اعمه وكع بالبير! مساجله مع حسين الساعدي ومجموعة شعراء
الشاعر حسين الساعدي
https://www.facebook.com/profile.php?id=100004937287056&ref=tn_tnmn
سؤال دارمي من حسين الساعدي
والدعوه عامه لجميع الشعراء
أعمه الوكع بالبير والحَيه يمه
وأشلون الأخرس فوك يكدر يعلمه
؟؟؟؟؟؟؟
بقلمي
ااااااالساعدي
=========
الشاعره وسن المعموري
بس كلي هاي شلون رهمت يغالي
المايحجي والميشوف والحية تالي
الشاعر حسين الساعدي
ياوسن رهمت هاي بين اعمه والبير
والأخرس ابهل حال دبروله تَدبير
الشاعره وسن المعموري
مامش ابد تدبير ياخوية يحسين
ندبر للعمه يشوف بس كلي من وين
الشاعر حسين الساعدي
كلشي واله تدبير لو فكرينه
بالحيه وسط البير والعميه عينه
خالد النوح
يلوب الاخرس كام فزّع الامه
يخلص الاعمه شلون كل هذا همه
الشاعر حسين الساعدي
والاخرس ابصحراء ما يمه واحد
بس يمه هذا البير والاعمى كاعد
خالد النوح
حلهه الوحيد اليوم يذب روحه وياه
ويكتل الحيه هناك وربك اليرعاه
الشاعر حسين الساعدي
جنه ابليه انوب طحنه ابَليتين
ياهو اليجي ابصحراء ويطلع الاثنين
الشاعر سيد حميد النوري
بل مستحيل اتريدتمتحن الافكار
لل ماله حل ماشوف يوجدعلى عار
الشاعر حسين الساعدي
نكتب سبب ونريد نوصل للِإبداع
شيطلع البلبير ويرفعه للكاع
الشاعره وسن المعموري
اغلق يخوية حسين حل ابد مامش
والأعمه ربه وياه لو راد اله يعيش
الشاعر حسين الساعدي
لا ما نعوفه اشلون اعمه اويه حيه
ونوبه طاح ابير صعبه القضيه
الشاعره وسن المعموري
جا شنهي جا شتكول بحلك عليهم
اخرس وابد ميشوف والحية بيهم
الشاعر حسين الساعدي
لابد نلاكي اليوم حل اوطريقه
ونخلي الاخرس هاذ ينقذ صديقه
خالد النوح
عنده رمل هيال خل يردم البير
ويصعد عله الرملات هاي التدابير
الشاعر حسين الساعدي
مسكين الاعمى انوب رايد تطمه
هو الرمل بالبير ياهو اليلمه
الشاعره وسن المعموري
خلي هالخرس هذا يصرخ بصوته
ونتقذ رفيج البير لو يمر موته
الشاعر حسين الساعدي
كون الخرس بي صوت!جا ناده الاعمه
ويحذره من الموت بالحيه يمه
الشاعره وسن المعموري
موش انته كاتب هيج ياخوية يحسين
دليني وين البير وانقذ هالأثنين
الشاعر حسين الساعدي
والحل يجي للكان عنده عَزيمه
موضوع الاستسلام صارت قديمه
خالد النوح
تحرجنه ليش حسين بهذا سؤالك
ما عندي كل حلول الله بدالك
الشاعر حسين الساعدي
ما أحرج الطيبيين وبهل رتابه
بس رايد اتكثرون من هالكتابه
سعد مهزول الجشعمي
يالناطر انته بهاي تنحل قضيه
لخرس يمد الروح ينقذ اخيه
الشاعر حسين الساعدي
نفرض حبل بالروح هَم ما يشوفه
اعمه الوكع بالبير عاين ضروفه
الشاعر صلاح الركابي
هامشكله يحسين مو صعب حلهه
الاخرس نزل للبير بيده وكتلهه
الشاعر حسين الساعدي
ما نزل لكن طاح والطيحه طيحه
