حرب ماخله حسنك بان
يصعد عالوجه ويبوسلي الوجنات
انزله اعلى الزنود ايفصللهه اردان!
راح اغرگ ابشعرك لو ردت ماموت
دنيلي الشفايف وانقذ الغرگان
طولك مستقيم الدنيه تحلف بيه
بس خصرك فضحنه ابكل وكت سكران
معذور ايتمايل شرب كومة اعيون
هوه احنه النباوع صار عدنه ادمان
رد مع اقتباس
