احم احم
سووووري جدا عل تأخير (ولو كثرت الاعتذارات هههه) .. جنت حييييييل مشغول على عدة محاور بالايام اللي فاتت .. بس خلصت تقريبا ، و اول خطوة سويتها بعد ما خلصت انه رحت شلعت رحاتي (اليوم) اللي ما جان عندي وقت إلها ههههههه .. و هسة أثر الجرح يوجعني . و حلكي بعده مخدر لحد الان بس المهم خلصت من هاي الرحاية اللي ضوجتني من قبل رمضان هع
المهم .. اعزائي .. اني دا اتحضر للسفر خارج العراق، تحديدا لماليزياطبعا (مو سياحة) لان اضوج من السياحة ههههههه .. المهم لفترة ممكن تكون بحدود السنة قبل ما تكون إلي أول رجعة إن شاء الله و بعدها سفر من جديد لمدة (6 اشهر إلى سنة) وبعدها ارجع واستقر بالعراق .. هذا كله تخطيط اولي ..و هذا أحد محاور انشغالي هو انه كنت اسوي اجراءات تتعلق بهذا السفر.. و اليوم خلصت كلشي و لله الحمد (وفلست من الروحات و الجيات من كوت لبغداد هع) وقطعت تذكرة على يوم 16/ 9 برحلة تستغرق 5 ساعات، دا اتخيل أنه راح اقضيها بالنوم لأن العجيب انه تطلع بالسبعة بالليل توصل ساعة تسعة الصبح رغم الرحلة تستغرق بس خمس ساعات فلازم انام و إلا ما احصل (ليل) انام بيه هههههه
على اي حال .. الخطط اللي (تنبثق من دوائر الدولة العراقية) دائما أشبه بالمغامرات .. ممكن تنجح و ممكن لا .. يعني جدا وارد انه اروح مثلا اسبوع وارجع والغي كلشي واكعد و اسكت بعد مثل اي مواطن عراقي هع . ماكو شي مضمون لحد الان عدا التذكرة اللي قطعتها اليوم و اللي ممكن استغلها فعلا .. و ممكن لا .. و الخير فيما يختاره الله
اذا رحت .. و بقيت .. ارتب امور النت رأسا بحيث اكدر ادخل للمنتدى ولباقي مواقعي و نشاطاتي الالكترونية بصورة اعتيادية، لأن الانترنت بالعراق هو اللي ما مضمون مو مثل الانترنت بباقي الدول اللي هو ابسط خدمة، و حاسبتي و كيبوردي و (الهاردات والاقراص مالتي) وياي
اني بس دا اكللكم علمود تعذروني على انشغالي بالفترة السابقة ، و كذلك انطي خبر لكل اصدقائي الالكترونيين و الواقعيين بخصوص هذا البرنامج
اما سبب السفر .. يعرفوه البعض
واوعدكم بمجرد استقراري أنه ارجع للتواجد الاعتيادي بالمنتدى ،و هو الشي اللي مقصر بيه طبعا حاليا.. تحياتي و مودتي
رد مع اقتباس
المشاركة الأصلية كتبت بواسطة ريتاج الطائي