والحيه يمه اشلون عنها نزيحه
الشاعره وسن المعموري
مو شغله استسلام والوكت يخلص
والأعمى اجاه الليل والحية تكرص
الشاعر حسين الساعدي
يعني احنه متوازين ما عنده فرصه
فكروا ابسريع اوياي راحت تكرصه
الشاعره وسن المعموري
ماكرصته وموزين تطلع شريفه
الحية والميشوف صارت وليفه
الشاعر حسين الساعدي
حيه واجاهه ابير واحد تشوفه
اتلدغه لدغة موت لا ما تعوفه
الشاعره وسن المعموري
الكل الحياية سموم مابيها كل راي
بس احتمال نشوف توليفه من هاي
الشاعر حسين الساعدي
بلعكس ضد الناس هالحيه هايه
كتلت اشكد طيبين من البدايه
الشاعره وسن المعموري
اتوصلت لحلول مامنها رجعه
خلي هالأعمه يموت محد يطلعه
الشاعر حسين الساعدي
يمعوده شتكولين لا يسمع الراي
والاخرس المحتار ما يقبل ابهاي
حسام الوحداني
هذا السؤال اشلون دبرته ومنين
يطلع الاعمه اليوم وبجاه الحسين
الشاعر حسين الساعدي
وبجاه ابو السجاد يطلع حقيقه
بس خل نفكر كون نلكه الطريقه
خالد النوح
فكرت كلش حيل ولا حل لكيته
والاعمه هل مسكين جتي منيته
الشاعر حسين الساعدي
جتي منيته اشلون ويصيح ابصوت
شنهي الطريقه ابهاي خل نسبك الموت
الشاعر جبار العايدي
بحجاره او منفوك يضرب الحيه
صدكني ماتحتاج فكره القضية
الشاعر حسين الساعدي
احجارتك متفيد والحفره ضلمه
خافن تطيح انوب وبراس الاعمه؟
الشاعر صلاح الركابي
اعمى وخرس يحسين شلون اجمعتهم
وجماله حيه وبير مو خبلتهم
الشاعر حسين الساعدي
أخرس واعمه اليوم طلعوا سويه
والاعمه طاح ابيير أنه اشعليه
علي رحمن الفضلي
هالفكرة كلي شلون ماترهم تصير
هم سامع انت بيوم السمجةدطير
الشاعر حسين الساعدي
عوف السمج هاليوم عدنه قضيه
شيطلع الاعمه ابساع لتكرصه حيه
علي رحمن الفضلي
صار الفكر امواج بس ماكو اي حل
بس الله من يريد الاعمى يندل
الشاعر حسين الساعدي
هَم ضلمه هم ابيير هَم أعمه ميشوف
والأخرس المحتار دبرله معروف
علي رحمن الفضلي
والاخرس اليفوك شنهي قضيتة
بحجارة لو عصات تنطق سجيتة
الشاعر حسين الساعدي
الاعمه وسط البير طايح عله الساس
والاخرس اللي فوك يلطم عله الراس
الشاعر سجاد الساعدي
ربك اذا ما راد لا ما تكرصه
جا وصّه جبرائيل حولها عصه
الشاعر حسين الساعدي
بَس هذا الاعمى الطاح ما هو موسه
والأخرس ابهل حال سواهه هوسه
الشاعر احمد ابو كوثر
يضرب حجر بالبير لو حجر دونه
بلكي الوكع بالبير تصدك ظنونه
الشاعر حسين الساعدي
ما اعتقد وتفيد هاي الطريقه
بالحجر خاف ابساع يكتل صديقه
ليث الملكي
إمنين اجتك هاي يحسين الافكار
مو عكلي هايم بيك طشرته طشار
الشاعر حسين الساعدي
ياليث الاخرس حار ممكن تعلمه
رايد طريقه ابساع ليموت الاعمه
عباس الساعدي
يدعي اللة الأخرس كون ما تصل يمة
وتدري أنتة بالمظلوم مايبقه همة
الشاعر حسين الساعدي
