كلشي بوكتنه انكلب --
الدهله صاير عذب
واليل كبله صبح
اسرائيل تحمي العرب
وامريكا ضد الغرب --
ادور ويانه صلح
الغيهه كلمه عجب --
بتراب باعو ذهب ---
والنخل يزرع فلح
الملح صاير عذب --
بس ينخبط بنشرب --
صاير صديقه الجرح
اصبح بطوله الجذب
ومختلف حتى اليحب -
يرفع شعاره رمح
جان العشك مرحله -
مو ياهو يوصل اله --
بس اليوافي نجح
اعراضه جانت سهر
ام كلثوم ليل وشعر
ودموعه جانت فرح
جان اليحب نحسده
ونشوف وين ابتدى
وين انتهه وشربح
جاوين احصل امس
ومنين اجيب اليحس
موغيضي كلش طفح
رد مع اقتباس
