يوجعني العراق!ومضة - الشاعر حسين الساعدي
ومضه
يوجعني العراق!!
حسين الساعدي
رحت للدكتور حَسبالي أستريح
كتله شوف الألم سواهه سباق
كال شنهي اليوجعك جسمك صحيح
كتله يا دكتور يوجعني العراق
الساعدي
============
---
لبسنه أسود على العباس مرتين
على الجفين مره و مره عالعين
ويم عباس ابو اليمه لكيناه!!
لبس ويانه الأسود حتى الحسين
==================
زينب جانت اويه احسين امُه فاطمه الزهره
ولهذا ابيوم الطف اجته اتشمه من نَحره
بس جانت اويه العباس جفه وغيرته وعمره
ولهذا ابيوم الطاح ضلت غيرته اتنطره
ومن ساعة ولادتها العفة البيها متخَدره
يخسه الكال أسيره اتروح زينب بت علي حره
==============================
اخذوني اوياكم لتخلوني..اخذوني اوياكم لتخلوني
///////////////////////////////////////
للموت اخذوني وياكم.
الموت ارحم من فركاكم
يابويه وليوين اتناكم
ميته ابغيبتكم تلكوني
اخذوني اوياكم لتخلوني
///////////////////////
لا تتركني ابغربه اوطفله
بعدك بويه اتزيد العله
كل طفل ايهاجر وي اهله
بس اهلي ابغربه ايعوفوني
اخذوني اوياكم .لتخلوني
///////////////////////////////////
الموت اوياكم احسن وافضل
اولا اضل ابهل غربه اتعلعل
تدري افراكك ما اتحمل
يابويه ويتغير لوني
اخذوني اوياكم .لتخلوني
/////////////////////////////
مشتاكه الشوفة عبد الله
لتعوفوني اباه اوحسره
دمعي ابغيبتكم شيصبره
عالدرب اتضل تربي اعيوني
اخذوني اوياكم.لتخلوني
////////////////////////////////
فوك اخدودي اتبات الدمعه
وابقى ابلياكم متصدعه
خاف اتروح اومالك رجعه
خابت من هالروحه اظنوني
اخذوني اوياكم.لتخلوني
/////////////////////////////////
اشلون اعيوني اتعوف اعيونك
واشلون ابغربه ايذبحونك
يابويه اتيتم من دونك
ميته اتمنى ولتعوفوني
اخذوني اوياكم .لتخلوني
خادم الحسين
حسين اااااااااالساعدي
======================================
زينب التأمر أمر
انتي بس كولي يزينب بالطفوف
وداعت اعيونج لأطشرها الصفوف
أشري يابت حيدره
ميمنه أولو مَيسره
وداعت اعيونج لأطشرها الصفوف
كولي يا زينب امنين ابديهه
اجيوشهه إمن الكاع راح امحيها
ضَربتي البتاره ما أثنيهه
واني ابن حيدر علي حاميهه
زينب التامر أمر
وسيفي اليشطر شَطر
هذا سيفي وينهه اليوم السيوف
وداعت اعيونج لأطشرها الصفوف
اليوم يومي استبشري يابت علي
واني ابو فاضل ابجالي اتدللي
انتي بس كولي يتربات الولي
لا تهابي الجيش خليهم الي
لا تراويني الدموع
ولا تهمج هالجموع
اعيوني الج يا زينب إوذني الجفوف
وداعت اعيونج لأطشرها الصفوف
أل امية اليوم زينب تنتظر
محكمة كل جيشهم يم النهر
هيه حاكم والحُكم بيهم صدر
وسيفي الينفذ بعد وين المفر
صِيحوا يازينب دِخيل
خلصينا إمن الكفيل
والقصاص اليوم خل زينب تشوف
وداعت اعيونج لأطشرها الصفوف
عَالوَعد كَفالج اشما ينجرح
حتى لو كون السلامه ما تصح
بعد كَطع اجفوفي وافقت أنذبح
حتى راسي اوياج يرجع عالرمح
اجفوفي عالرايه بقن
وراسي يحرس للضعن
عَدل لو ميت اوياج إوما اعوف
وداعت اعيونج لأطشرها الصفوف
الشاعر
حسين الساعدي
===============================
حيل بيهم زلزلي
حيل بيهم زلزلي = صال ابن حيدر علي
رجهه رج بالمشرعه = ﭽنهه يوم الواقعه
صال ابن حيدر عليحيل بيهم زلزلي--------------------------------
نزل مغتاض ورعب عدوانه
مثل حيدر من قلع بيبانه
خَيم أعليهم نشر ذرعانه
خَيم أعليهم نشر ذرعانه
نسر بالحومه ويحوم = ايلگط أرواح الخصوم
هذا تَربات الولي
حيل بيهم زلزلي
---------------------------------خَله ملك الموت بيده ابسيبفهونزل يطلب ثار ياخذ حيفه
يخطف الأرواح گام أبكيفه
يخطف الأرواح گام أبكيفه
بَعثر أبزوده الصفوف = من غضب ليث الطفوف
مَحه العهد الجاهلي
حيل بيهم زلزلي
-------------------------
ياعقيله أتباهي وبيوم الطفوف
أبهذا سيفي ثلمت كل السيوف
أتمنه كون أم البنين أهناه تشوف
أتمنه كون أم البنين أهناه تشوف
أشلون أجازي فاطمه = واني ابن حامي الحمه
زينب أختي أدللي
حيل بيهم زلزلي
--------------------------------------------
قِبل بالنبله تطب أبعينه
وماقَبل واحد يمس أحسينه
ياعطش هذا اليذل أسكينه
ياعطش هذا اليذل أسكينه
فاض شريان الحياة = أوروه بـﭽفوفه الفرات
گال كل الطف الي
حيل بيهم زلزلي
خادم ال البيت ع
حسين الساعدي
===================================
لا تلوموني الملامه تلجم ابكَلبي الحَزين
حيدر حيدر
أنه من أوكف وأطبر جاي أواسي حَيدره
ذاك سيف الطبر حيدر للسبط حَز منحرهاِبفكَر واحد والجفوفابكوفه غدرت والطفوفلا تَلم يالائماً عن شَج راسي للحُسين
زينبٌ قامت بهذا قُرب زينِ العابدينحيدر حيدر
حيدر
حيدرالسمه طُبرَت قبلنه مطرت ابيومه دِمه
وأنهَ لمن جاي أطََبر أرد اجازي فاطمهوأهدي دَمي للرسولوأجبر اضلوع البتولأرد أحقق حلم روحي روحي بالطف حالمه
وَيهَ الارواح التعلت بيد ابن حامي الحمهلا تَلم يالائماً عن شَج راسي للحُسينزينبٌ قامت بهذا قُرب زينِ العابدين
حيدر حيدر
حيدر
حيدر
اِنطَبُر وشاهدنه عابس روح كُل العاشكين
لائمي كُف الملام
روحي فدوه للاِمام
من أطبر صحت حيدر دمي يصرخ يا حُسين
تزحف ادمومي تواسي الذاك دمع ام البنينلا تَلم يالائماً عن شَج راسي للحُسين
زينبٌ قامت بهذا قُرب زينِ العابدينحيدر حيدرحيدر
حيدر
نادم اويانه زَمنه ماحظرنه المعركه
احنه هَسه من نطَبر بالجروح انشاركه
روسنه الراسه تروح
اجروحنه اتواسي الجروح
مثل كل صاحب اوروحه للشهاده اتسابكه
حتى الجروح ابمصابه لبوا ليمه عاشكهلا تَلم يالائماً عن شَج راسي للحُسين
زينبٌ قامت بهذا قُرب زينِ العابدينحيدر حيدرحيدر
حيدر
حسين الساعدي
============================================
أم البنين اتنادي!!!-واقدملك باحله الورد شده
أم البنين اتنادي--شنهي الخبر يالحادي!!
بَشرني بوليدي احسين--أفديله كل اولادي
------
شنهي الاخبار ابكربله -يهل الرحم خَبروني
بس على احسين امسأله-بكل ولدي لَتعَلموني
من يوم سَير بالظعن-عالدرب تربي اعيوني
محتاره طالت غيبته-اشكَد خَوفتني اظنوني
حسين ابن حامي الحمه
احسين مهجتة فاطمه
افديله كل اولادي
ام البنين اتنادي
-----
لا عن جعفر لا عبد الله--لا عن عون اِو لا عَباس
عن احسين اَنشد واسألكم- خَبروني اشصاير يا ناس
محتاره ومكطوعه اخباره-واشكَد عَذبني الوهواس
وَصيت اَولادي ايحامونه-ويفدونه الكَطع الأنفاس
لحسين اَنهَ مِتبرعه
ابدم الاولاد الاربعه
افديله كل اولادي
ام البنين اتنادي
-----
يلتنعه ابصوتك تقصدمن!-ياهو المات اِمن الطيبيين
لتكِلي اولادج ما كَصروا-كَلهم فدوه الأسم احسين
ما جيت اسأل عن اولادي- جيت اسأل عن ضَي العين
اِرحم دَمعاتي وخَبرني--احسين اوليدي عفتوه وين
اَكضي العمر كله ابنوح
لو جرح واحد مَجروح
وفديله كل اولادي
ام النين اتنادي
-----
اَدري ابعباس ابصولاته-صولات الكرار اِيعود
وادريه من ينزل للحومه-كل الجيش ابزوده ايحود
ما يشرب قبل احسين اعرف-لو عطشان ومالي الجود
وياهو اليتجسر لخيامه-كَون اجفوفه الزنده اتعود
لحسين اَضحي يا ناس
ابكل الوِلد والعباس
وافديله كل اولادي
ام البنين اتنادي
خادم الحسين ع
حسين الساعدي
==============================
تدرين جان ايراوده إحساس!!
حسين الساعدي
يازينب ومكطوعه الأنفاس
طاح الحسين ابخيل ينداس
تدرين جان ايراوده احساس!
يرجع اله ويخلصه عباس
حسباله يلبس درعه والطاس
إبساع ويرد من يمه هالناس
ظَن ما يتركه إبين الأرجاس
ول عالنهر ما خله حراس
وين ابو الغيره الثابت الساس
ويزلزل الطف فوك الانجاس
لأاخر نَفس ما كاطع الياس
اتوقع يجي وللنخوه نبراس
وِأشأخره الموقف مينقاس
هذا الشمر وبسيفه نَداس
يازينب ومن ماجه عباس
أيس احسين إوسَلم الراس
الشاعر حسين الساعدي
=========================
ليش ياعباس يابو المرجله!!
حسين الساعدي
زينب اتنادي الكفيل ابكربله
اتكله ضل حسين ما ناصر اله
وأنته نايم ياكمر فوك الفله
كطعوا اجفوفك وابو اليمه انوله
ليش يا عباس يابو المرجله
عفت اخوك ادمومه ضلت سايله
وين اخوي الحيد ابن عقد الوله
يرجع ايزلزل عليهم زَلزله
أسرونه وصحت ليك امسائله
اشلون نايم والظعن ياهو الإله!
يابو فاضل وانته وحدك كافله
هذا ظعنك بيدك اترده الهله
صحنه يا عباس طحنه ابمشكله
بين ادين الشمر طحنه وحرمله
خويه بس دمعاتي ضلت هامله
حرم واطفال وحرت بالعائله
بس علي السجاد روحه امعلعله
وكل زلمنه ذبَحِوهه ابكربله
الشاعر حسين الساعدي
9999
حيدر ما حضرني
ابوي اليحضر الناس..طحت وما حضرني
حيدر ما حضرني
حيدر ما حضرني
....
