خلص بالغربه عمري
خلص بالغربه عمري احاه بـحاه وبـروحي شكـثر حصرات خلّيت
مالـوم الگلب لـوصاح ويلاه أنه من ايدي چويت ايدي وتچوّيت
عـله المذبح صلبت احلام الاهواه وصرخ بـيّه الصبر والگبره رديت
دفنت اجمل سنين اصبـاي ويـاه وعـله غفله ادفنت روحي وتبرّيت
نسيته ونـهدم كـل مـابنـيناه هجرتـه وبضعن فـرگاه شدّيـت
مـن اسنيـن ماتت قصتي وياه وبـخيبة عشگ ارعـن تكـفّيت
وكاس الحب عسل حنضل جرعناه كسرنـاه وتـطفّت شـمعة البيت
عجب نبچي عله الكاس الكسرناه هِشمنـاه وتـذره بـمگبرت ميت
من ازمـان ماتت بـيّه ذكـراه وضاعت كـل تصاويـره وتناسيت
يربي آنـه الهجرتـه وردت انساه شجانـي والسراب اهـواه حنيت
شجانـي ونبشت گـبر الدفنـاه وانه بـچفوف اديّـه الگبره ساويت
أشوفه بكل وجـه تندهـلي عيناه ينادينـي وإلـه امْـنبعيـد صديت
لگيته بكل كـتر متجسّده إعضاه يبـات ابداخلـي ويعيش بـالبيت
يعاتبنـي ويواسينـي إعـله فرگاه يگلي گلت أجـي شو رحت ماجيت
هاذه كـتاب آنـه اويـاه قريناه عله ضي النجوم وشـمعت الزيت
فهمت العشگ لاخر نفس معنـاه أمـوت ولايـموت البيـه تنخّيت
عله جروحـي بقايـه من بقايـاه إسـمه بدمي عالشريان شدّيت
عراق أُمي وابوي شلـون انساه وياهو الگـال من عـنده تـبريت
كل سنين عمـري وروحي تفداه عطشان إعـله شوفـه وماتروّيت
لون أگضي العمر بس أگعد اوياه مـامـلّيت مـنّـه ولاتـكفّيت,,,
منقووووول
رد مع اقتباس
المشاركة الأصلية كتبت بواسطة husaam
