عليك اعيون ماضلن ولا شوف
وعلى يكولن ما امشي على الشوف
ولو تبعد يمحبوبي ورة الشوف
كَلبي يجيك يمشي ثلثمية
من مر بضعنكم شفتة شافاك
وعليل انتة ابغرامة شفتة شافاك
تدري اصار بية شفت اشافاك
طحت للكاع حيل اثرن بية
ورطني الوكت بنذال وانجاس
ونك ا يكَلبي صار ون جاس
لون ايدك تحطهة علي ونجاس
اطيب وما تضل ونة خفية
يراوني الدهر جورة وضلمة
يليلة ماتصح كمرة وضلمة
وسرك باقي ابكلبي وضلمة
اسولف بية حد جيت المنية
يدنية ابحلكج المر مو حلاني
واضن وياج مشيي مو حلاني
صحيح الوجة املح مو حلاني
بس حلوات عندي هواي بية
حبك حيل بكَليبي ترسلك
وروحي ابكل وكت اني ترسلك
واذا تبعد على صدك ترسلك
درب بي نار حتى اتعود الية
مع كل التقدير والاحترام
الخزاعي حيدر
رد مع اقتباس