طحت يايمه وألتموا عليه..وحيدر ما حضرني
يدروني أنه ابنج يلزجيه..وحيدر ما حضرني
علي دارت ييمه اجيوش اميه..وحيدر ما حضرني
وربعي موته طاحوا عالوطيه..وحيدر ما حضرني
كلهه أتصيح أمنين
تخلص منهه يحسين
وحيدر ما حضرني
حيدر ما حضرني
.........
اكتلوا عباس كدامي اونهوني..حيدر ما حضرني
عليه من البجي راحن اعيوني..حيدر ما حضرني
طحت ابكوم ما اظن يرحموني..حيدر ما حضرني
ييمه اشكال قلبه من ولوني..حيدر ما حضرني
علي مرفوع الرماح
قلبي امن العطش راح
وحيدر ما حضرني
حيدر ما حضرني
....
ييمه اعيالي كلهه شتتوهه..وحيدر ما حضرني
مثل ظلعج اضلوعي كسروهه..حيدر ما حضرني
زينب من تجيني يمنعوهه..حيدر ما حضرني
على حالي بجت ندبت ابوهه..حيدر ما حضرني
تكله الحك يكرار
شوف بأبنك اشصار
وحيدر ما حضرني
حيدر ما حضرني
.......
ييمه من طحت ما بين الاشرار..حيدر ما حضرني
تمنيته يجي بيده ذو الفقار..حيدر ما حضرني
يصول ايجول بيهم ياخذ الثار..حيدر ما حضرني
يرويني ويطفي بالجبد نار..حيدر ما حضرني
تركني انذبح عطشان
ضل جسمي علتربان
حيدر ما حضرني
حيدر ما حضرني
ابوي اليحضر الناس طحت وما حضرني
--
الك ضحكة بشفافك ضاوية إمن اسنين
اَشوفن دمعتك طفتها بالكوه!!!
صديقي اشبيك هذا الهم اجاك امنين!
لا تنقهر هاي الدنيا ما تسوه
عليمن تحرك ابروحك ضحكتك وين!
ياهو الغاثك بس كلي من هوه!
اوصَله لون ايصير باأرض الصين
واصير اكبال وجهه وانسف العُبوه
أصير ارهابي لاجلك واحرك الصوبين
ولا اخلي اليغثك دنيته حلوه!
يالله ابتسم لتبين ادموع العين
لتشمت الشامت بيك وتكَوه!
إذا محتار اصيرلك الراي الزين
تدري ابحيرتك عد صاحبك بَلوه
وإذا عمرك تفرهد رجعه للعشرين
اخذ عمري العمر من دونك اشيسوه
وإذا رايد أشياء وغالية التثمين!
بس أشر واجيبنهن الك فدوه
وإذا عطشان هاي ادموعي و لنهرين!
واشربك ماي عيني الحد متتروه
فضلك سابق الينسه الفضل موزين!
الك عندي مواقف كلهن امروه
اَذكر من طحت يمك قبل سنتين
على راسك شلتني يا أبو النخوه
لجازيك أنهَ اليوم امجازه الموافين
وَطفي النار هاي المنهه تتجوه
بسيطه ودنيتك ما تسوه دمعة عين!
كلشي اتريده اجيبه اعله الزمن كوه
اليوم اليوم اجازيك اَوَفي الدين
امس من ضَلمت وجهك علي ضوه
غصبن عالزمن والغاثك يا زين
أرَجِع ضحكتك يل ضحكتك غنوه
-
جنت اتصورك ضلعي العله كَلبي يصد اااارماح
وجنت اتصورك لو اطيح من جسمك تكصلي اِصفاح
غَشيم أنه وعلى نيتي وانوح أويه الوفي لو ناح!!
وترى المفروض اليوافي ابيوم الشدة ما ينزاح!!
يحد ابركبته السجين ويصيح اااافديته يا ذباح
ويفدي صاحبه ابروحه ويضل الهمه ما مرتاح
وحسافه يا صديقي اوياك كل تعبي التعبته راح
لو تعرف الكاع اشلون من اتخون بالفلاح!!!!!
تنطيه ثمرة الحنضل ولا جنه زرع تفاح!!!!!!!
طحت ابطعنتك والدم كتب ياحيف لََمن سااح
دمعتك بيش تنفعني يل دمعك دمع تمساح
وِلوني وظنتي تسندني يل أولهم تهد باسلاح!!!
طحت مالك فخر بيها ابطعناتك صديقك طاح!
ابطعناتك صديقك طاح!!
اااساعدي
-
وبدمع الجذب نترس تناكر!-
حسين الساعدي
إبعد يا عشك متخاصم اوياك
لأن صار الهوى ما بيه مشاعر
أحبك باللسان وتنحجي اهناك
وأبد ماطالعه من الخَواطر
كون اللي يكول ابليله أهواك
نقراهه الصبح من النواظر
مظلومين مَدري احنه الظلمناك
وبدمع الجذب نترس تناكر!
ابعد يا عشك يل ما عرفناك
رَجع قيس حتى اتكون حاضر
كَبل بعيون اليحبون شفناك
هسه ايكولها ولابس مناضر
أريدك تبقى يمي ابذاكه معناك
وكتبلك شعر وأملي الدفاتر
تعزف للفرح والدمعه بالعين
يامعزوفه بجت حته الأطفال!!
يل ما تدري كلبك وين ما وين
عافك من سمع غنوله موال!
العيد اشكد حلو ابعين المحبين
بس ما ينكشف لوما يجي اهلال
وانته ابهاي راح اتفرزن الزين
عندك بالتجارب خوش غربال
مو كلها سوه الوياك! ماشين
دَغربلهم وعاين واقع الحال!!
وغربلهم بعد وبلحظة البين
ما تلكه الشوائب تلكه الِجبال
ينطيك النصيحه الساعدِي حسين
ويوَضحلك الما جان عَالبال!
اعلن غيبتك وتخَبه يومين
واسمع بالـتأمنه ابحقك اشكال!
تتألف قصص وسط الدواوين
ويرجمونك رجم وتصير دجال!!
يخلونك هدف والتجوه سَجين
وحتى الما يهدف صار نبال!!
أنته الهَدميت السور بالصين
وانته البلعرب حطمت الامال!!
وانته السبب بجنون المجانين
وانته اللي جبت للكون زلزال!
بالك لا توفي الدين بالدين
دينك باقي بس اتزيد طَبال!
ولا كل مهره تتخطه الميادين
ولا من لزم سيف ايصير خيال
ولا من لزم سيف ايصير خيال!
االساعدي
ثابت بالكلب ويهزني ملكاك
ما اريدك مثل باقي المضاهر
أريدك بالكيان احساسي وياك
مو مثل القميص انذبه باجر!
تعزف للفرح والدمعه بالعين-
يامعزوفه بجت حته الأطفال!!
يل ما تدري كلبك وين ما وين
عافك من سمع غنوله موال!
العيد اشكد حلو ابعين المحبين
بس ما ينكشف لوما يجي اهلال
وانته ابهاي راح اتفرزن الزين
عندك بالتجارب خوش غربال
مو كلها سوه الوياك! ماشين
دَغربلهم وعاين واقع الحال!!
وغربلهم بعد وبلحظة البين
ما تلكه الشوائب تلكه الِجبال
ينطيك النصيحه الساعدِي حسين
ويوَضحلك الما جان عَالبال!
اعلن غيبتك وتخَبه يومين
واسمع بالـتأمنه ابحقك اشكال!
تتألف قصص وسط الدواوين
ويرجمونك رجم وتصير دجال!!
يخلونك هدف والتجوه سَجين
وحتى الما يهدف صار نبال!!
أنته الهَدميت السور بالصين
وانته البلعرب حطمت الامال!!
وانته السبب بجنون المجانين
وانته اللي جبت للكون زلزال!
بالك لا توفي الدين بالدين
دينك باقي بس اتزيد طَبال!
ولا كل مهره تتخطه الميادين
ولا من لزم سيف ايصير خيال
ولا من لزم سيف ايصير خيال!
االساعدي
لأجل زينب أنسه نفسي وما اشوف--غير بس طَف كربله وياها
يالله يا سيد علي الذيج الضروف--خل نكوم ابسرعه نتلكاها
انطمن الايتام يمهه ابلايا خوف--ونصد ضربات الشمر لو جاها
انبوس راس احسين وانقبل الجفوف--ابو فاضل لا تظن عافاها
االساعدي
-
ردينه بخجلنه بأبه رده-
-واخذ كلبي وصحتله بابه رده
--اوصلت داره وبوجهي بابه رده
-وكتب علباب لا تكرب عليه!
حسين الساعدي
-
ولك طَفيني ابدمعتك محترك
واليفارك ضحكتك ياويله
أنه حته الهوه اليمي مختنك
بس تعال ابكثلتك هَفيله
أنه بس بأنفاسك أتنفس صدك
يعني اموت ابغيبتك هالليله
وتصفن الدمعات لمن نفترك
مثل صفنت ضايع انهد حيله
كون من انموت موتتنه طَبك
حته ملك الموت ما نشكيله
صرنه سالوفة عشك لاهل العشك
أنه قيس وأنتَ أجمل ليله
ااالساعدي
-بعد دير الوجه ليغاد ديره
-وياقديس هذا العاف ديرَه
عفت اهلي وعمامي وعفت ديره
لجلك يل درت وجهك عليه-
حسين الساعدي
-
ياوجهنه اتغسل ابماي الكباحه
وياحجينه العوزه بس كلمة صراحه
اتوحشينه وما تلوك النه السماحه
وسافرينه وخذنه ويانه النياحه!
مره زارانه الصدك عنده استراحه
واحنه صدينه الزياره ابكل وكاحه
اي لأن بس للجذب موجوده ساحه
اتورطيت إبليل ما بين صباحه!
وشاركتهم والكلب زادو جراحه!
وستحيت وقابلوني بكل كباحه!!
وما دريت المستحه سلبان راحه!!
ااالساعدي
-تاج الولايه!
حسين الساعدي
تاج الولايه ايلوكلك ياحيدره
ويفوز من والاك دنيه واخره
حته محمد بايعاك ابعيدك
يوم الغدير الدنيه كلهه اتريدك
وامك الكعبه البيك دوم امنوره
تاج الولايه ايلوكلك ياحيدره
///
احنه الروافض والله ما ناسينك
سنه اويه شيعه وبالعمر شارينك
تخسه النواصب ذوله المعادينك
تخسه النواصب ذوله المعادينك
ياراية الاسلام وانته الناصره
تاج الولايه ايلوكلك ياحيدره
///
يوم الغدير العيد الأكبر جانه
والكعبه كلها اتباركت ويانه
كلمن يحبنه ابفرحته اتعنانه
كلمن يحبنه ابفرحته اتعنانه
حيدر اميري وابو العتره الطاهره
تاج الولايه ايلوكلك يا حيدره
///
ميت عدل يابو الحسن واليتك
وانته الأمير المعجزه سميتك
هيه الخلافه جتك الحد بيتك
هيه الخلافه جتك الحد بيتك
تدريك ياكرار بيك المفخره
تاج الولايه ايلوكلك يا حيدر
//
تاج الولايه ايلوكلك ياحيدره
ويفوز من والاك دنيه واخره
حته محمد بايعاك ابعيدك
يوم الغدير الدنيه كلهه اتريدك
وامك الكعبه البيك دوم امنوره
تاج الولايه ايلوكلك ياحيدره
الساعدي
-
إدواره اندور الفرحه نسرهم
-الناس اطيور جاب الهم نسرهم
- وأنه الطيرت وياهم نسر هَم-
-جاب الذيب ومكشر عليه
حسين الساعدي
--------------------------------
------------------
تعال وكول كلا
أهداء الى الشهيد الصدر قدس
جِنت أسمع شجاعة حيدر النبراس
وجفوف النفاق اشلون لاواهه!