والاخرس ابيا حال شاف البلاوي
ماظن تفيده اليوم كل الدعاوي
عباس الساعدي
يدعي اللة الأخرس هيج عالفطرة يفلان
وما ضن بعد يحسين يوصلة ثعبان
الشاعر حسين الساعدي
وقت الدعاء لو طال يفقد صديقه
فَكر بالاستعجال ضلت دقيقه
نور العاني
ربك اذا راد الأخرس يحجيه
وتذكر أنت بيوم يوسف شجرى عليه
الشاعر حسين الساعدي
يوسف نبي للناس معروفه قصته
وهذا أخرس وسكران خليهه سكته
ههههه
عباس الساعدي
يوسف نبي يانور ومايمة حية
بس صدكي لاميموت كبل المنية
الشاعر حسين الساعدي
يوسف نبي يا ناس عنده قضيه
والاعمه هذا انسان طاح ابليه
طه الصميدعي
ما يكدر وما لوم مو حكه ينلام
جنب الحياية اصحيح مد مندر ونام
الشاعر حسين الساعدي
يا طه الاخرس حار والحاله صعبه
والاعمه طاح ابيير جا هيه لعبه
عباس الساعدي
أدري أنة ولعباس كل هاذة ضني
من أول ألابيات يدعي ويفضني
الشاعر حسين الساعدي
بس هذا الاعمه دوم ينسه دُعائه
ما فكر إمن ايطيح بس إبلائه
عباس الساعدي
صدك لكيت الحل يحسين جبتة
يشمر علية طابوك وهوة وقسمتة
الشاعر حسين الساعدي
لو يشمر الطابوك يعني المنيه
يمكن يضل بالبيير متلدغه حيه
الشاعر جبار العايدي
اخرس. او اعمه اشلون من صادقتهم
سرها صعب يحسين لو حلها عدكم
الشاعر حسين الساعدي
من غيبة البلناس صفوا سويه
مادَره ايطيح ابيير وبنصه حيه
جليل الغريب
اخرس واعمه وياه والحية ثوله
الوكع مامحتاج يصعد بطوله
الشاعر حسين الساعدي
الحيه يبن الناس كلش ذكيه
ضمته التالي الليل وجبه هَنيه
أبوطيبه السعيدي
االأخرس حزن للكاع لو وصل دمعه
الحيه هيه تصير حبل اليطلعه
الشاعر حسين الساعدي
بير ابعمق عشرين ما توصل ايده
والحيه بس مترين ماظن تفيده
علي رحمن الفضلي
اخرس يروح ينام احسلة يرتاح
هاي القضية اليوم مابيها مفتاح
الشاعر حسين الساعدي
مو حل يعوف الطاح ما بين الهموم
والاخرس ابهل حال ما يشتهي النوم
أبوطيبه السعيدي
يشمر حبل بس كون مايوصل الكاع
وزلم الصدك بلضيج تتحول إسباع
الشاعر حسين الساعدي
صحره ودرب مكطوع ما تلتكي احبال
ندري الزلم بالضيج تتحول ابطال
علي الغالبي
يركض يلم الناس وياهم ايعود
تاليها هية الناس تتناوشة ابعود
الشاعر حسين الساعدي
وين أكو بالصحراء ناس إوعوادين
اقرب سلف تلكاه يبعدله يومين
أبوطيبه السعيدي
إيشكك إهدومه يصوغ من عدهن حبال
فكره سديده وليش ماخطرت إبال
الشاعر حسين الساعدي
بيير ابعمق عشرين شيوصلهه للساس
كل البقن وياه دشداشه والباس
هههههههه
علي الغالبي
من كون الف طاكوك طكة ابجبينة
خايب دعوفة يموت احنة شعلينة
الشاعر حسين الساعدي
لا ليش الاعمه ايموت والله خَطيه
فكر نطلعه ابساع لتلدغه حيه
ياسر الابراهيمي
اعمة الوكع بالبير والحيره حيره
والاخرس اعمه يشوف علته جبيره
الشاعر حسين الساعدي
