هنا

[جرح قديم ينزف]

طور جنوبي
احبه الكثير من العراقيين من الشمال الى الجنوب
غناه اروع المطربين امثال ابو انور ومهدي العراقي في السبعينات
اليكم بعض من هذا الشعر الشعبي


وكراه
حرك خدي مسيل الدمع وكراه
ومحرمني لذيذ الوسن وكراه
انوحن مثل طير الفكد وكراه
شماوجر حدا يصيحون بيه


عينه
ياربي لو نخاك البشر عينة
سودة وما تحب الكحل عينة
رفع طرف العباية وشفت عينه
شفت ميزان ونجوم وثرية


بسم
اكظك من تطير وتحط بالسم
يمن وجهك هلال العيد بسم
لون تزكيني بيدك عسل بالسم
مناعة من الامراض تصير بيه


علي عين
طارش ما يصح منك علي عين
ودولبني الوكت ياسمر علي عين
واريد مواصلك لاجن علي عين
الواشي واليحسدونك عليه


وانا الشاب
صرت شايب ينادوني وانا الشاب
بدليل اسهام من عندك وانا الشاب
يمي خابط يذاك انت وانا الشاب
شما اصفي بايد يخبط بين ايدية


واحد
مادرا بهموم واحد
عليك اصبغ هدوم الحزن واحد
مثل العبرت ياناس واحد
والآخر بينها وبينه المنية

من سعدها
ليالي جفاك ابدا" من سعدها
وحياتي بغير شخصك من سعدها
روحي الون اجاها من سعدها
اغني والغنا ترفيه اليه

وشالك
اخاف العاذل بحجية وشالك
شتحصل اذا ما تهوى وشالك
الكلب حبك كبل عيني وشالك
هام وهالبقت ناره ثرية

منطر
سهرت الليل اعد النجم منطر
وعيني ما تضوك النوم منطر
شفت وجهك عبالي الفجر من طر
كمت صليت من غصبن عليه


وندار
النوايب نحلتلي الحيل وندار
يصاحب دور شوف الحال وين دار
الوجه الله ثلثتيام واندار
بصباح بيوم حبي يرد اليه


ماتو اهلك
ترف جدمك علينا ماتوهلك
بسبب حبل المودة ماتو اهلك
صرت مثل الرضيع الماتو اهله
رضعته ودمعة عيونه سوية


مع تحياتي للجميع

ثامر العراقي

[المستبده]

الله يـعـــطــيك العــاأإأفــيه ..
.. بنتظـأإأإأر جـــديدك الممـــيز ..
.. تقــبل ــو مـــروري ..
كل أإأل ود وباأإأإقــة ورد ...

[رسامة الأمل]

جميييييل شكراً الك...

[رياض أبو احمد]

جميل جدا
وان كان الافضل ذكر اسماء الشعراء فهو اقرب للامانة وان كان مثل هكذا اشعار مع الاسف يختفي اسماء الشعراء خاصة ان كان مشاعا لكن يبقى انتاجا عراقيا شعريا جميلا