حطني اعله بالك من ترد لهلك
وادخل غرفتك شوفني بياكتر
منتظرك ومريت بيهه بوكت
جنت انته باحظان الاضد مستقر
شكد قسيت وياي انته وبعت
وانه لرجعتك حاطلك جم عذر
يالشوفتك عندي بغلاة الهوه
يااحلى نسمه شعلمك عالغدر
جنت انته طيب لكن تغيرت
وصارت صحبتك جنهه صحبة شعر
خلي اعله بالك حسرتي وعلتي
مو عن فراغ افترن اعله العمر
الهن سبب ياسبب كل الجره
الاه ونحولي والعسر واليسر
جافيتني وجافاني كل الاحب
ومرات افز بالليل اريد انتحر
بيدي اشد الحبل بس اختنك
واجبن واكول تعود باجر فجر
الهث محنه ولهفه واشتاك الك
عشرين عام لشوفتك مختمر
عود اعتنيك اعله النبض استدل
وافتر بروحي ولاالك كل ذجر
اسمع اخبارك زينه اشبع فرح
يذكروك بيه تكول عشرة فكر
مالك فضل بس انه احس بطلب
للموت اوافيك واظل منتظر
الشاعر مهند صاحب الربيعي
رد مع اقتباس