هذا الوصف معروف دَطني التدابير
عن هذا الاعمه اشلون لو يبقه بالبير
أبوطيبه السعيدي
موش أعمه أعمه الشوف لاأعمه الگلوب
يهجج حيايه البير وتضيع الدروب
الشاعر حسين الساعدي
مكتوبه الاعمه ايطيح والطيحه طيحه
والأخرس ابهل حال راد النصيحه
Rem Ahmad
الاعمى راح ايموت هاي الحقيقه
والاخرس ابهل بير يدفن صديقه
الشاعر حسين الساعدي
لا ما يدفنه اشلون ويشوفه بي روح
يعرف حياته انوب يكضيهه بالنوح
أبوطيبه السعيدي
أتوقع آنه إتشوف خانكهه بيده
الظلمه علعميان ماهي جديده
الشاعر حسين الساعدي
الحيه يمه اتحوس شافاها الاخرس
كربت عليه شبرين والاعمه ما حَس
أبوطيبه السعيدي
من هوه بوسط البير بلكت عليهه
ومو بلوه ليه تصير، هو بلوه ليهه
الشاعر حسين الساعدي
هالحيه حية بير كلش ذكيه
والاعمه هذا اليوم صاير ضحيه
أبوطيبه السعيدي
مايحجي الاخرس دوم بس عنده صيحه
بثغبه وحيايه الكون صارت طريحه
الشاعر حسين الساعدي
يتكمز اعله البير بس فاقد الصوت
يدري ابصديقه الطاح وب حية الموت
أبوطيبه السعيدي
ثغبة خرس يحسين شنهي القضيه
إتضيع المشراد لو مو ذكيه
الشاعر حسين الساعدي
يثغَب لَجن ما فاد ثَغباته خلب
ما بيها ومضه اوصوت كلش تَعذب
أبوطيبه السعيدي
كل أعمه نعرف بيه شايله عوده
إتنفعه من تلفاه كل ساعه سوده
الشاعر حسين الساعدي
هالعصه هاي اوياه وضيعهه بعدين
لمن وكع بالبير مدفونه بالطين
أبوطيبه السعيدي
ماعنده ناي وياه ويعزف بنايه
يركصهه حد منشوف حد للرواكه
الشاعر حسين الساعدي
لا والله يبن الناس ما عنده كل ناي
بس اخرس وسكران ومضيع الراي
لشاعر منذر الدراجي
عزم بعزم شديت يالاخرس ابير
للاعمى انزل روح واشرحلي تفسير
الشاعر حسين الساعدي
نعرف بابو الطيبات وبهل مواقف
والشغله خطه اتريد مو بالسوالف
الشاعر منذر الدراجي
خطه حرب يحسين شنهي القضيه
معقوله خطه تريد كتله الحيه
الشاعر حسين الساعدي
خطه ونريد ابساع مابيها رجعه
والاعمه هالمسكين لازم نطلعه
الشاعر منذر الدراجي
بيده يكض عصاه ويطكهة عالراس
ويخلص الاعمى اليوم من ام الاجراس
الشاعر حسين الساعدي
الاعمه طاح ابيير كلش غميجه
والاخرس الصحراء يبست ريجه
الشاعر منذر الدراجي
وكت الصبح لو صار معناهة عدت
والقصد بيهم عود حيه وتغدت
الشاعر حسين الساعدي
ليش الثنين اتروح خو واحد ايموت
والاخرس إمن ايصيح من يسمع الصوت؟
الشاعر منذر الدراجي
ياخويه كومه حلول ناس اكتبولك
ولو بيتك انتا هنا جان اعتنونلك
الشاعر حسين الساعدي
ما قصروا طيبيين بس ما لكو حل
هالاعمه طاح ابيير والحية تكتل
الشاعر منذر الدراجي
ينزع قميصه بساع ويذبه عالراس
دنياهة ضلمه تصير وتسكت الانفاس
الشاعر حسين الساعدي
بيير ابغمج تيلين شنهي قميصه
دورلي حل مقبول صارت عويصه
أبوطيبه السعيدي
أعمه وخرس مفروض كلمن طريجه
