السلام عليكم
ممكن احد يساعدني اريد اسس غرفتين بالكهرباء واريد اشتغل ضمن الاستندرات يعني شكد تبعد النقطة عن الباب مثلا او عن الشباك وشكد ارتفاع مثل الواير وكم جوزة احتاج وين اخلي مثلا السيركت الرئيسي اللي يحوي الجوزات وشلون اربط مثلا نقطة بيهة خطين اريد كل شي اتعلم اكووووووون ممنون منكم
المشاركة الأصلية كتبت بواسطة سيف علي سيفوطي
عيني سيوفي الاستندرات هوايه بس المعمول بييه الاتي
1- تبعد السويجات عن حافه الباب ب25---20 سم وتكون دائما عكس فتحه الباب
2- تبعدعن الارضيه مايقارب 110 سم عن مستوى سطح الكاشي .
3- تكون السويجات اقرب الى متناول اليد منها الى المأخذ(السوكت)
4-يكون ارتفاع معدات الاناره الجداريه عن السقف بما يقارب 30 سم ويجب ان تكون بمنتصف الجدار.
5- تضع السيركت دائما في الكليدور على اليد اليمنى وبارتفاع 150--175سم ويفضل ان تضع به قواطع احتياطيه
اسف كلش مستعجل لان الكهرباء راح تنطفي بلكي باجر تذكرني حتى اكملك واني بالخدمه
الف رحمة على والديك
بعد اني متعطش الهاي المعلومات وفهمني الننقطة الثالثة لان مستوعبتها وعلمني شلون اسلك السويج مزدوج او ثلاثي
3- تكون السويجات اقرب الى متناول اليد منها الى المأخذ(السوكت)
يعني انه في حاله مد اليد لمعدات التحكم تكون المفاتيح هي الاقرب ومن ثم تكون المأخذ(السوكت) وبجانبها منظم سرعه المروحه وتكون كلها بمستوى واحد لنحافظ على جماليه الغرفه
شنو تقصد بالسويج المزدوج يعني بيه مفتاحين لو قصدك سويج درج المهم راح اسويلك خارطه واذا تحتاج اي شيء انا بالخدمه وتدلل وتؤمر امر
عيني سيف نرجع لسؤالك الاول والمهم عموما نضع لكل غرفه قاطع دوره احادي(جوزه)( mcb- main circuit breaker) ,والافضل نضع لخط الخدمه (مجموعه السوكت) قاطع مستقل لوحده بحيث اذا حدث اي طارىء لن يوثر على منضومه خط الاناره.
1-حسنا لنأتي على حساب قيمه القاطع
ا- نفرض ان عندنا غرفه بها 4مصابيح ومروحه ومبرده
اولا -نحسب قدره المصباح الواحد حيث نجده مثبت عليه ولنفرضه 100 w اي واط حيث ان 4*100=400 واط
قدره المروحه600 واط
قدره المبرده2000 واط
وعليه فأن حاصل جمع القدرات السابقه
400+600+2000=3000واط
ثم نقسم قيمه القدره الكليه على الفولتيه المستخدمه ولنفرضها 220
3000\220=13.6 امبير(قيمه االتيار المسحوب للغرفه لهذه الاحمال فقط) وبنفس الطريقه تحسب قيمه بقيه الاحمال وتضع القاطع المناسب ويجب ان تنتبه الى امروهو ان تضع نسبه معينه من القيمه المقدره اضافه الى القيمه الحقيقيه تحسبا للاضافات المستقبليه
ولي معك لقاء اخر باذن الله وتدلل
عيني سيف هذا مخطط بسيط للدائره اللي طلبتها
بالمناسبه اذا انت من سكنه محافظه بغداد اكو في يوم الجمعه بشارع المتنبي كتب عديده ورائعه حول التمديدات الكهربائيه باللغه العربيه او الانكليزيه واذا تريد تبحث بالنت تجد الكثير ولولا قوانين المنتدى لكان جهزتك بالكثير من العناوين
بالمناسبه اذا انت من سكنه محافظه بغداد اكو في يوم الجمعه بشارع المتنبي كتب عديده ورائعه حول التمديدات الكهربائيه باللغه العربيه او الانكليزيه واذا تريد تبحث بالنت تجد الكثير ولولا قوانين المنتدى لكان جهزتك بالكثير من العناوين شوف هذا الرابط ايجوز ايفيدك
http://dorar-aliraq.com/t/180838
الف رحمة على والديك
ولووووووو اني طماع راح اتعبك شوية اريد تشرحلي شوية عملي على الرسم لان اني مو اختصاصي يعني شلون اخلي الحار باول نقطة واسوي وايرات صغار اربط جسر من واحد الواحد اشوية انزل المستواي الله يرضى عليك
واريد ربط المروحة ونقطة مال الدرج اللي كتلي بيه
شوف عيني سيف الشرح هنا لا يغني ولا يعلمك شي بس انت لازم تجرب عملي وتاخذ كتاب مال ثاني اعداديه صناعه قسم الكهرباء وتسوي تجارب وتقع بأخطاء وتستفاد منها وشويه شويه لما تصير محترف وماكو واحد اجى للدنيا وهو كلشي يعرف وهاي طلباتك كلها بسيطه وموجوده بالكتاب اللي كتلك عليه. كذلك يمكنك ان تبحث بالنت حول موضوع (اساسيات التمديدات الكهربائيه)
علم التمديدات الكهربائيه كله قائم على دائره مكونه من
1- مصدر الطاقه( كهرباء عامه----مولده -----بطاريه---خليه شمسيه----------الخ)
2-عنصر التحكم ( مفتاح----كونتكتر------الخ-----)
3-عنصر الحمايه(فيوز-مفتاح زياده الحمل ------الخ)
4-الحمل--(مصباح ---مروحه------ تلفزيون-----الخ)
ويمكن تعويض كل من عناصر الحمل بالمصابيح في المخطط السابق
رد مع اقتباس