من تزعل احبك ترضه احبك موت
قفل بالي عليك وصرت مسجونك
ومن كلبي اغار اعليك تعرف ليش
جي يحترك منك كتله خي عــونك
محد يشبهك واهلك احتارو.. بيك
من تطلع وتـرجـع مايعرفـونــك..
احسد صفنتك واحسد السكته البيك
ولأن تفتر براسك احسد ضنونــك
لونك يختلف مو مثل لون الناس
ربك مدري شنهي اشخالط ابلونك
باوع على عيونك بلمرايه وشوف
تلكه اعيونك انته تغازل اعيـونك..
مدري شلون لونك لون يع** لون
ولونك يسـئلك.. ويكـلـك شـلونك...
صحيح الناس عدهه عيون ويحسدون
وتعرف ليش ماكدرو يحســـدونك
على امتون البشر ربك يحط ملكين
وانته اثنعش واحد حط على امتونك
رد مع اقتباس
