بسم الله الرحمن الرحيم
اللهم صل على محمد وآل محمد وعجل فرجهم
شكد يتامه
شكد يتامه = وعلي ماكو بهالزمن
شكد يتامه = لو تجي يابا الحسن
وطن عدنه لجن جارأعلينه ... نريده منك ياعلي مهدينه
لوتجي يابا الحسن
ـــــــــــــــــــــــــ ــــ
حاير بشكواي ومنـــين أبتدي
وانه جايبهه حزن من مولدي
ضدي كل هالناس جن لوحدي
هاذ حال الشيعي بعدك سيدي
كلهه ضدنه = امن انولدنه ياعلي
كلهه ضدنه = شوكت همنه ينجلي
غير شخصك لأن ماحبينه .. نريده منك ياعلي مهدينه
لوتجي يابالحسن
ــــــــــــــــــــــ
من كثر ماجـــنت بيتــــامك حنون
ايتام كلهه أتمــــنت الـــوادم تكون
اللـــيله كلهه ألكبتك تربي العيون
اعليك دمعتهه التصب حاشا تهون
كفرونه = والســـــــبب حبك لأن
كفرونه = وغربه متنه بهالوطن
ادخيلك احنه شيعتك نادينه .. نريده منك ياعلي مهدينه
لوتجي يابا الحسن
ــــــــــــــــــــــــ
يالهويت اللــــيل ونجـــوم السمه
لان بي تروي اليتامه امن الضمه
جم يتيم اليوم ياحـــــــامي الحمه
يموت سكته بهاللــيالي المظلمه
يموت سكته = وياهو يدري بحالته
يموت سكته = وتبقه تحجي دمعته
حاشا ياحامي الحمه اتخلينه .. نريده منك ياعلي مهدينه
لوتجي يابالحسن
ـــــــــــــــــــــــــ ــــــ
ألموسى انته البـحر موشكيته
يوم نـــــــاده أدخـــيلك ونجيته
وهذا قرص الشمس مورديته
اعليك سهله المهدي لووديته
تدري بينه = اعليك مايخفه أسمعت
تدري بينه = يسيل دمنه بكل وكت
لأن وياك العهد خطينه.. نريده منك ياعلي مهدينه
لوتجي يابالحسن
ـــــــــــــــــــــــــ ـــ
ندري يوم الفرج أصبح موبعيد
لجن بينه النــار تســعر ماتهيد
كل مــسيه نودع احنه جم شهيد
أدعي الله يظهر المـهدي نريد
حان وكته = خل يرد كل ناصبي
حان وكته = كافي زينب تنسبي
لون كافلهه هوت جفينه ... نريده منأ ياعلي مهدينه
لوتجي يابالحسن
ـــــــــــــــــــــــــ ـــ
صعبه نترك هالارض يابا الحسن
بيهه كبـــــرك لأن يالغالي أندفن
ننشد ألي هـــاجر وعاف الوطن
عالنجف اعـيونه خبرنه انعمن
منو يكدر= يحمل افراك النجف
منو يكدر= يمنـــع الدم لونزف
اشما نزفنه ألك ماوفينه.. نريده منك ياعلي مهدينه
لوتجي يابالحسن
ـــــــــــــــــــــــــ ـــ
رد مع اقتباس
المشاركة الأصلية كتبت بواسطة قناص المدينه
