لشاعر ضياء العتابي
قصرت
قصرت لمن عفتني بلاوداع
وأسئل عيونك تكلك قصرت
يلي من عندي خذت راحه البال
وحتى روحي اوياك راحت من رحت
رحت ماجنك الي حالف يمين
وانت وحدك بالكلب ساكن كلت
وأغله من عمري كلت وأمي وأبوي
وبيك أشدمن أهلي كلهاتعلقت
ماكوغيرك بالكلب وانت الوحيد
وعندي أغله من الهوه والمي صرت
شعجب من بعدالمحبه يغيروك
وبلي رادواعنك أبعدصدكت
ماشفت كلبي شكثرخايف عليك
وشكثرلاجلك عذاب تحملت
ماقريت بعيني حايرجم سؤال
وشفته يصرخ بأسمك وماجاوبت
فجاه لنك جني بعيونك غريب
وبالعجل كلك عليه تبدلت
وانه ياماحاولت احظه بهواك
وأنته تبعدعني ياماحاولت
وألف مرة لبيتك مفرفح أجيت
ويامابأهلك ياحبيبي توسلت
عودأعوفك وانسه حبك مستحيل
انه بالنسيان ابدمافكرت
حتى لوراوني انواع العذاب
وحتى لومليون وصله تكطعت
ولاتظن عنك بعيدوماأجيك
انته مويم أهلك بكلبي عشت
يلي فوك زنودي وبحضني غفيت
وعله صدري بكل دلال اتوسلت
يلي جنت تكلي دونك مااعيش
واغله منك لوشبيهك ماشفت
يلي جنت حنين وكلبك رقيق
وغيروك وعل قساوه تعودت
ومن اجيتك لاحظت وجهك غريب
ومن حجولك بالعواذل صدكت
ومن رحت عني أجوني بكل سرور
تصورواماضي بحياتي تحولت
وكالواأحنه نعوضك وخليه يروح
أنته من حب اليخونك ماتبت
وارفضت انطيهم بكلبي مكان
وصعبه أبدلك وانه مثلك ماشفت
راح اضل كل عمري متأمل هواك
وجنك بنص كلبي باقي ومارحت
ولوعليك الناس سئلوني أكول
حبي الأول والأخيرانت جنت
رد مع اقتباس
المشاركة الأصلية كتبت بواسطة المستبده
