بسم الله الرحمن الرحيم
قصيدة الام محزنه جدا
يا مسندي كلبي على دوم يطريك ما غبت عني وطَفك سمايا
وهذه ثلاث سنين والعين تبكيك ما شفت زولك زايلٍ يا ظنايا
تذكر حياتي لما اشيلك وداريك ولعابك بداري وتمشي ورايا
تركد على صوتي وحظني يدفيك وما غيرك حداً ساكن حشايا
ويا ما رحت اسهر بقربك وداريك ما ذوق طعم النوم صبح ومسايا
ويا ما عطيتك من حناني وبعطيك وتكبر وتكبر با الامل يا بنايا
لكن خساره بعتني اليوم وشفيك وخلصت للزوج وانا لي شقايا
انا ادري انها قاسيه ما اتخليك كالت عجوزك ما ابها معايا
خلتني وسط المصحه وانا ارجيك هذا جزا المعروف وهذا جزايا
يا لتني خدامتك مابين اياديك من شان اشوفك دوم براضايا
مشكور يا وليدي وتشكر مساعيك وادعيلك الله دايما بالهدايا
حمدان يا حمدان امك توصيك اخاف ما تلحق اتشوف الوصايا
وصيت دكتور المصحه بيعطيك رسالة وحروفه من بكايا
وان متت لا تبخل عليه بدعاويك واطلب ليه الغفران وهذا رجايا
وانثر التراب القبر بدموع عينك ما عاد ينفعك الندم ونعايا
رد مع اقتباس
منور
