السلام عليكم...!!!
اليوم كاعد اباوع علة التحشيشات علة فد منتدى...
فواح كاعد ايسولف علة فد موقف صار بي شوفو اشكال....::
.................................................. .................................................. ............................................
فديوم من الايام تعرفت علة بنية من النت بقينة فترة ورة فترة ...كالت اريد اشوفك كتلهة يابة ما اكدر كالت الة اشوفك
كلتلهة يابة عندي شغل .....الة اشوفك كلتلهة يابة اني ماما متقبل اطلع .... اليوم الة اشوفك....!!!
المهم قبلت.......................................... .................................................. .
بس كالت وين نتشاوف؟؟؟؟؟كتلهة بكورنيش الاعضمية كالت اوك...
رحت جان بوكتهة تموز والدنية حارة والساعة 3 الضهركمت اكمز اجت البنية وكعدنة نص ساعة واحد يباوع علة الاخر
كتلهة متحجين كالت شحجي شفت السالفة تعبانة كتلهة كومي روحي للبيت احسن راحت البنية....كالت هسة اني وين اولي بهل الحر؟؟؟!!!
خلي اروح اشرب نركيلة رحت للكهوة الي بالكورنيش كتلة يابة فد نركيلة علج ونعاع اجت النركيلة شربت منهة طلعت معفنة والمعسل خربان طغرت روحي
كمت
كلت خلي اولي لبيتنة
احسن
ضليت واكف ماكو تكسيات
ضليت
انتضر
انوب الدنية تصمط صمط
اجت كوستر مقبطة للقمارة
باوعت شلون راح اصعد المهم دفرة علة جلاق علة دقلة
صعدت كعدت كبال الباب
اجت مرية اتريد هم تصعد
كالت خالة بس الزم الجاهل خلي اصعد الجاهل عمرة تقريبا 5 سنوات
بس......
خطية ميت من الجوع ويبجي وامة كتلتة
المهم اخذت الجاهل
صعدت المرة كعدت ورة السايق
ضل الجاهل يبجي
كتلة باوع لك ترة ادفرك....!!!!
غير يسكت هم مسكت ضل يبجي
كتلة باوع بنية فاشلة وشربت فوكاهة نركيلة معفنة وصعدت بكوستر مال حدايق
يعني اسكت لا اشمرك من الجامة.....!!!!!!!!!!!!!!!!!!!
هم ما سكت طلعت الف دينار من جيبي وانطيتة.......والله سكت
انوب كام يضرب راسة بالكشن مال السيارة
كتلة شبيك باباتي تخبلت خما تخبلت
المهم انطيته تلفوني سكت ضل يلعب بالتلفون
ورة شوية شمر التلفون
كلت الاحسن خلي اودي لامة
شو امه لا سالت علية لا هاي شنو السالفة
المهم كتلهة خالة من رخصتج هذا ابنج اخذيه
كالت يا ابني وينة منو ابني؟؟؟؟؟؟!!
كتلهة هذا ابنج....
جان دكول شنو جاي ترتكب علية انتة؟؟؟
كتلهة شنو غير ابنج هذا كالت
لا.........!!!
كتلهة مو هستوج انطيتينياه حتة تصعدين..
كالت اعرفك تعرفني انطيك ابني
كتلهة وهذولي الناس شافوج يابة مو صح كالو اي انتي انطيتي للولد....
جان دكول انتو عصابة وجاي تلبسون الولد براسي
كتلهة يمعودة عدلي بدلي......
كالت مو ابني يعني مو ابني
كلت للسايق عمي اطبك علة اقرب سيطرة
طبك السايق نزلت اني والطفل وام الطفل والشهود
حاجيت الجندي كال اني معلية روح للضابط
رحنة للضابط
سولفنالة القصة كوولهة .....كال
اني عندي الحل كال توكف انتة علة اليسرة وامة علة اليمنة والجاهل بالنص
ونشوف علة منو راح يروح والي يروحلة يا خذة......!!!!
كتله فودة لعينك اني هستوني انطيتة الف دينار رحمة لااهلك شنو هذا الحل
كال اسكت لك انتة انتة تفتهم احسن مني ولك
كتلة لا حشاك
وكفنة
باوع الجاهل علة امة......
وكال بكلبههاي موتتنيمن الجوع وكتلتني وكل شوية كفختني شكتني شك.....!!!!
باوع علية....
وكال بكلبههذا هسة انطاني الف وانطاني التلفون بلكت ينطيني الف الثاني,,,,,!!!
شوهذا الجاهل اجاني ركض....
كمت اكمز اني..............يبووو يبوو..................!!!!!!!!!!!!!!!!!!
........................................,,,,,,,,,, ,,,,,,,,,,...............................
شوو
رأسااا
حسيت
بشي......!!!!
جان يدك المنبه وكعدت من النوم كلت الحمد الله اثاري جنت اتحلم.....!!!!
(((ههههههههههههههه....انشا لله يعجبكم موضوعي.....ملاحظة/ رجاااءااا الى كل واحد قاري هذا الموضوع من زمااان او شايفة قديم لحد يقلد علية !!!!! خلوني استمتع بمواضيعي الجديدة...اوكي؟؟؟؟فاهمين...ه ا صدك...ولحد يكول بايخ...او موحلو....او اي شي!!! ياااارب تستمتعون بموضوعي....وشكراااا)))
.................................................. ......
.................................................
رد مع اقتباس
