فرصتنه ياحيدر أجت نتعنه للشام
لن ماحضرنه ابكربله واحمينه ألاخيام
فرصـتنـه ياحـــيدر أجت نتعنـــه للشام
زينب يضل غالي خدرهه ... نزحف ملايين الكبرهه
ـــــــــــــــــــــــــ ـــــــــــــــــــــــــ ـــــــ
نار الخيم لســـه يحـــيدر بينـه تلهب
ولسه ننوح أعله الخدر ذاكه التسلب
لامانسينه ألطاح عالشاطي وتخضب
ياعلي خلصنه العــمرنصرخ يزينب
لوماوكفنه ياعلي ابليلة العاشر
انعاهدك جينه وحك دمك الطاهر
ونعاهد حسين وكمرهه .... نزحف ملايين الكبرهه
ـــــــــــــــــــــــــ ـــــــــــــــــــــــــ ـ
أنكشفت نوايـــاهم يحماي الحميه
عدهم مخطط للحرب كوم أل أميه
هددوا زينب مــــادروا بالجعفريه
لمن نثور انعـــيد يــوم الغاضريه
وجينه نكلك ياعلي عالعــــهد باقين
ابليلة مصابك نقسم نجددهه صفين
وحرمله يسمعنه وشمرهه .... نزحف ملايين الكبرهه
ـــــــــــــــــــــــــ ــــــــــــــــــــــ
انصارك احنه يبوحسين وتدري بينه
مرقدهــه زينب يـاعلي غـالي علينه
نقسم وحـــك دمــك اللــيله ياولينه
للشام موبس نعتني لرض المدينه
لامانكول الله اليســامح يالصميده
لاعفه الله أعلى السلف هايه بعيده
ولاتنفع الحسره النجرهه .... نزحف ملايين الكبرهه
ـــــــــــــــــــــــــ ــــــــــــــــــ
ابليلة مصابك ياعلي يصــــيح الموالي
كلشي يهون أله الخدر عالشيعه غالي
لوكلهه اهـــل الدنيـــا ضدنــه مانبالي
اجنودك احـنه ياعلي ونته ألنه والي
اهناك يم زينب نريد انهز بالأعلام
ونعيد ماضينه ونجدد ذيج ألايـام
نطلع اميه من وكرهه .... نزحف ملايين الكبرهه
ـــــــــــــــــــــــــ ــــــــــــــ
جنهم نسوا يـوم الطفوف أبن مظاهر
شخاطبهه زينب ياعلي ابليلة العاشر
هالليله مثله انــــادي اتشوفينه باجر
بحقكم قليــــله اشمانقدم من منـاحر
بحرمة مصابك ياعلي ودمك الليله
جينه نكلك لاتخاف اعله العقـيله
الكاع لوصلنه نطرهه .... نزحف ملايين الكبرهه
ـــــــــــــــــــــــــ ـــــــــــــــــــــــــ ــ
عباس ندري اللـيله ويانــــــه يحيدر
عاف النهر واعله المهر بالرايه يفتر
ينتظر بس منك أشــــاره الله واكبر
ولاشــام تبقى لوفزع راعي الخدر
مايترك أخته بالغرب ياعلي ابحيره
عباس ونعرفه شهم صاحب الغيره
ومن ينصب الرايه ابكترهه .... نزحف ملايين الكبرهه
رد مع اقتباس
المشاركة الأصلية كتبت بواسطة عذب المشاعر