وأسمع بلحسين وزوده ما ينقاس
وسيوف العده ابروحه تلكاهه!
وجنت أسمع الغيره إمرافكه العباس
ذَب اجفوفه بس الغيره خَلاهه
بطولات وصفات البيهه رفعة راس
ما شفناهه بس لكن سمعناهه
تسمع بيهه تتحسر عليهه الناس
وهَالطيبات بمحمد لكيناهه!!!
عَجيبه الهسه نايم والوضع حساس
يمخوف الخوف اكعد تعناهه
هاي الناس رادت غيرة العباس
وإحنه الغيره بس وياك شفناهه
عِراقك وبعراقك ظلم ما ينقاس
والأيتام ما واحد تعَناهه!!!
تعبان العراق إمن الهرم للساس
تعال وكول كلا اوردد اوياهه
كلا للظلم ولكتل هاي الناس
كلا للصوص وخاب مسراهه!
كلا لليخون الوطن والنوماس!
كلا للغِدر بغداد! باعاهه!!!
ياصدر الكرامه وتاج فوك الراس
ياكوفة علي والصدر حياهه
ياروح النجف والمرجعيه احساس
تحس بلناس كلهه وجَنك اوياهه
وبغداد الأسيره امطوقه ابحراس
تعال وشوف جَم ظالم تحداهه!
كل صفقه التصير ابلمة الأرجاس
ولد الخايبة ايدفعون معناهه!
محسوبين نحكم والنتيجه افلاس!
عود احنه ابطلاع الروح جبناهه!
والمَسؤل بفلوس النفط كَناس
هاي الرادهه وهاي التمناهه
هاي الرادهه وهاي التمناهه
حسين الساعدي
================
أخاف اعليك من فطنات العيون
وأنه اعيوني من تفطن مصيبه
وأريد اخذ الغيبه وخل يكولون
عَني إبكل وكت ياخذ الغيبه!!!
وأرسمنك و أضمك عاليشوفون
وَأخطك بالملابس للكصيبه
وأغَطيك ابوشاح وأنه ممنون
وَشوفن بالرسم شغله غريبه
ماألكه الوشاح امغطي المتون!
هدمك ينمسح و امنين أجيبه!!
ترجعلي هَدل ومضيع اللون !
حته ابرسمتك حاله عجيبه!
يا شاعر يوصفك هذا مجنون!
مثل بردان يتحمه ابلهيبه!!
خليت الطبيب ابكلبه مَطعون
ماشايف مريض ايهد طَبيبه!
جمالك كارثه ولو تعرف اشلون!
لازم للشمس تدفع ضريبه
لازم للشمس تدفع ضريبه
االساعدي
--وادعيلك أبد متشوف شده
--هاك الكلب اخذه اوياك شده-
-وي كلبك ينبضلك سويه
الساعدي
-
عَلمتني استنشقك كلهواء وكنت لعيوني الضياء! فقبل ان تغيب لي اخر رجاء-ان تحجز لي مكاناً في ارصفة التعساء!!!!!!!!!
هذه الليله اختلفت عن كُل الليالي
--فقد ايقنت بخسارة ذالك الغالي!!!
--ليلة كئيبه كبسماتي المصطعنه
-حتى لا تنهمر جيوش دموعي المتجمعه
-ليلة هزت الكبرياء
فجائت لي
غطيني ابسواد الليل محتام
أريد الليله أنامه ابهل مسيه
ضاعت نومتي ومن أول العام
ومن يوم الصفت ايدك بديه
لان وجهك يشع وبكل الأيام
يخلي الشمس ما غابت عليه
جر الليل وبشعرك والاحلام
خلهن كون يتلاكن سويه
دَحل شعرك وخلي الليل كدام
وكسفهه الشمس وبهل ثنيه
عجيبه اللي هواك اشلون يلام
يلوموني وحرام اللوم بيه
وإذا حُبك حَرام ابشرع الاسلام
أدورلي اعله دين ابهل قضيه
الساعدي
أنه ابن السواعد موش ياهو الجان
من جدنه سَهَل غيرتنه مَوصوفه
رَسول إمن الرسول العَدَل الميزان
رواهه المجلسي والقصه معروفه
بالرؤيه وصيه الموكب الأحزان
وَصاه الرسول الموكب ايشوفه
كَله يا سهل ذبحوا عظيم الشان
وابن ازياد عَيد دكت ادفوفه
روح اتلكه موكب للخدر عطشان
مثل عطشانهم مذبوح وتشوفه
تلكاهم حرم والحيره بالرضعان
والروس الصفت عالرمح مكطوفه
تمنيته حضرهم داحي البيبان
جا طف كربله يطبكها بالكوفه
اجه السكنه وتكله هالزمن خوان
بت احسين أنه وراسي مكشوفه
يَسَهل الساعدي دَتعنه هلفرسان
وكلهم يرفعون الروس عالطوفه
هلبت يلتهون ابشوفة الوليان
والشوفة الروس الناس ملهوفه
حته الناس ما تنظر عله النسوان
صاير مهرجان الناس مصفوفه
وِتلَبه طلبها وشافت البرهان
وكل أمواله اجه وسلمهه بجفوفه
بأمواله ستر كل عفة الإيمان
هذا الساعدي الما ننسه معروفه
أنه ابن السواعد بيرغ الديوان
أمشي ابخت زامل والله ما عوفه
أنه الدلتي ما عافت الفنجان
مو ديكور حته اتصير مجتوفه
أنه ابن المضايف فرحة الجوعان
يخسه الجوع عدنه امثلمه اسيوفه
أنه ابن البخت والمعتدي خسران
من باجر تصبح كاعه مخسوفه
ااالساعدي
------------
مواقف مؤلمه
في تلك الدهاليز المظلمه!
فمهما تكن المخاوف شاسعه
فهناك رحمة الله الواسعه
ولكن!!
اين المفر
من قسوة البشر!!
فنفخ في الصور
في دنيا السلطان المنصور
مع زبانيتهِ المنافقين
ليعلنوا ذبح الجائعين!!
فأدخلوا المساكين القبور
كي يكونوا وحدهم في القصور!
!!!!!
الساعدي
-الشاعر حسين الساعدي
24 أغسطس
سؤال دارمي من حسين الساعدي
والدعوه عامه
أعمه الوكع بالبير والحَيه يمه
وأشلون الأخرس فوك يكدر يعلمه
؟؟؟؟؟؟؟
بقلمي
ااااااالساعدي
والدعوه عامه لجميع الشعراء
-
الشاعر حسين الساعدي
الأمس
كل يوم مع حسين الساعدي
مساجله مباشره باقلام المبدعين
والسؤال الدارمي لهذا اليوم
السؤال!!
والشرده وين اتصير وذيابه إلِتصيح
ويمك بحر مليان بس بالتماسيح!
؟؟؟؟؟؟؟؟؟؟؟؟؟؟؟
بقلمي
ااااااااالساعدي
جاوب يا مبدع-والدعوه عامه لجميع الشعراء
ونريد اجوبه فيها خطط للخلاص
الذئاب امامك مسرعه عليك
والنهر خلفك ملئ بالتماسيح تنتظر قدومك بلهفه ههههههههه
اشلون؟
ونعرف الله يكدر ايخلصنه والنعم بالله بس لا تكتفون بس بلدعاء نريد حل؟
كي لا نستسلم!! فيا ليتها ما كانت مع الليالي!!!!!!
-
الشاعر حسين الساعدي
منذ 3 ساعات
تعالو نتساجل كل يوم في صفحتي المتواضعه
السؤال!!
إمجَتف وجه الذباح سجينه بيده
وبالباب إسود اثنين فُكر التصيده!
؟؟؟؟؟؟؟؟؟؟؟؟
بقلمي
تعال جاوب يا مبدع!!
تخايل انك مقيد اليدين وجائك الذباح التكفيري الكلب ابن الكلب هههههه يريد ان يذبحك ويقول الله اكبر ههههههههههه
نعم تستطيع ان تهرب من الغرفه ولكن في باب الغرفه هناك اثنان من الأسود لم تذق الطعام منذ ايام!!
ماذا ستقول وكيف الخلاص!!!!!!!!!
لا اريدك ان تستسلم بسهوله
واتركونه من الدعاء والنعم بالله بس نريد نكتب محاولات ههههههه
مع تحيات
حسين الساعدي — مع قاسم الساعدي و 96 آخرين.
==================
مساجله
مع حسين الساعدي
سلامات
من ابعيد وأبعثلك تحيات
كل يوم مساجله في صفحة الابداع المباشر
//////والدعوه عامه//////
مساجلة هذا اليوم للمفاخره
افتخر باي شخصيه حتى دون ذكر الاسم افتخر بي وافتخر بك
ارسل مفاخرتك للعراق لو لاي شخصيه او للحبيب
لتكون مشاركتك بنفس روح الموضوع والوزن!
////////////
الك رنه
والك حنه
والك خطار تتعنه
والك قصرين بالجنه
سلامات
من ابعيد وأبعثلك تحيات
////////////
لتجيبني انته مثلاً
////////////
الك موجه
والك روجه
ولك هالخيل مسروجه
أبد ما تقبل العوجه
سلامات
من ابعيد وأبعثلك تحيات
/////////مثال اخر////////
الك هوسه إويه جيلاتك
ودمعه ابعين شماتك
الك هيبه اويه خطواتك
تعداك الخطر فاتك
سلامات
من ابعيد وأبعثلك تحيات
//////////////////////////////////////////////
وهكذا تكون مشاركتك بأربعة اشطر كما تلاحظون بنفس القافيه وتقفلها ب
سلامات
من ابعيد وأبعثلك تحيات
//////////////////////////////////////
الرجاء من الجميع ان ينتبوا من روعة واتمام المشاركه قبل ارسالها بالمساجله
كما نرجو من الجميع ان يجعلوا روح نابضه للمساجله بصورة مباشره
لحضه بلحضه ولا تكون ذات معنى بهذا المفهوم لو كل منا دخل ليفهم ما هو مطلوب واعتكف لساعات ثم جاء بعشر مشاركات كتبهن سابقاً وينزلهن بالمساجله خلال دقيقه!!!! هذا ليس مباشر!!!!!
