هنا

[الأشتری]

---

سمره وحچيهه اشگد حلو لو سولفت يتگاطر من اشفافهه ليلو وشکر

و لو سلهمت عين الخجل بهدابهه...تتلاطم امواج البحر

والطيب بيهه اجمل صفه والشرف وي ظفرة گصايبهه انظفر

متحجبه إبفي النخل وامکحله ابليل السهر

بخدودهه اتذوب ألشمس...؛لونامت على اچفوفهه اينام ألگمر

خطابه اجوهه من السلف وتزهبت يوم الوصل ليهه الخبر

شنهي ألصداق الرادته ومن عدهم اشطلبت مهر...؟

ذبت الشيله وهلهلت...؛وشطوط سالَن علــ وجن من النظر

صاحت یا شتال الورد.. وردة حسنکم ذوبلت من القهر

يهلي وگيعان الشرف هم تحلم إبزخت مطر...؟

يهلي ومن طبع ألزلم لو هلهلت بنت ألسلف تصبغ بيارغهه ابنزف دمهه ألحمر

ومن شيمه احلوگ الرحي ابيوم الگحط تطحن صخر...

چايمته يلتم ياهلي شمل الذي شته الدهر؟

چايمته طارشکم يجي جايب السمرتکم خبر...؟

مليت من کثر ألأمل وجفوني ذبلهه السهر...

مدة هجرکم طَولت چأيمته حاديکم يرد من السفر...؟

چايمته طارشکم يجي جايب السمرتکم خبر...؟

[فاينمن]

سلام مع کمال الادب والاحترام
انا بحثت حول بیت من ابیاتک فی موضوع بحث ادبی فی موضوع الابوذیه ارجوا ن تسامحنی لان ما اخذت اذن
اذا یمکن اذهب الی الموضوع واذا کان فی غلط خبرنی
و ارجوا المعذره

[الأشتری]

لا عادی اخی الحبیب...
و الله توا دخلت علی موضوعک و قریته لکن مع الأسف ما فهمت آنی امقصر ابحق الأبوذیه او ماذا...؟

[فاينمن]

لا والله انته مو غالط ابهای الابوذیه لکن انته فی البداهه راعیت الاصول دون ان تدرس های المواضیع وانا استدلیت ابهذا البیت لان انته اجدت فیه فلنفرض انته جاعل کلمة لفظه فی الجناس چان البیت صارت ما بی ذوق حتی لو انته اتعدل الشطر الاول والثانی علی جناس لفظه (یعنی تبنی بیتک علی جناس لفظة لکن الشطر الثانی ماتغیر بی ای شی غیر الجناس اتحوله من کلما الی لفظة )چان صار البیت ما بی ذوق

[الأشتری]

حبیبی سام شکراً جزیلاً و هذا شرف الی طبعاً...و اذا احتاجیت شی آنه موجود...ولو اکتب الشعر علی الفطره لکن هم اعرف بعض الأشیاء...

[دُعےـــآء]

قصيدة اكثر من رائعة
استمتعت بقرائتها
شكرا لفته ..

[قناص المدينه]

رؤؤؤؤؤؤعه عاشت ايدك

[الأشتری]

شکراً لکرم مرورکم