"الدم والنَفَس"
مِشترِک ویای بلـــدم والنَفًس
لـو یمسّک ضیم دلالی لِمَس
اِنته های الروح والمُهجه سُوه
للنظر یا صاح بس اِنته ضُوه
اِنته تضوی اِسنین عُمری او تِزدِهر
لو خسرتک ما یظل عندی سِعر
السِعر اَشـواگ تمـــنح مُهجــتی
لو بچیت اِعلیک تِمسح دَمــعتی
لا تصد واِتــروح واَخسر دِنیتی
شنهو اَگل لنّاس واَحچی اِبقصتی
یا هو حطّک بین أنفاسي او غَرَس
یا هو بلهجران عن حبک حَــرَس
مِشتِرک ویای بلـــدم والنَفًس
لـو یِمسّک ضیم دلالی لِمَس
یا دلیلی اوشوگ عینی للنَظر
مِختصر کل مُوج واَسرار البَحر
سِرک المَکنون اَفضل مِن ذهَب
العَگل بهواک مِن عندی اِنسحَب
یل جنونی اِعلیک اُغنیه او شِعِر
فرحت الاَشواگ ما خَلّت سِتر
نازَعت فوگ الشفایف بَسمتی
ناب هجرک لحمی اُو روحی نَهَس
مِشترِک ویای بلـــدم والنَفًس
لـو یِمسّک ضِیم دَلالی لِمَس
الشاعر علی عبدالحسین
رد مع اقتباس
المشاركة الأصلية كتبت بواسطة حيدر الطائي