ولمبتدئين اي مشاركه تصعب عليكم بالوزن او باضافه شطر او شطرين ارسلوها لي بالخاص وبثواني تكون جاهزه للنشر ان شاء الله
وللجميع دمتم للابداع
مع اجمل التحايا
اخوكم
حسين الساعدي
==============
======
الك صولة
والك جوله
والك هوسات مكيوله
هاي اعداك مذلوله
سلامات
من ابعيد وأبعثلك تحيات
----------------------------------
===
الك هيبة والك زودك
ياهو اليوصل احدودك
شفنه الخير بوجودك
أبد ما ضاع مجهودك
سلامات
من ابعيد وأبعثلك تحيات
----------------------
==========
الك سيف والك رابه
ولك ديوان والثايه
ولك بلموزمه احجايه
تخلي الناس مشايه
سلامات
من ابعيد وأبعثلك تحيات
-----------------
====
الك غيره والك هده
وينه البيك يتعده
اشحده العايل اشحده
محد اجه ويتحده
سلامات
من ابعيد وأبعثلك تحيات
----------------
==
الك شوكل والك حبي
ولك شريان من كلبي
شمعه ونورت دربي
الك دعوات عد ربي
سلامات
من ابعيد وأبعثلك تحيات
--------------------
==========
الك ذكره والك وحشه
والك كل يوم نتمشه
الك من طرت الغبشه
عدوك نايم ابنعشه
سلامات
من ابعيد وأبعثلك تحيات
--------------------
====
الك ديوان بأشعارك
ودله وما طفت نارك
نحب يالساعدي أخبارك
وجينه اليوم خطارك
سلامات
من ابعيد وأبعثلك تحيات
--------------------
========
سواعد والبخت بينه
زامل وبدواوينه
ازغار اكبار تلكينه
ما خاب الكصد لينه
--سلامات
من ابعيد نبعثلك تحيات
==============
الك بيرغ والك شاره
ابخت زامل وخطاره
والك هوسه إمن العماره
كتبها حسين بأشعاره
سلامات
من ابعيد نبعثلك تحيات
االساعدي
--
عاين للدمع بخدودي شخاط
-وشخطت ايامي وبكل يوم شخاط-
--صرت علبه وباخر عود شخاط-
-- كبل لا ينشخط لحك عليه
حسين الساعدي
-
-
لو شَح الوفه والدنيا صارت خوف
إوتعرف ما يردن عيله جيلاتك
وتشوف الشماته امحضرين ادفوف
متحضرين يمته اتطيح دَمعاتك
ها بالك يشوفون الوجه مخطوف
بيك الزود كله إولا تظن فاتك
أشما لعبت عليك الدنيا بالمكشوف
أبد لا تطخ راس اكبال شماتك
لو خبطت عليك وكلشي ما مَعروف
تتصفه لَوَنك ما بعت ذاتك
لو بين المأسي وبلحزن مَجتوف
والكل عافتك بس تبقه صَفناتك
بس انخه علي وبلحضه راح اتشوف
مدري اشلون يتبخرن مأساتك
اشتتوقع علي ما يحضر الملهوف
والرَد الشمس!مايرد ضحكاتك؟
الساعدي
--السؤال الاول بالدارمي
مفلس وجاك العيد وأطفالك اتريد
وبالباب اجه الديان ويه الهواديد
؟؟؟؟؟؟؟؟؟؟؟؟؟
حسين الساعدي
السؤال الاؤل بلأبوذيه
يهيم القلب تعبني بهيمه
وترى الما يحسب احسابه بهيمه
أشلون الذيب لو صادك بهيمه
وحدك وابتدء وكت المسيه
؟؟؟؟؟؟؟؟
الشاعر حسين الساعدي
-----------
السؤال الثاني
أبنك غرك والروج تتبعه روجات
وما تعرف انته اتفوج والباقي لحضات
؟؟؟؟؟؟؟؟؟؟
حسين الساعدي
السؤال الثاني ابوذيه
الدنيه اتجيب وبكل يوم نِفسه
ويكولون اليحب ايضحي نَفسه
وابنك غِرك كوه ويجر نفسه
اشتنقذه وللسبح مالك هَويه
؟؟؟؟؟؟؟؟
جواب الساعدي
أطب للبحر لو بالموت مالي
وأنه ابذيج الرزيه عقل مالي
هذا ابني الكلب والكلب مالي
وإذا ما انقذه نتشابك سويه
السؤال الاول بالدارمي
مفلس وجاك العيد وأطفالك اتريد
وبالباب اجه الديان ويه الهواديد
؟؟؟؟؟؟؟؟؟؟؟؟؟
حسين الساعدي
السؤال الاؤل بلأبوذيه
يهيم القلب تعبني بهيمه
وترى الما يحسب احسابه بهيمه
أشلون الذيب لو صادك بهيمه
وحدك وابتدء وكت المسيه
؟؟؟؟؟؟؟؟
الشاعر حسين الساعدي
-----------
السؤال الثاني
أبنك غرك والروج تتبعه روجات
وما تعرف انته اتفوج والباقي لحضات
؟؟؟؟؟؟؟؟؟؟
حسين الساعدي
السؤال الثاني ابوذيه
الدنيه اتجيب وبكل يوم نِفسه
ويكولون اليحب ايضحي نَفسه
وابنك غِرك كوه ويجر نفسه
اشتنقذه وللسبح مالك هَويه
؟؟؟؟؟؟؟؟
جواب الساعدي
أطب للبحر لو بالموت مالي
وأنه ابذيج الرزيه عقل مالي
هذا ابني الكلب والكلب مالي
وإذا ما انقذه نتشابك سويه
جواب
غرك شفته وإالي بالأيد يوماي
عجب كلب البحر من صخر يوماي
خله اسود عليه ايصير يوماي
خذه الغالي وبعد ما منه جيه
جواب
العبد اللات ندري لاته غمه
وترى المجنون دنياه لا تغمه
يصاحب واليودع لا تغمه
غُم الوكت دكاته رِديه
السؤال الرابع
الدنيا العازتك كلش دقيقه
ابشحة صايم اتطشردقيقه
ماضل الفطورك بس دقيقه
وأجوك ايتام والجوعه رديه
-------------
ابوذيات مساجله موضوع الذيب
حده
اشما نابه علينه ابغدر حَده
الذيب الحد عَربنه ايصير حَده
وإذا بينه الضعن فد يوم حَده
الذيابه انذار تدخل بلبريه
-----------
وكح حيل
اطب للهيمه اسمعنه وأكح حيل
يخسه الذيب يعرفني وَكح حيل
يدري ابدمع اخط عيني وأكحيل
ولهذا ابتعد كلش عَليه
---------
ياهام!
تهوم ابهيمه كلي اشفاد ياهوم
الذيب اليعرف الشجعان ياهُم
إذا بيهم جبان ابساع ياهم
يفرزه ابسرعه لو وياه ميه
---------
مايهدك
لأن كت لا لا ذيبك ما يهدك
اريدك تهد سدة ماي اهدك
انته الكلت اهدن مايه هدك!
شجاك وصرت تتجفه الأذيه
---------
إذا مابيك عالوكفات وَكفه
تره المثلك عَلم وَفه وكَفه
اردانك حيل شده حيل وَكفه
تراه الذيب لو جَلَب بليه
---------
السؤال الثالث
دارمي
من ولية الأشرار وانته اعله حيلك
واحد تطلبه ثار صَيح دخيلك!!
؟؟؟؟؟
السوال الثالث
ابوذيه
دَخَلَك عله هالحاله دِخَلك
اخوك وراس مالك هوَ دَخلك
وإذا كتال اخوك الصاح دَخلَك
دخيلك صاح مايدريك اخيه
؟؟؟؟؟؟؟؟؟؟
جواب
يروحي عله الثار اليوم بيدي
اجه جتال اخوي وصار بيدي
لَون بيتي يصير الان بيداي
يصير الثار وَكته ابهل قَضيه
جواب
اله جيلتي من الغيض ثارت
وروحي للدخيل اليوم ثارت
نسيت انه أطلبه اهوي ثارت
لانه ادخيل عد روحي الابيه
----------
السؤال الرابع
دارمي
شتكول إذا بأمرين فَرق طَريقك
تمشي الحبيب الروح لو وَي صَديقك
السؤال الرابع
ابوذيه
لأنك طيب الشافاك حَبك
ويخَضر وفه واحساس حَبك
إذا خَيرتك أنه ابين حُبك
وبين الصاحب اشردك عليه!
؟؟؟؟؟؟؟؟؟؟؟
الجواب
الما بيه خير لأهله لا تخيره
وبهذا الامر كلبك لا تَخيره
وبس لا الشهاده لاته خَيره
لأن لا لاهَ بس رب البريه
----------
جواب
أنه اختار الوفي الماخان وَياي
عله غيضي أشوفه نار وَياي
كل عمره المضه واليوم ول ياي
أحسنه وَفي وما بيَ رديه
------------
جواب
زمانك من يحيرك اخذ خِيره
تراه اللي استشار ايشوف خيره
ما زال النفس بالجود خَيره
إذنً لتهاب كلشي ابصافي نيه
--------
جواب
إذا للحيره وكتك يوم وَداك
شوف ابلا طمع يابشر وَداك
دواك ايصير عد الوفي وَداك
يطيب ابساع من روحه النقيه
جواب س4
ترى نبع الوفه منا وفينه
ولهذا احنه للصاحب وِفينه
بنينه اصروح للغيره وَفَينه
يسد حلك الشمس للمغربيه
----------
جواب
-
رد يالعبدلي ابخت اهلي وأصلي
كلبك شرد من عندك وصَلي
لكاني الربي متوجه وَأصَلي
جنت أدعيلك ابذيج المسيه
--------
جواب
-
اعتبر للزين والشر ماله عبره
هذا الشط شرط بس نفر عَبره
صديقك لو حَبيبك واخذ عِبره
من هذا الزمن كله أذيه
--
جواب
-
شَرد كلبك عليه اشلون شَرده
حرت يمك ابيا صوره شَرِدِه
بعد من هالامر بس كول شَرده
إشتخسر مُحب لو صاحب شفيه
جواب
-
أنه الحيرني وكتي ابين شَخصين
وأشخص ياهو من اثنين شَخصنً
ابمواقفهم افكري اليوم شخصن
ياهو الضوه من ظلمت عليه
جواب
-
كلبك عن صديقك ماتخله
ولبو الطيبات زله ما تِخِله
صعب لو شفت واحد ماتَ خِله
أظن من عافه راوه المنيه
-----------------
السؤال الخامس
ابوذيه
عليك اعيونها بدموم تَنزف
العَدوك بالخميس الجاي تَنزَف
زائف ما جنت بالسكته تَنزاف
تكعد لو تصول ابهل قضيه
؟؟؟؟؟؟
الجواب
-
كلبي إيئومي بس مانفع يومَه
يوم ايواصل ابوتنه يوم أه
عسه يوم الخميس انشال يومه
اسبوع ابلا خميس أحسن اليه
جواب
-
لَوَني عَدل هذا العرس ما تم
ابمكان الفرح اله ايصير مأتم
ليش الامل بس وياي ماتم!