صحبت دكامه وشوف هاي النتيجه
الشاعر حسين الساعدي
هاي النتيجه اتصير خير وسلامه
صَدكني لوما البير ماكو ندامه
الشاعر منذر الدراجي
مو اعمى كاده اليوم لا يابو طيبه
يشرحله بالتاشير هاي المصيبه
الشاعر حسين الساعدي
والاعمه بالتأشير شنهي اليجيبه
وتنبهه وبكل حال لازم تصيبه
الشاعر منذر الدراجي
ياخويه شنهي البير كبرته هالكد
موهيج عمقه تكول تيلين وازود
الشاعر حسين الساعدي
يوسف واخوته االبير غمجه ويعرفون
والاعمه لمن طاح متشوفه العيون
الشاعر منذر الدراجي
الاخرس نزل للبير عالركبه ثنه
حط الاعمى فوك اجتاف ويرفعه النه
الشاعر حسين الساعدي
اشكالولك اعله البير جا هو نكره
والنكره هَم اتصير جوه اعله متره
الشاعر منذر الدراجي
سواهة الاخرس كام ذب روحه بالبير
موروحه طكت راد من عدنة تبرير
الشاعر حسين الساعدي
الاخرس ابهل يوم حار ابصديقه
ما يذب روحه ابيير يعرف طريقه
الشاعر منذر الدراجي
لو نزل وسط البير وبروحه ضحه
للاعمى هالموضوع ياهو اليشرحه
الشاعر حسين الساعدي
والاخرس إمن ايطيح ما يطلع ايجوز
ويتعاركون اهناك هم ماكو حاجوز
أبوطيبه السعيدي
القايش وكف يحسين ماعندي تفسير
أخرس وعود إيشوف إشجابه للبير
الشاعر حسين الساعدي
الاعمى هو الراح يقضيله حاجه
تالي وكع بالبير مثل الدجاجه
الشاعر اسعد الزويني
لو طاح الاعمى ابير ...بس بخته ينفع
يخلي الاعمى يشوف...من بيره يطلع
الشاعر حسين الساعدي
ما شفنه اعمه ابيير رداله شوفه
خافن كلامه ايروح وتصيبه خوفه
مرتضى الحميداوي
شخصيا
الاصم والمكفوف مــــــــــا الهة حل هاي
وكل الحياية تخون بس حية الماي
الشاعر حسين الساعدي
الحيه كون اتهون شيهون البيير
والأخرس ابهل حال رايد تدابير
-----
مصطفى بندر الحميداوي
السلام عليكم ورحمت الله وبركاته اخ حسين الساعدي
انزل ودوس حياي لجلك يلعمه
خل اليصير يصير الخوة مو جلمه
----------------------------------------
الشاعر حسين الساعدي
هالاعمى طاح ابيير ياهو اليطلعه
والاخرس ابهل حال بعيونه دمعه
الشاعر حسين الساعدي
تدرون الأخرس هاذ جان ايتحلم
فَز شاف الاعمه ابخير يمه ايتبسم
نسيت اكلكم هذا كان مجرد حلم
الاخرس اتحلم بصديقه الاعمه
طايح بالبير بعدين فز من النوم
شاف الاعمه بخير وانتهت المشكله
وهذا هو الحل هههههههههههههه
وشكرا لروعتكم ولكل من شارك
بهذا السؤال وكنتم جميعاً بقمة الروعه
شكراااا لرررروعتكم
الشاعر حسين الساعدي
تدرون الأخرس هاذ جان ايتحلم
فَز شاف الاعمه ابخير يمه ايتبسم
تعالوا ساجلوا بلمباشر فقط في صفحة العملاق حسين الساعدي
والدعوه عامه لجميع الشعراء
https://www.facebook.com/profile.php?id=100004937287056&ref=tn_tnmn
رد مع اقتباس
المشاركة الأصلية كتبت بواسطة Mujtaba Xavi
