{اليوم بسواليفك حزن}
................
اليوم بقوانينك حزن ..
يازمن وعتاب
بس سالفه ظلت فرح
من صرنا شياب
من چنا بأيام الزغر
ويصحابنه باول عمر
من چنا طلاب
أبصف الاول چنا
بأعيادنا نحط حنه
نتعارك ونتصايح
ونتزاعل ونتصالح
حته بعركنه احباب
لعباتنا كلهن فرح
لابيها خاسر لاربح
أيامن كلها لعب
لعباتنا تريح الكَلب
لعباتنه أحلا ألعاب
سياره نصنع من سيم
بسيفون نصنع دولاب
نلعب دعبل
ومرات لعبتنا أچعاب
وختيلان بسد الباب
وجميدان...
أعلا الحايط مصفوف
وكابت
بيها ضرب أجفوف
ونلعب..
لعبة حرب أسيوف
وسيوفنا كلها أخشاب
أعيادنا أشكَد حلوات
أعياد..مو مثل اليوم
نصعد چنا مرجيحات
چنا نجمع عيديات
خمسات ونجمع عشرات
مابينا واحد مهموم
نفرح چنا وچنا أخوان
نركب عربانه أم أحصان
مانعرف
لاسنه وشيعه
ما نعرف
لاكردي وعربي
بس الحب
نعرف تشريعه
من زاخو ولحد البصره
ما مختلفه بينا النظره
جنا أخوان
وجنا أحباب
اليوم ببقوانينك حزن
يازمن وعتاب
بس سالفه ظلت فرح
من صرنا شياب
....
كلمات ناصر الموزاني
رد مع اقتباس