ردت ولفي وخذوه من بين اديه
جواب
-
حرام التنجبر عالعرس جَبره
وترى كَسر الخواطر صعب جَبره
اكويتي أشكد بجه من راح جَبره
بجيت أكثر عله الراح إمن اديه
جواب
توكل بالله والوجدان شَهده---
-قبل لا عيرك ايضوكون شَهده--
-واليكلك تهده اتكله شَهده-
-وأنه الفرهدو روحي إمنديه
جواب
فَت روحي احكم عرفي فَتاهه-
---وعساهه ابخت من كلمن فِاتاهه--
-اني وما يصح غيري فتاهه--
- فرحتي اشلون ماينطوهه اليه
جواب
مازال الخبر هاليوم وِِصِلك-
--قبل يوم الخميس ايكون وَصلك-
-تبين معدنك ياشهم واصلك-
--وتفك أسر التنخت بلشفيه
---------
-
ابعد عن هوى البذات بي داك
شحيحه وما يمرها الطير بيداك
نصحتك وانته هذا الامر بيداك
فرصتك هاي شلك بلأذيه
جواب
-
الكلب لو يوم عن حُبه تِخله
ينبض قهر والونه تِخِله
دَخله ياخذ الراده تخله
ويتهنى ابهواه ابكل مسيه
---
سؤال الخامس دارمي
خطبوني كوه اتصيح وينك حبيبي
يوم الخميس الجاي غيرك نصيبي
؟؟؟؟؟؟؟؟؟؟؟؟؟؟؟
-
جواب
فَر الكلب هاليوم من بين الدموع
راد الخميس ايشيل من هذا الاسبوع
جواب
-
بلكت سنه وتنساه ليش انته ضايج
وإدعي الله من اتزور باب الحوائج
جواب
-
يمعود الارواح جا هيه لعبه
لو قسمتك ما راح ذاك التحبه
جواب
-
نصبولك القناص خافن تجيهم
لو رايد انته اتعيش لتمر عليهم
------
السؤال السادس
ابوذيه
إشتكول ابيوم جارك فاض هَمه
طلب فَزعتك منك راد هِمه
إجو عدوانه يم الباب هُمه
وِتنخه بيك والوليه رديه
----------
جواب
-
جَم طَيب ابجور الزمن يَنجار
والك تابوت يوم الغيض ينجار
حسافه انت عَدل والجار ينجار
وتنخه بيك يل كلك حَميه
-------
جواب
-
مثل دمعات صرنه ونتجاره
انتساجل بلمأسي ونتجاره
جارك هذا يمك وانتَ جاره
اقرب من اخوته ابكل مسيه
-------
جواب
-
اليوم أحكم حكم تنفيذه جاري
ومنهم دَم يضخ للكاع جاري
اشحده اللي يمسله طَرف جاري
عَلي مَحسوب جيراني واليه
---------
جواب
-
جارك كون يسوه الهد تهِدله
وإذراعك عله الصوله تهَدله
جبل من الزلم غيضك تهدله
إذا ينخاك فوت ابهل قضيه
جواب6
-
جار الزين يم الزين يسعد
يعد بعداه وَكله اتهون يَس عِد
جاري اشلون اعوفه ابضيج يَسعد
اروح اتشارك اوياه بلمنيه
--------
-
أنه النصرة الجار اليوم جادر
قبل لا ينخه كلبي ابغيره جا دَر
وَأخلي المعتدي اينصبوله جادر
ولا جاري يطيح ابهل مسيه
-----
-
الوكت بس ويه ابو الطيبات عاده
لأن يعرف الغيرة اوياه عاده
الظلم جاري ابظلم والظلم عاده
اعيده اتراب بلحود الثنيه
------
-
جارك الك أقرب من إخوتك
افزعت هَب ريح يمه من نخوتك
نخت يم باب بيته من نخوتك
افزعت غربان عدوانه سويه
----------
السؤال السادس
دارمي
ظلمه ومطر ورعيد ومكاطع أحباب
وجارك الفزعه ايريد عدوانه بالباب
---------
جواب
-
بس هو مو كل جار تعتبره جيران
واشكد اكو جيران تسمه خوان!!
جواب
-
والفزعه لاجل الجار احنه اعتنينه
خَصاً إذا مظلوم واجب علينه
-------
-
لوما ثواب اهواي منهم ينولك
ماظن ابسابع جار وَصه رسولك
----6
بس كون اشوف الجار بعيونه دمعه
لدموعه اهد طلاب ماحاجه فزعه
هذا الوصف تعبير للطم ضميره
والوصفوه خنزير ما عنده غيره
هيهات أخلي الجار دمعاته تنصب
وأتعنه للجيلات وأحسبها خِلَب
---------
السوال السابع
ابوذيه
على كيفك اويه الدمعات لا كَت
عله صاحبتك الوياك لاكت
اعيونك زفه هذا اليوم لاكت
صديقك ويه التحبهه سويه
جواب7
-
ابوي انطاني بلخطبه وَعد لي
سبع تيام كال اصبر وَعَدلي
وصديقي الناكر أنصافي وَعَدلي
سبكني وباك صاحبتي امنديه
----7
-
صرت كل ساع أرد للوعي وَغمه
وحرت ابهَم دليلي أنه وَغَمه
ألاكي زفة الصاحب وَغمه
هذاكَ الفرهد احلامي إمن اديه
-----7
-
اشلون انطاك كلبك كلبي حَبهه
واطشرها وألم انوب حَبهه
تدري ابكل كتر صاحبك حَبهه
عجيبه وغلسيت ابهل قَضيه!
---7
-
افكارك طابعه وغدرك طبعهه
عَجيبه ارضيت يل تعرف طَبعهه
اشفافي الهسه موجوده طَبعهه
عمت عينك رضيت ابهل رديه
------
نشار إوضوج السامع نَغَمهم
مثل ما سَببولك غَم نِغِمهم
أنه اوياك خل نوكف نغمهم
هذوله اشتركوا ابجرحك سويه
جواب7
أدري الأه عندك ما تهدك
وعسه طعنت الصاحب ما تهدك
جنت هادود مالك ماتَ هَدك
عجيبه وما تهد ابهل قضيه
------
السؤال السابع
دارمي
صاحبك دوم اوياك- يعرف تحبهه
غافلك مر مناك- كبلك خطبه!!!!
؟؟؟؟؟؟؟؟؟؟
جواب7
-
أنسه الأمر وبهاي ميفيد اعاتب
الخان الملح والزاد ماظنه صاحب
--
لو زفة الخَوان مرت عليه
يلكه احله غمه اهناك بثنين اديه
ياطيب اشمدريك جنت اعله نيتك
حفرولك ابممشاك رادوا أذيتك
درس الوفه عافوه شحجيلك انه
لكن خذوا دبلوم منِ الخيانه
والله الملح عَثار للما يصونه
وِالخانتك هَليوم باجر تخونه
ياكلمة المبروك بيهم خَساره
نار الغدر بركان ما تطفه ناره
---------
السؤال الثامن
ابوذيه8
تطورنه السلام اليوم بس هاااي
وأنه الساهي ابقضيه وذبت بسهاي
أسألكم أحبه أهواي بس هاي
أزغر مني بهوايه عليه!!
؟؟؟؟؟؟؟؟
الجواب
--
اسنيني الأربعين اليوم خَطت
وبيضات الشعر بلراس خَطت
طفلتي وارسلت مرسال خَطت
لو وياك لو ماكو المنيه
جواب
-
إشجَم كلمة نصح مني وردهه
وأبعدهه وتراسلني وَردهه
صرت مدمن أنه بشمت وَردهه
بس فارق عمرنه اشسوه بيه
---
جواب
-
انصحها تِروح اتشوف حِلهه
تكول المسأله وياك حَلهه
تقفل روحهه وتكول حلهه
حتى اتشوف بسمك رحي هيه
---
جواب
-
أعد بسنين عمري وضاع عَدي
وأوَصي الكلب عن الشوك عَدي
أنه الاستاذ والتلميذه عِدي
تصيح أهواك بالله اشلون بيه
جواب
-
لو كالت مَثل بلحُب مَثلها
وصاير أنه بلدنيا مَثلها
تمنيت أرجع ازغير مثلها
وأراويها العشك والجاذبيه
جواب
-
يخطبوهه الشباب اتصيح مابي
أبي الشايب وأرضه اشبيه مابيه
وأنه كَطرة صبر ياناس مابي
وبعدهه الروح خَضره وعاطفيه
جواب8
كالوهه الرجل ميعيقه كبره
اذا روحه شباب ونار كَبره
عاشق للحياة اليوم كبره
ويتحسر عله ايمه الهنيه
جواب8
لبيب اليعترف بلحق فقاره
رفعة راس بس احنه فقاره
مثل حيدر الما يخمد فقاره
اذا ما طبر كل روس الرديه
------88
السؤال الثامن
دارمي
أرد أسئل الطيبيين والعشكوا اسنين
هَم للعمر تأثيير بين المحبين!!!!
؟؟؟؟؟؟؟؟؟؟
جواب
-
وبهل عشك محتار والحيره حيره
كالوا يعذب الروح عشك الزغيره
جواب
--
عمو وأكلها ايلوك وي هذا شيبي
كامت تجي وتصيح عمو حبيبي
خاص
--------
دارمي
احسينية أهل البيت لمتنه كلنه
بلغربه ياهلناس صارت وَطنه
------
ابوذيه
ابكلبك حبهم ال البيت بَيته
ثبت حبهم وحب الغير بَي تاه
محمد ما نعوفهوأل بيته
نضل ويتهم وهمه الهَويه
--------
القصيده او الموال تقرء ما بين النعي والقاء القصيده
سَميناها بال البيت وهذا الاسم ضواهه
بنوايا صادقه الربنه لَمينه وبنيناهه
الحسينيه جمعتنه وكل اكلوبنا اوياهه
كلمن كاعد ابيته ولا نتجتمع لولاهه
نشكر الله الرزاق ساعدنه اعله مسعاهه
يوم الافتتاح اليوم لكتنه ومحله مَلكاهه
وأول كلمه نهتفهه الصلاة الأل والطهه
يالله وبعلات الصوت مبخوت اللي صلاهه
اللهم صل على محمد وال محمد
---------
السؤال التااسع
9999
أبوذيه
الك سؤال أبوذيه من البيت
أبوك وأمك ابكلبك من إلبيت
وزوجتك كالت اطردهم من البيت
اشتسوي إحجي الصدك وبهل قضيه!
؟؟؟؟؟؟؟
جواب9
-
عمت عينه اليكول الامه بره
جا وينه وفائه وين بره
عَفه كلبه عله الربوه بره
واليسويهه أبد ما بيه حميه
جواب9
-
أشجَم صاحب ابصاحب نادمانه
ورسولك وصه بامك ناده امانه
عله تقصيري باهلي نادم أنه
عسه ايعودون أداريهم بديه
جواب9
-
البوسه القدم أمه ما تِخِله
العله الربوه كلبه ماتخله
ابوك ابتالي عمره ما تخله
يِدَورر إفيياي كل ساعه ابزويه
جواب9
-
ابوك وامك ايضوون داراك
إذا داريتهم تلكه ابن داراك
الوكت الدار بيهم يوم داراك
مثل مَتسوي تلكه ابهل بَريه
جواب9
-
كلمن جان للربوه هامل
وَكت الموت دمعه ايصير هامل
ميفيد العذر ها تعب ها مَل
حقوق الهم عليك اوللمنيه
جواب9
-
كلبك يرتبك بلخوف رباك
تجازي الذاك وانته طفل رباك
تراضي ابهل امجازه كون رَباك
وتفوز اجنته باغله هديه
جواب
-
حلوه العشره من اتصير لَمه
وحلات الشاب من ايباري لمه
لمه انته تخاف الله لمه
تباري والديك ابهل وطيه
99999
السؤال التاسع
دارمي9
امك وابوك اكبار ظنو تلمهم
ومرتك تكول ابساع خَلصني منهم
؟؟؟؟؟؟
جواب9
-
امي التصير التاج فوك اعله راسي
والجوهره البلتاج والد أساسي
جواب9
-
حته الله يبن الناس ما يقبل ابهاي
لامي وابوي الروح دوم أنه وَفاي
جواب9
-
لا والله ما تنعاف امي ابكبرهه
أندم لونها اتصير يوم ابكَبرهه
جواب9
-
داريهم ابدنياك وانته ابسلامه
حته تفوز اهناك يوم القيامه
جواب9
-
رَبي الامرني ابهاي مرضاته بيهه
امي واخلي الروح مابين اديهه
جواب
-
ويه الابو وَفاي عمري وزماني
وكت الكبر هيهات ما عوفه اني
جواب9
-
طحنه ابزمن غَدار والله مصيبه
والينكر امه اشلون ينكر حليبه
جواب9
-
لو تترك الربوك وتظنهه سَهله
يوم الحساب اهناك لله اشتكله!
