هنا

[علم الهدى]

السلام عليكم ورحمة الله وبركاته

لقد برزت في الآونة الاخيرة ظاهرة التقديم على الامتحانات الخارجية للسادس الاعدادي و الثالث متوسط في المدارس الاسلامية وكثرة اقبال الشباب عليها

حتى من ليس لهم اية رغبة في الدراسة وبدئت تفوق او توازي نسبة المتقدمين ما بين الخارجي التابع لوزارة التربية و ما بين خارجي تلك المدارس وتساؤلي

هنا هل هي ظاهرة سليمة وطريق قويم مبني على اسس رصينة فكما تعلمون يا ايها الاعزاء من بنى اساسة على جرف هار انهار به واكثر ما لفتة انتباهي هو

قبل عدة ايام قابلنا احد المدرسين وهو يوصي اقولها بالهجتنه (بيك وما بيك اتعبي اجيوبك براشيم) فأتت في بالي فكرة طرح هذا الموضوع عليكم ايها الاعزاء

وأخذ آرائكم هل هي ظاهرة سليمة ام ماذا وما هي ردودكم كل الآراء محترمة ومقدرة

مع تمنياتي لكم بالتوفيق والتألق

[هدوء الكون]

اكيد ظاهرة البراشيم حالة سيئة ومن غشنا فليس منا
كيف نبني مجتمع بهذي السهولة وعن طريق الغش

تحيااتي

[نـــائل]

هههههههههه هذولة بعد فترة .. قد تكون مو بعيدة .. راح يقودون البلد ..

واكيد قسم منهم جانو مظلومين او عدهم ضروف .. بس القسم الاكبر لا

[Lionel Ali]

والله اختي الموضوع حلو عجبني كلش بهذ الوقت الطلاب كلهم يغشون واني واحد من الناس واحد ليش يكذب ويكول اني ما غشيت بس الحقيقه اني اتعلمت الغش بالاعداديه بصراحه دمرني كنت سابقا مستواي كلش زين بس الاعداديه شويه تعبتني وتركت كم سنه ورجعت بس الغش مو دجائما يعني بالوزاري لو اموت ما اغش يجوز اروح بيهه بالنسبه للغش اثناء الدوام يعني غشيت هواي بالامتحانات الشهريه ونصف السنه غشيت مرة وحدة وبيهه حصلت غلى درجه 67 بالفلسفه بالخامس ادبي بس قديمه كلش ولو ما غشيت بوكته جانت درجتي 20 هههههههههه شكرا على الموضوع هذا رأي واعتقد نسبة الغش بالعراق كل الطلبه الشباب 92% اما البنات ما اعرف بس حسب ما اعتقد 70% لان البنات شوية يخافن هع الشباب جريؤون اسف على الاطالة

[star light]

اكيد ظاهرة غير مرغوب فيها وقول الرسول (ص)(من غشنا فليس منا)صدق رسول الله شكرا لطرحك للموضوع

[علم الهدى]

آني احييكم على هاي العقول المتفتح والناتجة عن حسن اخلاقكم

[البصراويه]

ظاهره المدراس الاسلاميه شي حلو وراح ينفع هواي ناس نحرمو من المدارس والشهاده بسبب ضروفهم
اما الغش ظاهره سيئه لكن الغش موجود باي امتحانات مو بس المدارس الاسلاميه بس الغش بالوزاي صعب حيل لان راح ينحرم من الامتحان كله بس الشباب مايصعب عليهم شي !!
بالتوفيق للجميع يارب
شكراً الطرح المميز