وصت العباس وصيه ام البنين
تكله ياعباس لا تنسى الحسين
تكله ياعباس هاي وصيتي
ذمه اتظل بركبتك كلمتي
انه اترجاك يبني ومنيتي
من تضحي النفس لاجل المتقين
من تضحي النفس وتسيل الدمه
يبني لجل حسين تنصر فاطمه
هذا جبرائيل يهتف بالسمه
يصيح يبني ساند ابن المرسلين
يبني ياعباس اذكرنك حديث
انت بيه تصير لحسين التغيث
يوم يبقه حسين كفار التعيث
وحده لاناصر الكم لامعين
عاين العباس لمه وابتسم
انه عد عيناج ياام الشيم
يكله نور العين سلمني العلم
وافدي اجفوفي واعفر هالجبين
يمه انه اوصيك من بعد الرحيل
لوبقت زينب اختي بلا كفيل
انه اترجاك تصيرين الدليل
مثل ماانه جنت اله معين
يمه اترجاك تصيرين السند
لااختي زينب لو حضر يوم الوعد
يمه انه وياك انطينه العهد
انتي لزينب وانه للحسين
تكله يبني الامانه بركبتي
انت يانور العيون وسلوتي
انت ياروحي كلبي ومهجتي
انت يحزام الظهر انت الحنين
ابقى وياكم يبني على العهد
وتدري انه امك وكلمته وعد
انت بالشدات لحسين السند
وانت عهدك من قطعته من سنين
رد مع اقتباس
المشاركة الأصلية كتبت بواسطة عماد الحمزاوي