أفتخر لو راضيت امي الحنينه
واليطرد امه اتصير مكسوره عينه
ضيجة خلك والروح كلش عَليله--غربه وقهر والليل مابيه حيله
جاري واذا يحتار بس يطلق الصوت---درعه انه يم الباب وشحده اليفوت
نفطر اذا مريت اي عمي نفطر---وجهك اهلال ايصيح اللهُ أكبر
----------------
الدرس العاشر
10 ابوذيه
بحجة يكنز الدنياه عده
بَخيل أطفاله جَن أيتام عده
إذا عَديت اهل البخل عده
لأن ما فَرح اعياله ابهديه
؟؟؟؟؟؟؟؟
ماذا تقول بهذا الرجل!!
اكتب ابوذيه جديد لأارد عليك بابوذيه جديد
جواب10
-
بالك تطلب إمن البخل هَده
لأن طبع الكرم من كبل هده
مريض وماله كل اعلاج هَلده
ياخذ بخله وياه للمنيه
جواب10
-
صاروا عار والسبه بخلهم
ابنصايح هالبت التنفع بخ الهم
من كَد البخل كطعوا بخلهم
لأن طبع البخل ذاته رديه
جواب10
-
ماله هالبشر تعبان ماله
يجمع مال بس للغير ماله
البخت مايل وعن الدرب ماله
وبحفرة بخل ذبه ابرديه
جواب10
-
حَمل خيل وتعنه بخيلك
وأبد لا تكطع ابخيرك بخَي لك
إويه اخوتك بالك اتعده بَخيلك
ميفيد البخيل ايضر خَويه
جواب10
-
بَخيل الما دَره ابناسه والمهه
وإذا يصرف لعن روحه ولامهه
بس افلوسه اليحبهه وَلمهه
ومبهذل احواله ابهل وطيه
جواب10
-
كضه عمره بأثر خله بخله
يلم أموال بس معلوم بخله
اشجم خل الكطع وصله بخله
وسببها البخل وأطباع الرديه
جواب10
-
يِضُم ماله واذا يطلع بلا مال
بخيل امصبر اعياله بِالامال
اشينفع والبخت مايل بلَه مال
مال البخت بأطباع الرديه
جواب10
-
بخيل وعشرته ياناس مره
وأبد مالبس ثوب اجديد مره
اله ابكل عيد يم الباله مره
يِلَبس أطفاله بجرود الرديه
جواب10
-
بخير ومايه مثله مايه هَمه
يصلي اطفاله بلحر مايهمه
طلبنه ايهم عليهم مايه همه
همه عله افلوسه وهاي هيه
جواب
-
يكول ابن البخيل بقهر وِالهم
صرت أكل صواني صبر وَالهم
عَكس الناس ابونه غني والهم
حياة العز كضوهه ابهل بريه
-------
السؤال العاشر
دارمي10
عن البخل شتكول والوضعه مَدروس
وأطفاله جوعانين وِيضُم بِالِفلوس
؟؟؟؟؟؟؟؟؟؟؟؟
ماذا تقول ايها الشاعر!!!
أجبني بدارمي جديد لارد عليك بدارمي جديد
جواب10
-
ماظن يفيده ابيوم هذا اليضمه
ضَيعهه بالدارين غمه التغمه
جواب10
-
ياما شفت تعبان والنفسه ظالم
يملكله عشر ابيوت وكاعد حَواسم
جواب10
-
بس هَمه يجمع مال وعيونه وَكحه
ويهجم عليك ابساع لمن تنصحه!
جواب10
-
أطفاله يوم العيد كدامه حفاي
لوما ملك معذور لاكنهن اهواي
جواب10
-
بيهم غَني وتشووف ولده جياعَه!
وبيهم عله الخبزات ملبوسه باعه
جواب10
-
ابوَجه البخيل اتشوف مَرسومه عينين
غَمَضله وحده وكام ينظر فَرد عين!!
جواب10
-
وَيه الغني ايحكموه ابيوم القيامه
بس ماصرفهه ابخير مات ابندامه
جواب10
-
لَمن يطَلع افلوس تترسله خيمه
وما ياكل اللحمات اله ابغزيمه
جواب10
-
بيته خَرابه اتكول أجَر قصوره
وتوقع إمن ايموت واحد يزوره!
جواب10
-
عيديه ما فد عيد حطهه إبديهم
بلكي الله من ايموت تفرج عليهم
10جواب
-
وأطفاله بلدمعات عدهم علامه
يَمهم ابو وتكول جَنهم يتامه
---------------
السوال الحادي عشر
11
ابوذيه
الدنيا العازتك كلش دقيقه
ابشحة صايم اتطشردقيقه
ماضل الفطورك بس دقيقه
وأجوك ايتام والجوعه رديه
؟؟؟؟؟؟؟
صايم وفطورك قليل جدا وقبل الاذان ابدقيقه اجوك ايتام جوعانيين!!
لو تشاركهم بلاكل ماراح يشبعون!
احجي ابصراحه
اشراح اتسوي؟
ولانك شاعر مبدع
لازم تجاوب بابوذيه جديده
حتى يصير واهس ارد عليك بابوذيه ايضا جديده
ولا للمنقول
لا للقديم
نعم للجديد المباشر
والدعوه عامه لجميع الشعراء
---
جواب11
-
يتيم وحلمه بس بلزاد مازاد
وثكل وَزنك وهوهَ ابوزن مازاد
قبل يحطوك ابسعر مازاد
تلاحك نفسك ابهاي القضيه
----
جواب11
-
ترى اليتيم دَرب الجنه منه
وإذا تنطيه كون ابغير منه
ربك ليش ابو الحسنين مناه
لأن انطه اليتيم الأولويه
جواب11
-
نحس بالجاع اوقاته اوجعنه
مادام احنه هَم صمنه وجعنه
يوجع جوعنه ايسبب وَجعنه
وشحال الجياعا ابهل بريه
جواب11
-
ترى الجوعان عالطيبيين عينه
إذا تكدر عله هالحال عينه
اخذ من عمره بس يومين عَينه
حته اتشوف كل عمره أذيه
جواب11
-
يروح اليوم أضل صايم وأعيده
وعد ربي ولا يخلف وعيده
اليتيم اختلف عن ربعه وَعيده
مايفرق عله ايامه البقيه
جواب11-
-
احساب عالعقل لو تتم بلي تام
الدنيه إمن الأجر تخله بلا ايتام
لبيب الساوه أطفاله بلأيتام
ويوم العيد لبسهم سويه
جواب11
-
حَبو تحبي لَون عاجز تَحَبَه
الجف اليتم وبأيده تحبه
وإذا انتَ صدك حيدر تحبه
قَلده ابحُب يتامه ابهل قضيه
جواب11
-
مادام اكدرت عالخير مادام
استعجل تراه الخير مادام
ترى الدمام لولا الهوه ما دام
وبطون الخاويه ادمدم أذيه
جواب11
-
هنياله اليتيم ابيوم سراه
وبينه وبين ربه جعل سراه
ميدري بلقيامه وين سراه
سراه للجنه لو نار الحِميه
جواب11
-
يجي رمضان لوما يجي ماهم
لأن صاموا ابطول العمر ماهُم
يتامه والأهل ياناس ماهم
خذتهم منهم ابغفله المنيه
جواب11
-
احنه الشاي منشربه بلاهال
اشحال الجايع الباقي لا اهل
تهل ادموعه كل ليله بلا هل
عله حاله وكطع ناسه سويه
--------------
السؤال الحادي عشر
دارمي11
صايم قليل الزاد ومتاني الاذان
وطبلك يتيم ايصيح ياعمي جوعان
؟؟؟؟؟
الاكل كوه يكفيك!!
اما تنطيه لليتيم
او تطرده
واذا شاركته بطعامك اثنينكم راح تبقون جوعانيين!!!
احجيلي ابصراحه
بس ببيت دارمي جديد حتى اجاوبك بدارمي جديد
جواب11
-
هذا امتحان اوياك بس الصبر وين!
كَبلك ثلث تيام سواهه ابو احسين
جواب11
-
تاليهه كنه انموت والحفره ضلمه
واليرحم الايتام ربك يرحمه
جواب11
-
انطي اليَتيم الزاد وأشويله كلبي
وراح أطمئن وارتاح بمراضه ربي
جواب11
-
يبقى الصبر مفتاح لافراح الايام
يل فكرت بالحال فَكر بلايتام
جواب11
-
لا والله خيري ايزيد لأجل اليتامه
واهناك المجازات يوم القيامه
جواب11
-
وَيه اليتيمه اليوم اقسم خبزتي
ولو ماتكفي ابهاي انطيها حصتي
جواب11
-
نتكابل أنه اوياه ابذيج المسيه
ونذكر علي ابهل حال نشبع سويه
جواب11
-
وأشلون يطلع صبح ونمحي ظلام الليل
يل تضحك إمن الفرح جارك يصيح الويل
إولا نسأل المنجرح ياجرح هَد الحيل
لو تدري حال السمح مثل اليتاني الريل
لا ريله مره اجه إولا راحت الحيره
لا خويه ماظن صبح يطلع عله الديره
حسين الساعدي
-
2أعجبني · · المشاركة
ابوذيه
مهما الموت عن شَخصك بعدنه
عله خَطك يبو اُمؤمل بعدنه
نِعد بسنين فقدانك بَعدنه
كل جمعه سنه اعله المرجعيه
-------------------------------
القصيده
سنه وشيعه يمحمد خسرناك
يل كلبك عراق ابكبره ديوان
عَفه عوجيتك الجانت ابيمناك
شالت جبل بس ابهيئة انسان
تِنَخاك العراق إومن تنَِخاك
لأن هاج البحر ويريد سَفان
طلب عِصاة موسى اتجيبهه اوياك
لأن واقع عراقك حيل تعبان
صارت الذبح بينه اهنانه وهناك!
بعد مو بالسهوله انلاكي دَفان
صارت غابه يمحمد بَلياك
بعد ماكو حبيبي كلها عِدوان!
هِتفوا كلا للشيطان وَياك
بس لمن طحت تبعوا الشيطان!
نفس العاف مسلم هسه عافاك
شوف اشجم قناع ابوجه الانسان!
وِشتاكت الكوفه اتريد مَلكاك
هم ترجع بعد وتضوي كوفان!
بَس خَطك بقه وخاب التحداك
بالكوفه وِفُولك خوش شبان
والباقين عافوا ذاكَ ممشاك
عله الدولار ركضو وين ما جان
يَمك عاهدوا همه اعله مَسراك
لكن هسه صاروا غير عنوان!
كلهه اتغربلت مناه إومناك
مَيزنه الوَفي والصار خَوان
سفينة نوح انته وكلهه بحماك
والتمَسك نجه والعاف غركان
يامنبر الكوفه إلدار الأفلاك
كل خطبه التهز اعروش طغيان
يل جبت الشجاعه الهذا ولذاك
لان غيرة علي بالكوفه نيشان
ياصدر الكرامه الجنة تهواك
والعافك وحق الزهره خسران
والعافك وحق الزهره خَسران
حسين الساعدي
----------------------------------------
االف مبروك الي بيكم--عسه رَبي اليخليكم
ضواي الهاي العيون
تِنَوَر بيكم الكون
تهنوني وأهنيكم--الف مبروك الي بيكم
-----------------
كلهه احباب أبد ماتلكه شمات
وجمعتنه الحياة ابغير غايات
عدنه اكلوب تنبض بالتحيات
حته الوَرد ويانه
اجانه اليوم هنانه
وَردكم لايك اعليكم--ألف مبرروك الي بيكم
-------------
لَمتكم نَبض كلبي اوغرامه
وعيني اتودع ادموع الندامه
رَبي ايديمكم دوم ابسلامه
حاير المن الليله
كلبي المنكم اهديله
حاير بيش أجازيكم-الف مبرروك الي بيكم
-----------------
االف مبروك الي بيكم--عسه رَبي اليخليكم
ضواي الهاي العيون
تِنَوَر بيكم الكون
تهنوني وأهنيكم--الف مبروك الي بيكم
------------------
اجه ميلادي ويه الناس ما جيت!
عله المبروك ما سمحت ضروفك؟
وانطيتك مجال اهواي ضَنيت
تبدل اسمك وتدخل وأشوفك
يلي ابغير اسم بالخاص طَبيت
قبل لتعوفني مَجبور أعوفك
-
مالج فخر ياعين لوما تطيحين
ويه الدمع فد يوم وبحُب الحسين
الساعدي
-
دَرجع ياقطار الشوك
ضلت تربي ديرتنه
قَطارك راح وتعده
دَمعك ماظن ايرده
عمرك ماي وتبده
وكلبك علمضه مَحروك
دَرجع ياقطار الشوك
ضلت تربي ديرتنه
أمر للسجه واتعنه
يوميه بالف وَنه
وأررجع كاطع الظنه
وأنه ابعبرتي مَخنوك
دَرجع ياقطار الشوك
ضلت تربي ديرتنه
دوكف عاين اشبينه
حيل الغربه تاذينه
دَرد بينه الأهالينه
عاشك رايد المعشوك
دَرجع ياقطار الشوك
ضلت تربي ديرتنه
لو عندك كلب مثلي
جا رديتني الأهلي
يريل وغربتي اتولي
كَئيبه والفرح مَبيوك
دَرجع ياقطار الشوك
ضلت تربي ديرتنه
الساعدي
-
جزاني الريل وتعده
يصاحب ريتك اترده
غَريب إ وشدتي شده
صعبه ااشكد مَتتصور
دشوف الشيب صار أكثر
---
تانيته اويه دَمعاتي
شتلني ابشتلت أهاتي
ولا مَر ابمحطاتي
وبعد للوكفه ما اكدر
دَشوف الشيب صار اكثر
---
عليك المصطفى وبيته
تكله كون لاكيته
ليش احسين خليته
ابغربه وامه تستنظر
دَشوف الشيب صار أكثر
الساعدي
--
اشلون اعوفه
واني وصيت السعاده
لاتجيني كون ما تسمح ضروفه!
اشلون اعوفه
واني وصيت العيون اتضم صِورره
كون نتلاكه وأشوفه
يانجم ياما انتضرنه!
يانجم اسال كمرنه
الياوكت عالن كسوفه!
ما اعوووووووفه
الساعدي
-
معقوله المدارس ضد الايتام
ومعقوله جذب حَجِي الجوامع
ليش العنده أهل يتعشه وينام
وأنه ابجوعتي امسهر الشِوارع
الساعدي
-------------------
دخيلك بالدرب شمات ليشوفون دَمعاتي
عفته لا تكول ابصوت ويسمعون شماتي
وأنه إبين هاي وهاي واتعثر ابخطواتي
سَلم خاطر ايسمعون وأرسلك تحياتي
ترى عالصفكه متحضرين والطبلات وياها
لو راید عشرتي ویاک احزاني تلگاها
وحچي الچذب لاتطري داخل حسن غناها !!!
-اجلبنك يليلي والدموع اتزيد
يا حال العراق الصار عني ابعيد
تبجي ايامه تبجي وما يمرهه العيد
ضاع الفرح منه وبعد شيجيبه
اجلبنک یلیلی اثنعش تجلیبه
-
حمد رد الهلك وي ظلمة الليل
جزاك وما وكفلك عافك الريل
حمد صار الصبح شوف العصافير
عله جتفك تحط مثل التماثيل
حَمد رادتك صعبه وماظن اتصير
اشلون الريل يرجع بالتواسيل!
حمد كلبك يون وبونته تَفسير
واسمع من صداهن ويل ياويل
لا خلوا رسايل لا تصاوير
والسجه بعيده اتهدم الحيل
الساعدي
بعيده اتهدم الحيلأمس جَن بالحلم وياي فد بيتحسين الساعدي
وجه ابوجه و انسولف سويه
شفت خدك المايع جَنه جكليت!
على المايع رحت مديت اديه
بس يا للأسف هالحظة فزيت
أويلي وكون تدري اشصار بيه!
ابسرعه غمضت عيني وتمنيت
اغفه إوطيفك ايعاود عليه
نمت الخاطرك بس انته ما جيت
حلمك ما كمل شنهي القضيه!
واكف بالمنام امتاني ضليت
كلت بلكت يحن ويرد اليه
ما صَدكت بيه ابطيف مريت
ولو بالطيف بس هَم احله جيه!
تمنيتك حلم بس هَم تمنيت
حتى ابيقضتك تسأل عَليه
حسين الساعدي
-
عباس للحومه نزل
والجيش طشه ابصولته
زينب تشاهد للبطل
والكوم كثره الحاطته
عرفت العباس انجتل
لمن توارت رايته
صاحت يبن خير العمل
كامت تحشمه ابغيرته
واحسين ضل يابا الفضل
محد ينصره ابشدته
عباس يل بيك الأمل
مو وكت نومك نادته
ركب ازنودك يا فحل
وانصر احسين ابغربته
رد ابضعنه للأهل
هاي اليتامه امشتته
وتلاحك احسين ابعجل
هذا الشمر كض ركبته
الساعدي
ابجاه الرسول إوصوته قرأن
والمرتضى داحي البيبان
ابجاه الزجيه إونور الأكوان
ابجاه الحسن سيد الشُبان
ابجاه الحُسين المات عَطشان
وام البنين إوكل الأحسان
أم اربعه الاقمار شجعان
ابجاه العقيله إوطف الاحزان
ابجاه العليل العاش حزنان
شاف المصايب وين ما جان
ابجاه الرضيع اوخطف الألوان
نرفع اجفوف الطاح عَطشان
ابجاه النبي واله يرحمان
ترحم اهلنه البسوا أكفان
ويوم الحشر ما بينه حيران
وجسمي ايتحرم عله النيران
الساعدي
-
-
والعباس لو بس عنده جَفين
ما جان انوله إولا يوكع احسين
اشحده الخيل توصل توصل امنين
وابو فاضل ابسيفه ايرفرف البين
مثل كرار جان ابيوم صفين
إذا عَزم يخلي الجيش نصين
وين اجفوفه يا زينب صفن وين
وشجاب السهم وشحطه بالعين
اطلبي إمن الفرات ايجاوب الحين
اشكثر داروا على شبل الميامين
يازينب ترى انتي اويانه تدرين
وكل الناس تعرف غيرته زين
والموقف صعب ومهَدد الدين
يدري ابجيشهم لحسين ناويين
عجيبه اشلون يوكع يترك احسين
الساعدي
بقيت ابصفحتك كاعد ولا اروح
واحس بالكلب ما عندي ولا روح
تمنيتك تضل يمي ولا رُوح
لديار الغرب وبهل مسيه
-وَطنه ابشارب الطيبين مَصيون
والينكر فراته مو عراقي
حبيناه على اعناد اليفجرون
كلهه اتروح فدوه وهوَ باقي
الساعدي
تَطلبي مني الغناء
والهتاف للهناء!
وأزقة بلدي قد تلونت بلون الدماء
عذراً ياملكة جمال الزمان
عذراً فأنا انسان
وتنتحر ابتسامتي
عند سماعي للعويل والبكاء!!
فمزقي قلبي بالفراق
كما تمزق العراق!!
الساعدي
-
شحجيلك باالليله إويوم!!
شوف اشكد لاكني اهموم!
من ودعتك ولهل لحظه
سهرانه اعيوني وما ترضه
لا تغفى اولا شافت نوم!
شحجيلك باالليله ويوم!!
إبلوم اللايم داخ الراس
وأكسر خاطر بين الناس
شَحجيلك باليوم إوليله!
ما تتسولف قصة إطويله
وانته اويه العذال اتلوم!
شحجيلك باالليله إويوم!!
امروتك خلي الباقي ابسكته
وكل عاشك يعرف سالفته!!
وياك امودع ضحكاتي
ومستقبل هَمي ودمعاتي
قسمه انته وهذا المقسوم
شحجيلك باالليله ويوم!!
حسين الساعدي
أبي حُبك يداوي الروح شاهد كم جرح بيها
أبي منك قبل لتروح تجي الروحي تداويها!
أحبك تمسح ادموعي ترى البسمات ناسيها!
أبي ترسملي البسمه الضاعت كل معانيها!
أبيك اتطمن المحتار ابقصتة اشلون تاليها!
أبيك ابنظرة لعيوني تخلي السهر يجفيها!
أبيك اغنية للمشتاق إذا لاموني أغنيها!!!
وأي كلمة عتب بعدين يوم الحشر خليها!!
حسين الساعدي
-ما شايف رمش يتخله عن العين
ولا شايف بشر عن روحه يتخله
بس انت المشيت ابعكس المحبين
تجرح كلبي وبدمعاتي تتسله
لو بالعين شوفك جان اغمض العين
لكن بالكلب والكلب شتكله!
حسين الساعدي
باجر راح اشوفه واصبر اشلون
مثل عطشان للمي هيجي محتام
واذا باجر يجي ومتشوفه العيون
اكض باجر وامسحنه امن الايام
حسين الساعدي
ابدربك راح اناطر فنك اشلون
تثبت خطوتك من أرتبيلك!
واسويها مزلاكه ابدمع العيون
حتى اتطيح كدامي وأشيلك
حسين الساعدي
تسأل عن هواجس روح والخايف صدك معذور
لكن كلشي بالقسمه وترى للخوف مو داعي
يصح صاحب تشوفه العين واحس بيني وبينه ابحور
وصاحب حاسبه غايب اجه وشاركني بمتاعي
حسين الساعدي
-
زعلك ما يباعدني وابدل جَنتي ابنارك
عيني اتعودت كل يوم تتصفن على انوارك
واعوف اخبار كل الناس بس اترقب اخبارك
من يوم الصرت جاري ومن يوم الصرت جارك
اشو صارت مثل عيني داري صافنه الدارك!
حسين الساعدي
راقي أنه وعراقي ولمن اشتاق
اتحدى الوصَل ذاك اشتياقي
لو شح الوفه تلكاني سَباق
أسابق بالوفه وشافوا سباقي!
أنه ابن العراق ابيوم تشتاق
دجله الخير تلكاهه ابعناقي
كون الناس للاوطان تنساق
أحب لو للعراق أنه انسياقي
حسين الساعدي
كف سيل الدمع متوهم اهواي
تتحلم جنت مبيوك عيدك
وتتصور مشيت وغيرك اوياي!
عجيبه اتصورتني ما اريدك
ولا جَني تركت الراح والجاي
وايدي اتعودت بس تحضن ايدك
اصحه الواقعك تلكاني وَفاي
ترى الاوهام كلش ما تفيدك!
حسين الساعدي
اشكد أحب اجروح كلبي
لأن جارحني بديك
ما يطيبن وأدعي رَبي
يبقن ايذكرني بيك
لو ذنب حَبيت ذَنبي
ياذنب قربني لِيك
انته اليعرفك يحُبي!
لازم ايمر يعتنيك
كمت الاحظ حتى دربي
هوَ يفتر إويجيك!
صار مثل اعيوني يربي
ابخاطره يسأل عَليك
حسين الساعدي
-
نام ابترس عينك لا تضل سهران
لتظن روحك الحبتني اعوفنهه
ابهولندا جنت ما أعرف أي انسان!
هسه الخاطرك هولندا أحبنهه
حسين الساعدي
احبك مو بديه ابروحي وتعناك
يل وحدك حبيبي اشغلت تفكيري
تدري اشوكت اعوفك وابتعد وانساك
من اتشوف توم ايجوز من جيري
حسين الساعدي
انزرع حُبك زرع مابين العيون
بحيث امنين ما اعاين أشوفك
حبيتك بعد لا تسأل اشلون!!
واعوف الناس كلها وما اعوفك
حسين الساعدي
-لا يسره لا يمناي واسهامي بالعين
ما مهتم اعله الصار كل همي بحسين
لو بس نفس موجود بالمشرعه اوياي
اشلون ابو اليمه ايطيح ما اقبل ابهاي
الساعدي
-جنت تتحلم ابساعة شباكك
نايم بالبرد فاتح شباكك
نفسك هيه صادتهه شباكك
صدت نفسك بديك ابهل قَضيه
----
هلا بالكال هذا انه وجانه
وبنوره اليهل بينه وَجانه
كلبي الما عمل عمله وجانه!
وإذا حبهم جريمة الجرم بيه
-------ضيمك عالليالي ابعيد شَمره
ومن شمر اشوفن بيك شَمره
يزيد الخاب لمن رسل شمره
ونجح كلمن ثبت وبكل قضيه
روح اسأل الكرنه وبعد سيبه
على روحي السابت فَرد سِيبه
صديق الما يجيك ابعسر سيبه
واحسبه هو والماكو سويه
الساعدي
-
مايسكتن
لو بجن!!
صدك لو كالوا أهَلنه
ماكو أغله إمن الوَطن
راح تحتاج المحنه
لو تمر بيك المحن!
وماكو أجمل من وَطنه
اشما قسه اوياه الزمن!
ضاع بالغربه عُمرنه
بين أهات إوشَجَن!
ضاع واتفرق شَملنه
والسنين إتفرهدن!
مانريد الغربه صحنه
حتى لو جنة عَدن
أخ يا عيد اليمرنه
ايجيب وياه الحزن
وأخ يا جمرة دَمعنه
اتكول بركان إوجَرن
بالمنافي اعيون عِدنه
إو بالِدموع إتمَحِنن!!
كون نِتذَكر وَضعنه
ما يسكتن لو بِجَن!
صعبه لو سائل سَئلنه!
عل ليالي اللي مضن
بيهن اويه أحباب عشنه
للأسف لكن كِضن!
ليش تلجمنه ابجرحنه!
توهن اجروحي غفن
فَزن إوسَولَي فِتنَه
اجروحي بيه اتحالفن!
جَرح يطلب للمَحَنه
وجرح من عدهن صِفَن
عَله اثنين اجروح اِجَنه
وبالمِصاب اتطابكن!
يالله رد بينه الوطنه
أسمَع اجروحي حِجن!
والجِبير الصاح أظنه
هالجرح خلاني أون!
كال كون الغربه جَنه
إولوا شَريت اشما تظن
اشتري كلشي اتمنه
والبحر وَيه السُفن
والرصيد البيك فَنه
يشتري اثنين انتهن!
ما ترد ريحة أهلنه
وصعبه تشريلك وَطن
-
يادمعتي االبين ناسي
وياغربتي البلعراق
ياهو مثلي الضل يقاسي
ابلوعة كلش ما تطاق!
شيبوا كلبي اويه راسي
بالغدر عدهم سباق
مني إوبيه المأسي
يعني مو غربة فراق
صعبه لو يهتز أساسي
وبعد ما يباقلي باق!
حتى اعز الناس ناسي
جذب ماضل اشتياق
محد الجرحي يواسي
دوخوني اهل النفاق
-
علي هوَ علي إويكفي!!
حسين الساعدي
؛؛؛؛؛؛؛؛؛
علي بالموزمه ايوفي
علي بالشده ما يجفي
علي نور الله ما يطفي
علي هو علي ويكفي
علي
هو
علي
ويكفي
/////
علي الانذار والغاره
قبل لتصير طياره
يقصف جان فقاره
وبروس العده ايصفي
علي
هو
علي
ويكفي
-
/////
علي القران والأيه
علي الميزان والرايه
علي الانسان والغايه
علي بلمحشر ايوفي
علي
هو
علي
ويكفي
/////
علي والشَرف الكعبه
علي واللي عبد ربه
شتنكرون لا صعبه!!
وأية الله ما تخفي!
علي
هو
علي
ويكفي
////
علي الاسلام والمذهب
علي بإيمانه متنصب
ياسيف الله المجرب
وبصولاته التشفي
علي
هو
علي
ويكفي
اااالساعدي
--
الاخ العزيز شاعرنا المبدع الشاعر حيدر
نرحب بك معنا ونتمنى ان نرى المزيد من ابداعاتك هنا
وفي كل اقسام الابداع تحياتي
،،،
ليش ياناصب تكفرنه وتكول
ذوله شيعه ويعبدون المكبره!
انه احاجج بالدليل المايزول
يلله نتحاسب وجيب المسطره!
هذا ياهو الماشي للجنة إويطول
وصاحبك ماشي و خطوته اِمعثره!
يافدائي اليفتدي ابروحه الرسول
ونام بفراشه إوقريش امهستره!
واليهد حصن البخيبر والعقول
الهسه وبلا باب ضلت خيبره!
ياهو كرار ويطب بيها ويصول!
وياهو خَلف الجَبل شارد ليوره!
والصميده المدرسه ابعلم الرسول
وصاحبك هالك أذاَ ميشاوره!!
وياهو هذا الفاز بالزهره البتول
إوفشلوا القبله لأنهم مَسخره!
واسأل القُران وافتهمه اشيكول!
والزعامه العلي وبسمه امكدره
وبأحاديث النبي كل الحلول
وانتَ شو حتى النبي ومتقَدره!
وصاحبك نادم عسه ابجنة ينول
لكن الجنه العلي لزمت سره!
علي الأصلي بالخلافة والأصول
ورَبعك استنساخ كَلها امزوره!!!
واختصرلك بالمواقف والفصول
وهاي ماتلكَاهه بس عد حيدره
وانه تابع هالبطل فحل الفحول
وأنتَ تابعمَن تفَكَر ياتره!!!
بأي شريعه كَفرتني ياعذول
لأجل فتوه من عقول امحجره!
يانجس ياتابع الهاي الذيول
وانه طاهر مع العتره الطاهره
اشما تفجرنه الولاية ما تزول
وراح تبجي ادموم يوم الاخره
وراح تبجي ادموم يوم الاخره
حسين االساعدي
وجهك كمره وشعرك ليل!
حسين الساعدي
بين العين وبين الحاجب - مثل الحارس لازم واجب
يوميه أستكشف أسرار
شاعر واكتبلك أشعار
بس لعيونك شوف اشكاتب!
بين العين وبين الحاجب
------------
خليني الحارس لعيونك
ابقه امساهر وانته اتنام
ياروحي الما أصبر دونك
يا عيدي ابكل الأيام
قربك جنة وبعدك نار
من فاركتك شوف اشصار
مثل الشمعه ابهجرك ذايب
بس لعيونك شوف اشكاتب
-----------
ياشاعر يوصل لأوصافك
وجهك كَمره وشعرك ليل
لازم يصفن ياهو الشافك
بعيونك سر هَد الحيل
لليوم ابسرهن محتار
لعيونك واكتب أشعار
أكعد وياهن وَاتعاتب
بس لعيونك شوف اشكاتب
بين العين وبين الحاجب
مثل الحارس لازم واجب
الشاعر حسين الساعدي
---------
سر اللي تعدى اثنين مفضوح
مثل دمعاتي مفضوحه اعله خدي
مكشوف إمن أغطي اجروح بجروح
إوعذري لا يجيب أولا يودي!
-
اهداء بسيط مني لأمير المؤمنين علي عليه السلام
نحج المولدك والحَج فريضه
وَليد الكعبه وبعدلك فرِيضه
قبله للصلاه فرضك فريضه
رغماً عله اخشوم الناصبيه
الساعدي
-----------------------
اخوتك!!
حسين الساعدي
؛؛؛؛
لخوتك لا تعوف ابيوم مرهم
واحله إمن الشهد لو صار مرهم
اخوك ايصير فوك الجرح مرهم
إذا الوياك كال انه اشعليه!
االساعدي
--------------
جمره الدمعه وما تبرد!!
طاحت لجلك يمحمد
الى روح صديقي وخالي العزيز محمد محسن عنيد الساعدي
×××××
جمره الدمعه وما تبرد--طاحت لجلك يمحمد
صار اسنين وما ننسه
وحسبالك ميت هسه!
والمأسات الما تنعد!
طاحن لجلك يمحمد!
×××××××
ويه أصحابي اتعنينه
ونتناشد كبرك وينه!
من ابعيد ايناديني--كَبرك ويصيح العيني
ويكلي أهنانه اتوسد!
وطاحن لجلك يمحمد
×××××××
يمحمد مبري الذمه
ماتت وياك البسمه
ماخذ فرحتنه ورايح--ماردك لينه الصايح
وجروحي الما تتضمد
طاحن لجلك يمحمد
××××
جمره الدمعه وما تبرد--طاحت لجلك يمحمد
صار اسنين وما ننسه
وحسبالك ميت هسه!
والمأسات الما تنعد!
طاحن لجلك يمحمد!
االساعدي
رحم الله من يقرء سورة الفاتحه لروح صديقي وخالي العزيز المرحوم المعدوم المظلوم
محمد محسن عنيد الساعدي ولامواتنا وامواتكم واموات المسلمين
رد مع اقتباس
المشاركة الأصلية كتبت بواسطة كبريائي قاهرهم
